خبيرات جنوب افريقيا ممكن تساعدوني؟

[eng-khadkhad]

السلام عليكم خواتي العزيزات
بالنسبة لجنوب افريقيا تنصحون اسافر مع قروب سياحي والا بروحي انا وزوجي ومعانا بيبي ؟
واذا في قروبات زينة ممكن تذكرون لي السفريات المتخصصين لهالدولة وشنو احسن وقت بالسنة لها ومشكورين والي عندها تقرير تحطه
شكرا

 

[حنانك سر حبي]

انا رحت بالقروب وانصح بالقروبات اريح واحلا المواصلات عليهم من مدينه لي مدينه بس الاماكن تقدرين من تطبين هناك تروحين بروحكم شي راجعلكم

احنا سوينا جذي رحنا بقروب بس من طبينا هناك رحنا بروحنا الاماكن ومرات ينضمون لنا بعض اللي بالقروب

اللي اعرفه في سفريات السيد والبندر وانا رحت البندر حلوه وايد السيد ما انصح فيه

الوقت اللي رحتله كان فتره الصيف عندنا اهم برااد وجو عجيب

والاماكن اذا بتعرفين دشي منتدى العرب المسافرون

 

[<miss botamba>]

انا رحت لها 2003 على ما اعتقد مع سفريات البندر ورفيجتي توهم قبل جم سنه رايحين بروحهم واجروا سياره وداروا على كيفهم

بس اتوقع سهالات تروحين بروحج اذا منظمه شغلج عدل لانها ديره سهله وبكل منطقه كل شي حواليج

 

[eng-khadkhad]

حياتي مشكورين كلكم بس شرايكم منو احلى اهيا والا اسبانيا ؟ انا محتارة بين البلدتين

 

[<<المها>>]

هلا حبيبتي انصج تروحين لها لانها روووووووووووعه جداً جداً ديره اتهبل وطول ماعندنا صيف انصج تروحين لها لانه

يكون عندهم شتاء .. لان اذا صار عندنا شتاء يصير عندهم صيف وجوهم مو بارد توصل درجه الحراره عندهم الى 40

انا توني راده منها بشهر 8 قبل رمضان ..

ومارحت مع قروب سياحي لا والله احنا عايله بروحنا .. واجرنا سياره وقعدنا اول شي Cape town وبعدين رحنا Wilderness

واهيا عباره عن مدينه صغيره سياحيه على البحر وسكنا بشاليه بس يكون على نظام الشقق يعني فيه خدمه ومعاه فطور بس اهوا اصلا

شاليه على البحر قعدنا فيها 3 ايام واايد حلوه طبعا تروحون لها بسياره لان مافيها مطار تبعد 4 ساعات تقريبا بس ماتحسين بالطريج

لان الطريج كله خضاااار والجو مو طبيعي يهبل واساسا البيوت والمناطق السكنيه ماتنقطع يعني ماتحسين انج بطريج سفر

وبين Cape town و Wilderness بتمرون على منطقة صغيرونه اسمها والدرنس لازم توقفون فيها تريحون وممكن تتغدون

وفيها سوقها اسمه الووتر فرونت مرره حلو ومجكنم وفيه جم محل بضاعتهم حلوه

اما جوهانسبرغ مارحنا لها كل من يقول ماتسوى الا يوم او يومين ومافيها امااان ابد ..

اذا لغتكم الانجليزيه زينه توكلي على الله وروحو بدون قروب وتتقيدون فيهم وضبطو حجوزاتكم من النت .. والديره بشكل عام ماراح

تتعبين مع شعبها لانهم وااايد حليوين وذربين بالتعامل وحريصين يوفرون لج اقصى درجات الراحة

واذا بتسكنون ب Cape tawn مالج الا الووتر فرونت اهيا المنطقة السياحيه وشققها حييييل كشخة وكلشي فيها من القفشه لين الجدر

والغساله والنشافه الذاتيه يعني بترتاحين فيها وهم عندهم نضام الهاوس كيبنج يعني على كيف كيفج والمنظر اللي تطل عليه حيييل روعه

ومجمع اللوتر فرونت بيكون يمكم تروحين له مشي والمطاعم والجمعيه حقتهم داخل هالمجمع عجيييبه روووعه اسمها بيك ان بيي كل شي فيها

ماتتخيلين بس قطيعة اكتشفنا ان صاحبها يهودي .. هذا بأختصار اخاف ما ادش مره ثانيه قلت كل اللي عندي ولاتنسين المضلات لان

ساعات بدون مقدمات يطق مطر .. وبعد شنو هذا اللي اتذكره

دشي منتدى المسافرين العرب وااااااااايد بتستفيدين كلشي فيه تقارير كامله وعجيييبه

 

[<<المها>>]

حياتي مشكورين كلكم بس شرايكم منو احلى اهيا والا اسبانيا ؟ انا محتارة بين البلدتين

انا مارحت اسبانيا بس سمعت عنها من ناس وايد وحسب اللي شفته بجنوب افريقيا اقولج هدي اوروبا كلها وروحي جنوب افريقيا ..

وعلى حسب انتي شنو هدفج من السفره سياحة وترويح عن النفس روحي لها بس اذا يهمج السوقه والشوبنج بالدرجة الاولى

ترى مافيه واايد مجمعات فيها بس 3 واحد كبير ورئيسي جنج تقولين المارينا مول والثاني نفس المستوى تقريبا والثالث اللي ا

اهوا الووترفرونت اللي يم المنطقة السكنيه واسواقهم مو شينه ممكن تلقطين بس ماتعتبر دوله حقة شوبنج لا صراحة حقة

وناسه واسترخاء وهم تونس يعني ماتحسين انها بس طبيعة وتملل لا والله مادري انا وااايد استانست ..

يمكن بعد لان احنا قروب بنات مادري اذا انتي وريلج بس شنو يكون الشعور بس اهما يمدحونها لشهر العسل يعني اللي

راحوا شهر عسل هم يمدحونها ويقولون استانسوا فلأتوقع ان شاء الله بتستانسين

انتي استخيري وقرري .. موفقه

 

[eng-khadkhad]

حياتي مشكووووووووووووووووووووورة وايد انا اذا بروح مع زوجي وبنوتتي ان شاءالله نستانس

 

[حنانك سر حبي]

جنوب افريقيا واسبانيا؟؟؟؟؟!!!!

اكيد جنوب افريقيا ,,

 

[أم صالح]

جنوب افريقيا ماتتحسفين ابد اذا رحتي لها جو وطبيعه ورحلات انا افضل تروحين بروحكم مو مع قروب لانها مومالت تقيد مع ناس والقروبات اذا تغير الجو وطق مطر تلقي الرحله لانها متقيده بمواعيد انتو طلعوا ليسن دولي واجروا سياره ولفوا على كيفكم ابد ماتضيع
اما الاسواق عندج الووتر فرونت والكانال ووك وتايجر فالي
اما الرحلات روحوا مع تاكسي حق رحله حديقه النعام لانها بعيده وتحتاجين احد يدل ورحله راس الرجاء الصالح وشاطئ البطاريق هذول مع تاكسي وحجزوا من الووتر فرونت رحلات بحريه احنا رحنا جزيره روبن ايلاند اللي فيها سجن مانديلا ورحنا رحلة مشاهده الحيتان تينن

نصيحه حجزي بس تذاكر ويومين فندق من الكويت ولارحتوا دوروا فندق اوشقق الووتر فرونت وكملوا الحجز تطلع وايد ارخص

 

[catwiti]

هذيل صور بطااريق من شاطئ البطاريق طلعت الصور من قووقل ايرث

شوفيهم يشوقووووووووووووووووووووووووووووون امانه اذا رحتي بوسهم لي