عواآار الدوره ذبحني

[سارووه الاموره]

السلام عليكم

بنات انا الدورا ذبحتني احس بمووت عوار موطبيعي
صوب المبايض وبالرحم وبالبطن والضهر
والله قاعده ابجي مو قادرا اتحمل انا صارلي جم دورا
اتيني واتعذب منها مع انه قبل عادي عوار خفيف ويروح
شربت كل الاعشاب حاره ورشاد وتمر كل شي ويزيد العوار ومغص ببطني وبالرحام تحت مغص قوي وبطني شاد حيل من داخل

عفيه ساعدوني والله قاعده اكتب لكم وانا ابجي
حييل احس بالم قووي ومابي احاجي احد لاني ع طول
ابجي..

 

[سكووون]

سوي لج دارسين و اشربي بنادول و تلحفي زين و الله يقومج بالسلامة

و الله حتى انا المرتين الاخيرتين تذبحني

 

[روحي ابوي]

فوحي حليب واذا فاح ييبي كوب وحطي فية قفشة صغيرة حلبة وحطي ففوقها الحليب واسكري علية
ربع ساعة وشربية والله بترتاحين وااايد بتنامين عدل

 

[غلاي غير]

وااااااااااي الله يعينج اخاف حايشج برد والا فيج صخونه

شوفي روحي سويلج زعتر ودارسين خلهم يفورون كم فوره وانتي بكيفج تبين معاهم ليبتون او لا واذا سكر او لا
شربيهم وانتي مدفيه عدل واذا خلصتي اخذي بندواتين واكليهم ونامي وان شاء الله سهاله ويروح العوار

 

[لا حد يشوفك]

رد : عواآار الدوره ذبحني

انصحج تلبسين دلقات في الدوره وحتى قبل الدوره وتحطين الفكس على المكان اللي يعورج وعلى ظهرج وتشربين شئ حار هذي انا دايما اسويها ويخف العوار على وادعيلي ................

 

[نبض السعاده]

رد : عواآار الدوره ذبحني

انا كذالك

شربي دارسين

 

[وهج الحنين]

رد : عواآار الدوره ذبحني

اخذي مسكن بونستان فضييييييييع للدوره وشربي دارسين وكموووون وحده بوحده

 

[ترووفه]

انا نفسج

صايره تعوريني حيل

بس مااخذ اعشااب ولااهتم واايد

كل دوره اقول بسوي وبهتم عشان ماتعورني


انتي دفي ريولج ولبسي سروال طويل

واشربي اشياء حاره لما تعوورج حيل انا اسوي جذي

 

[سارووه الاموره]

اي انا اشربت كل الاعشاب ولبست طويل وااي تعبت

بنات ادري بلوع جبودكم بس صايرا ووايد حييل متاذيه منها واتعب حييل وويهي مصفر حيل جني نفاس توها ولدت

 

[سارووه الاموره]

سوي لج دارسين و اشربي بنادول و تلحفي زين و الله يقومج بالسلامة

و الله حتى انا المرتين الاخيرتين تذبحني

الله يسلمج

بس انا سمعت البنادول ولحبوب توقف الدورا وماتطلع كلها يعني تقعد بالبطن وتصير ع هيئه جلد وتسد الانابيب .. مادري جذي انا سامعه :eh_s(22):

 

[Miss-_-Fl0wer]

حبيبتي ليش ماتراجعين؟؟
انا قبل لااحمل كانت تييلي الدورة مع عواااار قوي جني بموت اسم الله عليج*
واكتشفت ان يطلعلي كيس ماي بعد ايام التبويض وينزل بالدورة فكان اعورني عوار مو طبيعي من قبل الدورة بيومين ليين يوم ثاني للدورة
انشالله مافيج شي بس حبيت اقولج عن حالتي
بس حبيبتي ادا ما تتحملين روحي المستوصف يعطونج ابرة وحدة بوحدة وماتشوفين شر

 

[bint_looda]

شربي دارسين واياء دافيه وتدفي عشان تنزل عدل ان شالله .. وان يتلج الدوره اليايه نفس الشي انصحج اتسوين فحووصات