سؤااال للحضريات(عفوآ ماأقصد العنصريه!) = أخذ حقه من النقاش =

[اوووسه]

الله يوفقهم يارب

 

[دلوعتك]

الله يكتب اللي فيه الخير


اسمحيلي حبوبه بقولج كلمه وحطيها ترجيه بأذونج
الكويت بدوها وحضرها نفس الشي
شنو يعني اهله حضر وانتوا بدو وخير انشالله ؟؟؟
شنو يعني اهم كشخه حبيبتي الناس مومظاهر
ناس تشوفينهم كشخه وماركات من راسهم لساسهم
بس مايعرفون بالذرابه ولاشي :eh_s(4):


توكلوا على الله وخلوكم على طبيعتكم ترى التصنع بيكون واضح
وانتوا اساسا ماراح تكونون مرتاحين

 

[الحالمه]

خلوكم على راحتكم عادي
وأستقبلوهم مثل ما تستقبلون ضيوفكم
يعني حسب أنتم تقدمون الشاي والقهوه اول أو العصيرات
وأفضل تلبس البس اللي يريحها ويحليها
والله يوفقها
و الولد خلوه يطلع يسلم عادي لانه بالأساس عارفين هالشيء

 

[غلا باباتي]

خلكم عاااااااااادي أحسن ولله يكتب اللي فيه الخير

 

[LaSt WoMeN]

الله يوفق اوخيتج يا رب ..

رهوف عطتج المختصر المفيد بطريقتنا يزاها الله خير ..
و اختج خلتلبس بدلة ناعمة و لونها زاهي و يا رب الله يوفقها
و يهنيها و ييسر أمرها ..

انا كنت بقولج خلكم على طريقتكم بس فكرت يمكن مو الكل
يشرب قهوة

 

[softlady]

حبيبتي هذه مو عزيمه
انا مع شمعه
مليون مره انخطبنا وخطبنا
احم احم عشتوا

كله قهوه وحلو قهوه من الغالي وبس
اصلا اهما ما راح يطولون كلها نص ساعه لان بس يبون يشوفونها

الفطاير والعصير بعدين اذا زاروكم ورا الملجه

يا معوده الحريم عقولهم صغيره الحين يقولون ماصدقت كل هذا مسوييييته اشدعوه ؟؟؟؟؟؟

وطبعا البخور مثل ما قالوا البنات

واللفه لاااااااا
اسمحيلي اذا اختج تبي تتفشل من اولها مالاداعي

لازم كل طرف فيكم يقتنع بالثاني مثل ماهو بدون تعديلات

 

[softlady]

اي اي نسيت اللبس وخري عن الدراريع خل تلبس بدله ناعمه

عشان يبين جسمها وحلاها عدل

مو دراعه سيده
والمكيااااج قد ماتقدريت خفيفي

كل ماخففتي كان بصالحها مو ضدها صدقيني

 

[MY_HART]

الله يوفقج اختج حبيبتي واعتقد البنات ما قصرووااااا

 

[زين البدر]

خلوكم على طبيعتكم

وابتعدوا عن التصنع

والله بيسهل الأمور ان شاء الله

 

[softlady]

اي اي نسيت اللبس وخري عن الدراريع خل تلبس بدله ناعمه

عشان يبين جسمها وحلاها عدل:eh_s(15):

مو دراعه سيده:eh_s(13):
والمكيااااج قد ماتقدريت خففي

كل ماخففتي كان بصالحها مو ضدها صدقيني

 

[Ga6waah83]

اول شي الف مبروك والله يكتب اللي فيه الخير ...
وبالنسبه لنا ترا احنا مثلكم بعادات التقديم بس ما ادري يمكن احنا فناتقنا اكثر مادري ...
وثاني شي خل اختج تلبس بدله ذررررررربه وتكون راقيه وتحط ميك اب ناااعم حييل يا دوووب ينشاف هذا من راييي اذا احد تقدم لي اسوي جذي ...

وبعدين عيب تقولون حق امه شنو تلبس كل واحد حر وشنو من اولها ابتفرضون على امه شنو تلبس !! لا حبيبتي ...

وترا يا بنات احنا كلنا من ديره وحده والحضر والبدو كلهم يرجعون لبعض يعني انا حضريه بس لو ارجع حق يدان يداني راح القاهم بدوو
وترا الفرق بينا احنا الحضر وبين البدو شي واحد
ان احنا كشختنا ورزتنا برا يعني نطلع بدون عبي .. اما البدو يكشخون بس تحت العبي وداخل لبيوت وما اعتقد الطرفين عليهم قاصر ...

واسمحيلي يا الغاليه على الاطاله ...
موفقين ان شاء الله ...

 

[ام فهودي2007]

بعد عمري واللله الف الف شكر عل حجي الحلو اللي يونس على قولتكم ماله داعي التصنع عموما اكيد ماراح نطلب من امه تلبس لفه انا كنت اتغشمر عشان سالفة عيال الجيران وبعدين already اختي هاذي كلاس بالميك اب غير عنا ماتحب الثقيل وماشالله مو محتاجه , عن سالفة البدو والحضر صدقوني عارفة بس هذا الواقع المر للحين في ناس عقلياتها غريبة وللحين في تصنيفات للبشر !! الله كريم ويوفجكم يارب وتعدي السالفة على خير ويرزقهم

 

[bambena]

الطريقه عصير طبيعي

شاي وموالح

قهوه وحلو


ونصيحتي لج خليكم على طريقتكم لا تغيرونها عشان احد والله يوفقها

 

[جولي لولي]

شلونك ام فهودي حبيبتي الحين مافي بدو ولا حضر مافي احد مايعرف بهالسوالف ومع احترامي للجميع يمكن البدو على قولك يحطون ويخسرون اكثر من الحضر حبيبتي اول مايجون ضيوفكم ماي بعدين عصير بعدين شاي مع موالح صغيره حيل يعني سوالف شغل بيت مومحلات الفطاير يجون كبار حيل يفشلون او تبين تحطين حب او نخي بعدين الحلو مع القهوه وعقبها البخور والطيب واختك كثر ماتكون ناعمه بلبسها ومكياجها احسن لها وبالتوفيق انشاءالله

 

[حبيبته آنا]

خلكم على طبيعتكم
واختج خل تلبس بدله ناعمه وتحط مكياج خفيف ولا تدخل ولدها بس لازم تقولون لهم ان عندها ولد وتقولونلهم عمر الولد
ولاتقولون لها تلبس لفه ترا فشله انتو شكو فيها البست لفه والا اقعدت كيفها اهي تدري انها داشه منطقة بدو واكيد تعرف ردت الفعل ومومعقوله عيال فريجكم بعمرهم ماشافو مره سفور

 

[makeup story]

الله يوفقها ان شاء الله
وبصراااحه مايفرق الاستقبال اذا استقبلتي بعصير ولا قهوة المهم حسن الضيافه وبالاساس اهم يايين بيشوفوون البنت ماله داعي الخبه وكل واحد ع طبعه احسن عشان هم اهم يعرفون طبعكم بالمستقبل

 

[هلااا]

ماعليه حبيبتي أبي أرد على موضوعج مع أني
بدويـــــــــــــــــــــــــــــــــــه

أنا أقول خليكم على طبيعتكم وضيفوهم مثل ماتضيفون أي ضيف يزوركم
حبيبتي أحنا ناسبنا شيوخ ومن أكبر القوم
وضيفناهم قهوة وتمر
وعشيناهم ذبايح
وعيالنا منهم يفتخرون فينا ويقلدونا بالبداوة

ترى أحنا نعرف التقديم والعصاير والفناتك ونسويها على مشتهاتنا
بس متمسكين بأصالتنا ونفتخر فيها
يعني مسكنا العصا من الوسط
تمسكنا بأصالتنا وواكبنا العصر والتقدم

وخطيب أختج لو ماعجبته هالبدوية من بين كل البنات ماتعنا لها

الله يوفقها ويسعدها وييسر أمورها ​

 

[makeup story]

ان احنا كشختنا ورزتنا برا يعني نطلع بدون عبي .. اما البدو يكشخون بس تحت العبي وداخل لبيوت وما اعتقد الطرفين عليهم قاصر ...
,,,,,,,,,
رد ع الجملة هذي


اختي قطوة مووشرط يكوون هذااا فرق بين البدو والحضر لا تتبع عادات الاسرة نفسهاا
يعني احنا حضر بس نلبس عبي مرات يعني عادي ومانكشخ بس للبراا وشكرا للتوضيح فقط

 

[Ga6waah83]

ان احنا كشختنا ورزتنا برا يعني نطلع بدون عبي .. اما البدو يكشخون بس تحت العبي وداخل لبيوت وما اعتقد الطرفين عليهم قاصر ...
,,,,,,,,,
رد ع الجملة هذي


اختي قطوة مووشرط يكوون هذااا فرق بين البدو والحضر لا تتبع عادات الاسرة نفسهاا
يعني احنا حضر بس نلبس عبي مرات يعني عادي ومانكشخ بس للبراا وشكرا للتوضيح فقط

حبيبتي والله مشكووره على الرد ...
بصراحه انا بكلامي هذا ما اعم حتى انا بعض المرات البس عبايه واطلع
بس تقريبا انا الحضر نطلع سفور من غير عبايه 70 % عن البدوو
وهذا رايي يا قلبي ​

 

[شمـوخ]

حبيبتي أم فهودي ... الأخوات كفوا ووفوا بالردود ...ولي قناعه أن الذي يتصنع ويبالغ في المجامله يتعب ، فلماذا لا نعتز بأنفسنا مادمنا مقتنعين إننا لم نقوم بخطئ وإن حققنا ذلك فسنجد احترام الآخرين لنا ، يعني يا غاليتي خل يعرفون انكم بدو (واشفيهم البدو)واهم الحضر (واشفيهم الحضر) فكل له عاداته وفي بعض الأمور يكون اتفاق بالعادات ، والوحده اتفكر لي جدام ، عشان ماتكون هناك امعايات وتطنز من الطرفين سواء بين الزوجين أو الأسرتين ، فقدموا لهم مثل اللي اتقدمونه للأي ضيف وكونوا طبيعيين ، لأن والله إن الله أراد لها هذا الزوج سيكون لها انشاء الله بدون أي بريستيج ، يالله يا أم فهودي انشاء الله اتبشرينا بزواج أختج يارب والله يوفقها ويخليلج فهودي وتفرحين فيه معرس يارب.