كريم الصبوحه

[ريانية قطر]

مرحبا بنات الكويت
صديقتي حابه تستخدم كريم الصبوحه مين جربته وهل له مضار
انا لي صديقه استخدمته ووايد تمدحه اشرايكم
تسلمووون بنات

 

[امون]

حبيبتي انا مرت علي فترة كنت استخدمه وصج طلع الفرق ع ويهي شكلي وبياضي طلع يعني صج صار صااافي وقطعه
بس عرفت انه فيه كورتيزون وقطعت عنه ما تسوى علي ما اعرف مكوناته مع انه كان يسوي مفعول بس عشان صحتي
وجربي في خلطات نفس الحمص والروب بس من بعد صبوحه انا اخاف استعمل شي مو مكتوبه مكوناته او جذي مع انه فادني بس فيه نسبة كورتيزون
وغير جذي اعرف وحده سوى معاها نتيجة عكسيه وطلع لها كلف اسود وقعدت فترة طويلة تراجع بالجلدية


ربي يوفقج

 

[ريانية قطر]

حبيبتي انا مرت علي فترة كنت استخدمه وصج طلع الفرق ع ويهي شكلي وبياضي طلع يعني صج صار صااافي وقطعه
بس عرفت انه فيه كورتيزون وقطعت عنه ما تسوى علي ما اعرف مكوناته مع انه كان يسوي مفعول بس عشان صحتي
وجربي في خلطات نفس الحمص والروب بس من بعد صبوحه انا اخاف استعمل شي مو مكتوبه مكوناته او جذي مع انه فادني بس فيه نسبة كورتيزون
وغير جذي اعرف وحده سوى معاها نتيجة عكسيه وطلع لها كلف اسود وقعدت فترة طويلة تراجع بالجلدية


ربي يوفقج

فديتج والله امون تسلمين ع النصيحه الله يوفقج يالغاليه

 

[روح الأنوثه]

اختي تستخدمه بس ماداومت عليه يعني قطعته بسرعه
بس مادري انا ماحب استخدم شي ماعرف مكوناته
مثل ماقالت امون طلع فيه كورتيزون

 

[امون]

فداج كلي ولو
ومثل ما قلت لج انا كان عندي اثار حب شباب
والحين استخدم خلطه انا اسويها وصج وجهي فرق عليها الله يسلمج
روب . حمص مطحون . وليمون. وو ماي ورد
انا اخليه يصير نفس الماسك جامد يعني احط السوائل واحط الحمص زياده عنهم انا اعايرهم من نفسي


واذا تببين اي شي حاظرتلج علخاص

 

[ريانية قطر]

تسلموووون بنات