بنااات انا تعبت اختي مصييبه شيطان في هيئة انسان

[أوهـ وردية ـام]

السلام عليكم بنات
انا بصراحه متسلفه هالنك من رفيجتي حبيبتي بس لان حاولت اشترك في المنتدى مووراضي يضبط معاي


بصراحه انا وامي تعبنا من اختي و من مشاكلها تخيلو يا بنات البنت مابقى منكر ماسوته استغفرالله العظيم مادري منو مخربها
مع ان احنا بيتنا ناس مصليه نخاف ربنا الا اهي

امي بصراحه غلطت لان تعطيها الخيط والمخيط كل شي تبيه تعطيها ووين ماتبي تروح تروح على بو انها عندها شخصيه مع الناس و ( ماتستحي مثلي يعني ) لان انا وايد حياويه مع الناس عكسهاااااااااااااا كلش

بنات والله مستحيه اقوولكم شتسوي والله ان حتى امي حياتي مسكينه ماتعرف شتسوي معاها
وانا بصراحه اخاف من اختي لانها تطقني وايد وامي تطقني وايد على اسباب تافهه بس مو هذا موضوعنا

بنات انا اخاف ربي اصلي وماعندي سوالف شباب ماشباب بس اختي مصيييبه تكلم مليووون
والاكبر من جذي ( تبوووووووووووووق ) يا بنات تبوق تعرفون يعني شنو تبووق !!
ماعندها قلب ماتصلي ولا تصوم كلا بس جدام الناس ملاك ومن وراهم بلاااوي
والله ان الناس قامو يكرهوني لاني ماحبها ( لان اهي دفشه و عندها شخصيه فيحبونها )
وانا اقول في قلبي لو تدرون عن بلاويها جان كرهتووووها
بنات والله مستحيه اقولكم بس حتى مكرم السامع ( الشذوذ ) سوته
تتحرش بالشباب اشكره ! وتتلصق غصب طيب مع ان ماحد يطل بويها لانها مو ذاك الزود كلش
فشلتنا خربت سمعتنا وانا مالي ذنب
امي وابوي بس يكلمونها وما يطقونها بس يطقوني انا المسكينه لان ماقدر ادافع عن نفسي
وعلى شغلات تافهه والله ابجي بجي
بنات تخيلو ان العيد اللي طاف فلوسي كلها باقتهم حسبي الله عليها
وتبوق حتى من امي و من ابووي ومن اخواني و من اهلي مادري شفيها مو صاحيه والله
وبلاااوي سووده مع شباب انا لاعت جبدي لان غرفتي مالها مفتاح و اهي كل ما طلعت بره دشت غرفتي و خذت اللي تبيه
تخيلو كل ما انبش بجنطتها القى اكثر من شغله لي
المشكله ان لما تدري اني دريت انها بايقه مني فلوسي او اغراضي تغني و ترقص و تضحك جنه العيد !!
وامي كل ما اقولها تقول بكلمها وماتكلمها .. امي كلا اتدافع عنها مادري ليش اخر مره قتلها ضيعت السالفه تقولي فلوس البيت ماتكفينا مادري شنو ؟؟؟ هذا شكو بالموضوع يعني ترضين بنتج تبوق؟؟

بنات ساعدوووني انا والله مو من عادتي اني اقول مشاكلي في الانترنت لان من ستر على اخيه ستره الله يوم القيامه
بس اختي قاعد تضرررررررررني تضر سمعتي و تضر شرفي تاكل فلوسي جنه العيد وانا اححترق
عسى ما اقول يالله صباح خير القى بلوه من بلاويها تعكر مزاج اليوم كله
بنات انا مره قعدت افكر وجمعت اللي بايقته وجكيتها طلع تقريبا فوق الاف دينار !! والله العالم بالشغلات اللي مادري عنها

 

[ЄŊg.Đσ`3Ч]

الله يهديها ويسستر علييج وعلييها ,

ابوج ماله دور اخوانج !

امج !

انتي حاولي تكلمينها تقربي منها ليين تتعدل بسس مو تخربين معاها !
وادعلي لها بكل صلاه وحاولي تخشين اغراضج بمكان مقفوول
والله يسستر عليها وعلي جميع المسلمين والمسلمات !



الله يعينج

 

[EnGiNeeRa_92]

رد : بنااات انا تعبت اختي مصييبه شيطان في هيئة انسان

لا حول ولا قوة إلا بالله ، الله يهديها ...
حبيبتي ، ما يصير تبجين وتشيلين هم بروحج ، خلج قوية دافعي عن نفسج وكلمة الحق قوليها بصوت عالي ، واذا خذت فلوسج ، طبي عليها بمكانها ورجعي فلوسج من بلاعيمها وريها العين الحمرا ، و قوليلها اذا تبي منج شي مو مشكلة تيي تطلب مو تاخذ وتمشي جنه حلال ابوها ، واذا كلش بعد لا تخلين معاج كاش ، حطي فلوسج كلها بحسابج وخلي معاج كي نت على طوول داام ماكو امان حتى بالبيت ، وانا الصراحة مع اختي نففس الحاله تدش داري تاخذ اللي تبيه وتطلع ، وانا اكون بره البيت من وراي هالحركاات تصير ، شسويت قمت شريت لي خزانة صغيره جذي من علي عبدالوهاب ومعاها مفتاح ، وانتهت السالفة .. لا حبيبتي ، لا ترضين احد يصرخ عليج بدون سبب ، وامج وابووج كلميهم بأسلوب حلو أنج ما سويتي شي تنزفين عليه ، ولا تسكتين قولي بقلبج كله .. حبيبتي بسألج ؟ جم عمرج ؟​

 

[bnt_7waa]

لاحول ولا فوه الا بالله

ادعيلها بالهدايه لان مها تسوين هاذي اختج

ودام امج وابوج راضين انتي ماتقدرين تسوين جذي

دخلي احد بالعايله عمامج خوالج يكلمونها مانفع الكلام تتهدد البنت

والله يكون بعونكم

 

[kndora]

الله يهديها يارب ويهدينها

 

[أوهـ وردية ـام]

بنااات اهيا اكبر مني تطقني وايد اخاف منها
ابوي مره بس دررى لما باقت من شخص من العايله و كبرو السالفه
وماحب اضيق خلقه حرام بروحه فيه القلب
حتى امي اتردد اقولها ساعات مابي اضيق خلقها

 

[أوهـ وردية ـام]

عندي اخو واحد وصغير كلش بالابتدائي

 

[أوهـ وردية ـام]

رد: رد : بنااات انا تعبت اختي مصييبه شيطان في هيئة انسان

لا حول ولا قوة إلا بالله ، الله يهديها ...
حبيبتي ، ما يصير تبجين وتشيلين هم بروحج ، خلج قوية دافعي عن نفسج وكلمة الحق قوليها بصوت عالي ، واذا خذت فلوسج ، طبي عليها بمكانها ورجعي فلوسج من بلاعيمها وريها العين الحمرا ، و قوليلها اذا تبي منج شي مو مشكلة تيي تطلب مو تاخذ وتمشي جنه حلال ابوها ، واذا كلش بعد لا تخلين معاج كاش ، حطي فلوسج كلها بحسابج وخلي معاج كي نت على طوول داام ماكو امان حتى بالبيت ، وانا الصراحة مع اختي نففس الحاله تدش داري تاخذ اللي تبيه وتطلع ، وانا اكون بره البيت من وراي هالحركاات تصير ، شسويت قمت شريت لي خزانة صغيره جذي من علي عبدالوهاب ومعاها مفتاح ، وانتهت السالفة .. لا حبيبتي ، لا ترضين احد يصرخ عليج بدون سبب ، وامج وابووج كلميهم بأسلوب حلو أنج ما سويتي شي تنزفين عليه ، ولا تسكتين قولي بقلبج كله .. حبيبتي بسألج ؟ جم عمرج ؟​

والله حتى امي قالتلي لاتخلين معاج كاش
بس ساعات انسى وخاصه ايام العيد ماقدر اروح البنك فلوسي كلها كاش واهيا استغلت الموقف
احرمت مني وناستي حتى بفلوس العيد ..

انا عمري 18 واهي اكبر مني ب3 سنين

 

[أسيرة_أحزاني]

رد : بنااات انا تعبت اختي مصييبه شيطان في هيئة انسان

لا حول ولا قوة الا بالله الله يهديها حطي موضوعج بقسم الاستشارات يفيدونج اكثر منا

 

[Sayounara]

رد : بنااات انا تعبت اختي مصييبه شيطان في هيئة انسان

زين أنا اكثر شي شدني (أهلي يطقوني) ليش؟

 

[حرم يوسف بيك]

رد : بنااات انا تعبت اختي مصييبه شيطان في هيئة انسان

الله يهديها بس لازم احد يعطيها طراق يصحيها من الي اهيا فيه انزين اخوانج الكبار خلهم يأدبونها احد من عمامج او خوالج القريب منج صارحي بس مو بكللللللل شي طبعا ويتفاهم معاها لازم اتحب احساب حق احد قبل لاتسوي شي والي مقوي موقفها وزايد التمادي بالغلطً امج الله يهديها تدري بكل شي وتسكت وتستر عليها من جذي قاعده اتمادى

 

[نبض السعاده]

الله يهيديها يارب

 

[بنت.المطيري]

يمكن مسحورة!

الله يعينكم يارب

بلغوا عنها والله احسنلكم ...

هذ

 

[أوهـ وردية ـام]

رد: رد : بنااات انا تعبت اختي مصييبه شيطان في هيئة انسان

زين أنا اكثر شي شدني (أهلي يطقوني) ليش؟

انا ساعات اقوول لامي ابي ارووح لرفيجتي وما ترضى واذا بجيت تطقني
ومرات لاني ما البس ملابسي بسرعه تخييلي
وعلى شغلات تافهه بعد ..
وبصراحه ايام المراهقه بدت اختي تاثر فيني وكلمت واحد و طبعا لما اهلي درو خذو مني التلفون والاب توب وحكروني بالبيت وقفلو باب البيت وشلعو كل تلفونات البيت
بس عقبها لا تبت الحمدلله انا تغيرت وصرت اخاف على نفسي واخاف ربي
اما اختي لما يطيحون عليها بس يزفونها.. و امي تخلي عندها التلفون ( تلفونين بعد مو تلفون واحد )
وانا لما خذو مني كل شي حتى رفيجاتي ماقدرت ادق عليهم عشان يواسوني على الاقل ..

 

[DốǾốDї]

امبيييه الا البوووق

شفيها اختج مستخفه
مسكي امج على صوب وكلميها قولي يما ما يصير شوفي صرفه وياها
مشوهه سمعه العايله بسوالفها قوليلها يمااا البنت تكلم شبااااب وتبووووق
لازم تتصرفين معاها وتراقبينهاا وبعدين معاهاا لازم نوقفها عند حدها

 

[EnGiNeeRa_92]

رد : رد: رد : بنااات انا تعبت اختي مصييبه شيطان في هيئة انسان

والله حتى امي قالتلي لاتخلين معاج كاش
بس ساعات انسى وخاصه ايام العيد ماقدر اروح البنك فلوسي كلها كاش واهيا استغلت الموقف
احرمت مني وناستي حتى بفلوس العيد ..

انا عمري 18 واهي اكبر مني ب3 سنين

لا تخافين منها ، انتي مشا الله مره ، مدت ايدها مدي ايدج عليها لا تخافين ، الطيب ما ينفع بهالزمن ..
حبيبتي مصعي فلوسج منها حتى لو ما تدري .. يتج بتاخذهم مره ثانيه اوقفي بويها واذا كلش ما يخليج الخوف روحي حق امج​

 

[أوهـ وردية ـام]

والله يا بنات انا كلا اروح لامي لما تكون بروحها و بالوقت المناسب اكلمها اقولها يما شوفي اختي ترى جذي جذي السالفه..
تقوولي يمه انا تعبت منها مادري شسوي وياها

بنات انا حاسه ان امي هم تخاف من اختي ترى اختي تخرع و تطول لسانها على امي اذا زفتها تصارخ
ومره امي كلمتها جان تطلع برا البيت بس لما ابوي كلمها ردت ..

انا خايفه اقول لابوي اخاف يصير فيه شي لانه مريض ..

 

[دموعي قهر]

حبيبتي ألجي للي عينه ماتنام اللي بأمره كن فـيكون ..

كثري من صلاة الليل قبل اذان الفجر بعشر دقايق ادعي وادعي وابكي ليما تسمعين صوت أذان الفجر قولي اللهم أني اسألك في هذه الساعه

اللهم لاتردني خائبه وكرريها 3 مرات اللهم اني أسألك هدايه اختي إلى طريقك المستقيم اللهم ثبت قلبها على طاعتك ورضاك..


قسم بالله ووالله على ما اقول شهيد ولا زدت بحرف واحد صار لي مأزق في حياتي لدرجه أقول ياحظ اللي ماتوا خلوا الدنيا وبلاويها

وقلت خلااااااااص مافيه حل ,,,

بس عقب ماكثفت قيام الليل في يوم وليله اموري انحلت وكأني اكذب ..


الله يهدي اختش يااااااااااااااااااااااااااارب..

 

[يا قلبي لا تحزن]

رد : بنااات انا تعبت اختي مصييبه شيطان في هيئة انسان

الله يهديهااا
عاد كل شي الا البوق الله يعينكم عليهاا

 

[أوهـ وردية ـام]

حبيبتي ألجي للي عينه ماتنام اللي بأمره كن فـيكون ..

كثري من صلاة الليل قبل اذان الفجر بعشر دقايق ادعي وادعي وابكي ليما تسمعين صوت أذان الفجر قولي اللهم أني اسألك في هذه الساعه

اللهم لاتردني خائبه وكرريها 3 مرات اللهم اني أسألك هدايه اختي إلى طريقك المستقيم اللهم ثبت قلبها على طاعتك ورضاك..


قسم بالله ووالله على ما اقول شهيد ولا زدت بحرف واحد صار لي مأزق في حياتي لدرجه أقول ياحظ اللي ماتوا خلوا الدنيا وبلاويها

وقلت خلااااااااص مافيه حل ,,,

بس عقب ماكثفت قيام الليل في يوم وليله اموري انحلت وكأني اكذب ..


الله يهدي اختش يااااااااااااااااااااااااااارب..

اي والله صاجه حياتي فديتج مشكووووره ويزاج الله الف خير
انا قاعده احاول اكثر من الاستغفار على الاقل اطلع من المصيبه اللي انا فيها
وانشالله بدعي ربي ان الله يهديها ويصلح بالها

بنات عفيه ادعوولها بالهدايه