- إنضم
- 7 يونيو 2010
- المشاركات
- 150
- مستوى التفاعل
- 1
- النقاط
- 0
قل للسنين .. الغياب أحيان يبقى عذر
........... لاصار مانملك الا فالحضـور الشتات !
البارحة .. طشت يدين الحياة اش كثر
........... ملامح وجيه ضاقت في عيون الجهات !
مريت صبح يتهجا للمغيب القدر ..!
........... وعودت مكسـي سواد وخطوتي للممات !
ناديت بستان عمري عن بقايا ثمر
........... مر الخريف بـيباس ولا بقـى الا فتات !
العمر مثل السحاب اللي علينا يمر
........... آحيان فيه الامل ..... واحيان مابه غناة !
يافاطمة ... صدقيني ماذبحت الصبر
.......... الا بعد طار من غصن الليال الثبات !
ماكنت عايش عشان اترك لعمري أثر
.......... أصلاً بقابي رحيل وماتت الذكريات !
ياليتني طفل لامني وطيت الجمــر
.......... قالوا طفل مادرى به يحسب انه رفات !
يافاطمة... واذكريني مع ملوك الفقر
..........ياصار حلم المدينة من حصير أمنيات !
انا أول اللي صحى من نايمين الفجر
.......... وأنا آخر اللي وقف بالصف لجل الصلاة !
أنا أصدق الحزن لا غاب بخبايا عمر
.......... منسي عن الناس لكن مانسته الحياة !
يافاطمة ... شاعرك تاريخ ميّت قهر
.......... مدري نسته السنين او ضيعوه الرواة !
يافاطمة... صدّقيني ماكرهت الشعر
.......... إلا بعد مارموا غصن الشعور بحصاة !
عيبي .. تركت الوصية لليال العسر
.......... وعيب الليال العسيرة ماتحفظ الوصاة !
لو أكثر الحب لدروب الحقيقة عبر
.......... ماعاش صوت الفراق بداخل الأغنيات !
قم غنّ حزن الكلام لعاشقين السهر
..........هذي هي دموعنا بين الخلايق عراة !
الفرحة وجيّتك مايوم جن بعمر
.......... مع انهن في عيون الوقت عاشن خوات !
قم .. لاتقول الغياب أحيان ماهو عذر
......... باكر مع حضورهم بتعرف معنى الشتات !
للعـذب.. نـآصر الوبــيـر
