&&>>تجمع لاولياء امور طلبه مدارس المستقبل <<&&

[البيداء_77]

امس ولدي رد من المدرسة مستانس الله يتم عليه لانه جنه ابلاته ما يصرخون وهذا اهم شي عندنا



ام حمودي عندج فكره عن ابله صفاء ( علوم ) زينه ولا لا ؟

 

[البيداء_77]

لمااااار ولدج اي صف ؟


انا ولدي ب 4-2

 

[x.swar]

اللي يضحك بالموضوع ان مدرسة ولدي اللي بأولى تنادي مسكينة عبدالرحمن .... عبدالرحمن .. و مايدر عليها لما رديت البيت قلتله ليش ما ترد يقول اي سمعتها بس انا اسمي حمني قلتله بالبيت حمني بس برا البيت عبدالرحمن يقول لا انا اسمي حمني .. الله يستر منه

ههههه يحلو حمنوووه والله ..
عاد انا احب اسم عبدالرحمن .. احس احلى من حمني ...

اكسوار انت عيالج بشيخان ؟
اي صف ؟

لا حبيبتي .. انا ولدي بالفضل بن العباس .. بالسلام
حياج الرحمن

 

[وحش الريم]

صباح الورد والنوير للجميع
شلونكم امهات عسي جزاكم الجنه.........احلي عواشه نتابع وياج يوميات اللي محولين من خاص
ولدي اللي باولي مستانس الحمد لله, صراحه عندهم المسؤوله الادارية سماهر ام خالد ذهبة ما قصرت,,,,,,,بس بنوتي اللي برابعه طبعا ماخلوني ادش معاها,,,وااااااااااااايد تشتكي من الفرصه نفس حجي ولدج
عطوها كتب (انترست الجنطه وما مداني اجلدهم امس) وطلبوا منها بوكس من ملوت ايكيا وطبعا احسها ضايعه مو عارفه شالسالفه
اشوا لقت بنفس صفها وحده من رفيجاتها بروض الصالحين.......الحين بليز اللي تعرف شلون نظام اسماء تقوللي شلون علي الكتب
متي نودي الاغراض>>>>>>ادري قرقت لا هذا وانا بعد مو متريقه.........هههههههههههههههه
صباحكم ورد ياحلوكم

 

[Um Hasan]

شلونكم بنات
أمس كان يوم التجليد لي بالليل وانا أجلد بهالكتب
ولدي اللي بثالثة عطوا كل الكتب بس اللي بخامس عطوا 4 كتب + واجبات .... بدينا

أم حمودي ولدج بأي مدرسة ؟؟؟

 

[الرياش]

صباح الخير بنات
اليوم وديت ولدي المدرسه و وديت معاه المؤونه لووول أقصد الكتب والدفاتر وباجي الأغراض , رحت اشوي مبجر و دخلت معاه الصف نطرت مدرساته ليما يو وسلمتهم أغراضه والا طالبين منهم الفايلات الكبار ملوت المكاتب عشان يحطون فيهم كتبهم وأغراضهم , أشوه اني نطرتهم والا جان ما دريت
الله يهداهم جان كتبوا بورقة الطلبات قايلين حق اليهال ياهل ثانيه ابتدائي اشعرفه
الشي الثاني شفت أبلاته ما أدري ما ارتحت لهم أبلته العلوم مصريه متنقبه والثانيه العربي هم مصري تلبس عباة اسلاميه طويله وحده منهم اسمها بثينه ما أدري منو , وأبلته الانجليزي ما شفتها بس ولدي ايقول مصريه , عاد انا بعد ما سألتهم عن أساميهم ؟؟؟؟؟؟؟؟؟؟
عفيه الي اعيالها بشيخان ومروا عليها هالمدرسات عفيه اتطمني اشلونهم ,عاد معظمكم اهنيه بأبو الفضل ما كو غيرج يا أم حسن فيديني
ما أدري أحسهم يضيقون الخلق لوووول يعني وايد جدييين بأولى أبلته العلوم كانت كويتيه وحدها حبوبه اتلملم اليهال وتحبحبهم واليهال ايموتون عليها

 

[Um Hasan]

هلا حبيبتي الرياش ...
والله ما اعرفها أبلة بثينة .. انزين الرياضيات شنو اسمها؟؟ اهم غالبية المدرسات مصاروة .. بس والله في بعضهم وااايد زينين ..
أبلات الإنجليزي في وحدة اسمها عبير مصرية ممتازة بالشرح بس وااااي رعب حتى ما تبتسم
وفي وحدة ثانية مصرية طويلة بيضا .. هذي تينن شرح وعلى طول مبتسمة ولدي كان يموت عليها ..
والله انا بروحي مثلج مادري شسالفة هالسنة ولا شفت أبلاته وما اعرفهم ...المشكلة اودي عيالي مبجر والأبلات ييون متأخر

بس انشالله يكونون أبلاته زينين لاتحاتين

 

[الفنانه79]

رد : رد: &&>>تجمع لاولياء امور طلبه مدارس المستقبل <<&&

أحلى عواشة .. موفقين ان شاء الله عيالج بأي مرحلة ؟؟

الفنانة .. ولدي بأولى رابع .. عيالج بأي صف اسم الله عليهم ؟؟؟ ما اتوقع معاه ..لأن ولدي اصغر الدفعة مواليد 2/3 يعني عمره الحين 5 سنوات و نص

حتتتتتتتتتتى انا عبووود ب4/1 واااااناسه عاد انا طالبه نقله من هالصف ههههههه ابي 2/1

وعمووور ب1/1 ايهبببببببل صفهم ومدرساته شطاااااااار

بس4/1 عندهم مدرسه حامل وامس لما رحت اخذه ولا عليهم احتياط جان اقول حق الابله مسسسسسرع غابوا المدرسااااات هذا اولهاااا

قوليلي شنو اسم وليدج علشااان اشوفج واتعرف عليج

اي صج و1/1 غطوهم الطلبات بس 4/1 لاعطوهم الطلبات ولااااااشي غير غير

 

[<<لمار>>]

البيداء ولدى 4 -2 اشوة صار مع ولدج علشان نفيد بعض وصج حسيتة مرتاح من المدرسات بس الانجليزى انا اعرفها اهى حليوة وطيبة بس ماتصيطر على اعيالنا واحسها ماتلحق معاهم والصف ماشاء الله فية 27 طالب شدعوة عليهم لاصقينهم فبعض هذى رابعة مولعب المفروض يقللون العدد علشان المدرسة تقدر تسيطر عليهم

 

[لوكريسيا]

اكسسوار .. حبتج العافية حتى انا احب اسم عبدالرحمن بس بالبيت اناديه حمني و اذا بكلمه جد و عصبت أقوله عبدالرحمن

الفنانة .. زيييييييييييييييييييييييييييييييييييييييييين .. تعالي ولدج اول يوم كان قاعد جدام صوب الطاولة الصفرا؟؟ جني شفتج ولدي اسمه عبدالرحمن .. زين الشباب و طيب و حبوب و يدش القلوب و عاجل و ماله حس و خجول و عصقول امممممممم طالع على أمه كل يوم اوديه صفه و اقعد معاه لي قبل ال7ونص و امشي

صح أبلة العلوم و الرياضيات حامل .. مادري ليلحين ما يبين بس شكلها سمحة و هادية .. يقول ولدي اليوم مس الانجليزي تلعب معاهم ستاند أب و سيت داون مستانس و حاطينله ستار على ايده

البيداء .. الله يتمم على ولدج يا رب و الله ترى أهم شي ان الياهل او الطالب يرتاح نفسيا من مدرساته .. اليوم روابع بلشوا بالعلوم و بكراس العلوم .. و مراجعات بالعربي و الرياضيات و الحفظ

 

[البيداء_77]

البيداء ولدى 4 -2 اشوة صار مع ولدج علشان نفيد بعض وصج حسيتة مرتاح من المدرسات بس الانجليزى انا اعرفها اهى حليوة وطيبة بس ماتصيطر على اعيالنا واحسها ماتلحق معاهم والصف ماشاء الله فية 27 طالب شدعوة عليهم لاصقينهم فبعض هذى رابعة مولعب المفروض يقللون العدد علشان المدرسة تقدر تسيطر عليهم

وناااااااااااااااااااااااااسه تلم الشامي على المغربي


ههههههههههههههههه الله يوفقهم اما ابلتهم الانجليزي درست ولدي العام اول السنه وولدت

عاد ولدي يقول انه ابله الانجليزي تقولهم هالسنة ولدت وتفرغت لكم خخخخخخخخخ

لاكن من يقول انه الصبيان 27 طالب؟ انا شفتهم 24 !!! اكيد زادوهم

المهم ذكريني بابله الاداب شسمها؟

 

[البيداء_77]

.. ولدي اسمه عبدالرحمن .. زين الشباب و طيب و حبوب و يدش القلوب و عاجل و ماله حس و خجول و عصقول امممممممم طالع على أمه كل يوم اوديه صفه و اقعد معاه لي قبل ال7ونص و امشي

خخخخخخخ لوكريسيا الله يقطع ابليسج ذكرتيني بموزه بزواره خميس

 

[x.swar]

رد: رد : رد: &&>>تجمع لاولياء امور طلبه مدارس المستقبل <<&&

حتتتتتتتتتتى انا عبووود ب4/1 واااااناسه عاد انا طالبه نقله من هالصف ههههههه ابي 2/1

وعمووور ب1/1 ايهبببببببل صفهم ومدرساته شطاااااااار

بس4/1 عندهم مدرسه حامل وامس لما رحت اخذه ولا عليهم احتياط جان اقول حق الابله مسسسسسرع غابوا المدرسااااات هذا اولهاااا

قوليلي شنو اسم وليدج علشااان اشوفج واتعرف عليج

اي صج و1/1 عطوهم الطلبات بس 4/1 لاعطوهم الطلبات ولااااااشي غير غير

تبين الصج .. نصيحة نصيحة نقليه مع اخوه بــ1-1

مالج شغل بعيالج ..
ترا فرق المستويات بين الصفوف ..
انا اتوقع 1-1 وايد زين .. وحرام تضيعينها عالثاني ..

وانتي حجتج عالمدرسة قوية ان عيالج توأم وتبينهم مع بعض ..

وهم اريح لج من المشاوط .. واذا عاليهال باجر يتعودون على بعض بالصف .. يرضون بالواقع .. :j013:<<<<<< خوش تعود هههههههههههه

بس ديري بالج لاينقلون الاثنين حق 1-4 ههه

 

[الفنانه79]

رد : &&>>تجمع لاولياء امور طلبه مدارس المستقبل <<&&

لوكريسيااااااااا عرفته عرفته قاعد يم عبوووووود ولدي وكل الصفات اللي قلتيها نفسهاااا في عبود ولدي حددده صغيروووون وهااااادي

اكسسوار لا ياحياتي مااابي مع بعض ولي اسباب اقولها لج بعدين

بس ليش ماعطوا اليهال النوووته ولا الكتب ولا عطوهم الطلباااات ولا شي متى اتهقووون ؟!

 

[احلى عواشة]

رد: رد : &&>>تجمع لاولياء امور طلبه مدارس المستقبل <<&&

صباح الخير
أمس رحت مع ولدي حطوه بصف خامسه / ثاني ورجع البيت فرحان يما ربعي معاي بالصف
وماعطوهم إلا أربع كتب قالو لهم كل يوم بس أربع كتب يجلدونهم ويردونهم الخزانة

حلو حلو حلو
ام حمودي ولدج مع وليدي بالصف مدرسة الفضل ؟؟؟؟

لوكريسا حبيبتي عيالي راحد ثالث والثاني خامس

وحش الر يم بكملكم اليوميات
اليوم اللي بثالث يتحدى ابلة الرياضيات واهيا حاطة عقلها بعقله ويقولها اجيال علمتني كل شي وحطت عليه ما خل سؤال ما سالته يقول مليت ماكو غيري بالصف ؟؟؟؟
اما اللي بخامس حبيبي ينطر حصة الانجليزي لانها قايلتلهم تكلمو عن العطلة والحبيب مسافر كذا دولة بالصيف وبيحجي والصبيان يقولون ما فهمنا اما الابلة مستانسة:n2006107:
وما قصرت الاخصائية النفسية ابلة لطيفة مرت عليهم وسالتهم عن اخبارهم ؟:eh_s(15):
ولا ويقول الابلة راجعت دروس جريد فوووور؟؟؟
ما فهمت شي واحد يقول ولدي ان في مقصفين واحد نظيف والثاني وصخ
ويبي صابون وكلينكس لان الحمام مونظيف
اما الراهي اللي بثالثة رد حصران لان دور عاملة تنظف الحمام وما لقى احد فتضايق حيل من الموضوع وبيروح يكلم المديرة :eh_s(16):

 

[x.swar]

رد: رد : &&>>تجمع لاولياء امور طلبه مدارس المستقبل <<&&

بس ليش ماعطوا اليهال النوووته ولا الكتب ولا عطوهم الطلباااات ولا شي متى اتهقووون ؟!

احنا امس ماعطونا الا كتابين الاسلامية نجلدهم ..
ليلحين ماشفنا اوراق طلبات .. يالله لاحقين ان شاء الله

كلما سألت ولدي قال تسألنا الابلة عن الاحرف و عن العلوم ..حتى الانجليزي .. اتوقع قاعدين يراجعولهم اللي فات ..

باجر ان شاء الله بسأل الابلة ...

اي صج فنانة جني شفت عيالج امس .. عسى ربي يحفظهم ..
انا اللي شفتهم توأم .. يمكن اهم ..

واحنا داشين المدرسة شفت واحد جدامي لابس بلوزة فوق القميص .. جان اقول حق ولدي شوف شحليل الصبي لابس الجاكيت من البيت و انت تقول يعيبون علي .. شوف اشحلوة اسم الله عليه ..
شوي والا اشوف جاكيت ثاني جدامة .. هني استوعبت انهم اثنين ..هههههه
توقعت اهم عيالج .. بس انتـــــــــــــــــــــف صغار جنهم ولدي يوم بأولى ولااااازاااال نتفة .. :eh_s(6):

 

[الرياش]

هلا بنات شخباركم
بقولكم أخباري مع ان محد معطيني ويه لووول ما شاء الله كلكم لقييتوا لكم رفجه عاد ودي أشوف وأتعرف على ولية أمر اعيالها مع ولدي بس ما شاء الله أغلبكم اعياكم بالفضل والي اعيالهم بشيخان البيداء و أم حسن مو نفس مرحلة ولدي
المهم أمس رد ولدي المؤونه كلها وياه مسكين انكسر ظهره وانشق عليه الجيس وحالته حاله وانا كنت امرتبتله اياهم المواد الأدبيه بجيس والعلميه بجيس الظاهر يبون الملف بالأول عشان يحطون فيه الأغراض ايه جان خليتوهم بالخزانه بجياسهم حدي انقهرت
المهم رحت ايكيا وشريتله الملفات الي يبونها واليوم حطيتله أغراضه كلها بالجنطه
ايه وسألت أبلته العلوم اسمها صفيه عفيه أم حسن والبيداء ما مرت عليكم والعربي بثينه

 

[الرياش]

ما شاء الله أحلى عواشه الله يخليلج اعيالج ان شاء الله صج هذي فايدة التأسيس بالخاص أنا ولدي بس وديته روضه خاصه ريحني وايد بأولى كان ودي أكمل معاه للصف الثالث بس الله ما كتب والثاني ألحين بثانيه روضه خاصه بس هم ما أقدر أكمل معاه بوديه حكومه مع أخوه وحظه يشيله ان شاء الله

 

[الرياش]

بنات أشلون أسوي اقتباس مو راضي يصير معاي

 

[x.swar]

هلا بنات شخباركم
بقولكم أخباري مع ان محد معطيني ويه لووول ما شاء الله كلكم لقييتوا لكم رفجه عاد ودي أشوف وأتعرف على ولية أمر اعيالها مع ولدي بس ما شاء الله أغلبكم اعياكم بالفضل والي اعيالهم بشيخان البيداء و أم حسن مو نفس مرحلة ولدي
المهم أمس رد ولدي المؤونه كلها وياه مسكين انكسر ظهره وانشق عليه الجيس وحالته حاله وانا كنت امرتبتله اياهم المواد الأدبيه بجيس والعلميه بجيس الظاهر يبون الملف بالأول عشان يحطون فيه الأغراض ايه جان خليتوهم بالخزانه بجياسهم حدي انقهرت
المهم رحت ايكيا وشريتله الملفات الي يبونها واليوم حطيتله أغراضه كلها بالجنطه
ايه وسألت أبلته العلوم اسمها صفيه عفيه أم حسن والبيداء ما مرت عليكم والعربي بثينه

حبيبــــــــــــــــــــــــتي والله ..
من قال محد معطيج وي .. انا من المتابعين ليومياتج ..:hjy5jewf:
بس مع الاسف مدارسكم غير .. وتسألين عن مدرسات ماعرفهم .. واتذكر مرة عقبت على مشاركتج ...

انا بعـــــــــــــــــــــد ماحصلت احد بالمنتدى مع ولدي بثانية بالفضل بن العباس ..:eh_s(11):
بس البركة بالامهات اللي بالمراحل الثانية .. عاااادي

ما شاء الله أحلى عواشه الله يخليلج اعيالج ان شاء الله صج هذي فايدة التأسيس بالخاص أنا ولدي بس وديته روضه خاصه ريحني وايد بأولى كان ودي أكمل معاه للصف الثالث بس الله ما كتب والثاني ألحين بثانيه روضه خاصه بس هم ما أقدر أكمل معاه بوديه حكومه مع أخوه وحظه يشيله ان شاء الله

انا سوالي مناحة منـــــــــــــــــــــــــــاحة يوم دخلته حضانات خاص ..
بعضهم قاموا يدقون علي تعالي اخذي ولدج لايصير فيه شي ههههه
والا جان زين كان ودي :eh_s(1):

بنات أشلون أسوي اقتباس مو راضي يصير معاي

عموما ضغطي على اول مستطيل عاليمين مكتوب عليه (رد مع) في نهاية المشاركة على اليسار .. ليش مو راضي يصير معاج؟!!غريبة ...
وموفقة حبيبتي .. بس انا مستغربة من نك نيمج .. شنو معناه ؟؟ ادري داشة عرض هههه