صبكم الله بالخير
بما ان الجو بدأ يحلا والأنسان يدور اللي يريح باله
ويوسع صدره فيه
اخذت اسرتي ورحت المارينا :hjy5jewf:
الجو يرد الروح
مافي غيره البحر
منها العيال يلعبون
ومنها الكبار يوسعون صدرهم بشي غير عن روتين الحياة
ياحلو القعدة اللي ترد الروح خصوصا اذا كانوا المرافقين من اعز الناس
والباااااااااااااااال رايق
ربي يديمها نعمة ويمنعها من الزوال
جهزنا الأغراض والأكل تبلته قبلها بثلاث ايام
عشان تتشرب التتبيلة اكثر ويصير الأكل أنطع
دياي مشوي
جبدة
عرايس
صوص الطحينة
سفن اب
والحلو / زنود الست
الشاي والحب ( القروضات او المكسرات )
هذا المكان اللي قعدنا فيه
يهبل ويرد الروح ونظيف ومنور فيه اضاءات
شبينا الفحم
طريقة الدياي :
دياي نظيف ومغسول ومفروك بملح خشن وشوية طحين وبعدين تغسلينه عدل عدل
عشان تروح الزفرة
انا خليت الدجاجة كاملة بس فردتها عدل عشان تستوي وهي بالشبك
ولا تنسين تسوين شقوق فيها بكل مكان عشان تتشرب التتبيلة
عصير ليمون
خل
بهارات تندوري الدياي
كمون
كركم
ثوم مدقوق ( كثرته احلي تطلع )
ملح
زيت
بابريكا
دبس الرمان
دراسين ناعم
لومي اسود مطحون
نعناع يابس
فلفل اسود + فلفل احمر ناعم حار
ربع ملعقة صغيرة ملح الليمون ( عشان يطري الدجاج ويصير طعمه ناطه وفيه حموضة شوي )
من كل شي شوية حسب ما تحبين
خلطيهم عدل وصبيهم على الدجاج وتركيه بالثلاجة من 1 - 3 ايام بالثلاجة
لحين وقت الشوي
والجبدة
تقطعين الجبدة بحجم وسط او حسب رغبتك
وتغسلينها عدل
تضيفين :
ملح
فلفل اسود
فلفل احمر ناعم ( انا زدته شوية )
نعناع يابس شوية
بهارات لحم ( شوية )
دبس الرمان
عصير ليمون
وفص ثوم مدقوق ( تقدرين تستغنين عنه )
وبالثلاجة تحفظينها عشان تنقع عدل
وياسلام على طعم الحامض فيها اتهبل
وهذا بعد ما أستوى
صوص الطحينة
طريقتها :
عصير ليمون
علبة روب
هردة او طحينة ( انا حطيت نص مقدار الروب )
شوية ملح
فلفل اسود
كمون
فص ثوم مدقوق ( حسب الرغبة بس انا ما حطيت )
وخلطيهم مع بعض لما توصلين للثقل اللي تبين
واذا صار ثقيلة زيديها عصير ليمون
هالخلطة استخدمها للشاورما والفلافل بعد
المخلل
السفن اب والماي
الحلو
زنود الست بطريقتي
غوري الشاي الخاص للرحلات والكشتات
وهذه صور الشباب ياخذون دوش بعد السباحة في البحر
تيبببببببببببببببببببع ...........
