ألفاظج .. ألفاااظج !!!!

[قطرية أصل وفصل]

رد : ألفاظج .. ألفاااظج !!!!

على فكرة وبدون مجاملة خواتي اللهجة الكويتية تينن بصراحة أنا اشوفها احلى لهجة في الخليج .. وهي اقرب لهجة لنا .. لما اروح مكة ولا جدة دايما يحسبوني كويتية يقولون لي ياحلو مسلسلاتكم وحجيكم << ببدلها كلامكم ههههههههههه

 

[blue diamond]

صااجه قطريه أصل وفصل لهجتنا اتينن خصوصا العتيجه
هم بعد اللهجه القطريه حلوة وتدش القلب > كانوا ييرانا يمصر اقطريين فكنت احبهم وايد

 

[G!RLY-PAci]

لوووووووووووووول
امبيه انا ذكرت موقف كان عن بنت خالتي الكبيرة
كل مرة تتحجى تقول العشا مالج او مثلا التلفون مالج او اي شي تقوله لااااااازم تقول مالج مالج
اخر مرة اول امس قالت لي عطيني الاي فون مالج
جان ازفها قلت لها انتي استحي على ويهج ههههه
شنو مالج ومالج
قولي عطيني اي فونج ولا اي شي لا تقولين مالج
احس في ناس علطول تفهمها شي ثاني
اهيا يمكن الكلمه ما فيها شي ولا قصدها شي لما تقولها
بس مادري احس لما تنقال تضحك
يمكن انا اللي دماغي راحه شوي شمال ؟؟؟ ههههههههه​

_shh_:

 

[غلاي امي وزوجي]

انا زوجي الدفش واذا سمع مني كلمه انثويه يبدا الطنز

نفس الحال

 

[blue diamond]

لوووووووووووووول
امبيه انا ذكرت موقف كان عن بنت خالتي الكبيرة
كل مرة تتحجى تقول العشا مالج او مثلا التلفون مالج او اي شي تقوله لااااااازم تقول مالج مالج
اخر مرة اول امس قالت لي عطيني الاي فون مالج
جان ازفها قلت لها انتي استحي على ويهج ههههه
شنو مالج ومالج
قولي عطيني اي فونج ولا اي شي لا تقولين مالج
احس في ناس علطول تفهمها شي ثاني
اهيا يمكن الكلمه ما فيها شي ولا قصدها شي لما تقولها
بس مادري احس لما تنقال تضحك
يمكن انا اللي دماغي راحه شوي شمال ؟؟؟ ههههههههه​

_shh_:

لووووووووووووووووووووووووووووووووووووول
ذكرتيني برفيجتي كنا انا وياها قاعدين نشوف التلفزيون والمذيعه قالت جمله شب حريق ........... ما اقدر اكمل الجمله
ما اشوف إلا رفيجتي بطتها ضحكه وانا اقولها شنو اشصاير عاد اهيا فهمتها لي بعدين

وبعد فتره يت لنا خدامه اسمها مااا....... غيرنا اسمها على طول لووول

صح الكلمه انا ما اشوف فيها شي بس تفكير الناس يبيله طق ​

 

[قطرية أصل وفصل]

رد : رد: ألفاظج .. ألفاااظج !!!!

صااجه قطريه أصل وفصل لهجتنا اتينن خصوصا العتيجه
هم بعد اللهجه القطريه حلوة وتدش القلب > كانوا ييرانا يمصر اقطريين فكنت احبهم وايد

فديتج والله .. يوم اني كنت بالمانيا تعرفت على وحدة كويتية عسسسسسسسسسسل .. وزاد عليها لهجتها .. <<<شسوي احب الكويت واهلها غاليين علي والله ههههههههه

 

[أمواج البحر]

امبي من صجكم بنات

انتو جذي قاعدين تمسحون وتلغون لهجتنا الكويتيه

والله ياحلوها من لهجه تهبل

مو كل شي نغيره او نخليه بالانجليزي

ياحلو يداتنا كلهم ذرابه مع انهم يستخدمون كلمات قلجه <<< طبعا هالكلمه بالنسبة لكم لو كلاس :/

المهم انا وحده من الناس مستحيييييل اغير لهجتي الكويتيه

والذرابه اني اغير بتصرفاتي وما اصرخ ومن هالسوالف

مو اغير كلامي واقول خلاص صرت ذربه

الموضوع والردود حطوا على راسي مليون علامة استفهام؟؟؟

معقوله ماتحبون اللهجة الكويتيه على ابووو انا بنترقي باسلوبنا

جد والله ماني لاقيه علاقه بينهم

ليش واشحقه؟ <<< وحده من البنات قالت ان كلمة اشحقه مو ذربه!!! :/

لا لا جد جد طاقتني البوهه!!!

 

[صمت المرافئ]

رد : ألفاظج .. ألفاااظج !!!!

موضوعج عسل يا حياتي مثلج :sfg:
ضحكتوني يا مال العافيه
الله يغربل ابليسكم
^
^
^
حدي عتيجه !!
.
.
.
والله كلامنا أول حلو
وما أحب ابدا ابدله
إلا اللهم بعض الكلمات اللي لو تنحذف من الوجود
مو من اللهجة بس أحسن

قلج = صعب

عتيج = قديم

كدي راسج =مشطي شعرج
راسها طويل = قصدهم امهاتنا شعرها طويل ( حشا جنيه مو آدميه )

قفشه أو خاشوقه = ملعقه ما يصير خلنا على قفشة ( قوليها بنعومه تصير ذربه )

جعمته = وقفته عند حده ... يبا جعمته أقل بالكلام ومعبره ( تشجع اللهجه الكويتيه )

بقمه = حيل مغبره قلاده
مضاعد = اخت بقمه الاساور
تراجي = حلق مثلا !!! خلينا على كلامنا احسن

ريحه = عطر ماأدري ليش كل ما أسمع ريحه يطرا على بالي شي شين

بطيخه = كله كوم وهذا كوم ... يعني سرير أبو نفرين
بافهم اشدخل الفواكه بالسالفه ؟؟؟؟ :eh_s(10):
يمكن لان سرير ابو نفرين للمتزوجين بس
والبطيخ حلم عندهم ما يشوفونه الا من وين لوين
فربطوا ... يعني الزواج متشفقين عليه مثل البطيخ
( تفسير منطقي مو جذي ) :rerrerek:

تطنقر = تزعل بس مو معاي انها معبره أكثر !!!
.
.
.
وغير جذي ذكرتوني بسالفه أضحك على نفسي كل ما ذكرتها
أول ما تزوجت أقول لريلي واحنا بالسياره :
قطني على بيت أهلي أو قطني على السوق
يضحك علي ويقول يعني أقطج من السياره أحذفج
قولي وصلني .. الاخ اهو اللي يعلمني على الذرابه
ههههههههههه ههههههههههه
هههههه إذا ذكرت شي اقولكم ​

 

[blue diamond]

رد: رد : ألفاظج .. ألفاااظج !!!!

وغير جذي ذكرتوني بسالفه أضحك على نفسي كل ما ذكرتها
أول ما تزوجت أقول لريلي واحنا بالسياره :
قطني على بيت أهلي أو قطني على السوق
يضحك علي ويقول يعني أقطج من السياره أحذفج
قولي وصلني .. الاخ اهو اللي يعلمني على الذرابه
ههههههههههه ههههههههههه
هههههه إذا ذكرت شي اقولكم ​

لووووووووووووووووول انتي اذرب مني

ذكرتيني بأختي نفس ريلج بالضبط اقولها يالله زهبي حالج بقلج (( بااا قوولج )) ما ادري اشلون تنكتب الحين

تقولي لا قليني أحسن من الدريشه لوووووول​

 

[miss_jamsheer]

لووول تذكرت مره ولدي بوسنتين ملوع جبدي وريلي نايم ولدي جان اقولها بس لااقوم اعطيك اطراق الزقك بالطوفه خخخ بس طبعا مو بصراخ بكلام عادي ولا يقوم يقولي سؤال انتي لاقيته بالشارع خخخخخ
والله ساعات من كثر مايلوعون جبودنا يزهقونا حياتنا

 

[miss_jamsheer]

رد: رد : ألفاظج .. ألفاااظج !!!!

بقمه = حيل مغبره قلاده



لوول ذكرتيني بريلي اول ماتزوج يقول شوفي هالبقمه عاجبتني على بنه كبها لولو فمسميهازبقمه والله جنه بعد كانت غاليه اهو قال بقمه مت من الضحك يقول روحي موكفو عاد ولا خذاها لي عصب
تذكرت عزوبي السالميه لما يقول بقمت امي خخخ

 

[سارووه الاموره]

شهالحجي من صجكم انتوو @@

والله انا احس كلامي عادي لا فيه دفااشه

ولا شي

بالعكس يااحلو كلامنااا الكويتي اينن ..

 

[ناتشوو]

رد : ألفاظج .. ألفاااظج !!!!

الموضوع ممتع وحلو

صمت المرافئ ضحكتيني على سالفة / راسها طويل!!

بس مو نقلب كل حجينا انجلش على ابو ذرابة
احس مرات النبرة والصوت تخلي نفس اللفظ ذرب ولا دفش

والاخت اللي تقول تكلمو سعودي
خوش نصيحة واذا زوجي سألني اشفيج بقول طالبيني امثل بطاش ما طاش!!

 

[kuwaitya_zoGaa]

تبون الصج ؟؟ عيل شرايكم ان البنات اللى غير كويتيات والجنسيات الثانيه اذا بيسوون روحهم كويتيات
يتكلمون كلامنا القديم ؟؟
والله انا اشوف بنات ماشاء الله ذرااااابه تعيزين تقولين ذربه وكلاس ودلع وتتكلم كويتي القديم واى تحسينها كويتيه بنت بطنها
وتحسينهم بيت كويتى متأصل
انا عندى البنت بذوقها ورقتها وذرابتها وحركاتها وردودها وعقلها وبصوتها تصير ذربه
يا ما بنات كلامهم مصفف بس ماكو اسلوب وطريقه الكلام تفشل !!!
مشكوره حبيبتى على الموضوع

 

[barbya_q8]

رد : ألفاظج .. ألفاااظج !!!!

Meg rayan

حبيبتي احنا كويتيات ونبي حجينا من لهجتنه ليش ناخذ منكم الخليج كله ياخذ من كلامنه وبعدين حرف الجيم هذا لكم مو لنا احنا مو كلنا نقول حرف الجيم بالعكس حجينه كله ذرابة


ياحلونا يالكويتيات بكل شي ذربين :flower:

 

[barbya_q8]

رد : ألفاظج .. ألفاااظج !!!!

Meg rayan

حبيبتي احنا كويتيات ونبي حجينا من لهجتنه ليش ناخذ منكم الخليج كله ياخذ من كلامنه وبعدين حرف الجيم هذا لكم مو لنا احنا مو كلنا نقول حرف الجيم بالعكس حجينه كله ذرابة :sfg:


ياحلونا يالكويتيات بكل شي ذربين :flower:

 

[SUCARA]

حلجي
دلاقاتي

وله ساعات لي ماعجبني شي اقول ياعمي... أو ... هي شنو هذااااااا عادي عندي ريال وله مره ... واااي ابي اقطع هالجمله
بدال صمون قولي ساندويش
بدال طراق قولي كف
بدال سعابيلي قول لعابي ههههههههه
ساعات اقول يبي جهاز التلفزيون ..يعيبون علي يقولون شنو جهاز قولي ريموت ...حقدت عليهم

شنو بعد شنو بعد

اي

مضاعدي وبقمتي عند امي بالتجوري ..... قولي اساور وقلادتي عند امي بالخزنه ههههههههههههه ترى فصلت
خل اروح انام احسنلي صرت فلم مدبلج

 

[الراقيه 81]

رد : ألفاظج .. ألفاااظج !!!!

حلو حيييييييييييييييل موضوعج ويونس مشكوووووووووووووووووووره يقلبي

 

[bal8es]

بناتو بسألكم ع الالفاظ الحين احنا المفروض نقول دواربفتح الدال ولا دوار بكسر الدال ؟؟
انا كل يعلقون علي ع الكسره يعني مثلا انتي بدال لا افتح الياء اقول انتيييييي امد الياء هههههههههههه الساعه مثلا 3 ما اقول ثلاث لأ ثلاثه امبيه حجي كله بدليات ههههههههههههههه

 

[ام حنوووونة]

ألفاظج .. ألفاااااااااااااظج .. اظنه كان جذي ؟؟

السلام عليكم
صباح الورد بنات الموضوع مبين من عنوانه
في موضوع كانت منزلته عضوة ناسية اسمها بعنوان ألفاظج الفاظج:27d66a9c24b146327bf
رووووووووووووووووووووعة ..
ادوره من امس مو محصلته لاني قريت نصه لووووووووووووول
اخاف صارت هوشة وحذفوه لاني قريت ردود مو شي:23_asmilies-com:

المووووهم
نخلي هالموضوع نفس الفكرة او اذا باقي الموضوع موجود
نخلي هذا الجزء الثاني بعد اذن صاحبة الموضوع الاصلي طبعا :eh_s(22):
لان هالموضوع حيل حيل مفيد
بالنسبة لي لاحظت في زوجي يدقق حيييييييييييييل ع الفاظي
حتى يقول لي الانثى الصج يكون كلامها راقي
الرجال كلامهم غيرررررررر والحريم غيرررر
وهو صاج :sfg:

من ضمن الكلمات الي اعجبته اني كنت اقول
غفيت = نمت
سهيت = يعني ناسية
هع سجع :eh_s(20):

صرت اتحرى حتى نبرة صوتي في كل اوقاتي
لانه صج كل وحدة بداخلها انثى بس احنا مخلينها نايمة :eh_s(22):

بس قبل فترة جبت العيد هههههههه
مسوية تخدير حق اسناني عشان خلع العصب قلت له يوه كأنه الخد مشلول :23_asmilies-com:
قال لي شنو مشلول قولي مخدر:eh_s(22):
هههههههههههههههههههههههههههههههههاااااااااااااااااااي:fun:

خارج النص : بالنسبة لي سعودية بس اشوف احلى لهجة بالخليج هي الكويتية ولا هان باقي الخليج

الحين ياليت كل وحدة تفيدنا بشي من عندها ؟


:sfg:​