تجمع مشرفات التقنيات التربوية في وزارة التربية - دكتورة الريم

[الدكتورة الريم]

يعطيج العافيه:hjy5jewf: والكادر هل كل شهر يمشي لكم وجم .... <<< بتطقيني علي كثر اسألتي الاني انا تخصص تكنولوجيا التعليم

@

bebe90


ياهلا والله ومرحبا

شرفتينا يا bebe90 وحياك الله

@​

 

[smiley girl]

رد: رد : رد: تجمع مشرفات التقنيات التربوية في وزارة التربية - دكتورة الريم

السلام عليكم
حبيبتي أنا قبل العيد كانت مقابلتي للعمل وكان إلي يقابلني يقولي عن الوظيفة جان يقول لي إن
الكادر إنقر وراح ينزل لج بأول معاش لج إنشالله وقالي أما إلي كانوا متوظفين من قبل راح ينزلهم بأثر رجعي فإنشالله
إبشري بالخير المعاش الجاي .

الله يبشرج بالخير


ان شاء الله ينزلوونه والله ملينا واحنا ننطر:eh_s(11):


اختي مدرسة دقت على ديوان الخدمة المدنية وقالولها جم راح ينزل راتب سبتمبر

ولما انا دقيت على الخدمة الا يقولي راتب شهر مايوو

مادري ليش يعني تتوقعون للحين مايعرفون جم ينزلوون:080402ask_prv:

؟؟؟؟؟؟؟؟؟؟؟؟؟؟

 

[Edu.Technology]

رد: رد : رد: تجمع مشرفات التقنيات التربوية في وزارة التربية - دكتورة الريم

شلون تكون مقابلة شنو يسألج ومنو اللي يسأل ؟؟
وتكونين بروحج أو معاج احد ؟؟؟؟؟؟ :eh_s(20):

على اي اساس رحتي وسويتي مقابلة .. انا سجلت بالديوان بس
للحين ما سويت مقابلة !!!!!!


اي صح بناااااااااااات يصير ابلة تقنيات تدرس حاااااااااااااسوب ؟؟؟
على الاقل ادرس حاسوب .. ابرك من اللي مو فاهمين شنو انا بهالتخصص :flower:

أميرة ... المقابلة تتحدد لج بعد ما تخلصين من الاجراءات التي تخص التوظيف .. يحددون لج اليوم والوقت اللي يتم فيه المقابلة، ولا اتحاتين يسئلونج فيما يخص مجال دراستج .. وانا كان وقتها 3 اشخاص اللي اسئلوني.. مثلا:وين كان الميداني مالج؟ .. شنو مشاريعج حق الميداني؟ ..ما هو جهاز المكسر mixer؟ ... والهدف من المقابلة على ما اظن انه يعرفون شخصيتج ومدى خلفيتج وعلمج بمجال تخصصج ولا اتحاتين سهالات ... بس خلج واثقة من نفسج
وعلى طاري ابلة الحاسوب ... اذا توظفتي ان شاء الله راح اتغيرين رايج انج تكونين مدرسة نهائيا... والله ان مسئولية المدرسة وايد كبير وحرام تتعب وايد وعليها ضغط وامجابل بنات وتدريس وشرح وصراخ واتصير فيها حالة نفسية من الضغط والتعب والاشراف والمراقبة وتصليح الاختبارات واتسوي اختبارات وامور وايد .. الحمدالله اني ما صرت مدرسة .. اصلا مجالنا حلو وعلى الراحة الشغل وعلى المزاج ... ومو مهم المادية .. فكري بالراحة ... والله الراحة اهم شي بالدنيا

السلام عليكم
حبيبتي أنا قبل العيد كانت مقابلتي للعمل وكان إلي يقابلني يقولي عن الوظيفة جان يقول لي إن
الكادر إنقر وراح ينزل لج بأول معاش لج إنشالله وقالي أما إلي كانوا متوظفين من قبل راح ينزلهم بأثر رجعي فإنشالله
إبشري بالخير المعاش الجاي .

تسلمين والله يبشرج بالخير ... ​

 

[ام الخييير]

رد : تجمع مشرفات التقنيات التربوية في وزارة التربية - دكتورة الريم

يناااات

يا مشرفات يا خبرة:fun:

ابي كل وحدة تقولي شلون طريقة سجلتها ؟

يعني جم سجل عندج ؟:gr4uu:

شنو طريقة تنسيقيج لهم ؟:bbbiu:

نبي تفاعلكم بنات عشان الكل يستفيد
:aha:

 

[Edu.Technology]

رد: رد : تجمع مشرفات التقنيات التربوية في وزارة التربية - دكتورة الريم

يناااات

يا مشرفات يا خبرة:fun:

ابي كل وحدة تقولي شلون طريقة سجلتها ؟

يعني جم سجل عندج ؟:gr4uu:

شنو طريقة تنسيقيج لهم ؟:bbbiu:

نبي تفاعلكم بنات عشان الكل يستفيد
:aha:

سجلي= داخلة أول شي (الملف التعريفي الخاص فيني) بعدين (أهداف التقنيات التربوية) + (أهمية التقنيات التربوية)+(المهام والواجبات التي تقوم بها مصممة التقنيات التربوية)+(خطة عمل مصممة التقنيات)+آخر شي (الأعمال المنتجة)

 

[Edu.Technology]

نسيت اقولج .... عندي سجلين ... السجل الاعمال (سجل خطة العمل اليومي)اللي ذكرت شنو داخله مساع..
سجل العهد

 

[الدكتورة الريم]

@

مرحبا

وانا اتجول في مواضيع المنتدى

لقيت هالموضوع وبجد روووووووووعة

مكتبة تحتوي على صور متحركة لزيين الدروس التعليمية بالبوربوينت

على الرابط التالي

http://www.q8yat.net/showthread.php?t=676414

تستاهلووووووووووووون

دمتم بخير


ملاحظة بخصوص السجلات :

لاتنسون سجلات الاستعارة .. استعارة الوسائل والافلام التعليمية .. وسجل غرفة العروض

@​

 

[#أصيلة#]

الله يبشركم بالخير ياجماعة وانشالله الزيادة هالشهر يارب ......
وضاق خلقي عشان ماقدر احول مدرسة حاسوب ... لان ودي اتطور اكثر .... الله كريم ان شاء الله ويقدرني على شغلي هذا

 

[أميرة 22]

بااااااااااركولي اليوم اسمي نزل بالجريدة يااااااااااي مو مصدقة
سجلت قبل العيد والحمد لله نزولوا الاسامي بسرررررررررعه:eh_s(11):

المهم اللي ما فهمته قالوا كل شخص يراجع جهة العمل المرشحة لها .. !!

انا مرشحة لوزارة التربية يعني اراجع الوزارة اللي بالشويخ ؟؟؟؟

أو اروح للمنطقة التعليمية ؟؟؟؟؟؟؟؟؟؟؟؟

انا لما سجلت قبل العيد رحت اول شئ للمنطقة قالوا حنا بس للي تصير مدرسة
أما تكنولوجيا تعليم تروح تراجع الوزارة بالشويخ .. :s141:

يعني يوم الاحد اروح للشويخ وزارة التربية ؟؟؟؟؟؟؟؟؟؟؟

 

[ام الخييير]

رد : تجمع مشرفات التقنيات التربوية في وزارة التربية - دكتورة الريم

يعطيكم الف الف عافية على ردودكم

بس مادري جنه احس انتوو اكثر سجلاتكم:gr4uu:

انا الله يسلمكم

عندي

سجل الاعمال اليومي وهذا مهم جدا :rerrerek:
سجل الانتاج
سجل العهد
سجل الاخبرات لانه انا روضة واحصر فيه شنو عندي من وسائل حق كل خبرة:rerrerek:
وانا ماعندي غرفة عروض لانه قالبينها مخزن :eh_s(6):

ويكون كل سجل بفايل بروحة

واتمنى الاستفادة للجميع

ويعطيكم الف عافية

:aha:

 

[رهام الكويت]

رد: رد : تجمع مشرفات التقنيات التربوية في وزارة التربية - دكتورة الريم

مشكوزة الريم على رابط الصورالمتحزكة

وانصحكم فيه

 

[غير كل الناس]

يا صباح الجمعه

الدكتوره وباقي البنات

بالنسبه للسجلات//// رياض الاطفال

سجل المواد السمعيه والبصريه للشفافيات والاقراص
سجل الاستعاره اي مدرسه تاخذ منكم شي يتسجل
سجل الانتاج كل خبره وشنو يخدمها من لوحات متوفر عند المشرفه
سجل حصر الاجهزه : اجهزه العرض العلوي الاوفرهيد والمسجلات

وعندي سجل خاص استانست الموجهه والناظره منه سجل التطبيقات لكل خبره
وسلامتكم

 

[الدكتورة الريم]

رد: رد : تجمع مشرفات التقنيات التربوية في وزارة التربية - دكتورة الريم

بااااااااااركولي اليوم اسمي نزل بالجريدة يااااااااااي مو مصدقة
سجلت قبل العيد والحمد لله نزولوا الاسامي بسرررررررررعه:eh_s(11):

المهم اللي ما فهمته قالوا كل شخص يراجع جهة العمل المرشحة لها .. !!

انا مرشحة لوزارة التربية يعني اراجع الوزارة اللي بالشويخ ؟؟؟؟

أو اروح للمنطقة التعليمية ؟؟؟؟؟؟؟؟؟؟؟؟

انا لما سجلت قبل العيد رحت اول شئ للمنطقة قالوا حنا بس للي تصير مدرسة
أما تكنولوجيا تعليم تروح تراجع الوزارة بالشويخ .. :s141:

يعني يوم الاحد اروح للشويخ وزارة التربية ؟؟؟؟؟؟؟؟؟؟؟

@

أميرة 22

الف مبروووووك .. يوم الاحد باذن الله تروحين للوزارة بالشويخ مبنى " 1 "

تروحين الى سكرتارية مدير ادارة التقنيات التربوية وهم يقولون لك شلون باقي الاجراءات

ويعطونك اوراق الفحص وتنطرين نتايج الفحص وتسلمينهم

وبعدين تروحين المنطقة التعليمية الي انتي تابعة لها

وعند مراقبة التقنيات التربوية والمكتبات تختارين وتحددين المكان مدرسة ولا روضة

موفقة باذن الله .. الموضوع سهالات ان شاء الله


@​

مشكوزة الريم على رابط الصورالمتحزكة

وانصحكم فيه

@

رهام الكويت

ياهلا .. حاظرين للطيبين

:aha:

الحمدلله مادام تنصحين فيه يعني الموضوع عاجبك


بصراحة انا اموووت على الاكسسوارات لتزيين دروس ( البور بوينت ) وخصوصا بالتقويم

وحطيت الرابط لتعم الفائدة على الجميع

@​

 

[الدكتورة الريم]

يا صباح الجمعه

الدكتوره وباقي البنات

بالنسبه للسجلات//// رياض الاطفال

سجل المواد السمعيه والبصريه للشفافيات والاقراص
سجل الاستعاره اي مدرسه تاخذ منكم شي يتسجل
سجل الانتاج كل خبره وشنو يخدمها من لوحات متوفر عند المشرفه
سجل حصر الاجهزه : اجهزه العرض العلوي الاوفرهيد والمسجلات

وعندي سجل خاص استانست الموجهه والناظره منه سجل التطبيقات لكل خبره
وسلامتكم

@

غير كل الناس

صباح ومساء النوووور .. ياهلا والله ومرحبا

عاشت الخبرة .. تصدقين حلوة فكرة تخصيص السجلات مثل سجل المواد السمعية والبصرية

وسجل التطبيقات

(( غير كل الناس .. اكيد دايماً غير ))


:s142:


تمنياتي بجُمعَہ طيبہ على الجميع لغير كل الناس ولكل اعضاء التجمع ولكل من يتابعنا


اََللّہمْ فِِيْ كُلََ يََوْمِِ يُفِِيقُ فِيہِِ هََذاْ الوََجْہِ الطََيٌبِِ

إرْزِقْـــــہ رََاحَـــہ تُمْلـــيِِ أََنْفـاســــہ

وََرضآ يُمْحـــو هَـَـمْـــہ .. وََرْزقـــا يَـَقْضـــيِِ دِِيـنـــہُ

وََصفـــــآء يعْـلــــو وََجْـہِــــِہُ

وعََــآفأــيــہٌ وََشِِفـــــآء تََـــرْفَــــَع بَــــَلآئـــــہ ..


اللهم آمييييييين


@​

 

[الدكتورة الريم]

@

الاخت رشة عطر وغيرها من الخوات

كانت تشكي من ان بعض مديرات المدارس يجهل دور مصممة التقنيات

وفي بعض الخوات يقولون ان وظيفة مصممة تقنيات مالها اهمية

oster_av1:

وانا اقول محد يقدر يحط اهمية للعمل الي تقومين فيه الا انتي

دام انتي واثقة من نفسك انك انسانه طموحة وحابه تقدمين افضل ماعندك

اقترح عليكم طريقة توضحين الصورة لمديرة المدرسة وغيرها لكن بطريقة غير مباشرة

وبنفس الوقت تحفظ حقوقك

:q8:

ملف انجازات مصممة التقنيات


عبارة عن ملف يحتوي على كل ما أنجزته المصممة في مجال عملها

ويجب على كل مصممة تقنيات أن يكون عندها ملف انجاز

الحلو في الملف

- يثبت حقوق المصممة من خلال توثيق انجازاتها
يثبت حقها في التميز بالتقييم سواء لمديرة المدرسة او الموجهة

- عندما تتقدم للمسابقات أو للوظيفة أو المشاركة في الأنشطة
ما عليك ألا أن تلجأين للملف وتسحبين الأوراق المطلوبة وعمل كوبي

- ولكن الأحلى عندما تتصفحين ملفك وتجدين ما أنجزتيه في حياتك المهنية


طبعاً طريقة تنسيق الملف يختلف من شخص لأخر

لذلك سأطرح عليكم ما يحتوى ملف انجازي وأتمنى الاستفادة لكم

1- أول ورقة في الملف تحتوى على آية قرآنية وهي

قال تعالى :
( وقل اعملوا فسيرى الله عملكم ورسوله والمؤمنون وستردون إلى عالم الغيب والشهادة فينبئكم بما كنتم تعملون)

2- فهرسة الملف لتسهيل معرفة الصفحات .

3- رؤية المصممة ثم رسالة مصممة التقنيات " يعني مقدمة عن التقنيات واهميتها " ويليها اختصاصات ومهام مصممة التقنيات .

4- السيرة الذاتية للمصممة وتحتوى على الاسم والمؤهل العلمي وتاريخية وسنة التوظيف .. شهادة التخرج


5- فاصل مكتوب عليه آية قرآنية ( هذا من فضل ربي) ويليه شهادات الشكر والتقدير التي حصلت عليها المصممة

- شهادات شكر من المنطقة او مراقبة التقنيات او التوجيه .

- المحاضرات او الورشة التي قامت بها المصممة تمنح خلالها شهادات الشكر .

- شهادات الشكر من المعلمات ( نتيجة تعاون المصممة مع المعلمات في تصميم الدروس ) .

6- أسماء الدوارات والورش والمحاضرات والندوات

وتم تقسيمها إلى قسمين على طريقة جدول :

أ- الدوارات والورش والمحاضرات التي قامت المصممة بإلقائها وتقديمها .

ب- الدوارات والورش والمحاضرات التي حضرتها المصممة .

7- شهادات حضور الدورات والورش التي تقدمها مراقبة التقنيات بالمنطقة والتوجيه .

8- الجوائز التي حصلت عليها المصممة ويستحسن تصوير الجوائز وغالباً ما تمنح مع شهادات الشكر .

9 - الإصدارات من قبل المصممة وأيضا تم تقسيمها إلى قسمين :

أ- إصدارات خاصة للتقنيات " تصوير الوسائل التعليمية ألي تم إنتاجها " .


ب- إصدارات بمناسبات الدينية والوطنية مثل بروشور .. مجلة .. بوستر 000الخ .


:aha:

وسلامتكم

:sfg:


اما فيما يخص العهدة والاستعارة انا افضل انها تكون بسجلات خاصة


صج طولت عليكم بالكلام ..

لكن حابه الكل يستفيد وخصوصا التعيين الجديد



@​

 

[Edu.Technology]

لاتنسون سجلات الاستعارة .. استعارة الوسائل والافلام التعليمية .. وسجل غرفة العروض

اي صح نسيت أذكر هالشي ... وتسلمين الريم على النصائح الرائعه اللي ذكرتيها .. يزاج الله خير .. وما قصرتي...

الف مبروك أميره والى الامام ان شاء الله .. والله يسهل عليج امورج ...

 

[#أصيلة#]

الله يعطيج العافية يالريم على توضيح سجل الانجاز لان مطلوب مني ومادري شحط فية

 

[بنت الرويلي]

ماشاء الله تبارك الرحمن على جهودك يالريم وجهود كل المشرفات
الله يعطيكم الف عافيه واتمنى لي ولكم التوفيق والى الامام والله يعدي هالسنه مديرتنا تبينا نسوي معرض وسائل تعليميه واهم شي فيه الجوده وبصراحه احاتيه
والله يستر

 

[رهام الكويت]

نبي الكل يستفيد معانا

شر ايكم كل وحدة اذا بدت أو عندها خطة لوسيلة تعليمية تخدم المناهج تعطينا الفكرة لتبادل الافكا ر وتذكر المرحلة والمادة المستفادة

وتنفيذها بأذن الله

 

[الدكتورة الريم]

الله يعطيج العافية يالريم على توضيح سجل الانجاز لان مطلوب مني ومادري شحط فية

@

اصيلة

الله يعافيك .. وحاظرين للطيبين

@​