ليش الناس يخشون؟؟

[amoOoNA Al_mazyoNa]

الســــــلام عليكم..

كـــــــــل عــــــام وانتوا بخيـــــر..

بنات في شي قاعد يصير عند الناس ومحيرني:080402ask_prv:.. قلت خل نتناقش فيه ونشووف راي بعض ابهالموضوع..
ليــــــــــش في ناس وايـــد إذا أحد من أهاليهم أمهم أبوهم اخوهم اختهم ..الخ ،، إذا صار فيه مرض أي نوع من أنواع المرض الله يكافينا ويكافيكم الشر يخشووون على الناس ومايبون أحد يدري ويصير عندهم مثل السر لييييييييش؟؟ هالهالشي عيب؟؟ فشله؟؟ يستحووون؟؟
بعد هالشي بيد رب العالمين سبحانه موبيد بني الادمي نفسه.. وهذا ابتلاء من رب العالمين..
بس انا ماااقلت خل ينشرون الخبر..
انا بقولكم سالفتي والحين راح تفهموني عدل ليش انا كتبت وشنو أقصد..
في وحده انا ويااهااا حييييييييييييييييييييييييييييييل حيييييييييييييييل الله يسلمكم اختها جم مره تطيح بالمستشفى وترد تطلع وانا اعرف اختها جم مرة نقعد مع بعض بس موو واايد يعني مومطيحه الميانه مع اختها لأ علاقة سطحيه..
المهم اقول حق رفيجتي اشفيها اختج عسى ماشر؟؟ تقوول لا عاادي مافيها شي فحوصات ومااأدري شنوو انا صدقت.. بعد فترة عرفت بالصدفة ان اختها مريضه جان اتحلفني أمووونه لاتقولين حق احد ترى مانبي احد يدري..
انزين ليييش عاااادي خل يدرون الناس؟؟ لاتقولون بنات خايفه ان محد يتزوجها لأ البنت متزوجه وعندها عيال..
وعلى فكرة موووبس اهي البنت هذي سوت جذي واايد ناس يسوون جذي ويتحسسوون من هالموضوع..
انا عن نفسي اسم الله علينا عسى الله يحفظنا أقوووووول عاااااااااادي بنظري مافيها شي لا اهو عيب ولا اهو حرام..

والحمد لله رب العالمين على نعمة الصحة والعافية​

ويالله آرائكم وتعليقاتكم الحلوة

 

[نسكافيه بالحليب]

تسلمين حبيبتي على طرح هالموضوع

وانا فعلا اشوف الناس تخش اذا صار لا سمح الله لأحد منهم مرض ويمكن ما يبون احد يأذيهم بالاسئلة وكل ما شافوا الشخص سألوه ها شلونك ؟ وشصار على المرض اللي فيك ؟؟ وحتى لو تشافى بيظلون يسألونه لأن الناس ما يخلصون انا عن نفسي احب اخش عن الناس مو عشان شي بس ما احب اللويه والأذية مو أكثر

وبالنسبة لعايلتنا العكس بسرعة ينتشر الخبر واللي ما يدري درى

 

[ام الدرر]

ايه والله صاجه
وايد اصادف نوعيات جذيه
احس اللي يتشمتون بالناس اكثر شي يغبون مرضهم يخافون الناس تتشمت فيهم
اعرف وحده مرة كبيرة حزت دواها تاخذه خشاشي عشان الناس مايدرون انه فيها سكر
مع انها كبيرة ونص الكويت فيهم سكر بس ماادري ليش ماتحب احد يدري
واعرف عايلة كاملة الله يهديهم اذا مرض احد فيهم محد يدري سبحان الله
واحد من عيالهم طاح طيحه جايدة وسفروه بره سنين يتعالج وان سالتي شلونه شسوا له قالوا ماشي العلاج والله كريم
حتى للحين مع انه قريب منا بس شنو فيه بالضبط ماندري
عسى الله يهديهم ويشافي مرضانا ومرضاكم​

 

[نوره 99]

مدري يمكن مايبون الناس تتعاطف معهم ... في ناس كذا
وفي ناس طبع فيهم ... يعني أي شي يخصهم مايعلمون

 

[G!RLooNa]

مادري يعني انا ماحب اقول بعد مو عن شي بس ماحب مو بشاره اهيا عشان اقول و ماحب يسئلون ها شلون المرض شمسويه و جذي يعني ما أحب والله يبعد عنا الامراض انشالله

 

[shai5at al3arab]

مادري رفيجتج تفكييرها غريب ما فهمت طريقة تفكيرها

ربي يرفع الضر عن اختها وكل مستضر يارب العالمين .

 

[G!RLooNa]

مدري يمكن مايبون الناس تتعاطف معهم ... في ناس كذا
وفي ناس طبع فيهم ... يعني أي شي يخصهم مايعلمون

اي بالضبط انا وحده ماحب الناس تتعاطف معاي او بمعنى اصح ماحب ال"شفقه"

 

[مملوحة_الوصايف]

رد : ليش الناس يخشون؟؟

بيييييييييييييييه يت على المرض الحين حبيبتي احنا بالكويت صج شعب معقد كل شي نخش ميخالف الرسول قالو واقضوا حواءجكم بالكتمان :050103nbh_prv: بس الكويتين الظاهر مطبقينها بحذافيرها وعلى كل صغيره وكبيره والله تعالي شوووفي اهلنا فلانه بتسافر محد يدري يخشووون لي قبل السفره بيوم يومين الي يكونوون خالصين كل شي يدوووووووووووب من باجر يروحون المطار وطيرون واحنا اخر من يعلم :080402ask_prv: خلي السفر وحده انخطبت ولا ياينها ناس لاااااااا مايصير مستحيل يعلموون يخافوون من العين والحسد والغيره شدعوه احنا اهل مو غررب خشوو على رفيجاتكم او معارفكم من بعيد من احنا !!!!!
انزين خلصنا فلانه تطلقت لا لا تحاول تخش اطول فتره ممكنه اي ليش بعد هذا طلاق وين المشكله لا والله يمكن تردله او دار درااا او دار ما درا :bbbiu: انزين بالدوام هذي بتنتقل القسم الفلاني ترووح اداوم ولا ندري عنها لا سألنا لا وين والله فلانه انتقلت من زمان صارلها شهرررررر تو الناس :lololoe: انزين اسبووع فلانه ما دوامت احنا شفيها عسى ما شر ليكون فيها شي اخر شي لا والله ما فيها شي شنو اهي اجازه ما تدرووووون ؟؟؟ او غيره او غيره وايد سوالف والله ما نخلص بعدين الكويت صغيره وكلن يعرف الثاني ومافي شي ينخش بس شتقووولين حق هالناس .... يسلموو عالموضوع :eh_s(7):​

 

[بنت رجال طيب]

اي والله صاجة بس مو على المرض في كل شي يخشون المرض السفر الزواج الطلاق الدراسة الوظيفة حتى

الحمل والولادة لا وزيدج من الشعر بيت مرة قاعدة مع وحده من أهلي بطنها شكبره قلتلها بأي شهر أنتي الحين ردت علي أنها موحامل

عقبها بشهرين ولدت زين اشدعوة حمل ليش ماتعلمين جايبته من الشارع عشان تخشين مو مثلي مالت علي من ينقط في بطني كل الناس تدري

عني يرحمني الله

 

[ملآمح يوسفيه]

رد : ليش الناس يخشون؟؟

الناس كله يخشووون المرض او طلاق او اي شي
كل هذي امور من الله

لا هوو عيب ولا شي

لو كل شخص يحمد ربه ويرضى بقضاء وقدر
ما يسوي هذي التصرفآآت

مشكوره ياقلبي على الموضوع

​

 

[مملوحة_الوصايف]

رد : رد: ليش الناس يخشون؟؟

اي والله صاجة بس مو على المرض في كل شي يخشون المرض السفر الزواج الطلاق الدراسة الوظيفة حتى

الحمل والولادة لا وزيدج من الشعر بيت مرة قاعدة مع وحده من أهلي بطنها شكبره قلتلها بأي شهر أنتي الحين ردت علي أنها موحامل

عقبها بشهرين ولدت زين اشدعوة حمل ليش ماتعلمين جايبته من الشارع عشان تخشين مو مثلي مالت علي من ينقط في بطني كل الناس تدري

عني يرحمني الله

اييييييييي ذكرتيني بوحده معاي بالدوام رفيجتي تقولها هاااااااا حامل جان تقولها لا وين القوولون ذابحني لوووووووووووووووول واهي حامل اشكره الكل يدري وبعد جم شهر ولدت خخخخخ الناس مو صج

 

[amoOoNA Al_mazyoNa]

^^
لوووووووووووووول اشدعووووووه عليها أخاف بس اهي أول وحده اتحمل الحمدلله والشكر تخلف

 

[مملوحة_الوصايف]

رد : ليش الناس يخشون؟؟

اي والله بس شتقولين حق هالناس