شريت بلاك بيري كيرف وتوهقت فيه...... ممكن تساعدوني شوي؟

[منال القلب]

مرحبا بنات
انا من يومين شريت بلاك بيري كيرف بو 78 دينار

وحدي متوهقة فيه ابيكم تساعدوني شوي بجم سؤال بطرحهم


1- البلاك بيري فيه ( قفل الهاتف ) مثل النوكيا lock وان لوك؟ ولا نظامه جذي بدون قفل؟


2- إذا أبي امسح المسجات والمكالمات في سجل المكالمات وين اروح دورت شكثر مالقيت شنو أسوي وين أضغط وأي أمر أروح؟


بس هذيل الشغلتين الي متوهقة فيهم. وبنات انا مسويته عربي مو انجليزي فرجاء محتاجة مساعدة


ومشكورين

 

[[ Ms RoRo ]]

رد : شريت بلاك بيري كيرف وتوهقت فيه...... ممكن تساعدوني شوي؟

بالنسبه للقفل بالمنيو اكو صوره قفل ترعصين و ينقفل و الفتح علامه النجمه و مادري شنو
(ماذكر شنو نسيت لاني غيرت جهازي و صار ينقفل من فوق)





المكالمات و المسجات انا امسح مكالمه مكالمه
ارعص الـ D
و بعدين Delete
او ترعصين منيو delete او مسح

 

[دلع الكون]

بالنسبه للقفل فوق الجهاز تضغطين على دقمه وينقفل وتظغطين مره ثانيه يتبطل

والسجل ما اعرف

 

[مملكه الرشاقه]

اذا تبين تقفلينه بدون رقم سري ضغطي على النجمه واذا بتفتحينه ضغطي على النجمه وعلامه التشغيل ( صورة السماعه الخضره )

اذا بتحطين رقم سري تروحين عند خيارات وتختارين كلمه المرور واختاري من كلمه المرور ممكنه وبعدين اختاري ضبط كلمه المرور يعني تدخلين الرقم السري وبجذي تكونين قفلتي الجهازي برقم سري ... اذا بتقفلينه هم ضغطي عالنجمه

*********************************************************

اذا تبين تمسحين المكالمات تضغطين علامه التشغيل ( صورة السماعه الخضره ) وتختارين الرقم اللي تبين تمسحينه وبعدين تضغطين القائمه ( علامه البلاك بيري اللي جنها نقط ) وتختارين حذف
ترى كل رقم يدق عليج او انتي دقيتي على نفس الرقم ما يتكرر عندج اكثر من مره يعني كل رقم يسوي سجل بروحه ( مو عارفه اشرحها لج )

والرسايل نفس الشي اي رساله تبين تحذفينها تضغطين على دليت من الكيبورد

 

[منال القلب]

رد : شريت بلاك بيري كيرف وتوهقت فيه...... ممكن تساعدوني شوي؟

الف شكر بنات ماقصرتوا يا حياتي انتوا عسى ربي يوفقكم

 

[][ sarah ][]

على فكره حتى لو تمسحين الارقام مثل ماعلموج البنات فيه طريقه تطلع الارقام بمكان ثاني
دشي عالرسايل بعدين ضغطي على علامه البلاك دوري view folder
ضغطي عليها وتلقين مثلا مكالمات لم يرد عليها او صادره وجذي ضغطي عليهم وراح تلقين كل الارقام اللي مسحتيهم موجوده

 

[مملكه الرشاقه]

ساره اذا مسحت الرقم ما يطلع مثل ما تقوووولين

 

[متى يرجع حبيبى]

رد : شريت بلاك بيري كيرف وتوهقت فيه...... ممكن تساعدوني شوي؟

ماقصروا الاخوات عطوكى الفايده بس انا عندى سؤال الماسنجر له قفل بلحاله اقدر اقفله اقصد الدردشه ؟

 

[غنج اهلها]

على فكره حتى لو تمسحين الارقام مثل ماعلموج البنات فيه طريقه تطلع الارقام بمكان ثاني
دشي عالرسايل بعدين ضغطي على علامه البلاك دوري view folder
ضغطي عليها وتلقين مثلا مكالمات لم يرد عليها او صادره وجذي ضغطي عليهم وراح تلقين كل الارقام اللي مسحتيهم موجوده

معلومة جديدة على مشكورة عليها