حياكم الله معانا يا احلى أبلات في الموضوع الخامس في هذي السلسلة إللي أتمنى إنه الكل يستفيد منها
موضوعنا اليوم عن السبورة المرتبة
آنا كنت حاطة موضوع من قبل عن السبورة بس الصور فيه مو واضحة
أكيد وااااااااااااااااااايد أبلات يستخدمون هالطريقة وأحلى منها بعد
بس ما يمنع نخلي الكل يستفيد ويتذكر حق إللي ناسي
السبورة تعكس ترتيب المعلمة
هذا الكلام وااااااايد سمعته
طبعا الصورة آنا حاطتها فيها الشرح
الفكرة توفر عليج الوقت وااااااااااااااااااااااايد وااااااااااااااااااااايد
لأنه كل شي جاهز بس تحطينه على السبورة وما تحتاجين تكتبين شي كلش غير العنوان والتاريخ
ومع الوقت البنات يحفظون الأماكن يجهزون لج السبورة
الطباعة سهلة حيل ..بعد الحين الحبر عرفنا شلون نعبيه شوفو موضعي عن الحبر الأسود والملون
خلاص يعني ماراح يكلفنا
طبعي اسم المادة والبسملة والنقاط الأساسية وغلفيها حراري وحطي وراها مغناطيس
الفواصل في أشكال واااااااااايد تلاقينها بالمكتبات
وتقدرين تغيرين تحطين اسم المادة في بطاقة حلوة غير البطاقة السادة
مثل هالبطاقات
هالسنة مستخدمة هذي البطاقة وحاطة لي فواصل لونها أصفر سادة وكتبت إسم المادة بالنص
وبعد عندكم هالبطاقات
تلاحظون إنها فيها مساحة بالنص فاضية مخصصة للكتابة
نفس ما قلت لكم كتبوا اسم المادة بالنص
والفواصل اشتروا الفلين الخفيف سادة ..فيه ألون ا وااااااااااااااايد بالمكتبات وقصيه طوال يعني إنه فواصل
قصصوها وحطو وراها مغناطيس وخلو لونها مناسب للون البطاقة
سعر لوحة الفلين الخفيف تقريبا 900 فلس الكبيرة حيل وفيه اصغر بسعر أرخص
آنا شايفتهم عند مكتبة السنافر
إنتي تحتاجين الصغيرة لانه الكبيرة راح تزيد حيل
انتبهو
دايما رئيسة القسم تنبهنا على هالشغلة
إنه ليما نكتب الأشياء الأساسية على السبورة مثل العنوان الحقائق نكتبها
إما باللون الأزرق أو الأسود
لأنه في بنات فعلا ما يشوفون ..باقي الألوان تعكس تصير حق إللي ورا مو واااااضحة كلش
يعني اللون الأحمر والأخضر استخدميهم للتظليل أو اذا بتأشرين على شي مهم
7
7
أتمنى إستفادة الجميع من الموضوع
وخاصة معلماتنا إللي تعيينهم يديد
أو الميداني
لا تنسوني من الدعاء
وإللي عندها شي يديد لااااااااااااااا تبخل علينا
7
7
التعديل الأخير:
