رد: تدرون ان ثنيان وموزة الي بزوارة خميس سالفة صجية بالكويت >>> حياكم اقروا القصة
عاد انا اعرف ثلاث قصص نفس الشي طلق الزوجه واخذ اختها
والقصص كلها صار لها اكثر من ثلاثين سنه
الاولي :
خوات ثنتين ماخذين عيال عمهم وحده منهم مات زوجها واورثت منه عمارات واسهم بشركات وقام ولد عمها وزوج اختها بنفس الوقت وخلص اشغالها وبنفس لف عليها وارثه ملايين وقام وطلق اختها واخذها >>>كانت ناظرة بـ.............
الثانيه : بدو
تزوج بنت عمه وعقب اكثر من 15 سنه اختها الصغيره كانت جميله وتوها كامله 16 سنه والعين عليها لما شافها زوجها ونفس الوقت ولد عمها قام قال لعمه انا ابي قلانه وبطلق الكبيرة >>> الابو وافق على طول لأنه الزوج من اهل الملايين وخاف على الفلوس تطلع بره بناته
الثالثه :
عاد هاذي القصه اللي تقهر ، الله يسلمك هاذي وحده شيطانه عقب ما جابت من زوجها ست اطفال قامت وحبت واحد اصغر منها وعشقته وقام طلقت زوجها علشان تأخذه ، والزوج المخدي ربى العيال ولما فكر يتزوج عقب خمس سنوات - اسمعت زوجته الاوليه وخلت بنتها الكبيره تبجي وتصارخ الا تاخذ خالتي وكان عانس فوق الثلاثين وفعلا تزوجها >>> لما عزمتني ام العروس على عرس بنتها وسألتها منو المعرس قالت لي ولد فلانه اللي قطت عيالها على زوجها صرااااحه كرهت اشوفها وما رحت العرس
قصص هالدنيا >>> الله يكافينا شر الغدر
