كتبت موضوووووع اشطوووووووله وانمسح
ماعليه لعيووونكم بعيد واكتبه لان الكلام اللي فيه مهم لنا كلنا
انا كل فرض صلاة ادعي ربي ان يكون القروب اللي معاي مثلي اشلوووووووووووون مثلي يعني نفس طبايعي موتفهموني غلط ههههههههه
انا طبيعتي احب الغشمره والضحك بس علي سنع مو دفاشه وخبال واحب اساعد الكل والجميع يعني اللي تطيح وياي امها داعيه لها
بس دوم احاتي لا يكونون البنات اللي وياي راعين سوالف وخرابيط وحش وقرظ ويحفرون حق بعض وفيهم نعرات ماتنطااق هذا خوفي بهالحاله بتقولون مالج شغل فيهم انتي بشغلج واهم بشغلهم
كلامكم عين الصواب بس لا تنسون ان الفتره اللي بقظيها معاهم مو شويه يعني طوووووول السنه وكل يوم ونص النهار بجابلهم وانا ماحب اشوف الغلط واسكت ولي اسلوبي يعني لي شفت الغلط اوصل حق راعيته المسج يافلانه انتي غلطانه بس بطريقه سنعه مو نجره وصيحه الله يكافينا الشر
انتو لو طحتوا في بنات من هالنماين عليهم سوالف وغيره وحسد ونميمه شتسوون؟؟؟؟؟؟؟؟؟؟؟؟؟انا فكرت بس مادري فكرتي زينه والا فيها لقافه
قلت اطبع جم دعاء وجم حديث ينهي فيهم الرسول صلي الله عليه وسلم عن الحش والنميمه والحسد والبغض واعلقهم بغرفتنا اللي تخصنا
اشرايكم بهالفكره ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ثاني شي انا مادري جم وحده معاي واحنا بنطلع من بيوتنا الصبح لا ريوق ولا بطيخ اذا مثلا طحتي مع بنات ما يحبون سالفة الحطه حق الريوق ياربي يتراوالي موخوش موقف تشترين وتاكلين واهم يطالعون لقمتج انا ذبحييييييني ولا اسويها اذا بطلب لي ريوق والا باخذ ريوقي من البيت بحسب حساب الكل والجميع بس اشلون تحلين هالمشكله لي طحتي فيها؟؟؟؟؟ مع انها مو مشكله بس حبيت اخذ رايكم فيها
اذا صادفتي اللي معاج بنات كتومين يعني طووول الدوام ساكتين ماااغير تسولف بالموبايل وماتسولف معاج وانتي تحاولين تفتحين لها مواضيع واهيا طبعها مطبقه شعار ابعد عن الشر وغنيلوا يعني ماتاخذين منها حق ولا باطل اشلوووووون تتعاملين مع وحده لا اسمع لا اري لا اتكلم؟؟؟؟؟؟؟
______________________________________
وعلي طاري مشتريااتي من السووووق خل اقول لكم شنو شريت
رحت ايكو وشريت لي جوتي طبي ناعم وحلوووووو حق المشي والحوسه وشريت لي قمصان طوال من اكسجين ومن مجمع النقره الجنوبي والله كنت ناويه اشتري لي عبي ساده مافيهم شوارفسكي ولا شي والبس عليهم البالط و
قال الشايب انتي رايحه تداومين والا رايحه تنجبين لهم الغدا
المهم الشايب موراضي عطاني المقسوم وشريت كل شي يديد في يديد هههههههههههههه
وباقيلي شوية تناتيف واخلصهم اليوم بإذن الله
وافكاري اللي قلت لكم عنهم اللليله اكتبها لكم ولا تنسوووووووون هالدعاء ضرووري يابنات
اللهم ارزقني رزقا لاتجعل لاحد فيه منَه ولا في الاخرة عليه تبعه برحمتك ياارحم الراحمين .-اللهم صب علينا الخير صبا صبا ولا تجعل عيشنا كدا كدا .
اللهم ان كان رزقي في السماء فانزله وان كان في بطن الارض فاخرجه وان كان بعيدا فقربه وان كان عسيرا فيسره وان كان قليلا فاكثره وبارك فيه برحمتك ياارحم الراحمين .
اللهم آميـــــــــــــــــــــــــــــــن يارب العالمين
