الوحده مشكلتي ... شلون نحل المشكله ؟

[life1]

السلام عليكم



انا الصراحه وحده بيتوتيه بشكل ما تصوررونه و المشكله انا كله اقعد بالبيت بروحي


يعني الكل يطلع خاصتن بالعطله اليوم واظلع اجابل الطوف او اروح مرات اللممشى امشي و امشي و امشي لمن ينهد حيلي



صج المشي صحه بس الوحده قاتله :j013:


واحس اني ناقصه شي بداخلي و بس ابي اختلط اكثر ابي اصير اجتماعيه و استانس و ارتاح و ما تييلي افكار سوده من هالوحده


عطوني رايكم بالموضوع


واذا فيه وحده عندها نفس مشكلتي و تعرف احد نفسي خل تقولنا اشسالفتها و اشلون تخلصت من هالشي


ولا تنسون التصويت فووووووووووق

 

[life1]

اببببببببببببببببببببببببب

 

[« ҝ ά ш ά i i »]

رد : الوحده مشكلتي ... شلون نحل المشكله ؟

الله يعينج
حاسه فيج بس حاولي
وتدورين لج رفيجه زينه تصير مثل اختج انا سويت جذي
الحمدلله الحين عندي رفيجات وايد

 

[درة أهل الطولات]

رد : الوحده مشكلتي ... شلون نحل المشكله ؟

شوفي حبيبتي انا تقريبا نفسج

لكن مقررة ان شاء الله اسجل بنادي رياضي

منها صحة وتغيير جو واتعرف على ناس

 

[life1]

سويتها بس ما عرفت اتعرف على احد


صارلي 6 اشهر بالنادي

 

[Nonaah]

رد : الوحده مشكلتي ... شلون نحل المشكله ؟

تقريباً انا نوعاً مآ مثلج
الصدآقه الجديده موجوده ومتواصله ,, بس القديمه كل وحده متزوجه وبديرهـ ولآهيــه عني
الاختلاط مآكو ,, ان شاء الله في عطله العيد
الوحده بالنسبه لي اليوم بكبره 75% اكون بروحي


يعني طول الاسبوع هيكـ الا فيمآ ندر

عايلتنآ كلهآ ع بعضها اربع افراد , وأطمـح لا اتزوجت آيب لي دسته بزآرين يملون عليّ البيت

من جد ملل مآكووو حيآهـ بالبيت

بس الحل شوفي لج اي شي تعلميه درسي شي جديد دخلي اي مكآن معهد فنون او اي شي,,, واذا ينفع دوري لج ع وظيفه .. منها تختلطين ومنها تكّونين صداقات جديده

وانآ ويآج بدور لي ع تسليه

المهم لاتتوقعين انتي بروحج هيكـ ,

عادي حبيبتي الحيآهـ مملّه اوقآت

واوقآت ماتلاقين وقت فرآغ وتولهين ع ايام الوحده خآصه مع جمعه كل الاهل في العطل

 

[جنى q8]

اي طبعا انا نفسج وهذي اكبر مشكله بحيااتي
ع الاقل اانتي تروحين ممشى او نادي
انا لاااااااا ماكو لا طلعه لا روحه لا سياره <<ممنوووع ما ادري لي متى ممنوع بيصك عمري الالف وللحين ممنوع

خليها ع الله سبحااانه ربج يفرجها ان شااء الله

ولما تقولون تعرفي ع رفيجات بصراحه انا عندي رفيجات وااايد بس مو كلهم فايضين لي كل من ولاهي بحياته وحتى لو بكلمهم
ماراح اكلمهم بالتلفون طول اليوم اذا كلش كلش نص ساعه وخلاص وبعدها بإسبوع او اسبوعين يالله اكلمها مره ثانيه
الدنيا تلاهي تلقينها يامتزوجه وعندها عيال ومشغوله او موظفه ترد تعبانه وتطلع وغيره ....الخ

الله كريم ان شااء الله يفرجها قريب

 

[دلوعة أبوهآ]

والله انا نفس الشي .,
مالي صديقات كثير ولا أحب اكوّن صداقات جديده لاني أحسن هالزمن يخوف
ومادري عن اخلاق البنت اللي بتعرف عليها شلون ..!
فـ اكون لحالي أحسن ..,

كان يجيني احباط من هالشعور وانه ماعندي صديقات
بس الحين عاااادي ..,
الحمدلله الحياه ماشيه بدونهم والله معوضني باللي احسن من الصديقات


انتي حاولي لاتفكرين انك دايما بروحك ..
اشغلي نفسك وحياتك بأي شي ..

 

[شلال إراده]

أختي العزيزه

فيه مقوله تقول:
الاستئناس بالناس من علامات الإفلاس .... أنت لازم تكونين صديقة نفسج ,وهذه الفتره مهمه جدا في حياتج يا أنج تستغلينها لصالحج أو تكونين مثل باجي الناس نوم أكل وطلعه.
لازم تنمين نفسج شنوهواياتج؟وشنو طموحاتج وأهدافج؟سنو ودج تكونين؟لازم تقعدين مع نفسج وتعرفين أنت الحين وين؟وين تبين توصلين؟
اقترح عليج القرااااااااااااااااااااااااااااااااااااااااااااااااااااااااااااااااااااااااااااااااااااااءه.
لا تقولين ما أحب أو ما أعرف ,لازم تنمين نفسج بنفسج ,أقري كتب كثر ما تقدرين صدقيني راح تتغيرين 180 درجه<<<وادعيلي
هاذا اللي أنت فيه كله من التفكير,لازم تسوين شي في حياتج أهم شي تنجزين علشان تحسين بقيمتج وذاتج,إقري في كتب التنميه البشريه أقترح عليج :د.إبراهيم الفقي,د.صلاح الراشد.
وكثري من قراءة القرآن مع الإستغفار والدعاء.
وطلعي واسانسي ودشي نادي.
والله يوفقج​

 

[MiSs SaLsA]

يا الله ما توقعت الأغللللللللللللللللب يعانون من الوحده

انا الحمد لله مرتاحه كثير و ما أعاني أبدا من الوحده ,,,,, أسأل اللع العي العظيم إن يبعدكم كلكم عن الوحده


بنات مثل ما انتوا حاسين إن الوحده شي أو شعور مو حلوووو كللللش
و يا صاحبة الموضوع و كل العضوات ترا الحل بإيديكم ,,, يعني لما أهلج يطلعون ليش ما تطلعين معاهم ؟؟!!!
أحلى شي في هالحياة لمة العيلة و طلعة العيلة

تقولين ما يعجبني أطلع ,,,, عيل لا تشتكين من الوحده ,,,, لان الحل بإيدج




الله يوفق كل إلي عندهم هالإحساس يا رب و يخلهم منه يا رب العرش العظيم








تحياتي Miss SaLsA

 

[روانتي 12]

رد : الوحده مشكلتي ... شلون نحل المشكله ؟

الله يعينج

انزين اشغلي نفسج في اي شي

لا تقعدين لحالج ترا مو زين

و الله يوفقج

 

[Dreams Of a girL]

رد : الوحده مشكلتي ... شلون نحل المشكله ؟

الله يعين

 

[life1]

أختي العزيزه

فيه مقوله تقول:
الاستئناس بالناس من علامات الإفلاس .... أنت لازم تكونين صديقة نفسج ,وهذه الفتره مهمه جدا في حياتج يا أنج تستغلينها لصالحج أو تكونين مثل باجي الناس نوم أكل وطلعه.
لازم تنمين نفسج شنوهواياتج؟وشنو طموحاتج وأهدافج؟سنو ودج تكونين؟لازم تقعدين مع نفسج وتعرفين أنت الحين وين؟وين تبين توصلين؟
اقترح عليج القرااااااااااااااااااااااااااااااااااااااااااااااااااااااااااااااااااااااااااااااااااااااءه.
لا تقولين ما أحب أو ما أعرف ,لازم تنمين نفسج بنفسج ,أقري كتب كثر ما تقدرين صدقيني راح تتغيرين 180 درجه<<<وادعيلي
هاذا اللي أنت فيه كله من التفكير,لازم تسوين شي في حياتج أهم شي تنجزين علشان تحسين بقيمتج وذاتج,إقري في كتب التنميه البشريه أقترح عليج :د.إبراهيم الفقي,د.صلاح الراشد.
وكثري من قراءة القرآن مع الإستغفار والدعاء.
وطلعي واسانسي ودشي نادي.
والله يوفقج​

انا امووووووت على القراءه


وهذا كتب تنمية الذات مسطره عندي


بس الخميس و الجمعه خوش ايام للتغير


وامي تقول مو غصب تصترين اجتماعيه تقدرين تستانسين بروحج

 

[* ليــــدي *]

:



:

 

[وردة الهوى]

انا تقريبا الوحده ذابحتني بس احاول اقضي وقتي بين النت والافلام والنوم

اليما يخلص يومي وانا على هالحاله

 

[life1]

يبيلنا شي يغير فينااااااا

 

[جبنة بيضة]

أنا تقريبا نفسج بس لاحظت شي الناس ما تحب الساكت يعني حاولي تشاركين حاولي تسولفين طلعي مع اهلج

 

[أشبـاهـ المطـر]

ليش متذمـرين من الوحده ؟؟

انا قبـل الزواج كنت بيتوتيه
امي ماعودتنا على طلعات وجذي
المهم ابوي كان دايماً يشتري لنا كتب
وكل نزلت معاش شرا لنا مجلات

كانت احلى ايام عمري اقرا اي شي لمجرد القراءة
والنت هم ساعدني اكتسب صداقات بالمسن او بالمنتديات
ورغم ذلك كنت حريصه على صداقاتي الانترنتيه

ما اصدقها لمجرد انها بنت وجذي لا لازم اعرف نوعية مواضيعها
وافكارها واكون معاها صداقه

بس برضو لازم نغير جو ابوي ماكان يحب اقعد بالبيبت وااايد
كلا يطلعنا عسى ربي يطول بعمره مع امي ويشووفون عيالي ان شاء الله ويزوجونهم بعد

 

[عــاشــقــه]

حبيبتي آنآ مثلج بيتوتيه بسس آحآول آشغل نفسسي وآستغل آلوقت بششغله مفيدهـ

يعني مثلاَ مآ آستغني عن قرآءة آلقرآن يومياَ + لآزم آسسوي ريآضه + آحآول آقرآ آي كتآب آو آشترلي كتب آتسلى فيهآ

سآعآت آقعد على آلنت وخصوصاً آلمنتدى آشوف شنو آخر آلموآضيع (_ موضه , ميك آب _)

آحآول آتعلم هوآيه يديدهـ

بعض آلمرآت آطلع آروح آتعشى برهـ , آدش سينمآ , SHopping << آحلى شي

وإذآ كلش كلش إشتركي بنآدي آو إخذيلج دورهـ

 

[CUTE ENGINEER]

آنا أعاني من الوحدة اللي ذبحتني

بس خذيت قرار مهم اني ألهي نفسي بشي غير الدوام

فقررت أشارك بالمعارض بطلب بضاعة من النت وأشارك فيها بمعارض منها أحتك بالناس وأكون صداقات يديدة ومنها اكتسب خبرة بالتجارة وشلون أتعامل مع الزباين ومنها أقضي عالوحدة بالقعدة بالمعرض من 5 لي ال10 بالليل

شرايج فيني؟؟