بنات اللي عيالهم بقريد 1
بقولكم شي يقرقع بقلبي، في طريقة المدرسة تتبعها وحسبالهم انها مفيدة لكن ضررها أكبر من فايدتها
قريد 1 دي كل اثنين يستضيفون طلاب من قريد 6 ويخلونهم يدرسون اليهال وكل طالب يقعد مع جروب ويشرح لهم
هالطريقة يمكن اهما مجربينها بكندا وفادتهم بس حق مجتمعنا ما تصلح
تخيلوا اول مره استضافوهم صارت هوشة بين صبيين من سادس طق مطاقق جدام اليهال وقعدوا المدرسين يفاككونهم
ياني الولد يقولي صارت هوشه بصفنا وانا برقع اقوله لا يمكن بس جذي
يقولي لا صج اويووهم صارت حمره ويصرخون والمدرس يقولي هدي هدي
هاذي أول مره والمره الثانيه لما استضافوهم ياله واحد قاله اقعد اهني وانا اقعد مكانك جان يقوله مابي تدرون اشقاله قاله إكل ..
ياني البيت يقولي واحد قالي هالكلمه من قريد 6 حدي انقهرت وقررت اكلم الاداره ان هالطريقه ما تنفع
يعني حتى البنات الصغار مو حلوه واحد من قريد 6 يقعد يمهم ويشرح لهم البنات يستحون ويخافون
يعني على الرغم من ان المدرسة زينه وانا مرتاحه لها بفضل ربي بس الصبيان الكبار وايد مشاغبين وبعضهم قليلين الادب
كل يوم يرجع البيت يقولي سمعت واحد من الكبار يقول الكلمه الفلانيه
ادري هالشي موجود بوايد مدارس بس مو عاجبتني هالطريقه
انتوا شرايكم بموضوع استضافة الصف السادس بقريد 1 وتدريسهم؟
وبسألكم بالنسبة للملابس الشتوية يصير نشتري جاكيتات من بره ولا لازم ملوت المدرسة؟
والشعار ييعونه المدرسة ولا لأ ؟
