تجمع اولياء امور مدرسة الحياة hubs

[Dorur]

السلام عليكم بنات كل عام وانتو بخير ,,,
بنتي في kg1 r تدرسها مس ميري و مس الدي - انا اعرف مس الدي حبوبه بس منو يفيدني عن مس ميري ؟؟
في شغلة ما عجبتني ,,
ما حبيت طريقة المدرسة لما ناخذ اليهال الظهر يصير هجوم على الصفوف من اولياء الامور و اليهال يدورون اهاليهم و الي ما يلاقيهم يبجي حر ااااااام وممكن يطلع ياهل من الصف من غير ما احد يحس كلش مو مرتبه الطريقة المفروض ما يدشون اولياء الامور الصف المفروض وحده من المدرسات توقف بره وتنادي اليهال الي اهاليهم بره :bye22:

هلا رناوي
انا ماعرف ابلاتهم والله نفسج يديدة عالمدرسة
وبالنسبة حق الهدة صج جذي؟ غريبة
انا عن نفسي ليلحين ما صدف ان انا اردهم فما ادري عنهم شلون
بس ولدي بمدرسته قبل كانو ما يخلون اليهال يطلعون لما تيي الام توقع وتستلمه

 

[اي اسم]

رد: رد : تجمع اولياء امور مدرسة الحياة hubs

حبيبتي عشان اسهل عليج اسمي (درر)
مو كتب دفاتر المدرسة تقريبا كل مادة دفتر
واليوم عطوهم زيادة دفاتر حق العربي والاسلامية والسبيلنق و .. الخ
وعطوهم مع هالدفاتر 3 كتب : انجليزي وماث و سوشيال ستديز
ولدي يقول ماما الجنطة صارت ثقيلة تعبت
تهقون ما يخلون شي بالصف؟

اهما معطينا اياهم الحين عشان نجلدهم بس عقب ما يخلونهم عندهم؟ حرام يشقلهم كل يوم؟؟!

واليوم عنده حصة رياضة يقول المكان صغير مال الرياضة مو نفس abs كبيير ههههه

وصاجة اي اسم ولدي اللي بالكي جي مستانس اليوم سمالله عليه
وطلعت ابلته اندي نفس اللي درست ولدج

بالنسبة للكتب لا تحاتين يخلونها بالصف اصلا انا ولدي لما كان بجريد ون ما شفت بعض كتبه
ولما يكون عنده امتحان علوم كانوا يصورون لنا الchapter ويدزونه مع study guide للبيت
والسوشيال كانو يدزون الكتاب بس اذا فيه واجب
يعني عموما الكتب تندز للبيت احيانا الا كتب الدين والعربي والتربية الوطنية ومهارات الحياة تكون دايما مع الطالب

وبالنسبة لمكان الرياضة لا تقارنون بالabs يمكن الاي بي اس احلى ما فيها المبنى والموقع الالكتروني بس الحياة ان شا الله بتعجبج بمستواها الاكاديمي وادارتها النشيطة وهذا الاهم

وترى موقع الحياة هذا مؤقت ما اتوقع يطولون فيه لاكثر من سنتين لان ما شا الله انترس وان شا الله ياخذون موقع زين ومبنى مثالي فيه كل شي من ساحات وحمام سباحة وملاعب وغيره

وبالنسبة لمس اندي فهي تهبل

 

[اي اسم]

السلام عليكم بنات كل عام وانتو بخير ,,,
بنتي في kg1 r تدرسها مس ميري و مس الدي - انا اعرف مس الدي حبوبه بس منو يفيدني عن مس ميري ؟؟
في شغلة ما عجبتني ,,
ما حبيت طريقة المدرسة لما ناخذ اليهال الظهر يصير هجوم على الصفوف من اولياء الامور و اليهال يدورون اهاليهم و الي ما يلاقيهم يبجي حر ااااااام وممكن يطلع ياهل من الصف من غير ما احد يحس كلش مو مرتبه الطريقة المفروض ما يدشون اولياء الامور الصف المفروض وحده من المدرسات توقف بره وتنادي اليهال الي اهاليهم بره :bye22:

اللي سمعته انه مس ميري جديدة هذي اول سنه لها بالحياة والله اعلم

بس عادة واللي لاحظته السنه اللي طافت بصف ولدي لما كان بكي جي 1 انه مس توقف عند الباب وتنادي الطفل اللي يوصل ولي امره والمس الثانية تكون داخل مع الاطفال مرات يكونون مشغليلهم بارني او دورا بشاشة الكمبيوتر او قاعدين بعض الاطفال بكراسيهم ياكلون ...يعني يحاولون يشغلون الاطفال اثناء وقت انتظار الاهالي ...وبعدين هم لازم يوقع ولي الامر على استلام الطفل
بس يمكن عشان اول ايام صار فوضى شوي والاطفال يبجون ...بعدين الاطفال راح يكونون مشغولين وهاديين
بس عموما لا تحاتين وراح تلاحظين بعدين انهم مهتمين بالاطفال

 

[أم الشباب 2010]

رد : تجمع اولياء امور مدرسة الحياة hubs

بليز ردووا علي انا محتاجه ردكم

 

[Dorur]

رد: رد : تجمع اولياء امور مدرسة الحياة hubs

السلام عليكم خواتي شلونكم
الحمدلله انا عندي ولدين واحد بال كي جي 1 والثاني بالقريد ون عند مس جلوريا بس اللي خفت منه انه ولدي مو وايد يعرف يتكلم انجليزي مع انه ماشاء الله يعرف يكتب عدل بس المشكله بصراحه خوفتني مس جلوريا قالت لي اذا ولدج هذا مستواه انه مايعرف يتكلم هذي مشكله منوو نفس حالتي ؟ وشنو سويتووا تكفون ريحوني وكتبولي تجاربكم
للعلم انه ولدي كان بالكي جي الباكستانيه الانجليزيه وعاد تدرون شنو مستواها جدا عادي

الله يخليلج الشباب ان شالله
والله مادري قوليلها ساعديني في كلاسات تقوية له؟؟ في شي ممكن تعطيج وتدربينه او تشتغلين معاه بالبيت

 

[Dorur]

اي اسم مشكورة على ردودج دائما تطمنيني الله يطمن قلبج
ماجربتي الافتر كير يوم كانو عيالج بالحياة؟
لان ولدي بالروضة يخلص س1 واخوه 2 و ثلث ودي اخليه ينطر معاه
قالولي نبدي من الاسبوع الياي
واول يوم دراسي اضطريت اخليه وقالولي لا تحاتينه نخليه مع ابلته
لما راحوا ياخذونه حبيب قلبي ولا مقعدينه اهو وطالبين مع ابلة وحدة بالويتنق ايريا
ومافي كراسي يقول ماما انا تعبت
واقف ومتسند عالطوفة
بس تقول الابلة لا اصلا لما يبدي الافتر كير الاسبوع الياي راح نقعدهم بصف وفي العاب وتلوين
مايندرى

 

[عيون فرح]

رد : تجمع اولياء امور مدرسة الحياة hubs

اي والله انا بعد انطر الافتر كير لاني حايسة بس ياريت يحطون لهم شي يسليهم عشان ما يملون ياقلبي والله وايد عليهم.

بنات انا ولدي g1 عند مس تريسي سامعين عنها

أي اسم مشكووووووووورة يا قلبي دايم رددودج تطمن ، الله يعطيج العافية ويخليلج عيالج

 

[أم الشباب 2010]

رد : تجمع اولياء امور مدرسة الحياة hubs

مشكوووووووووووووره وايد درر على ردج بس بسألج ولخواتي بعد انتوا عيالكم اشلونهم بالتحدث الانجليزي يعني يتكلموون وايد انجليزي بكل شي والا نص ونص لاني بصراحه خايفه على ولدي اخاف الكل يتكلم انجليزي الا اهوه

 

[Dorur]

رد: رد : تجمع اولياء امور مدرسة الحياة hubs

مشكوووووووووووووره وايد درر على ردج بس بسألج ولخواتي بعد انتوا عيالكم اشلونهم بالتحدث الانجليزي يعني يتكلموون وايد انجليزي بكل شي والا نص ونص لاني بصراحه خايفه على ولدي اخاف الكل يتكلم انجليزي الا اهوه

والله انا ولدي زوين يتكلم ويفهم شتقول الابلة لان مدرسته بالروضة كانت زينة الحمدلله
وهم يلعبون بمواقع بالكمبيوتر كلها بالانجلش فتعود يسمع ويشوفون افلام كرتون انجليزي

بس انتي لا تحاتين عادي انا ولدي كان بالكي جي اول مادخل كان جذي اقل من باجي اليهال شوي شوي تحسن
قولي للابلة ابي دروس تقوية له او عطيني انشطة ادربه عليها بالبيت خلها تساعدج يعني
او انتي يبي له ابلة امريكية بالبيت يومين بالاسبوع مثلا؟

 

[Dorur]

امهات قريد ون

كاتبين لولدي بالورقة ان عندهم اوبن هاوس يوم الخميس
شنو يعني ان نحضر حصصهم؟؟ وهل تهقون يردون معانا مبجر ولا يوم دراسي عادي؟
يبيله صراحة نبي نشوف ابلالالالاتهم

 

[أم الشباب 2010]

رد : تجمع اولياء امور مدرسة الحياة hubs

انا وياج بعد يا درر اشمعناتها الاوبن هاوس هذي ؟
اللي عندها خبره على سؤالي وسؤال درر بليز تفيدنا

 

[أم الشباب 2010]

رد : تجمع اولياء امور مدرسة الحياة hubs

وبعد طالبين منهم للعلوم للاشياء الحيه ووالغير حيه يعني طالبين لعبة فرز للهالاشياء بتييبون باجر ؟

 

[اي اسم]

اي اسم مشكورة على ردودج دائما تطمنيني الله يطمن قلبج
ماجربتي الافتر كير يوم كانو عيالج بالحياة؟
لان ولدي بالروضة يخلص س1 واخوه 2 و ثلث ودي اخليه ينطر معاه
قالولي نبدي من الاسبوع الياي
واول يوم دراسي اضطريت اخليه وقالولي لا تحاتينه نخليه مع ابلته
لما راحوا ياخذونه حبيب قلبي ولا مقعدينه اهو وطالبين مع ابلة وحدة بالويتنق ايريا
ومافي كراسي يقول ماما انا تعبت
واقف ومتسند عالطوفة
بس تقول الابلة لا اصلا لما يبدي الافتر كير الاسبوع الياي راح نقعدهم بصف وفي العاب وتلوين
مايندرى

والله ما عندي فكرة عن الافتر كير :080402ask_prv:

 

[اي اسم]

رد: رد : تجمع اولياء امور مدرسة الحياة hubs

انا وياج بعد يا درر اشمعناتها الاوبن هاوس هذي ؟
اللي عندها خبره على سؤالي وسؤال درر بليز تفيدنا

يبدا الاوبن هاوس بكلمة من الخليفي ويمكن رجاء الصالح بعدين كل ولية امر تروح صف ولدها والهوم روم تيشر تشرح للامهات الخطة الدراسية وتوريهم الكتب والوسائل التعليمية ويكو ن اللقاء بالليل وممنوع اصطحاب الاطفال وبس
وتطلب الادارة من الامهات عدم سؤال المدرسات عن مستوى عيالهم لان تو الناس ولان هذا اللقاء الهدف منه التعرف على المنهج والمس وطريقة التدريس
وبس سلامتكم

 

[اي اسم]

رد: رد : تجمع اولياء امور مدرسة الحياة hubs

مشكوووووووووووووره وايد درر على ردج بس بسألج ولخواتي بعد انتوا عيالكم اشلونهم بالتحدث الانجليزي يعني يتكلموون وايد انجليزي بكل شي والا نص ونص لاني بصراحه خايفه على ولدي اخاف الكل يتكلم انجليزي الا اهوه

حبيبتي لا تحاتين ولدج ان شا الله بيتعلم ويرتفع مستواه بس انت بالبيت تابعيه واهم شي تخلينه يقرا معاج بالانجليزي قصص ويشوف رسوم متحركة بالانجليزي
انا ولدي يوم دخل جريد ون قبل سنتين كان معاه صبيان جايين من روضة حكومة يعني ما يعرفون شي بالانجليزي والحين ما شا الله عليهم شزينهم
المدرسة مستواها قوي وولدج ان شا االله بيتعلم ويتحسن ...بعدين يمكن ولدج يعرف يتكلم وعنده حصيلة لغوية بس خجول ويستحي يعبر عن نفسه

موفقين ان شا الله بس اهم شي تتابعينه بالبيت

 

[جناوي82]

مثل ماقالت اختي اي اسم المدرسه كلمة ممتازه قليله عليها وانا لما استلمت ورقة شهر 2 بخصوص التسجيل بجريد 2 لولدي ماترددت يوم واحد اني اخليه يكمل لاني شفت نتيجه ولله الحمد من اشراف كويتي وهذا اهم شي يعرف يتعامل مع نفسيات عيالنا لاني جربت النظام الانجليزي ومديره اجنبيه سبحان الله ولدي تعقد منهم وصرامتهم معني انا اهما للامانه زينين وبعدين المنهج والمدرسين الي شفتهم اول يوم تحسين فيهم عطاء ومنبه عليهم التعامل مع اولياء الامور مومثل بعض المدارس مايعطون ويه وبالنسبه للاخت ام الشباب عادي لاتحاتين انا نفسج بالبدايه بس تابعي معاه اول باول وموفقين انشالله

 

[Dorur]

رد: رد : تجمع اولياء امور مدرسة الحياة hubs

يبدا الاوبن هاوس بكلمة من الخليفي ويمكن رجاء الصالح بعدين كل ولية امر تروح صف ولدها والهوم روم تيشر تشرح للامهات الخطة الدراسية وتوريهم الكتب والوسائل التعليمية ويكو ن اللقاء بالليل وممنوع اصطحاب الاطفال وبس
وتطلب الادارة من الامهات عدم سؤال المدرسات عن مستوى عيالهم لان تو الناس ولان هذا اللقاء الهدف منه التعرف على المنهج والمس وطريقة التدريس
وبس سلامتكم

لااااا لا تقولين شنو بالليل وخميس
نبي الصبح احسن
ويه شكلي تحبطت

 

[Dorur]

رد: رد : تجمع اولياء امور مدرسة الحياة hubs

وبعد طالبين منهم للعلوم للاشياء الحيه ووالغير حيه يعني طالبين لعبة فرز للهالاشياء بتييبون باجر ؟

اي صاجة انا افكر اطبع له من النت صور واقصصهم
مثلا كرة سيارة اولاد نبات حيوان .. الخ
سوي لولدج خل تشوفه ابلته انه مهتمين فتركز عليه
والله يخليهم لنا

 

[جناوي82]

بعدين الحياة صحيح انا موقعها صغير بس هذا من وجهة نظري ميزه حلوه بسبب انا الطلبه والمدرسين يكونون تحت نظر الاداره بمعني انا اهما اول سنتين كانوا يغيرون المدرسين لعدم الكفاءه وسيطرتهم علي الطلبه الحمد لله ماشفنا مشاكل وسوالف طقني واطقك وهذا يعكس اسلوب الاداره والمدرسين مع الطلبه لان ولدي مره لعب مع واحد وعرجبله وطاح وبجي وياني خايف يقولي باجر بيودوني عند مس خير لوووول يعني مدرسه ملمومه وحلوه واتمني انا يمشون علي هالنظام وتظل رجاء الصالح ماسكه الاشراف التربوي

 

[عيون فرح]

رد : تجمع اولياء امور مدرسة الحياة hubs

أمبيييييييييييييي

درر وأما الشباب ما قريت هالطلبات هذي وييييييييييييييين؟
يا حياتي وليدي ما سوشيت له:lkmnkl:
والله ما قريت هّذا g1 ؟؟؟؟