رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت
ثاني يوم الصبح
(( بيت أم نوف ))
نوف اقعدت من النوم وحدها تعبانه ولا لها خلق تروح الامتحان .. وحست أن دراستها كانت على الماشي
التفكير ذبحها بآخر فتره .. اسبوع و يخلص الكورس الثاني .. حست انها بتختنق ... ماتوقعت ان تروح سنة ثانية كلية و اهي مو متزوجة ...
أم نوف : نوف ..
نوف : هآآآ
أم نوف : تبين السايق يقعد عندج ولا يرد
نوف : لا خل ينثر كلها ساعتين و ارد ..
أم نوف : ان خلصتي ردي البيت لا اشوفج تفرفرين
نوف : اي يعني وين بروح استغفر الله ..
أم نوف : اخلصي و اخذي عبير على طريجج وصليها امتحانها و انا اجيبها لا خلصت
نوف : وينها
أم نوف : تلبس ناديها
نوف : عبييييييير ...
عبير : هآآآ
نوف : اخلصي يالله
عبير : ازين جوتي مدري وينه .. كآآآآآآآآآآنتي
نوف : وجـــع من صباح الله خير اشتغلتي
عبير : اي بعد اهي كلبة مدري وين تقطة
أم نوف : يوووووووه دوريه تحت الدرج ,,, من عفنتكم تمشون وتقوطن اغراضكم
نوف : اخلصي انا بالسياره انطرج ... عشر دقايق ان ماجيتي مشيت ..
....
...
-----
(( بيت أم عبدالله ))
أم عبدالله : وليش إن شاءالله
منى : اي بعد عرسي يصير بعز الدوامات و الدكاتره لو شنو مايرضون بالطبيه
أم عبدالله : اي داومي عدل ولا جاه العرس غيبي يومين و عقبها روحي .. شنو العرس كلها يومين و خلاص
منى : ما ابي مالي خلق بوقف قيدي
أم عبدالله : ياربي من هالمطفوقة جننتني ...
منى : نزين متى نشتري الذهب
أم عبدالله : انزين
منى : اي متى ؟؟؟؟
أم عبدالله : اسبوع الجاي
منى : تهقين عائشة هالحزة قاعده
أم عبدالله : استحي على وجهج البنت عروس لادقين على شقتها
منى : اصلا ماعندي رقم شقتها.. بس تقول ان فيصل بيشتري لها نقال
أم عبدالله : التليفون الصغير ..
منى : ايه
أم عبدالله : وانتي مهو شاريلج
منى : افففففف منه خل اجيه و اوريه
أم عبدالله : قايلتلج من الاول
منى : يااااو في ام تحرش بنتها على رجلها
أم عبدالله : ما أحرشج بس ابيلج الزين ..
منى : انزين خل امشي اروح الكلية
...
.....
.........
-----ب
عد يومين
(( بيت أم نوف ))
أم نوف : الوووووووووو
...: السلام عليكم
أم نوف : هلا و الله وعليكم السلام
.... : أم نوف موجوده ؟
أم نوف : وياج ... هلا ...
...: شلونج حبيبتي
أم نوف : بخير ياقلبي
...: معاج ام بدر ال ×× ..
أم نوف : هلا هلا فيج يا قلبي شلونج و شخبارج
أم بدر : ابد الحمدالله بخير ..إلا بسألج عن البنت اللي معاج بعرس ولد أم فيصل منهي
أم نوف : هذي نوف بنتي ..
أم بدر : اي ماشاءالله .. تدرس ؟؟
أم نوف : اي والله بكلية التربيه
أم بدر : جم عمرها
أم نوف : 18 سنه و انشاءالله بدش ال 19 ..
أم بدر : اي والله تسألني عنها مرت اخوي تخطب لولدها عاد أنا قلت اسأل اذا بنتج متزوجة أو لا ؟؟
أم نوف : لا والله مو متزوجة
أم بدر : ايي خلاص يا قلبي اكلمها و اردلج خبر ..
أم نوف : انشاءالله ...
...
...
..
-----
بعد ثلاث ايام
(( بيت أم نوف ))
أم نوف : اسمعي دقت علي أم بدر ال ×× تسأل عنج تقول يدورون لولد اخوها
نوف : وشنو قلتي لها << (( حست قلبها بيطيح من مكانه ))
أم نوف : قالت لي تشوف وتدق ..
نوف : متى دقت اليوم ؟؟
أم نوف : لا صارلها ثلاث تيام ...
نوف : ولي اللحين مادقت
أم نوف : لا هذي أنا انطرها
نوف : يووووه دقي انتي عليها
أم نوف : لا حووول عن العجلة يجيج رزقج ...
نوف : اي يمكن نست ولا ضيعت الرقم .
أم نوف : اهجعي اهجعي يجيج رزقج ...
...
...
..
---
بعد اسبوعين
أم نوف : الوووووووو قوة مريوم
مريم (( اخت أم نوف )) : هلا فيج شلونج
أم نوف : بخير الحمدلله .. ها شعنج اليوم ...
مريم : ماكو بروح أبارك لأم بدر ...
أم نوف : ليش ؟؟
مريم : ولد اخوها ملج امس ...
ام نوف : متى أمس ؟؟؟!!
مريم : ايه شفيج
أم نوف :الله عليها داقة علي تسأل عن نوف
مريم : والله مدري أنا خبري فيها صارلها شهرين تدور لولد اخوها ... والبنت اللي خطبوها هم كانوا مقربين بيخطبون بعدين
اهل البنت هونوا ... و بعد يومين دقوا قالوا خلاص تعالوا وراحوا ملجوا ...
أم نوف : ايييي الله يهنيهم ... خلاص اروح معاج مريني ... بسايقج
مريم : خلاص ان شاء الله
...
...
سكرت أم نوف التليفون
نوف : منو اللي ملج
أم نوف : ولد أخو ام بدر
نوف : عمى بعينهم ...
أم نوف : اركدي .. الله يهنيهم ..
نوف لفت وجها وقام تشوف التلفزيون .. بس الصج أن عيونها على التلفزيون بس عقلها بعيد بعيـــد حييييل ...
تمت خمس دقايق سرحانه ... وبعدها ركضت غرفتها و اخذفت نفسها على المخدة اللي دايم تشاركها دموعها و بجيها ...
-----
مرت الشهور بسرعه ... بعد شهر من عرس عائشة .. راحت نوف لها تعطيها هديتها وشافت شريط العرس وكان في حريم
واجد قاعدين يشوفون شريط العرس .. في كل مره تطلع نوف عيونها تتلاقط على الحريم و تشوف شلون ينظرون لها .. تمنت احد
يسأل عنها .. بس للأسف كان الكل يسأل عن غيرها ... و اللي عور قلبها زيادة لما تلتفت لها وحدة من الحريم و تسألها (( نوف منو
هالبنت اللي ترقص يمج )) ... كانت أم فيصل موجودة .. وعيون نوف عليها .. ودها تناديها خاله و دها تقول (( أنا جنتج ))
....
...
شهرين مروا و بين الحمل على غدير ... و خبر حمل عائشة وصلها من أمها .. وعرس منى مابقى عليه إلا يومين ...
...
..
----
(( يوم عرس منى ))
في صالة العرس
نوف : قوة خالة ... مبروك
أم عبدالله : الله يبارك فيج و الفال لج ..
نوف ابتسمت ابتسامة خفيفة لاعت جبدها من هالكلمة اللي تلاحقها كل يوم تحسسها انها عانس ... كرهت قعدت الحريم و
سوالفهم .. في كل مره تزور ولا توجب لازم هالكلمة تكون في ختام كل جلسة ... اكرهتها و كرهت كل من يقول ..
قامت تحس انها مسبه مو دعوه ...
نوف : خاله ماشفتي عائشة
أم عبدالله : لاوالله عائشة رايحة الصالون مع منى
تنهدت نوف بداخلها آآآآآآه يا منى ياما حلمنا بهاليوم وخططنا له لكن للأسف حلمج تحقق و لقيتي اللي تشاركج فيه بس أنا
خلاص ما عدت أنفعج
....
....
...
هالعرس بذات نوف كرهت الرقص بس اجبرت نفسها عليه ... في كل مره كانت ترصق جدام الكاميرا .. بس هالمره غير
انعزلت برقصها و ماكانت تحلم بكل دقة و هزه ...
انتهى العرس ببرود ...
..
...
----
مرت شهور على العرس .. تغيرت فيها احداث كثيره .. انعزلت نوف عن جمعة الحريم ... وخفت روحتها عن العروس ...
سمعت من امها خبر حمل منى ... و وصل لها أكثر من مره خبر زعل منى مع مشاري وكله بسبب الابو ... ماشبع من معاش
الولد .. وقام يطالب منى انها تدفع خمسين دينار من اعانتها .. لزوم قعدتها بالبيت
مشاكل منى و مشاري كثروا .. و انعزال نوف زاد اكثر ... الندم يلحق منى وين ماتروح و الضعف و السمار يلحق نوف ..
معدل نوف كل ماله وينزل عكس شذى اللي معدلها دايم بالصداره والكل شجعها ويتوقع لها انها ترسلونها لبعثة اكمال الدراسة ..
...
----
بعد سنه
منى صار عندها سلمان ... وعائشة صار عندها شهد ...
منى : الوووو قوة عواش
عائشة : ها يامنى منتي رادة لبيتج ..
منى : اي بيت قصدج غرفة وحمام
عائشة : ماعليه بس منتي رادة لرجلج
منى : اووووووف يا عائشة و الله تعبت خلاص مو قادره اتحمل ...
عائشة : ماعليه يا منى المره مالها إلا رجلها وباجر تشتغلين ومردها بتفرج
منى : شتفرج يا عائشة ... اولدي امي متكفلة بحفاظاته وحليبه .. و لبس نفس الاوادم ماعنده .. انا مخلجنه حتى دراعه
ماعندي و تقولين انطر لين اتخرج
عائشة : اي بعد شتسوين تحملي لين يجي لج معاش
منى : هذا اذا مو ابوه حط عينه على معاشي
عائشة : شوفي منى ... اذا شتغلتي ومسكتي المعاش بيدج وماتعدل الرجال ولا ابوه شيلي قشج وردي لأهلج
منى : اي عشان على ما ارد إلا عندي ثنين ولا ثلاث ...
عائشة : منى انتي خذيتيه وانتي تدرين ان ابوه اقشر وقلتي عادي وراضية
منى : شسوي يا عايشة ما ابي اعنس
عائشة : وهذا انتي بتطلقين ...
منى ... قامت تبجي ....
....
....
...
----
سنة 2005
كمل عمر نوف 22 سنه ... تخرجت و توظفت مدرسة بالمرحلة الابتدائية ...
كان شكلها أكبر من عمرها العزلة كبرتها و بعد رفيجاتها كبرها اكثر .. و بعد شذى و تغربها بأمريكا لتكميل الدراسة..
حسس نوف بفراغ كبير ..
...
..
----
(( بدوام نوف و بغرفة المدرسات ))
أبلة سوسن : شوفي عطيه ادول وحطي كمادات عشان ماترتفع حرارته .. ترى والله أنا يوم بجري طعمته ونسيت اسوي جذي
ماجاه الليل إلا حرارته مرتفعه زين لحقت عليه
أبلة مشاعل : اي عاد إلا الحراره يمآآ أنا لاصار بعيالي حراره ما أنا كلش ..
أبلة ماجده : وييي ذكرتوني ولدي تطعيمة طايف صارله شهر
أبلة مشاعل : وليش ماوديتيه ...؟؟
أبلة ماجده : سكتي متهاوشة ويا ابو الشباب صارلي شهر في بيت أهلي و البطاقات و الميلادية عنده
أبلة خولة : واااي يا قو قلبج شلون شهر زعلانه أنا اسبوع و امووووت
أبله ماجدة : والله ماعوزه ارضى جذي .. ايي اهو لي باب البيت ويعتذر
أبلة خولة : ايه ايه يا الخبلة قعدي في بيت اهلج لين تيي بنت ابليس تاخذه منج عاد ياكثرهم طايحين بجبود عمرهم يدورون
ريحت الريال ....
نوف حست بغصة يوم سمعت هالكلام لا اراديا حست ان نغزه عليها رغم انها عمرها ما حسستهم انها ميته على الريال صارلها
سنين كاتمة هالشي بقلبها وماعادت نفس اول تبوح فيه .. قامت تحسس اللي حواليها بعدم اهتمام لزواج وانها ماتبيه عشان
ماتكشف مشاعرهالحد ... ولو دش أحد داخل قلبها وشاف شغفها و تلهفها على الزواج ليلوم الدنيا والقدر على سواته في
نوف ...
انسحبت نوف بهدوء من قعدت المدرسات و سوالفهم اللي مالها اهمية بنسبه لها...
...
...
..
----
انتظر ردودكم
