رد : ريلي قاللي بروح الحج! شوفوا وين راااااح ؟
السلام عليكم ورحمة الله وبركاته
حبيباتي الغاااااااااااااااااااااااليات
محتارة ومنهاااااارة وأتمنى إني ما أقول إلا ما يرضي الرب
إنا لله وإنا إليه راجعون ,, اللهم أجرني في مصيبتي واخلف لي خيرا" منها ,,
مجرووووووووووحة وماني قادرة أكنب
بس تعبانة ’’’ وأطلب من ربي اللي أرحم فيني من نفسي
إنه -سبحانه يكون معاي في بلائي ,, وإن يسخركم توقفون معاااااااااااااي.....
كنت معاكم ومع ردودكم أقراها
وأحاول أرتب أفكاري معاها,,
وكان على أساس إني بروح له المطار....
بس !!!! طب علينا أمس وآنا بزوارتي بيت أهلي,,,
ودق علي ما رديت.... دق على بنتي يسألها أمج ليش ما ترد: قالتله ما تبي ترد ..
قلت أطرش عيالي الكبار قبلي البيت يشوفونه بيكمل جدبته ولا لأ؟
عشان يكونون عياله شاهدين عليه ,,,أخاف إن رحت ماأقدر أسكت.......
راحوا .... وانا قاعدة أنطرهم وكلي ترقب وخوف
ولا تسإلوني عن شعور الحيرة اللي كنت أحس فيه؟!!!
كلمتهم .... بلغوني إنه كمل جدبته ,, وقاعد يسولف عن الحج..
رحت.... دخلت البيت ..... ولا أشوفه.....إمقرع ..يعني مكممل التمثيلية عدل ...واااااااااااااي الصراحة حسيت بقمة الخدااااااااااااااااع والإحتقاااااار لزوج مأمنته على عيال بيربيهم معاي ,, والظاهر أهو الضياع لهم ..
سلمت عليه عادي ..الحمد لله على السلامة..رد الله يسلمج وآنا أطالعه وعيوني تتكلم..
قلتله يقولون مكة برد , كلها مطر وثلج ,, بس إن شاء الله حاشك ثلج,, سكت ولا كلمة,,,,,,,, قلتلكم أعرف نفسي ما أقدر أسكت وأطوف,,
ونغزة ورا نغزة ,, وضحك إستهبال وعيالي حدهم مقهورين منه ومن فعايله ,,
ليما قاللي إشفيج ,, عاد كنت واصله حدي بالطنازة من قهر الموقف ,,
جان أقول حق عيالي ..يللا ياعيال أبوكم بيودينا الحج الشهر الياي,, هاا وين بتودينا حج الشهر الياي ...إنفعل وقال يكلم ولدنا العود : يصير جدي تسوون جدام اليهال
واتخربط لأن إنصاد وافتشل وقام يقط خيط وخيط ,,
وقال له تعال بكلمك بروحنا...
و......................................................................
قط القنبلة
إنه رايح يدورله على مرة ثانية..يعني الأخ يبي يتشبب وآنا الحين عيوز وما أنفع ,, وقاعد يهدد ويتوعد :خل تمسك بيتها أحسن لها وآنا بسوي الحلال ,,(مايعرفون الحلال إلا بالتعدد ,حسبنا الله ونعم الوكيل )
وماقصر فيه ولدي عطاه جم كلمه بالعظم و,,,,,,,,,,,,,
بس اللي كنت مو متوقعته صار وأهو من أمس بالبيت وماني قادرة لا أدش النت ولا أقدر أطول في الكتابة
والبيت معتفس وبصراحة ماني قادرة اكتب شي الحين
لاني ما أدري شبسوي ,, وما أقول إلا : الله يجدم اللي فيه الخير لي ولعيالي اللي ربي_ والحمد لله - مسخرهم لي ومحترين حدهم ومو راضيين وقاعدين يمنعونه ,, وكل شي بإيد الرب الملك اللطيف...
يارب ألطف فيني يارب
يارب ألطف فيني يارب
يارب ألطف فيني يارب
بيتي بينهااااااااااااااااااااااااااااار ومالي إلا إنت يا كريم
شراااااااااااااااااااااااااااااااايكم ؟!!!
إدعولي
