البنات اللي يلبسون سكارفات ماركة تعالوا ابيكم بسؤال

[Turquoiseya]

السلام عليكم









بنات انا عندي مشكلة بغسيل سكارفاتي
ما احب اوديها المصبغة لاني جد صار لي موقف معاهم واهو ان وديت جاكيت وردوه لي وصخ ومابي اوضح زيادة

فصرت اغسل اغراضي ومنها ملافعي بالبيت وانقعها بماي وشامبو الشيلات وبعدين انظفها بالماي واخليها تنشف على راحتها
بس المشكلة القى بقع صغار عليها صايرة مثل بقع الزيت

هل هالبقع من العطورات؟ وهل معقولة انها ماتروح؟
عنكم فكرة شلون اتحافظون على السكارفات بدون ماتبقع؟ او تنظفونها من البقع؟
ياربي كودتهم بالكبت وصرت اكره البسهم اذا لقيت واحد فيهم امبقع 00 والمشكلة انهم غالين حيل

والله يعطيكم الف عافية :aha:

 

[Dr.Nouf]

انا اتسلف من الوالدة سكارفات ماركة

بس ما اتجرأ اوصخهم لانه العواقب وخيمه !



بس اهيا ماشالله عليها عندهاا اياهم من زمااااااااااان على ايامها يعني .. وللحين ما توصخوا !

بس طريقتج زينة احسن من المصبغه S=

,

 

[bnt_7waa]

غسلت مره بالغسالفه سكارف وصااار اموولح يلوع الجبد

على قد ماتقدرين حافظي عليهم ولاتوصخيهم

او وديهم مصبغه زينه

عندج المصبغه العصريه شغلهم نظيف

موجودين بجمعيه الفيحا - قرطبه - العديليه

 

[Turquoiseya]

انا اتسلف من الوالدة سكارفات ماركة

بس ما اتجرأ اوصخهم :d لانه العواقب وخيمه !



بس اهيا ماشالله عليها عندهاا اياهم من زمااااااااااان على ايامها يعني .. وللحين ما توصخوا !

بس طريقتج زينة احسن من المصبغه s=

,

يعطيج العافية دكتورة نوف
تكفين اساليها اشلون اتغسلهم بدون مايبقعون اذا ممكن

ومشكورة على مرورج العطر

 

[Turquoiseya]

غسلت مره بالغسالفه سكارف وصااار اموولح يلوع الجبدعلى قد ماتقدرين حافظي عليهم ولاتوصخيهم

او وديهم مصبغه زينه

عندج المصبغه العصريه شغلهم نظيف

موجودين بجمعيه الفيحا - قرطبه - العديليه

الله يخس ابليسج لوووول عدمتيه مرة وحدة

فيني طبع خايس ان اي شيء البسه لو ربع ساعة اقطه واغسله
انا لو ما اغسلهم يكون احسن لانهم نظيفين وما البسهم الا نادرا حيل مثل السفر

انا مفكرة احط عليهم فانيش بس خوفج ينعدمون مرة وحدة لووول
وحسافة المصبغة بعيدة عن بيتي ، انا بالمنطقة العاشرة

وجزاج الله خير وتسلمين على مرورج

 

[شنطة سفر]

رد : البنات اللي يلبسون سكارفات ماركة تعالوا ابيكم بسؤال

السلام عليكم
انا من زمان اغسل شيالي وعباياتت بالبيت ما اضمن شغل المصابغ
اول شي اختاري شامبو للعبايات اصلي مثل شامبو الدانات المعطر حلوة حيل ريحتة وما يبقع اول شيى حطية بماى دافي بعدين سويلة رغوة بيدج بعدين حطي اللي تبينة من الملابس لان اذا صبيتية فوق الملابس مباشرة يمكن يبقع

جني قلت قصة حياتي
وبالتوفيق

 

[Turquoiseya]

شنطة سفر

يعطيج العافية
تدرين انا اصب الشامبو على الملفع على طول
يمكن هذا اللي خلاهم يبقعون

مشكوووورة وماقصرتي :aha:

 

[شنطة سفر]

رد : البنات اللي يلبسون سكارفات ماركة تعالوا ابيكم بسؤال

ونسيت اقولج ترى فيه قماش مايصير ينغسل بالبيت
تاكدي من التعليمات اللي بالقطعه
وبعد نسيت اقول ان لما تغسلين لا تجمعين الملون مع السادة

وبس
اتمنى لك غسيل سكارفات موفق
هههههههههههههههههههههههه

 

[ام حميد وسيف]

انا اغسلهم بالفيري مال الصحون وايد زين .. بس كل قطعة على حدة .. وبكل رقة ونعوومة ..ومااحطهم بالجفافة ابد اخليهم ينشفون بالحالهم
وبسس ..

 

[DA3LOoOLA]

رد : البنات اللي يلبسون سكارفات ماركة تعالوا ابيكم بسؤال

غسليهم بشامبو المخصص للعبايات اول شي حطي الشامبو بعدها الماء وبعدين غسلي واحد واحد طبعا بالايد وعالراحة وعصريهم عدل عن الماي ونفظيهم وشريهم ..

انشالله اوضحت الصورة حبيبتي

 

[pretty sarona]

حبيبتي , بعض المرات الحجابات و السكارفات اللي يبقى فيها بقايا الصابون ,, إذا قبل لا تغسلينهم ما كانوا مبقعين في الغالب يكون صابون , شطفيهم بالماي عدل

 

[Toulin RTN]

رد : البنات اللي يلبسون سكارفات ماركة تعالوا ابيكم بسؤال

شوفيلج مصبغة زينة

 

[Turquoiseya]

رد: رد : البنات اللي يلبسون سكارفات ماركة تعالوا ابيكم بسؤال

ونسيت اقولج ترى فيه قماش مايصير ينغسل بالبيت
تاكدي من التعليمات اللي بالقطعه
وبعد نسيت اقول ان لما تغسلين لا تجمعين الملون مع السادة

وبس
اتمنى لك غسيل سكارفات موفق
هههههههههههههههههههههههه

التعليمات انا اتبعها
بس مثل ماقلتي المشكلة اهي بطريقتي لما احط الصابون عليها

مشكورة ماقصرتي حبيبتي :ggdw:

 

[Turquoiseya]

انا اغسلهم بالفيري مال الصحون وايد زين .. بس كل قطعة على حدة .. وبكل رقة ونعوومة ..ومااحطهم بالجفافة ابد اخليهم ينشفون بالحالهم
وبسس ..

حياتي ماتقصرين على النصيحة
بجرب الفيري 00 وانا اغسل كل وحدة بروحها بس كنت استغرب ظهور البقع
ومثل ماقالت الاخت جنطة سفر 00 الصابون ممكن يسبب البقع

عطرتي موضوعي بمرورج :aha:

 

[Turquoiseya]

رد: رد : البنات اللي يلبسون سكارفات ماركة تعالوا ابيكم بسؤال

غسليهم بشامبو المخصص للعبايات اول شي حطي الشامبو بعدها الماء وبعدين غسلي واحد واحد طبعا بالايد وعالراحة وعصريهم عدل عن الماي ونفظيهم وشريهم ..

انشالله اوضحت الصورة حبيبتي

وضحت الصورة ياقلبي
ونورتي موضوعي بمرورج :aha:

 

[Turquoiseya]

حبيبتي , بعض المرات الحجابات و السكارفات اللي يبقى فيها بقايا الصابون ,, إذا قبل لا تغسلينهم ما كانوا مبقعين في الغالب يكون صابون , شطفيهم بالماي عدل

حبيبتي سارونا انا متاكدة ان قبل ما اغسلهم انهم ماكانوا امبقعين
عشان جذي استغربت وجود البقع بعد الغسيل
والمشكلة ارد اغسلهم مرة ثانية ويبقعون زيادة

بشطفهم بالماي عدل ان شالله

يعطيج الف عافية على مرورج :33_1185028183:

 

[Turquoiseya]

رد: رد : البنات اللي يلبسون سكارفات ماركة تعالوا ابيكم بسؤال

شوفيلج مصبغة زينة

للاسف ما اعرف مصبغة سنعة بالمنطقة العاشرة
وما اظمن اشلون يغسلونها 00 تعرفينهم هالعاملين00 يخلطون الهدوم مع بعض
النظيفة والوصخة
فاحسن لي انظفهم بالبيت

الله يعطيج الف عافية على مرورج :aha:

 

[ميمـــي]

اب لعيونج

 

[بواسم]

شوفي انا بعلمج على شغله بتنفعج اول شي اذا كان في بقع قبل الغسيل مثل دهن جطي عليها بودرة

بس شرط قبل لا تنغسل وخليها مده 3 ساعات بعدين نفظي البودرة وغسليها

وفي شامبو خاص مكتوب عليه دراي كلين موجود بالجمعيات لونه ابيض ووردي اذا قدرت راح اصورة

في منه نوعين نوع لغسيل الايد ونوع لغسيل الغساله وهذا خاص للملابس الي تنغسل بالراحه

مثل الحجابات والسكارفات .

حطي كميه صغيره من الشامبو على الماي الفاتر بعدين حركي الماي عدل بعدين نقعي السكارف مده

بعدين غسليه بالراحه وشطفيه عدل عن الماي وخليه ينشف من غير ما تحطينه بالنشافه

وهذا من خبرتي لغسيل الملافع بما اني اتاجر فيهم اعرف عدل شلون غسيلهم .

ان شاء الله اكون افدتج

 

[Turquoiseya]

اب لعيونج

الله يرفع قدرج حبيبتي