- إنضم
- 16 مايو 2010
- المشاركات
- 1,532
- مستوى التفاعل
- 0
- النقاط
- 0
- العمر
- 34
السلام عليكم بنات انا توني داشه الثامن ومابقى شي على الولادة وبديت احاتي وايد
لانه كنت معتمده على امي بكل شي ومرتاحه بس المشاكل ماتخلي احد بحاله ( الباب اللي ايي منه الريح سده واستريح )
وعندي جم سؤال اتمنى تفيدوني فيها لاني بجر وعمري 20 واحس نفسي مو قد المسؤوليه هذي بروحي
اول شي اغراض البيبي
شريت 6 مهادات
تقريبا 20 افرول 5 منهم حق اول شي لما يكون البيبي صغير حيل
15 فانيله داخليه
هذول كافي ولا بعد اشتري ؟؟
وجيس البيبي والجنطه مالته والكفر والكمبل من وين اييبه ؟؟
وولادتي بتصير بعز الشتا يعني لازم ادفي البيبي عدل بس خايفه لا اكثر ملابس عليه واخليه يحتر ( ماعليه بنات تحملوني بس صج متوهقه ) انزين ولازم اطفي المكيف صح ؟
واهم شي شلون امهد البيبي ؟؟ ( القماط ) اذا وحده تقدر تشرحلي بالتفصيل بكون شاكره لها
ثاني شي الولاده بالمستشفى
شنو احط بالجنطه بالضبط ؟ خايفه يكون في شي ناقص واتوهق وماعندي احد اعتمد عليه ريلي مايعرف شي
ثالث شي النفاس
متى ابدا اكل الدوا والحسو وهالسوالف او متى اطلبهم؟ ( راح اطلب كورس نفاس من وحده هني )
دام انه النفاس بيكون بشقتي احط كرفايه بالصاله ولا مو ضروري ؟
لانه محد بييلي غير اهله واتوقع يوم واحد بعد لوول
متى اربط بطني ؟ وبشنو يعني من وين اييب الكورسيه او المشد ؟؟
متى لازم اتسبح بالنفاس ؟ لازم وقت معين بعد الولادة ولا عادي اي وقت ؟
سوري بنات طولت عليكم بس صج محتاجه احد يساعدني
