السلام عليكم ورحمه الله وبركاته
موضوع خطييييـــــــ:eh_s(17):ـــــــــير خليتيني أموت ضحك على قصص البنات
أنا مواقفي ماتخلص ..
خل أذكر لج موقفين اللي صارت لي :
.
.
.
.
أذكر مره كنا رايحين جاخور وكان في مسبح شكبره يهبل وربي اينن وطبعاً هالمسبح بالنص بين قسم الحريم وقسم الريايل وفي باببين بالمسبح باب على قسم الحريم وباب على قسم الراييل .
وطبعاً شمسوين عيال خوالي ؟؟
ماخذين المسبح لهم24 ساعه ،،فما لنا إلا نشوف المسبح عن طريق فتحه صغيره كبر العين.
فكنت أنا و بنت خالي نتناوب كل مره وحده تطالع بهالفتحه <<ماشافوا خيرههههه
نطالع المسبح وهم يسبحون وأحنا ميتين قهر
وطبعاً نطالعهم بهالفتحة الصغيره عبالنا مايطالعون عيونا .
طبعا ً أطالع اللي احبه ههههههه :eh_s(21):وبنت خالي هم نفس حالتي .
وعاد يوم جا دوري اطل حطيت عيني على الفتحة ولا اشوف عين بهالفتحة يعني صارت عيونا قبال بعض .
أنا طبعاً صرخت صرخة وضميت بنت خالي:eh_s(16):<<<أستاهل
تدرون عين منو اللي شفتها ...!؟
عين اللي احبه :eh_s(22):!
على فكره سابقاً كنت أحبه ايام المراهقه :eh_s(3):
الحين لأ ماأحبه..
................
ومره بعد كنا بالجاخور وكنت اتهاوش مع عيال خوالي الصغار اللي مابلغوا..
طبعاً كل هالمهاوشات لا عند الريايل ولا عند الحريم لا بغرفة بالنص بين قسم الحريم وبين قسم الريايل ..
________
وهواشنا كان بالتفيخات(بلونات) اللي متروسة ماي،
بنات خالي قعدوا شوي يتهاوشون بالبالونات بعدين استسلموا وراحوا لما خلصت التفيخات.
أما أنا فغرقوني ماي بشكل مو طبيعي فقررت أنتقم :eh_s(13):منهم ..:rgewrg:وحتى لو كنت بروحي بنتقم<<شريرة
. .
فترست بطل بيبسي العائلة ماي
و بيدي الثانية خذيت جيس خبز مخلص وهم ترسته ماي
ورحت للغرفة ابي اقط هالماي عليهم
بس طلع بويهي صبي شكبره يعني 22 سنة تقريباً
أنا طقتني البوهه فتنحت اطالعه وهم اهو تنح يطالعني بس بنات لا تتخيلون الشكل كلي ماي من فوق لاتحت وماسكة بطل متروس ماي وبيدي الثانية جيس خبز متروووس ماي ههههههه
..
وياليت هالصبي واحد من اللي يقربون لي لأ واحد مااعرف منو ؟؟ولا شسمه ؟؟ إلى يومنا هذا !!!
بس الظاهر رفيج واحد من عيال خالتي اللي كل فتره عازم واحد.
مره ولد الجيران ومره ولد عمة خالت يدته .
.........
.........
قبل فترة كنا بيت عمة أمي وطبعاً عمة أمي تصير جدتي بالرضاعة (يعني اهي مرضعة امي فعيالها يصيرون خوالي وأمي مرضعة خالتي اللي اصغر مني بسنة <<دختوا صح المهم أن أنا وخالتي مانتنقب عن عيال عمة أمي لأنهم يصيرون خوالنا بالرضاعة)
وكنا نتمشى بالبيت ولا يطلع صبي بوييهنا أنا وخالتي ويوم طلع الصبي بويهنا فأهو استحى وراح بسرعه .. بس خالتي قالت بصوت عالي لااااااا هذا خالنا فرحنا وسلمنا عليه
والولد منصدم <<طبعاً أنا ما أعرف أشكال خوالي هذولي اللي من الرضاعة بس بالخيل ياشقرا مادام خالتي قالت هذا خالنا من الرضاعة فسلمنا عليه >>
وبعد ماسلمنا عليه وطلعنا الحوش قالت لي : جوانة
قلت : هلا
قالت : ابقولج شي بس مو تعصبين
قلت : الله يعين يالله قولي
قالت : ترى اللي تو سلمنا عليه شكله مو خالنا
قلت لها : يخرب بيت العدو يابنت ليش ماقلتي من الأول
قالت : ماتأكدت انه مو خالنا إلا يوم سلمت عليه
انا : :eh_s(12):
بس ترى يابنات ترى أول موقفين قبل لا أعقل وكنت وقتها متحجبة بس
مو تحسبوني ليم الحين مينونة مثل قبل لاتنقبت وعقلت :weight_lift:
بس أخر موقف توه بالعيد صار ..
وسلامتكم :aha:
