رد: رد : رد: &&** ............{{ تجمع أمهات مدرسة أجيال ثنائية اللغة }}..........**&
حبيبتي اي كثافه اللي تتكلمين عنها اهما نفس كل سنه ، عدد الطلبه في الفصول ما تغير ، بعدين بالنسبه للزحمه اهما من رمضان فاتحين ، ليش ما رحتي دفعتي مبجر وخلصتي اجراءاتج ، ترا اذا بتروحين حده حده بكل مكان راح يكون زحمه مو بس بالمدارس ،، وفي امهات واي اقثون تقعد لاصقه بولدها ولا بنتها اصلا ما راح تخلي يتعود على الوضع ، ثانيا تخلي باجي اليهال يبجون ويقولون اشمعنا اهيا تيي وامي لا ، ثالثا ما تخلي الابله على راحتها مع اليهال وبتصرفها هذا تخلي الفتره الانتقاليه حق ولدها اطول واصعب ، انا بنتي اخليها بالصف جم يوم تقعد تبجي بعدين خلاص تعودت على المدرسه والحين ماشالله عيني عليها بارده تحب المدرسه، وبعدين في اولياء امور اقولون لمن يغيب ولدنا ليش ما يدقون علينا ، اصلا مو المفروض تنطرون ادقون عليكم نظام المدارس الخاصه اذا مرض ولدج تروحين المدرسه تاخذين ورقه من الطبيبه وتبلغين التيشر انه ولدج راح يغيب وتاخذين جميع الواجبات علشان يحلها في البيت مو تنامين على روحج وتنطرينهم يدقون ، صراحه شلون اذا ما اتابعين عيالج بالبيت واذا مافي علاقه مع المدرسه والاداره وتبين ولدج يتفوق شي غريب بصراحه ، نوعيه اولياء الامور هذول يا انه اهما اول مره يدخلون عيالهم مدارس خاصه ومو عارفين النظام يا انهم كسولين ومالهم خلق يتابعون ويبون ولدهم يتفوق
حلو الشتا
انا كلامي عن الكثافه كان رد على لذه السكر
اللي تبينا انعذر الاداره لانهم متوهقين بالاعداد الكبيره للطلبه
بالنسبه للزحمه وقت التسجيل انا ماشكيت منها كلش وعارفه ان
التسجيل امبطل من رمضان بس هم اهما احكرونا باخر رمضان والعيد بس انا كلش ماشكيت من زحمه التسجيل
وانا ولدي خليته يومين يبجي صج اول يوم كنت اطلطل عليه من الدريشه بس من غير مايلاحظني لا اهو ولا اي احد من
الاطفال.... وان شالله انا بتابعه مو علشان مدخلينهم خاص ننساهم
بالعكس لازم انجابلهم عسى الله ايبلغنا فيهم
