بالبدايه اهنيج ع الجرأه و الشفافيه بالموضوع
قلما ما نشوف في ناس شايفه و سآكته
انا بعد مثلكم من الاقليه الصامته " اعتزلت التصويت "
مو على شي ،، عشـآن الكليه نفسها ما قاعد تتغير
خل اعرفكم علي ،، طالبه بكليه الآداب ، الي اشوف البعض عبالهم الآداب آحسن حآل
بالعكسسسس ،، اعتقد هم مستواها متدني تقريبا نفس مستوى كليتكم
و ما شفنا ولا شي يذكر بالقائمه الي فازت هالسنه
بالبدايه الكافتيريا ،، اتحدآآآآآآآآآآآآآآآآآآآآآآآآآآآآآآآآكم اتحدآآآكم إذا ما خستو فيها ،، اصلا تهويه مآكو @@ !
مو بس غمته ، غمته و زحمه و غته و لا مطآعم تذكر الا البوفيهات !! و دج بهالعيوش و المموش و الريحه تكفخ !!
عسـآ ما تدشينها و تطلعين ريحتها لازقه فيج جنج انتي الي طابخه مو اهمه !!
الشي الثاني الاصنصير ،، محكر حمـآم شويه عليه و ريحه اعطوووبه لا تطاااق !! و يالله يكفي بنتين @@
الشي الثالث ، المظلات ، من بدايه ما سجلت بالجامعه يقولون بيسوون مظلات بس تعتقدين شفنا شي ؟؟
لا ، اللهم مظله وحده محطوطه بوابه 2 وره ;p
نعتبره انجـآز طبعا !!
و كل انجازاتهم مختصره بـ تغيير لون الاسترآحه هههههههههههههههههههههه
يعني انجاز هاا !!
و الباي فورس ؟ لا تعليق من امه
^
على ايه حال حبيت اشرح لج كليتي الحبيبه ووضعها السائد ،
و انا معـآج و في غيرنا بعد مستائين من سوء الاحوال بالكليات
و الي جد يبط الجبد و يثير المراره ، لما يقولون القائمه حق خدمه الطالب
لووووووووووووووووول ،، مادري اضحك ما ادري ابجي ،، المهم خدمه الطالب آمنا بها ،،
بعدين يقولون اصلا القائمه ما بإيدها شي ، و ما عليها الا تشرع !!
متناقضين الفكر ، متناقضين بالافعال ، متناقضين بكل شي حتى تصريحاتهم
دآمكم مو خدمه الطالب ليش ترشحون انفسكم ؟؟ و ليش احنا كنا نصوت لكم
إذا ما بإيدكم شي شيلو هالإنتخابات و بلاها من حووسه
و ما نحلى و نصير حبايبهم الا حزه الانتخابات الفون ما يسكت
صوتي و فزعه و مادري شنو ؟
عاد على شنو نصوت على خمالكم الزايد :\
ودي افضفض ودي ،،
بس تأكدي آحنا معاج
و خل يكون الاصلاح مشترك
لان حتى كليتنا كل ما اهيه بالحظيظ
و لا حيآه لمن تنادي
اشكرج اقين
تحياتي
