قوهـ ،،
انا حطيت موضوعين حق بنات 12 وبنات 11 حطيت لهم امس .~
وقلت ماراح احرم عاشر حبايب قلبي خصوصآ انهم اول سنه ومايعرفون نظام الثانوي شلون ،،
وهالموضوع اهديه حق [مس عبقرينووو ] .~ وحقكم كلكم :**:hjy5jewf:
[ من اول يوم دوآم اغلبيه الابلات يتكلمون عن المآده وشلون توزيع الدرجآت فيها كل الي عليكم تاخذون نوت وتسجلون فيها كل ماده وشلون توزيع الدرجآت عساس بعدين مايضيع حقكم .~لاتصيرون نفسي ما اهتميت بهشي وبعدين توهقت ]:080402ask_prv:
وهذآ توزيع الدرجآت مشكووره مس عبقرينوو .~
الموآد ملوتكم :
عربي \ E \ريآضيآت\اجتماعيات\فيزيآء\كيميآء\احيآء \اسلاميه \قرآن
المواد العلميه[فيزيآء\احيآء\كيمياء] ~لهم كتابين كتاب الدراسه+كراسة العملي
العربي [كتاب النصوص\القواعد\تاريخ ادب\بلاغه>انا سمعت شالو الكتابين]
E كتابين الملون والعادي
الاجتمآعيآت ~ كتاب واحد
اسلاميه كتاب واحد
القران كتاب واحد +التلاوه
+~>الحين بتكلم عن كل ماده <~+
هالمآده تتكلم عن العناصر والمركبآت وهسوالف .~
في جدول تاخذونه اول الكورس ويستمر معاكم الكورسين نسيت اسمه والله
بس لازم تحفظونه صمممممممممممممم
وطبعا مثل اي ماده علميه فيها تعاريف وجذي وتعتمد على الفهم والحفظ مع بعض .~
لازم تخططون على التعاريف والاشياء المهمه الي تقول عليهم الابله بلهاي لايت
وبس هذا الي اذكره عن هلمآده
هلمآده غرآمي امووت عليها.~
البعض من البنات يقولون [مانحبها صعبه مانعرف ندرسهآ ]
لالآلآلا
من اليوم ورايح لازم تحبونها ورآح اعلمكم شلون كنت ادرسها .~
الكلمآت
تاخذون الكلمه وتترجمون [المعنى] لا تكتبون طريقة النطق مستحيل يصير عندكم لغة ..!!
يعني car لا تكتبونها كار لا لا لا غلط واكبر غلط
واذا تقولون مانعرف نترجم ومالنا خلق الترجمه من القآموس لا الله يعافي googel في ترجمه من فوق
وكل كلمه يديده تاخذونها شتسوون ؟
تاخذون الكلمه car
car
car
car > تكررونها خمسين مره ولا عشرين المهم اكثر من 10 عشان تحفظونها
القواعد سهله
حفظي طريقة القاعده شلون
مثأل .~{ will\would + inf =have+had imf } شكلي عفست القاعده خخخ بس المهم اوضح لكم
الوظائف اللغويه حفظوو المواقف وبس i agree with u \noo this Bad
=== وهذا شرحي من موضوع امس===
- اذا خذيتو درس وفيه كلمات ترجمي الكلمه يمه لا تكتبين طريقتها شلون تنقال بلعربي اكبر غلط
يعني مثلا [ fish لاتكتبين "فش" ] غلط بجذي عمرها ما تصير عندج لغه ..!
- الكلمه اليديده الي خذيتها قعدي نسخيها بورقه A4 لين تحفظينها عدل مدل
- السيت بوك فهميه وبسطي السؤال [ترجمي السؤال بكبره من عربي لي الانجليزي والاجابه بعد بجذي بيرسخ ابآلج]
والله يعافي ترجمة اخونا [ google] خخخخ
- الوظائف اللغويه حلووه وبسيطه ماتحتاج اي شي
-القواعد خلي عندج دفتر صغير وكيوت شكله [وكل ماتاخذون قاعده يديده كتبيها مع الشرح + مثآل]
هالماده لها قوانين وتحلون المسآئل عن طريق القوانين
وفيها تعاريف لازم تحفظونها ونفس الفكره تحددونها بالهآي لايت [الاقلام الفسفوريه]
وتحتاجون الاله لان المآده فيه تعويض بالارقآم
وهذا الي اذكره عن هالمآده ,~
هلمآده وايد كنت احبها
راح تدرسون اول كورس عن الاجهزه بجسم الانسان
الجهاز الهضمي والعصبي الـــــــــخ
وفيها تعاريف كلعاده واسآمي الهرمونات وهسوالف ورسمآت توضيح لازم تحفظون الرسمآت لانها اتيي بالامتحان ويحطون لكم فرآغ ويقولون شنو اسم هلعضو او اي شيء 2
حلوه وكنت احبها .~ مع اني ما اواطن المواد العلميه .~
هالمآده حبيبة الكل خخخ :lololoe:
- لمآ تاخذين الدرس اقري بصورة اجمآليه وعقب قعدي فصفصي الدرس وانتي منسدحه خخخ عشان تندمجين
-خططي على الجمل الي تحسينها مهمه
- لما الابله تعطيكم [الجهد الذآتي] وتقسمكم 3 فرق عدل انتي مو تحلين فريقج وبس لا حلي الفرق كلهم
والله يعآفي [المذكرآت] عساس تشاركين مع الابله وتحطج بعين الاعتبآر
-لا خذيتوو [نص او آيه ] حفظيها اول باول وسمعي للابلع عساس ما تنظغطين بحز الامتحانات
-لاخذيتي درس قوآعد ردي بلبيت راجعيه اول باول وحلي الاسئله الي وره الدرس
-[الادب+البلاغه] انا مااحفظهم اقراهم قرايه عدله وافهمهم
مآده تعتمد على الفهم
خلي الاله +الادوات الهندسيه علطول معاج [محايه+برايه+قلم رصآص]
-حاولي تحفظين القوانين اول باول
-دربي ايدج على الحل المسائل [اشتري مذكرات ونماذج امتحانات والي موذاك الزود تحط مدرس خآص]
(¯`•.¸¸.->(¯`•.¸¸.- الاسلاميه -.¸¸.•´¯)<-.¸¸.•´¯)
-حفظ الاحاديث اول باول وسمعيهم
-خلي دفترج مرتب وحلو
- طبعي الاحاديث ملوت الفترتين [بورقه A4 ولزقيها باخر الدفتر احسن من عباله الحفظ من الكتآب]
-وحلي تقويم الكتاب وايد مفيد
(¯`•.¸¸.->(¯`•.¸¸.- القرآن -.¸¸.•´¯)<-.¸¸.•´¯)
-حفظي الايآت اول باول وسمعيهم
-اهتمي بالتجويد الي تاخذونه بلقرآن وحفظي الاساله
(¯`•.¸¸.->(¯`•.¸¸.-البدنيه-.¸¸.•´¯)<-.¸¸.•´¯)
-خلي لبسج علطول معاج ولاتنسينه
-اهو حصة وحده بس حفظي خدامتك بالهيوم تحط لج الملابس
-واذا طلبو ادوات او لبس يبيهم على طول والله يعافي النصر
وبجذي تكلمت عن كل ماده بتفصيل .~ [ هلكلام من موضوعي لبنات الادبي بس راح يفيدكم ]
الحين بقولكم عن المذكرات الزينه الي تشترونها
مذكرة [هلا مدرسه] وايد حلوه واجابتهم زينه
مذكره تلقونها بمكتبة جمعية الشاميه +مول جمعية السالميه [اسمها الشامل اتوقع]
حيل حلوه ومفيده
وفي مواقع بالنت ينزلون تلاخيص [وان شاء الله اذا قدرت بنزل لكم ]
واذا تبون معاهد تدرسون فيهم بدال المدرس عندكم
معهد القادسيه
بحولي احاول ادبر لكم رقمه ،،~{ تعرفون الدائري الرابع لما تمولنه سيده وتتكملون سيد لين ايكم جسر وتحت الجسر لفه ادخل على حولي لما تلفون هاللفه المعهد يبين عماره لونها اخضر والاعلان لونه اصفر}
معهد المستقبل~{ دقو عليه ويدليكم
97114042
والحين طريقة تنظيم الوقت
تردين من السكول تبدلين ملابسج [ لاتاخذين شور ترى راح ادوخين لانه يسحب الطآقه]
تصلين الظهر
تتغدين وتقعدين مع اهلج نص ساعه
تفزين على على غرفتج وتبدين من اول حصه لين اخر حصه
تراجعين +تحلين الواجبآات+اطلعين تقارير+تحفظين الي مطالبه فيه
وتقريبا تخلص من كل هذا 7 بليل يمديج [تشبكين +تشوفين TV +تقعدين وتتعشين مع اهلج +تنامين 10 ]وبس اتمنى تستفيدون من هالموضوع
وان شاء الله لا لقيت لكم تلاخيص واشياء تفيدكم ماراح ابخل عليكم،،
** ضغطو على القلم **
طلوو على هلموضوع [فيه تلخيص]
وهلموضوع بعد
