غسل الجنابه و الدوره ردووو علي ..

[سارووه الاموره]

بنات بسالكم شلون يعني غسل الجنابه الصحيح لاني دورت بالنت

ومو فاهمه :eh_s(1): ابي بالغه العاميه شلوون بالظبط ؟؟؟؟

ويصير اغسل الجسم بس واتوضاا ؟؟ ولا مايصير ... لازم اتسبح كلي ؟؟ :eh_s(1): :tomato2:

وبخصوص

لمن الدورا ترووح عادي اتسبح وانتظف ع طول واصلي ؟؟؟ ولا في طريقه لازم اتبعهاا ؟؟؟



وشكرا :tek:

 

[غلاي غير]

حبيبتي واضح الغسل
والغسل للدوره وللجنابه نفس الشي
اول شي تدخلين تكرمين الحمام تغسلين من تحت بعدين تتوضين عادي الا الريول ماتغسلينها

الحين فتحي الدش غسلي الجانب اليمين كله من الاذون لي نفوق قدم كل شي فيه واذا خلصتي نفس الشي بالجانب الايسر خلصتي دخلي كلج تحت الدش عشان قمة راسج لين تحسين ان الماي تخلل شعرج عاد تسبحي سبوحج للنظافه العادي واذا خلصتي غسلي ريولج اليمين 3 مرات واليسار 3 مرات
بس شرط من البدايه بعد ماتغسلين الي تحت واتوضين خلاص ماتمسكين العوره لانها تنغض الوضوء وهذا والله اعلم

اتمنى اكون وضحتلج

 

[أميره بحبي]

جزاج الله كل خير ..~

وفي شغله ثانيه اذ كنتي حاطه صبغ اضافر واغتسلتي ونسيتيه ترى مايجوز لان الماي مادخل الاظافر لازم تمسحينه وترجعين تغسلين مره ثانيه للفايده بس ...~

 

[ماعاد فيني]

الطريقه اللي قالوها البنات

هي السنه

لكن تقدرين تغسلين جسمج مره وحده
بدون شق ايمن ولا ايسر


وهذا نص الفتوى

الجواب
سئل سماحة الشيخ: عبد العزيز بن باز –رحمه الله- عن سؤال مشابه لسؤالك، فإليك السؤال والإجابة:
سـ/ امرأة تسأل عن كيفية الغسل من الحيض ومن الجنابة بواسطة وسائل الغسل الحديثة، كالدش والصنبور وغيرها.
جـ/ المرأة تستنجي من حيضها ونفاسها، ويستنجي الرجل الجنب والمرأة الجنب، ويغسل كل منهما ما حول الفرج من آثار الدم أو غيره، ثم يتوضأ كل منهما وضوءه للصلاة: الحائض، والنفساء، والجنب، يتوضأ وضوء الصلاة، ثم بعد ذلك يفيض الماء على رأسه ثلاث مرات، ثم على بدنه على الشق الأيمن، ثم الأيسر، ثم يكمل الغسل، هذه هي السنة، وهذا هو الأفضل.
وإن صب الماء على بدنه مرة واحدة كفى، وأجزأ ذلك في الغسل من الجنابة والحيض والنفاس.
ويستحب للمرأة في غسل الحيض والنفاس أن تغتسل بماء وسدر، هذا هو الأفضل.
أما الجنب فلا يحتاج للسدر، والماء يكفي، سواء كان اغتساله من الصنبور أو من الدش، أو بالغرف من الحوض، أو من إناء، أو غير ذلك، كله جائز والحمد لله.
[مجموع فتاوى ومقالات متنوعة لسماحة الشيخ: عبد العزيز بن باز –رحمه الله-

يعني تغسلين مكان الدم
وتتوضين
وتغسلين جسمج كله

وبسسسسس

 

[سارووه الاموره]

مشكورين حبايبي بس انا راح انسا الطريقه اول ماادش الحمام

يعني لازم بالترتيب ؟؟

واذا ماسويت جذي ماينحسب لي وضووء ؟؟

 

[~حكايـة طمـوح~]

بعد اذن صاحبة الموضوع انا بعد عندي سؤال

مايصير اتسبح عادي وبعدين اتوضأ كامل؟؟

لازم اتوضأ اول ماعدا الريول؟؟!!!

 

[miss_math]

رد : غسل الجنابه و الدوره ردووو علي ..

الغسل من الحيض والجنابة له صفتان ...

الأولى :
وهي الواجبة وتشمل على النية + تعميم الجسد بالماء مع المضمضه والاستنشاق ..


والدليل على أن هذا الغسل مجزئٌ : قوله تعالى : ( وَإِن كُنتُمْ جُنُباً فَاطَّهَّرُواْ ) المائدة/6 ، ولم يذكر الله شيئا سوى ذلك ، ومن عَمَّ بدنه بالغسل مرة واحدة صدق عليه أنه قد اطَّهَّرَ"

والثانية :

سنة والصفة الكاملة فهي :
1- أن ينوي بقلبه الطهارة من الحدث الأكبر : جنابة أو حيض أو نفاس .
2- ثم يسمي الله تعالى ، ويغسل يديه ثلاثا ، ويغسل فرجه من الأذى .
3- ثم يتوضأ وضوءه للصلاة كاملا .
4- ثم يصب الماء على رأسه ثلاث مرات ، ويدلك شعره حتى يصل الماء إلى أصول الشعر.
5- ثم يعم بدنه بالماء والغسل ، يبدأ بشق بدنه الأيمن ، ثم الأيسر ، يدلكه بيديه ليصل الماء إلى جميع الجسم .

والدليل على هذه الصفة المستحبة :

عن عائشة رضي الله عنها قالت : ( كَانَ رَسُولُ اللَّهِ صَلَّى اللَّهُ عَلَيهِ وَسَلَّمَ ، إِذَا اغتَسَلَ مِنَ الجَنَابَةِ غَسَلَ يَدَيهِ وَتَوَضَّأَ وُضُوءَهُ لِلصَّلَاةِ ، ثُمَّ اغتَسَلَ ، ثُمَّ يُخَلِّلُ بِيَدِهِ شَعرَهُ ، حَتَّى إِذَا ظَنَّ أَنَّه قَد أَروَى بَشرَتَهُ ، أَفَاضَ عَلَيهِ المَاءَ ثَلَاثَ مَرَّاتٍ ، ثُمَّ غَسَلَ سَائِرَ جَسَدِهِ ) رواه البخاري (248) ومسلم (316) .

وعنها رضي الله عنها قالت : ( كَانَ رَسُولُ اللَّهِ صَلَّى اللَّهُ عَلَيهِ وَسَلَّمَ ، إِذَا اغتَسَلَ مِنَ الجَنَابَةِ، دَعَا بِشَيْءٍ نَحوَ الحِلَابِ ، فَأَخَذَ بِكَفّهِ ، بَدَأَ بِشقِّ رَأسِهِ الأَيمَنِ ، ثُمَّ الأَيسَرِ ، ثُمَّ أَخَذَ بِكَفَّيهِ ، فَقَالَ بِهِمَا عَلَى رَأسِهِ ) أخرجه البخاري (258) ومسلم (318) .
الحلاب : الإناء الذي يُحلب فيه .


لذا فلو نوت الأخت الغسل من الحيض وتسبحت مع المضمضة والاستنشاق فتعتبر طاهرة إن شاء الله

وهذا رد للشيخ المنجد

وبيان ذلك أن الغسل نوعان : مجزئ ، وكامل . أما المجزئ فيكتفي فيه الإنسان بفعل الواجبات فقط ، ولا يفعل شيئاً من

المستحبات والسنن ، فينوي الطهارة ، ثم يعم جسده بالماء بأي طريقة ، سواء وقف تحت (الدوش) ، أو نزل بحراً ، أو حمام سباحة ونحو ذلك ، مع المضمضة والاستنشاق .

وأما الغسل الكامل : فأن يفعل كما فعل النبي صلى الله عليه وسلم ، فيأتي بجميع سنن الاغتسال .

هذا ردي على موضوع مشابه..

 

[فديت قلبه]

مآ قصروآ آلبنآت

 

[سارووه الاموره]

يعطييكم الف عافيه ..,

 

[فاقده ابوهاااا]

رد : غسل الجنابه و الدوره ردووو علي ..

امبي انتي توج تبين اتعرفين اشلون تغتسلين من الجنابه والحيض عيل طول الفتره الي فاتت اشلون كنتي تغتسلين
عالعموم رد الاخت miss_math صحيح واذا تحبين اتعرفين اكثر اشتري كتب عن كيفية الطهاره تلاقينه بالمكتبات ودام ارض المعارض في معرض الكتاب روحي واشتري جم كتاب عن الغسل والجنابه .. عندهم كتب وايد مفيده

 

[جوري وبنفسج]

رد: رد : غسل الجنابه و الدوره ردووو علي ..

السلام عليكم

امبي انتي توج تبين اتعرفين اشلون تغتسلين من الجنابه والحيض عيل طول الفتره الي فاتت اشلون كنتي تغتسلين
عالعموم رد الاخت miss_math صحيح واذا تحبين اتعرفين اكثر اشتري كتب عن كيفية الطهاره تلاقينه بالمكتبات ودام ارض المعارض في معرض الكتاب روحي واشتري جم كتاب عن الغسل والجنابه .. عندهم كتب وايد مفيده

أختي الغالية :

ليش أمبي !!!

ليش تحسسون الناس بالغلط وتحرجونهم ؟؟؟

جذي ماراح يسألون مرة ثانية

وما فيها شيء لما الوحدة تسأل يمكن تبي تتأكد من شغلة

يمكن مو فاهمة شغلة



وأحب أقول لصاحبة الموضوع بكل بساطة

أذا دخلتي للحمام

أول شيء غسلي مكان الدم

وبعدين توضي وضوء الصلاة

و بعدين تسبحي تحت الدوش بحيث أن الماي يغسل كل جسمج

وأذا نسيتي تتوضين قبل الدوش بكل بساطة توضي بعد الدوش

وسلامتج

ما في أبسط من جذي ​

 

[يرخصلك كل غالي]

البناااات ماقصرو

k&rya محد طلع من بطن امه عاارف يمكن البنت بتاكد

لانه في اكثر من طريييقه

 

[سارووه الاموره]

وييييي لاااا شنو مااعرف اغتسل انا الابله قالت لي تسبحووو وتوضوو بعدها تعتبر وضووء وانا اسويها اتسبح واتوضا واطلع اتشهد جذي قالت الابله وانا اسويها ..

وريلي يقول لااا غلط قال لي طريقه صعبه واايد ماني فاهمتها

وحبيت افهمها واحفضها بموضوع لي ...

ع العموم يزاااكم الله خير ...

 

[جوـآهر ..~]

رد : غسل الجنابه و الدوره ردووو علي ..

اوووويه .. نحن الابله مال التربية الاسلاميه قالت لنا شي غييييييييييييييييييير عن اللي قلتوه .. و انا للحين اطبق الشي اللي قالته
لأني بصراحه استحي اسأل الوالده..




ان شاء الله راح اطبق اللي قلتوه .. و مشكورين و يزاكم الله الف خير خواتي ^^ و شكراا لصاحبة الموضوع