حماتي العزيزة والضرب من تحت الحزام !!

[بانانا]

:balo:


السلام عليكم ورحمة الله وبركاته


صارلي تقريبا 6 شهور متزوجة ..
وقاعدة عند حمولتي

مافي أحد بالبيت

بس خالتي وحمواني 2 صغار وحماتي ..


ولي قبل العيد الأوضاع مستتبه

سمن على عسل معاهم ..


بس ثاني يوم العيد صار شد بين ريلي وحماتي جدامي

والسبب أن بنروح نعيد على يدتي ونتغدا عندها

وطال عمرها الشيخة حماتي ومو عاجبها

تبينا نقعد لأن حماي اللي كل يوم نشوفه ايي يتغدا ويتعشا عندنا بالبيت

بيي يعايد علينا :bbbiu:


وأحنا نازلين على السلم بنطلع أنا وريلي

جان تقول حق ريلي

أنت اللي بتوجب الأولى توجب أهلك بالأول

وتعايد أخوك الكبير !!

جدامي قالت هالكلام

يعني قصدها مو ملزوم تعايد وتوجب أهل مرتك !!

ريلي رد عليها أهل مرتي موشايفيني من العيد اللي طاف أخوي كل يوم أشوفه

وسكتت خلصت السالفة

وأنا سكتتتت ومااا قلت ولااا كلمة عن هالسالفة بالسيارة مع ريلي

مع أن صار بخاااطري حييييل بس مابي أضيق خلقي وخلقه بالعيد ..

هذا موقف 1# خلص وعدا على خير

واليوم صار الموقف الثاني

أنا وريلي كل سبت نتغدا عند بيت أهلي

زوارتنا يعني ..

وأتفقنا أنا وريلي نطلع كل واحد بسيارته

وطلع ريلي قبلي لأن عنده شغل بيخلصه ويروح بيت أهلي ..

وأنا طالعة شفت خالتي وحماتي بالصالة سلمت محد رد !!

قعدت دقيقة تكرمون ألبس الجوتي

ان حماتي تطالعني بنظره خايسة وتقوم وطقت مادري شنو بيدها بالطاولة وتأففت وصعدت فوق !!!



استغربت شفيها هذه الحمدلله والشكر ينت ؟!!!


عطيتها طاف

بالسيارة دقيت على ريلي ولا معصببب مفووور

شفيك مافيك ؟؟

جان يقولي داقة علي أمي تبيني أخلص شغله (وصاحبه فكرة أن ريلي يطلع الظهر عشان يخلص خرابيطهم وسخافاتهم اهي حماتي المصون طبعا)
قلتلها اليوم اتغدا بيت أهل مرتي سوولي سالفة !!

فهمت النظرة ليش
والحركات ليش ..



المهم أن ريلي متنرفز حيل وخلاص زهقان وقاعد يفكر نطلع أجار


بس بعدين لما هدا وطخ شويه

غير رايه ومايبي يطلع أجار


وأنا خلاااص زهقااانه ومالي خلق لي جدام تتمرد حماتي أكثر

ويمكن أرد عليها وتصير مشكله كبيرة وانا مالي خلق مشاكل مع أهل زوجي مابي تخترب علاقتي فيه
بسبتهم ..


أبي رايكم

أقوله عن اللي صار وانا طالعة اليوم من البيت -نظرة حماتي الخايسة وتأففها بويهي - ؟

ولا أسكت وما أتكلم عن أهله عشان لا أكبر الموضوع ؟؟؟

:gr4uu:

 

[عاشقة_الجمال]

شووفي حبووبه دام ان الله هادي ريلج

وهوووو قاعد يرد عليهم بالعقل مو بالهواش وقاعد ياخذ حقج منهم

خلاص ماله داعي تقوولين له وتنكدين عليه وتغثينه

والله يهديهم لج

 

[bnt_7waa]

لا سكتي وطوفي مالج شغل فيها عصبيتها ونرفزتها حق روحهاا

والله يهدي الجميع

 

[ام _خلودي]

انااا من راي لاااتكبرين السالفه

وخلج الزينه مهم كان هذيل اهله جنته ونااره

وبالعكس شجعيه على طول انه يكون باار فيهم

وصدقينى كل هذا بتشوفينه باجر بعيالج

 

[باااربي]

طااااااااااااااااف من امه ولا جنج شفتي ولا سمعتي ....واذا علا ريلج كيفه اهو وياهم ينيازون

 

[بانانا]

رد : حماتي العزيزة والضرب من تحت الحزام !!

يااحلووو بنات منتدانا يبردوووون القلب
من تكتب الوحدة موضوعها تشوف المشاركات تمطر لا إله إلا الله :dddds:


شوركم وهداية الله
نطوف وأمرنا لله

 

[السكرتيرة النشيطة]

الله يعينج حبيبتي حلو انج تطنشين انا اسلوبي جذي تفاديت وايد مشاكل مع حمولتي
بس بغيت اسالج من باب الفضول
حماتج جم عمرها احسها وايد متحكمة واهي اكبر من ريلج

 

[لمسه حزن]

رد : حماتي العزيزة والضرب من تحت الحزام !!

حبيبتي

مثل ما قالوا البنات

حقريها و لا كانج سمعتي

شي

لان زوجج عارف منو الي قاعد يغلط

وبالاخير اذا مل منها

راح يطلع عنهم

وهم الخسرانين شوفت ولدهم

والله يوفقج مع زوجج

وتقربي منه اكثر

ولا تيبين له طاري الموضوع و اذا شفتيه

متكدر

طلعيه من ضيقه الخلق

بسبب حماتج

 

[شيخه الحلى]

انا اقول طلعي بشقه بروحج
الحين ريلج يرد عليهم بعقل باجر بتصير هوشه
قوليله نبي نطلع بشقه بس لا تبينين له انج بتطلعين عشان مشاكل حماتج
طلعيلج سبب ثاني
متضايقه مثلا
تبين تاخذين حريتج
او البيت بعيد
او اي شي
فكري بدبره وطلعي
ارتاحي وريحي زوجج وريحي حماتج
وبجذي بتصيرين انتي الزينه

 

[بانانا]

رد : رد: حماتي العزيزة والضرب من تحت الحزام !!

الله يعينج حبيبتي حلو انج تطنشين انا اسلوبي جذي تفاديت وايد مشاكل مع حمولتي
بس بغيت اسالج من باب الفضول
حماتج جم عمرها احسها وايد متحكمة واهي اكبر من ريلج

عمرها 40 سنه ومو متزوجه ووااايد وااايد متحكمة بكل البيت لأن خالتي طيبة حيل وماكو شخصية
بس ريلي شخصيته قويه وماتقدر تتحكم فيه
فكل اللي تقدر عليه تقط لها جم كلمه ويدقرها ريلي اكثر من مرة ..


لمسه حزن الله يسمع منج ويقرر نطلع ونخلص من هالعلة ..

 

[بانانا]

رد : رد: حماتي العزيزة والضرب من تحت الحزام !!

انا اقول طلعي بشقه بروحج
الحين ريلج يرد عليهم بعقل باجر بتصير هوشه
قوليله نبي نطلع بشقه بس لا تبينين له انج بتطلعين عشان مشاكل حماتج
طلعيلج سبب ثاني
متضايقه مثلا
تبين تاخذين حريتج
او البيت بعيد
او اي شي
فكري بدبره وطلعي
ارتاحي وريحي زوجج وريحي حماتج
وبجذي بتصيرين انتي الزينه

كل الاسباب اللي ذكرتيها موموجوده

ماعندي أأأي مشكلة كلللش

إلا حماتي

 

[لولوة الكويتية]

الله يعينك حبيبتي

 

[حنان العيون]

رد : حماتي العزيزة والضرب من تحت الحزام !!

شوفي ما تنحل مشكلتج الا اذا يبتي ريل لها

 

[white**angel]

نصيحه لا تقوليله صج اهوا متنرفز منهم بس هم ما يحب يسمع احد يطب باهله دايما قوليله مهما يكون هذوله اهلك والي مافي خير باهله ما في خير بالناس
وعلى سالفة الطلعه لو من الاول طالعه وايد احسن لانه صج القعده مع الحموله تسبب مشاكل وااايده

 

[بانانا]

رد : حماتي العزيزة والضرب من تحت الحزام !!

شوفي ما تنحل مشكلتج الا اذا يبتي ريل لها

وين بدور ريل حق وحده عمرها 40 سنه وتفلسف بعد مو كل شي يعجبها
:eh_s(11):



white**angel بغينا من الاول اطلع بس بعدين غيرنا راينا لما شفنا الاجارات ..

قلنا نجمع لنا فلسين نشتري فيهم بيت أولى

 

[أنين الماضي]

رد : حماتي العزيزة والضرب من تحت الحزام !!

حبيبتي سكتي وكسري الشر مدامه يعرف سولف اهله خلاص عارف بس اذا قلتي له بعدها بيطلع الشينه فيج فطنشي لم اهو يمل من نفسه ويقولج يالله مشينا برا

والله يعينج

 

[ام زاكي]

لاتقولين له دامه واقف معاج ضد اهله وحاس بحركاتهم

 

[فاقده ابوهاااا]

رد : حماتي العزيزة والضرب من تحت الحزام !!

انا استغرب منكم اشلون ترتاحون في بيت حمولتكم .. حبيبتي طلعي اجار حتى لو شقه على قدكم بس المهم تطلعين وشوفي الفرق بحياتج

 

[مناوووي]

عدل كلام البنات احقريها ولاتكبرين الموضوع داام زووجج معااج وعاارف طبعهم

الزم ماعليج زووجج وخاالتج بس


الله يهديهم ييااااااااااااااااااااااااااارب

 

[ياشوقي للجوري]

رد : حماتي العزيزة والضرب من تحت الحزام !!

الله يعينج ويصلح ما بينكم
حبيبتي حاولي تعطينها طاف
ولاتهتمين بكلامها ولا تقعدين
معاها واجد عشان تخف شوي
والله يعينج على مشكلتج