جيل الستينيات ...وينكم؟؟؟؟

[Ameeraaaaaa]

حيا اللله كل اللي دشوا توه
نورتوا التجمع

 

[ملح و سكر]

هلا / ملح وسكر

الصور جايبتهم من موقع ثاني كويتي فاتحين الرياييل فيه صفحه لذكريات مواليد الستينيات >>> عاد لو تقرين ذكرياتهم عن الهواش تموتين عليهم من الضحك ولا بعد حاطين صور قواريهم وكان عندهم قاري اسمه عديله - وحاطين هالصور

هلا فيج اكثر عيل اشلون القرقيعان قبل ياحلوه كان صج قرقيعان كنا نقرقع احنا ويا عيال الفريج ...مع بعض ..

واذا ياه العيد ياحلاته ..كنا نخش الملابس الداخليه تحت مخدتنا ...وملابس العيد بالكبت وكل شوى نطلعها ونشوفها من الوناسه

ولا الجوتى وانتى باكرامه تحت السرير نخاف احد يبوقه منا ...ولا الجنطه ..كل شى محسوب حسابه .. الله صج ايام زمان حلوه ..

 

[Ameeraaaaaa]

عاد ياحلو المنقف والفحيحيل انا اذا بروح جنى مسافره احسها مومن ديرتنا ..الجو والمكان غير ...

ماشاء الله عسى الله يتمم عليكم ....انا من سكان جنوب السره ...يمى خيطان والضجيج و360 بس تصدقين

ملينا منهم ...نبى نغير شوى ...

حياج عندي افا عليج
عاد تدرين احنا تونا ساكنين المنطقة من سنتين اول شي كنت مستوحشه لان اهلي بالديرة مشرف وسلوى والشامية .........
بس احنا اللي نصيبنا يه بعيد ما كنت اروح ولا ايي تخيلي لبغيت خياط اروح خياط الشامية !!! او المبرور

وكل ما اقول حج احد بيتي بالمنقف يقولون يا بختكم يمكم الكوت والمنشر والفحاحيل والمنطقة تهبل وجوها غير .

صراحه السنة هذه اللي تعودت علي دواعيس الفحاحيل وسوقها واحسه وناسه صج
كل شي عندناااااااا
الحين انا صرت عكسكم من انزل الديرة احس طريج وسفر ومالي خلق الطريج طويل والسياقه تغث

 

[منيرة خالد]

اي والله صاجه كانت ملابس العيد لها فرحتها وعقب العيد امسيتها بدلة العيد واستانس البسها وتتم بعيني جديده طول السنه وغاليه على قلبي لأنها فرحتي بالعيد

لحقت على الدوارف بالعيد كانوا يحطونهم بساحه قريبه من بيتنا >> بالسالميه الحين قبال سيتي سنتر - وعيد يا سعيد وهاذي زياده عبد الساده صيح على امه يبي ازياده واحنا قاعدين بهالصندوق والفرحه شاقه حلوجنا شق


ايام تنذكر ما تنعاد

 

[منيرة خالد]

هــــــــــــذا الرابـــــــــط وعيشوا مع الذكريات

http://www.indexsignal.com/forum/showthread.php?t=137780

 

[Ameeraaaaaa]

اي والا البقالة من يحط برا العاااااااب ويفرش علي الارض بعد
صج اياااااااااااااااااااااااااام

 

[$$درر والماس$$]

عندى سؤال وحابه تجاوبونى عليه

شلون عشتى طفولتج يعنى تمتعتى فيها عشتيها بالطول والعرض او كانت عليج قيود من اهلج

 

[بشوره الكويت]

درر والماس لا والله عشناها بطور وعرض

والحدايق ملوت لاشؤون يمنا وكلها فيها من تفتح ليما اتسكر ونشترك بالانشطه

ويارنا الله يرحمه كان يمعنا مع بناته وبالبكس القديم وعلي مدينه الملاهي بالعيد

وناسه اليمعه والا الظهر مشي ليما الجمعيه نشتري من ومبي سندويجات همبورقه وناسه يمعه بنات

والله اهلنا ما كانو يدرون عنا لانه امان والحمد الله فريج والابلات والحفلات والانشطه وناسه

 

[sunshine22]

رد : جيل الستينيات ...وينكم؟؟؟؟

كل اللي اعرفهم بهالجيل عاقلات ومثقفات ومنفتحات ولي صديقات من 1969 و1968
مع اني مواليد الثمانينات بس حيل اندمج معاهم

 

[بشوره الكويت]

بنات صاة صلاة

لا تطوفكم حبيباتي

وقراءه صوره الكهف

الله يتمم علينا ويحفظنا

 

[بشوره الكويت]

سن شاي انا عندي صديقات من جيل الثمانينات والسبعينات والله يحفظهم

ايهبلون والله ينحطون علي الجرح يبري كل جيل فيه الزين وفيه الشين

والزمن يتغير بتغير الناس والطبع والتطور والانشغالات اليي تصير

 

[منيرة خالد]

عندى سؤال وحابه تجاوبونى عليه

شلون عشتى طفولتج يعنى تمتعتى فيها عشتيها بالطول والعرض او كانت عليج قيود من اهلج

أنا لأني هاديه فطفولتي نفس طبعي - بس تمتعت فيها بعقل - اول وانا صغيره كنا نروح كل خميس للترويح السياحي تذكرونه كانوا يحطون بحديقة السالميه اللي اللحين خلف مجمع الفنار - مره يحطون فيلم ومره فرقه من الفرق الكويتية وكنا نتجمع عوايل وبالصيف كل اثنين نروح البحر جمعة عوايل ولازم عشانا عيش وعدس او مموش ما كو ايدام ابد ودقوس باذنجان - والعيد وناستنا نتغدى بكنتاكي وندخل فيلم بسينما السالميه وننام بنص الفيلم لأنه سهرانين طول الليل ومواصلين من الوناسه - طبعا الدوارف طول ايام العيد رايحين رادين تمشي وووناسه لعب وضحك والقلب صافي

 

[Ameeraaaaaa]

هــــــــــــذا الرابـــــــــط وعيشوا مع الذكريات

http://www.indexsignal.com/forum/showthread.php?t=137780

مشكورة منيرة واااااااايد
خوووووش رابط
ضحكت صج علي سوالف الصبيان
طبعا ( صبيان قبل )

 

[بشوره الكويت]

درر القيود اليي قصدر اهي ما كانت قيود تري هههههههه

اهي كانت خوف علينا

تدرين انا مره كنت بالسنه النهائيه منالمتوسطه وابوي الله يرحمه خذاني مع عمتي ودانا بيتنا اليديد

وخبرج ما كان فيه تلفونات والله يهديه مو قايل لامي الله يرحمها وتاخرت معاه وكانت بالمستشفي

وقلولها اني ما وصلت ونا بجر اطلعت علي مسؤوليتها وطلعت الناظره من بيتها ويدورون جنهم ميانين

وكان حزتها في اختطاف البنات وحتي الشرطه بلغوهم امبيه صار حدث العائله ولما رجعنا صارتالصكه اشوي

حتي يدي خاف وعمامي عشان جذي انو يخافون علينا خخخخخخخ بس بعدين بعد القهر صار ظحك

 

[بشوره الكويت]

منيره خالد اخاف انتي صديقه حمواتي بيتهم بالسالميه او بنت عمهم خخخخخخخخخخخخخ

 

[عطر المدينه]

رد : جيل الستينيات ...وينكم؟؟؟؟

ام مشاري طفولتي حلوه الحمد لله وامي وخالاتي روعه حياتهم مره تجنن دايم يسولفون ويتذكرون ايام اول بحكم ان خالاتي من قريه قريبه من المدينه وكانت حياتهم وسط المزارع وبيتهم بنفس المزرعه وكانو جيرانهم واقاربنا كلهم تربو مع بعض وسط حياة ريفيه وزرع وصوت الماطور حق الماء مدري ويش تسمونه عندكم بالكويت بس الحين تغيرت الدنيا كلهم تزوجو وعاشو بالمدينه المنوره وانا واخواتي تربينا بالمدينه بس جدي دايم يعزمنا بالمزرعه في العيد الاضحى واوقات الامطار الجو روعه حياة القرى لها جو غير المدن وانشاء الله اسولف لكم عن حياة امي وطفولتها

 

[منيرة خالد]

منيره خالد اخاف انتي صديقه حمواتي بيتهم بالسالميه او بنت عمهم خخخخخخخخخخخخخ

احتمال كبير اني اعرفهم وخاصه ان اهل السالميه حيل قريبين يم بعض ويعرفون بعض عدل

 

[قـہۈه فـرنسيـہ™]

صبااح الخير ...الله شهالتجمع الحلوو ...

عسى ربي يوفقكم ويسعدكم وين ما كنتوا ...@@


أختكم أو بنتكم قهآآوي مواليد 86

 

[فوفو22]

رد : جيل الستينيات ...وينكم؟؟؟؟

صباح الخير عليي وعليكم

اشلونكم صبايا

وحي الله الي انضموا عندنا مؤخرا وانا اسم الله عليي نايمه

بنات منو ناويه تحج هالسنه؟؟؟
انا حجيت 2002

فوفو

 

[فوفو22]

رد : رد: جيل الستينيات ...وينكم؟؟؟؟

صبااح الخير ...الله شهالتجمع الحلوو ...

عسى ربي يوفقكم ويسعدكم وين ما كنتوا ...@@


أختكم أو بنتكم قهآآوي مواليد 86

يحليلج اكبر من بنتي بسنتين

فوفو