بنات صارلى موقف اللحين تكفون شنو معناته؟؟؟؟

[صمت الكويتيه]

دام زوجج لج عليه شوي


جان تدلعتي عليه وجم حركه منج خليتيه بالبيت عندج


وبعدين ما فيها شي يمكن صج مع ربعه


وفشله كل شوي داقه عليه ومسجات وبين ربوعه قاعد


اكيد زوجج بيصير مصخره بينهم وبيتطنزون عليه

تدرين والله انج صاجه شكو ادقدق كيفه خلاص انا ابفرش الكاكاويات وابسط وابلع وبطنش شنو مخذه من الدنيا مع انى قبل الزواج اعصابى باااارده مدرى شاللى قلبنى برد لطبعى وطااااااااااااااااف

 

[قلبي تركواز]

حبيبيتي الله يصبر قلبج بس لاتغثين نفسج انتي ريحي اعصابج وخلي حسابه على الله
ومثل ماقلت لج اللي بالجدر يطلعه الملاس

 

[barbya_q8]

رد : بنات صارلى موقف اللحين تكفون شنو معناته؟؟؟؟

رياييل هالوقت ما خلو مجال للثقة فيهم الله لا يخيب ظنج فيه

 

[طـير7]

حبيبتي دقي وسئلي عليه

 

[صمت الكويتيه]

حبيبيتي الله يصبر قلبج بس لاتغثين نفسج انتي ريحي اعصابج وخلي حسابه على الله
ومثل ماقلت لج اللي بالجدر يطلعه الملاس

اى والله صاجه بطنش طااااااف خرابه على نفسه ومابى اخرب سهرتى بقعد ببلع لانى اذا ضقت او زهقت اكل حاله نفسيه:rgewrg: تعالى حياج بسطى معاه :balo:

 

[صمت الكويتيه]

رد: رد : بنات صارلى موقف اللحين تكفون شنو معناته؟؟؟؟

رياييل هالوقت ما خلو مجال للثقة فيهم الله لا يخيب ظنج فيه

اى والله مهما نرقع فيهم ماكو فايده يبا طاااااااااااااف :ggdw:

 

[رنيم q8]

لا توسوسين
انا ريلي رايح المخيم عند ربعه وعادي لو بيسهر لباجر عندهم لازم يستانس بعد ويك اند
لا تحاولين تسألينه وايد خليه على راحته عادي يمكن ما يبيج ادقين جدام ربعه
او صج تعبان يبي ينام
سهري معانا بالمنتدى ونسي روحج

 

[صمت الكويتيه]

كلــــــــــــــــووووووووش دق يابنات صوته يبى ينام وبنفس الوقت مبين انه منحرج يتكلم عند ربعه والله جنى ظلمته بس ما انلام شعرفنى ان القنص ينامون عشان يقومون الصبح .....واهو الله يهداه ملفه فيه سوابق ....الحمدلله جت سليمه اللحين اعرف اقرا واسولف معاكم بنفس حلو وبال مرتاح اهااااااااااااااااااااااااااااااااااااااااااااااااااااااااااااااااااااااااااااااا

 

[خاب ظن الشوق بك]

رد : بنات صارلى موقف اللحين تكفون شنو معناته؟؟؟؟

صمممممممت

امبي حدج ظلمتييه

والله والله ظلمتييه

يباا اهما اللي يروحون قنص ينامون لي الساعه 5 والقنص يبدي من 5 الصبح لين 8 تقريبا

رايح هالحزه عشان مايبي يتعرض الطريج الفيير

كل الشباب جذي

والصبيه مافيها بنات لا تخاافين خخخ بر وين بنات

امبي صفي نيتج

 

[Bnt Salwa]

رد : رد: بنات صارلى موقف اللحين تكفون شنو معناته؟؟؟؟

استغفر الله
صج اول مره زوجج يقنص
حبيبتي ماما وراه قنص يعني قومه من الساعه 4 الفجر
يعني صيد طيور لازم قومه قبل طلعه الفجر
اكيد يبي ينام مبجر

معاااهاااا 100%

 

[صمت الكويتيه]

لا توسوسين
انا ريلي رايح المخيم عند ربعه وعادي لو بيسهر لباجر عندهم لازم يستانس بعد ويك اند
لا تحاولين تسألينه وايد خليه على راحته عادي يمكن ما يبيج ادقين جدام ربعه
او صج تعبان يبي ينام
سهري معانا بالمنتدى ونسي روحج

الحمدلله تطمنت وبسولف وبسهر وبخليها سهرتى صباحى

 

[صمت الكويتيه]

رد: رد : رد: بنات صارلى موقف اللحين تكفون شنو معناته؟؟؟؟

معاااهاااا 100%

اى والله صاجه انتى اللى ريحتينى تونى ادرى ان القنص لازم ينامون عشان يقومون الفجر اهو قبل الزواج كان يقنص على كلامه يعنى ماكنت عنده وما اعرف نظام القنص شلون صاير بس من تزوجنى عمره ماراح يقنص الا هالمره صارلنا متزوجين سنتين

 

[صمت الكويتيه]

رد: رد : بنات صارلى موقف اللحين تكفون شنو معناته؟؟؟؟

صمممممممت

امبي حدج ظلمتييه

والله والله ظلمتييه

يباا اهما اللي يروحون قنص ينامون لي الساعه 5 والقنص يبدي من 5 الصبح لين 8 تقريبا

رايح هالحزه عشان مايبي يتعرض الطريج الفيير

كل الشباب جذي

والصبيه مافيها بنات لا تخاافين خخخ بر وين بنات

امبي صفي نيتج

شدرانى وشعرفنى بالقنص انا تبع مكياج سوالف مجمعات سالفه قنص ما اعرف وبعدين اهو الله يهداه ملفه اسود عندى يعنى من منى مناك مو خالى ههههههه بس صج نجنيت قمت اكلم الكاكاو اللى بيدى :gr4uu:

 

[الـ ج ــوري]

رد : بنات صارلى موقف اللحين تكفون شنو معناته؟؟؟؟

اذا ملفه اسود الله يعينج ويهديه لج يارب

 

[eman12]

تعوذي من ابليس ولا توسوسين وانتى ابخص بزوجج اذا عنده سوالف والا لا

 

[غلآ مطير]

رد : بنات صارلى موقف اللحين تكفون شنو معناته؟؟؟؟

لا تحاتين يمكن ماكو سيرفس ..

وصج كلام البنات في احد يقنص بليل .؟ اكيد بينام مبجر عشان يقعد مبجر ويقنص ..

لا توسوسيين ..

وبعدين لو انا منج حتى لو مع ربعه يقوم شووي بعييد ويكلمني ..

مستحيل ارضا بس مسج ..

عوديييه يدق عليييج ..

 

[أم حوور]

احسن شي تسوينه


حطي يمج بيبسي وكاكاو ومكسرات


وتابعي فيلم بالتلفزيون ولا تقهرين نفسج



مره ثانيه سوي مثل ما سوت مرام بريلها " بزواره الخميس "


حطت له ملابس بجنطه الحداق بتشوفه صج راح الحداق ولا لاااااا


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[ام شووووق]

رد : بنات صارلى موقف اللحين تكفون شنو معناته؟؟؟؟

يلا الحمدلله


واحنا الحريم ماتذبحنا الا هالوساويس

 

[باااربي]

تعوذي من ابليس الرياييل اذا تيمعوووووو ينسون كل شي

 

[يعني أني]

رد : بنات صارلى موقف اللحين تكفون شنو معناته؟؟؟؟

فديتج فجي عنه شوي واحترمي حريته عشان يحبج ويحترمج

لاتقيدينه وتكتمين على انفاسه

لانه راح يطقج بالطوفه اذا شافج جذي

فـ شي حلو انه مستأذن منج

لاتدقين بس دزي مسج تطمني عليه

لان الشباب اذا دق تلفون المتزوج يتطنزون عليه وراح يعصب عليج

والله يوفقكم