مخططة اروح اليابان شرايكم فيها وشنو احلى اماكن فيها ؟!

[خوخة الكويت]

السلام عليكم و رحمة الله و بركاته


حبيباتي انا مخططة اروح اليابان شرايكم فيها و منو فيكم زارتها و شنو احلى الاماكن فيها ؟!!


يا ريت اللي راحو يفيدوني


:nbvppw:

 

[@style@]

السلام عليكم و رحمة الله و بركاته


حبيباتي انا مخططة اروح اليابان شرايكم فيها و منو فيكم زارتها و شنو احلى الاماكن فيها ؟!!


يا ريت اللي راحو يفيدوني


:nbvppw:

اختى مسافره لها من عشرين سنه تقريبا وكانت تهبل بس انا هالسنه بسنغافوره مواجهه عائله يابانيه وقاعدين نسالهم عن اليابان ما مدحها لنا يقول قبل حلوه بس الحين سنغافوره احلى منها وانتي دوري عنها بالنت​

 

[الريشة الذهبية]

رد : مخططة اروح اليابان شرايكم فيها وشنو احلى اماكن فيها ؟!

حلوة اليابان و يقولون غالية حيل​

 

[نيولوفر]

رد: رد : مخططة اروح اليابان شرايكم فيها وشنو احلى اماكن فيها ؟!

اختيار موفق ... انا احب اليابان و ودي اروحلها و اشوف كل شي فيها

 

[-dust-]

الله ونااسه :eh_s(22):


انا اول ابوي كان يدرس فيها :eh_s(3): عاد منزمان بس يقوول واااايد حلوة

عندنا احد من عايلتنا راحل لها يمدح فيها يقول وايد حلوة

عااد انا اموووت على اليابان ودي اروح :eh_s(22):

 

[-dust-]

^_^

انا بحثت بقوقل وطلعت بعض الاماكن



أهـم مدن الألعآآب في اليـآبـآآآن

Tokyo DisneySea


هي مدينه حديثه تم افتتاحها عام 2001 و تستقبل حوالي مليون زائر سنويا تقع في مدينة طوكيو كما هو واضح من اسمها تتكون المدينه من سبع اقسام تعرض قصص للحياه في البحار كما تحتوي على المطاعم و المتاجر و المحلات و الالعاب التي تجذب الصغار و الكبار

Universal Studios

هي اول مدينه من نوعها خارج الولايات المتحده تقع في مدينة اوساكا ثاني اكبر
مدينه في اليابان..~

و تحتوي على 20 وسيلة جذب مختلفه بالاضافه الى المحلات و المطاعم و غيرها و تعتبر مختلفه في طابعها الشرقي عن المدينه الواقعه في الولايات

Nagasaki Huis Ten Bosch

مدينة العاب شهيره تصور القرى الاوروبيه بمنازلها و طبيعتها و اسلوبها الشهير و كأنك في اوروبا و تنقسم المدينه الى اجزاء كثيره تمثل كل دوله اوروبيه على حده فهناك الجزء الالماني و الجزء الهولندي و الجزء البرتغالي و غيرها كما ان كل جزء يشرح تاريخ البلد و طبيعتها و المدينه واسعه جدا تحتوي على الفنادق و المطاعم و المحلات الاوروبيه ....~

أهم المساجد والمراكز الإسلامية..~

- مسجد ناغويا
- المركز الإسلامي في اليابان ( طوكيو )
- المعهد العربي الإسلامي ( طوكيو )
- مسجد كوبيه




المطاعم الحلال ...~
المطاعم الحلال كثيرة في اليابان نذكر منها :
- مطعم علاء الدين : مطعم إيراني يقع بالقرب من محطة روبونجي خلف مبنى التلفزيون .
- مطعم كراتشي : مطعم باكستاني يقع في شنجكو بالقرب من بناية محلات ( ) لبيع أجهزة الكومبيوتر .
- مطعم السندباد : مطعم عربي في منطقة شينجوكو .
- مطعم العين : مطعم عربي يقع في مدينة يوكوهاما القريبة من طوكيو .



مدينة اوساكا..

أوسـآكـآآ ...هـي مدينة في اليآبآن وعاصمة محآفظة أوسآكآ تقع جنوب جزيرة هونشو (أكبر جزر البر اليآبآني )تطل على خليج "أوسـآكــآ"ويصب نهر"يودوغاوا" بقربهآ.
يبلغ عدد سكآنهآ حـوآلي2،600،000نسمه...
تكون المدينة مع ضوآحيهآ ثـآني أكبر تجمع حضري في اليـآبـآآن ...~

بعضًالصــٌور...~

لــيل أوسـآكـآآآ ...~

الطبــيــعهـ " في اليـآبــآآن" ..

 

[-dust-]

باااك :eh_s(22):

هذي كانت اماكن الطبيعه في اليابان


^_^ اتمنى اكون افدتج :eh_s(17):

 

[خوخة الكويت]

اشكركم يا الغاليات ع الردود الطيبة ...

اختي dust مشكورة مشكورة مشكورة وايد وايد وايد و يعطيج الف عافية صراحة افدتيني حييييييل

قواج الله يالغالية و عساج عالقوة بعد عمري ما قصرتي و ان شاء الله تزورين اليابان قريب و تكتبين لنا رحلتج بالمنتدى

انا زوجي طق في باله اليابان كان مخطط ع اوروبا بس غير رايه ههههههه

مشكوريـــــــــــــــــــــــــــــــــــــــــــــــــــــــن

فديتكم ^^

 

[ام مهاوش]

وناسه حدي بخاطري اليابان بس مادري جم تكلف انا سمعت انها غاليه وايد اغلى من اوروبا بواايد
هالصيف سفريات القطان كانو مسوين قروبات حق اليابان اكيد عندهم خبره فيها دقي عليهم وسأليهم

 

[بدرية السهلي]

رد : مخططة اروح اليابان شرايكم فيها وشنو احلى اماكن فيها ؟!

ماشاءالة دولة حلوة واللة ما ادري ولا مرة رحت لها بس من الصور ماشاللة حلوة اليابان ​

 

[Ǥoldɛn ʝɛωɛL]

رد : مخططة اروح اليابان شرايكم فيها وشنو احلى اماكن فيها ؟!

عجييبه حيل وناسها مافي مثلهم اينووون

ياحظج اخذيني ماعاج لوول

و الله ودي اروح لها ان شاء الله ان تزوجت لوووول

 

[gogona]

رد: رد : مخططة اروح اليابان شرايكم فيها وشنو احلى اماكن فيها ؟!

الله وناسه اذا رحتي قولي لنا جم كلفتج الرحله
والي تقول في قرويات بعرف على جم اسعااااارهم

 

[ام الفوارس]

انا رحت لها قبل 12 سنة في رحلة عمل
رحت هيروشيما .. ومع اني ما تمشيت فيها بس بجد حبيت هالبلد جدا
تحسي تجربة السفر لها مختلفة تماما عن اي مكان ثاني
وكل شي فيها قبل اي مكان ثاني
اتذكر لما رحت كانوا الناس هنا توهم على موبايل اللي قد الطابوقة وهناك الموبايلات تنباع في الشارع واحجامها كانها العاب
تلفزيونات البلازما اللي توهم الناس خابين فيهم شفتهم لما رحت..
الشعب جدا محترم ومهذب وودود .. كنت اطلع وعندي ولدي عمره سنة في عربانته ولا يفوتكم طقت في راسي وكنت بعبايتي لاني كنت ارضع ومالي خلق حوسة وعفسة .. لما يمروا صوبي يحيوني وينزلوا راسهم ويلاعبوا ولدي ويعلقوا على عيونا :sfg:

خاطري جدا ارجع لها مرة ثانية .. واشجع اي احد يفكر يروحها
يالله روحي وورينا التقارير السنعة

 

[ام مهاوش]

رد: رد : مخططة اروح اليابان شرايكم فيها وشنو احلى اماكن فيها ؟!

الله وناسه اذا رحتي قولي لنا جم كلفتج الرحله
والي تقول في قرويات بعرف على جم اسعااااارهم

كانت سعر التذكره 1050 دينار من سفريات القطان وبصراحه هالسفريات انا اول مره اسمع فيهم وكانت الرحله 10 ايام بس!!!!!!

 

[عاشقه القيصر]

عجيبه الصور اللي حاطتهم الاخت dust
اب لعيونج

 

[ذكرى الفراق]

رد : رد: مخططة اروح اليابان شرايكم فيها وشنو احلى اماكن فيها ؟!

انا رحت لها قبل 12 سنة في رحلة عمل
رحت هيروشيما .. ومع اني ما تمشيت فيها بس بجد حبيت هالبلد جدا
تحسي تجربة السفر لها مختلفة تماما عن اي مكان ثاني
وكل شي فيها قبل اي مكان ثاني
اتذكر لما رحت كانوا الناس هنا توهم على موبايل اللي قد الطابوقة وهناك الموبايلات تنباع في الشارع واحجامها كانها العاب
تلفزيونات البلازما اللي توهم الناس خابين فيهم شفتهم لما رحت..
الشعب جدا محترم ومهذب وودود .. كنت اطلع وعندي ولدي عمره سنة في عربانته ولا يفوتكم طقت في راسي وكنت بعبايتي لاني كنت ارضع ومالي خلق حوسة وعفسة .. لما يمروا صوبي يحيوني وينزلوا راسهم ويلاعبوا ولدي ويعلقوا على عيونا :sfg:

خاطري جدا ارجع لها مرة ثانية .. واشجع اي احد يفكر يروحها
يالله روحي وورينا التقارير السنعة

وانا اخوي راااح لها كان عنده دورة لمدة شهر...بال2005 وقال نفس الكلاااام ...شعب منظم حيل..ومحترم ...

 

[خوخة الكويت]

فديتكم عالردود الطيبة ...

حبيبتي ام الفوارس عن جد شوقتيني للسفر لليابان ...

احنا خلاص قررنا ان نروح لها الصيف العطلة اليايه كنا بنروح قريب بس لان زوجي ينتقل بالدوام و جذي فعنده حوسه الحيل ان شاء الله بس يخلص من عفسه الانتقال و يستق بشغله راح نروح

 

[0ام الحلا0]

اليابان وكوريا شوفى دعايتهم بالجريده وشوفى مكاتب السفريات حاطينهم بالجريده

 

[مشتطـه]

أب
أب
أب
موضوع جدآ مفيد
اليابان احسها تيننننن
الله يكتب لي روحتها

 

[kankona]

انا رحت لها على شهر 11 الي طاف

صج صج اتينن في اماكن غالية و في اماكن رخيصة عادي

انا قعدت شهر صرفت 2500 بس مصرفي انا