اللي تحب انها تكون مميزه عند حمولتها (تتفضل اهني عندنا تجمع)

[الفنانه79]

للرفع

 

[choclatecho]

انا داشة عشان ابي افكار ابي حق امي و خالتي و يدتي الله يحفظهم

 

[had one]

افكاركم وايد حلوه ما شاء الله عليكم دايمن تبدعون

 

[أورااااااد]

مرحبا


تسلمين يا الفنانة


صج من قال انج فنانة بالذوق والمواضيع الحلوة

بالنسبة لرمضان 00 بصراحة حلو مع دخلة رمضان وخصوصا اذا انتي

ساكنة مع حمولتج تاخذين لهم طقم كامل للسفرة 00 يعني مفرش ذرب وطقم

صحون وملاعق وشوك وقلاصات 00 واذا قدرتي بعد صحنين بغطا حق

المجابيس والهريس 00 وبوادي الشوربا 00 تخيلي كل يوم تقعدين تفطرين

معاهم يتذكرونج فيهم 00 حتى لو مو معاهم 00 وشرايكم بهذي الفكرة ؟


وطبعا فكرة المطاطير حلوة وايد يعني تاخذين طقم مطاطير باستكاناته

وملاعقه00 وغندور السكر 00 وشغلات الزعفران واللقاح

يعني بس تتاكدين ان المطاطير نوعية زينة ما يبرد فيها الشاي ولا القهوة

بسرعة 00 :eh_s(22): عشان ما اتفشلين جدامهم !!


او تشترين طبق للحلو يكون مميز ابو الادوار يكون كرستال وراقي

للتقديم حق الضيوف 00 ويكون راهي0

طبعا هذا اللي يحضرني الحين ولكم الف شكر خواتي على التواصل

مع الكل :eh_s(8): يلااااا نبي افكااار يديدة بس بسررررررررررعة:eh_s(17):

وشكرا لاختنا الفنانة


أورااااااااد

 

[bombo]

انا طاف على رمضان واحد ما فكرت اعطيهم شيي (كلش مو سنعه) لا بس هالسنه بشوفلي شي اهدي خالتي و امي

 

[الفنانه79]

حياكم لله

اي والله بعد الوحده ودها تكون سنعه

حتى ريلج يستانس وتلقينه ينتفخ جدام اخوانه

يعطيكم العافيه يالله ننطر ردودكم وفكاركم

 

[Teta]

أول رمضان طلبت جيسة مخمل مطرز عليها الإسم وداخلها سجادة وثوب طقم وايد راقي والسنة اللي عقبها طلبت من هيل وزعفران طاسات صغار فيهم غلايبة وسمسمية ودرابيل عجيب وذرب بس هالمرة ما أدري شنو؟

 

[nero]

انا ما عندي حموله .. بس احب اودي حق يداتي

كل سنه اشتري صحن حلوووو وذرب واترسه حلويات واوديه معاي اول يوم

منها حق التقديم حق الي يايين يباركون ومنها عطيتها هديه بسيطه صحن حلوو

رمضان الي طاف حطيت الحلو بطاجن مغربي استانست عليه فديتهااا


.. الفنانه فكرة الغراش حلوه .. اديلووو

 

[الفنانه79]

حياكم الله ونتمنى نشوف افكار جديده

 

[ام الخييير]

يا بنات من وين ثوب الصلاة وسيادة عجبتني الفكرة حييييييييييل

تكفون من وين؟؟؟؟؟

انا عن نفسي مرة وديت ((عطور وبخور))
ومرة((دراعة))
واخر مرة واحس خالتي وايد استانست عليها

((( سهم بناء مسجد بسمها ))) سويتلها وحطيت الورقه بعلبه كشخة
وخليت العيال يعطونها وايد استانست
وسويت حق عمي بعد من وناسته قام وحب راسي:eh_s(22):

 

[الفنانه79]

ام الخير حياج لله
خوش فكره
ان اسويلهم سهم في الاعمال الخيريه

والله السجادات ماادري بس كنت اتمنى ان البنات يفيدونه

 

[ام مضاوي]

افكاركم حلوه
مشكوووره يالفنانه عالموضوع

بس بسأل عن طريقة السهم الخيري

شنو فكرته؟ ووين تسوونه؟؟

 

[الفنانه79]

للرفع

 

[سبائك]

مره وديت طوس من هيل وزعفران فيهم قرص عقيلي وهالسوالف

والعام وديت وصلتين خام مع تكرمون نعال وبخور واطياب ونسيت بعد بس كانت وايد اشياء


السنه بودي ان شاءالله استكانات مع صينيتهم ودورت مطاره حلوه للحين مو لاقيه شي يترس العين(رحت فياصل مافيه شي)

وبودي لها كفر حق سريرها ان شاءالله

مشكوره الفنانه على مواضيعج المتميزه

 

[الفنانه79]

حياكم الله يالغاليات

سبائك حلو والله ان اوديلها كفر

ابي اللي اتعرف احد يسوي سجادات صلاة كششششششششششششششششششششخه مع اجناطهم واثوبهم تقولنا

وماقصرتوا

يالله وين ابداع الكويتيات

 

[ام مضاوي]

مارديتو على سؤالي

 

[عنايد]

أم مضاوي السهم الخيري يسووونه باللجان الخيريه يعني مثلا بيبنون مسجد واو بيحفرون بير ماي برا الكويت لمساعدة الفقراء او بيفتحون مدرسه لتعليم القرآن انتي تساهمين فيها مثلا ب10 ب100 ب500 عاد كيفج انتي ومدت ايدج ويياخذون استقطاع كل شهر من معاشج اذا تبين المبلغ كبير شوي يعني ماتحسين فيها تنخصم من معاشج كل شهر 10 او 20 ام مضاوي سويها ترا والله ماتفتقدين هال10 ولا ال20 سويها لنفسج ولوالديج ترا مانقص مال من صدقه وتبارك لك بالمعاش بعد

 

[عنايد]

بنات افكاركم كلها رووعه وطرا علي الحين الآتي :
صندوق مبيت كشخه احط فيه طقم ثوب صلاة مع سجاده مع قرآن مع بخور وعطور وطووس من هيل وزعفران شرايكم؟؟


الحين نطااااااااااااالب وبشده اي وحده تعرف محل او مشغل يسوي ثوب صلاة وسجاده تقول لنا والله يجزاها خير

 

[نوارة الكويت]

ماشاءالله افكاركم حلوة ... جني ناوية اقلدكم :eh_s(22):

 

[الفنانه79]

يعطيكم العافيه على تفاعلكم بالموضوع

انزززززززززززززززين خلوني اقولكم

اشرايكم بهالفكره

شوفوا

اتعرفون محل بوفتين (بالمباركيه امجابل البلوكات ))

اذا سألتي ريلج بيعرفه

عنده يحطلج طبق من القش عرفتوووووووووووووووووووووه ؟؟

ويحطلج جمييييييييييييع انواع الحلويات الكويتيه القديمه اصغيييييييييره اتهبل
دراربيل زلابيا السمبوسه الصغيره الرهش الحلوى

ايهبل كل شي يقطعه اصغار اصغار ويصفه لج واتودينه بستانسون عليه

بس مو حق عيد لا حق خالتج وعمج بيت حمولتج اول ارمضان

زين روحو مروه وشوفو شنو عنده وترى موغالي يعني الطبق الكبيييييييييير يمكن يمكن ب7 او 10 طبعا مواكثر

انا سويت هالفكره بالقرقيعان اللي طاف مع جدر نخي وجدر باجلا والطوس الملبسه القدم
وبيالات شاي امنقطه مع فناجين القهوه المنقطه مع غواريهم اهو والقهوه

وصفيتهم على الطاوله يعني استقبال بس مال قرقيعان هههههههههههه

بس حدهم استانسوا لان كل شي قديم