ديوانية سوالف حريم اللي فوق الثلاثين حياكم الله ..........

[أم بدير]

طيب انت تابعيه وفهميه انه معناة التفوق
عشان ما يرضى بأقل منه​

مو هني المشكله
مو لازم اقنعه
الولد مقتنع من ياب امتياز انه آينشتاين عبقري زمانه

واهو الله لايراويج مخ ماكو​

 

[ياسميين]

ياسمين لا مو انا انا اصغر عيالي دندونه مواليد 2004

مممممممم عيل كانت منو ما تذكرينها ؟؟؟​

 

[رهوف]

رهوف اذا عالسمنه لاتحاتين
خارب خاربه
ناطرين رمضان يخلص على خير باذن الله عشان نبلش رجيم سنع لأن اي شي بسويه الحين بيخربه رمضان

انشالله باجر امرهم ان الله كتب​

:eh_s(15): عجبتني خطتج الخمسية وآنا اذا بنطر بعد رمضان ال15 بيصيرون30

 

[ام_بدر]

شموضوعكم عنه اليوم بنات؟؟؟ وصفوي وينها؟؟؟​

 

[محبه للصالحيين]

رهوف والله معاج حق الغيره والحسد زايده حيل بين الحيم بذات
بصراحه خلينا نكون صريحيين إذا عندج شي زين من خلطه من طبخه
تعطينها حماتج او احد قريب منج بس بينكم شوية حزازات مثلا


انا عن نفسي ايه اعطيها يعني صارت بيضه او ناعمه او سوت هالطبخه شيبي يصير فيني !! بالعكس يمكن الله يبارك لي فيها

بس بصراحه انا احس نفسي نحيسه مثلا في خياطي لأن اخاف يروحون ويشوفون لبسي قبل لاالبسه او يقلدوني فيه ..

 

[رهوف]

عودة لكم من جديد ازيكو يابنات عاملين ايه واللهي واحشيني اوي اوي اوي اخباركو ايه واخبار الصغننين ايه​

اهلا ازيك يا اموبدر ... احنا الحمدلله كويسين يا حبيبتشي

 

[ياسميين]

مو هني المشكله
مو لازم اقنعه
الولد مقتنع من ياب امتياز انه آينشتاين عبقري زمانه

واهو الله لايراويج مخ ماكو​

طيب خليه ينقرص ​

 

[ياسميين]

هلا والله ام بدر شفيك تأخرتي؟؟؟​

 

[ام_بدر]

اهلا ازيك يا اموبدر ... احنا الحمدلله كويسين يا حبيبتشي

بعد قلبي هلا فيج ان شاء الله دوم كويسين موضوعكم عن إيه بيتكلم عن إيه؟؟ "اصل ودي اتناقش" جيكو <<<ابله عطيات:eh_s(3):​

 

[رهوف]

رهوف والله معاج حق الغيره والحسد زايده حيل بين الحيم بذات
بصراحه خلينا نكون صريحيين إذا عندج شي زين من خلطه من طبخه
تعطينها حماتج او احد قريب منج بس بينكم شوية حزازات مثلا


انا عن نفسي ايه اعطيها يعني صارت بيضه او ناعمه او سوت هالطبخه شيبي يصير فيني !! بالعكس يمكن الله يبارك لي فيها

بس بصراحه انا احس نفسي نحيسه مثلا في خياطي لأن اخاف يروحون ويشوفون لبسي قبل لاالبسه او يقلدوني فيه ..

والله آنا كنت اعطي واقول ولما يسألوني عن مكياجي اشرح واقول بضمير بس بعدين حسيت الناس يجذبون الأشيا اللي تخصهم وعمرهم ماقالوا شي صج تعطيج طريقة كيكة وتحسين ناقصها شي :eh_s(12): بس الحين ما اقول

 

[رهوف]

ام بدر ما تكلمنا عن شي معين ... شرايج تطرحين موضوع

 

[هوى الدار]

والله يارهوف انا شخصيا شكثر عانيت وتصيرلي عداوات ومو انا السبب فيها والله وناس تكرهج او تحقد عليج لسبب في نفسها انتي مالج يد فيه
اول ماتزوجت كنت شكثر افكر واتعب نفسيا ليش الناس جذى وليش فلانه قالت جذى وليش علانه قطت هالكلمه تعبت حيييييل وكل شي افكر فيه وبالليل اوسوس من كثر التفكير ويصيبنى ارق
مع السنين ومعاشرتج للناس واحتكاكج فيهم سبحان تصير عندج مناعه انا الحمدلله الحين مقتنعه ان ماصارلي اعداء الا لشي حلو فينى محترين منه او نجاحي او حتى الرزق من الله ان كان بعيال او بفلوس او اي شي فاقتنعت ان الغلط مو فيني فيهم اهم صج هالاقتناع اخذ سنين من التفكير والهم بس الحين انا مرتاحه داخليا واعرف اتصرف بالمواقف الي تصيبنى من احتكاكي بنوعيه معينه من البشر
مو معنات ان لج اعداء انج انتي شريره ولا ان انتي مو زينه مرات بحكم العلاقات الاسريه او الشغل يتحتم عليج نوعيه معينه من الناس لهم طريقه تعامل معينه والشاطر الي يعرف شلون يتعامل معاهم بدون لا يقهر نفسه او يحقر من قدر نفسه
مادري شفينى شكثر اقرق سوري بس لقيت احد عطاني وجه وطلعت الي بقلبي

 

[ام_بدر]

هلا والله ام بدر شفيك تأخرتي؟؟؟​

هلا فيج يو يو حبيبتي شسوي مكان الدوانية والطريج بعيد بعيد وتدرين السمنة قاتلة وزين انها ماتقلتني زين مني ييت :eh_s(3)::eh_s(22):​

 

[ام_بدر]

ام بدر ما تكلمنا عن شي معين ... شرايج تطرحين موضوع

رهوف والله ودي اتناقش في موضوع عن الناس بهالزمن واشلون تاخذين الحذر منهم اشرايج رهوف وشرايكم بنات؟؟؟​

 

[هوى الدار]

حياج ام بدر شلونج ؟؟؟؟؟

 

[ياسميين]

تصبحون على خير بنات
بصلي وأنام
اشوفكم على خير:eh_s(8):​

 

[محبه للصالحيين]

هوى الدار
عاد كلش ولا تكون هذي النوعيه معاج بالدوام ومجابلتج طول النهار وااااااي
تدرون الدوام نشوفهم اكثر من نشوف اهلنا يعني يوميا 6 ساعات
صعبه إذا معاج ناس ماتعاشر وماتعاون وتتصيد على ادنات الدون

 

[ام_بدر]

حياج ام بدر شلونج ؟؟؟؟؟

هلا والله هوى الدار الله يحيج بعد قلبي انا بخير انتي اشلونج عساج بخير؟؟​

 

[رهوف]

هوى الدار والله صاجة آنا تزوجت عمري 19 سنة سافرت مع ريلي ورديت سكنت مع حمولتي ... ريلي عنده 8 اخوان وما عنده خوات وريلي اصغر واحد
واحنا امي مو معودتنا على قعدات الحريم والسوالف

شصار فيني لعبوا فيني لعب .... كنت اروح لأمي ابجي اقول كل وحده تقول الثانية قالت عنج ... حسيت مسلسل خالتي قماشة صج ... طلعت من البيت وسكنت بروحي وما اشوفهم الا بالعيدين ساعة وامشي

بس تكسر خاطري بنتي ماودي احرمها من اهل ابوها بس ياربي الأمهات جذي شلون بيطلعون البنات شرايكم

 

[هوى الدار]

انا بخير ام بدر الله يسلمج


رهوف لا والله خليهم بالدوام ولا يصيرون من مفروضين عليج بحكم العلاقات الاسريه على الاقل الدوام مردها بتطس تنتقل او انتي تنتقلين لكن البلشه اذا ناس قرااااااب