تجمع مراجعات مستشفى رويال حياة

[_Pure_]

رد: تجمع اللي ناوين يولدون برويال حياة يا الله تعالوا

معلومه عن خدمات برويال حياة


في مصبغه

في روم سيرفس اكل حق المرافقين
يوفرون حق الاستقبالات عصاير فريش
الشاي العادي و الاخضر و القهوة العربيه
موالح و بسكوت
حلويات بس مو حلو قهوه اشياء غير مثل ميني فروت سالاد و حلو المغلي و تارت الفواكهه
تاجير مواعين للحلويات
تاجير اطقم الاستكانات مع دلة القهوه و الصواني
خدمة الضيافه و تختارين لون ملابسهم
ممكن اذا غرفه كبيره مثل اللوتس و الوركيد او قاعه يسوونلج بوفيه خفايف شغل مرتب شفت صور بكاتالوج عندهم


للمعلومات تسوون موعد مع عبير حمد اهي المسئوله عن هالشغلات

 

[زينة الزين]

رد: تجمع اللي ناوين يولدون برويال حياة يا الله تعالوا

شيخة الحلى عسى الله يسهل أمرج

بيور مشكورة يا حبيبتي

ما نتحرمش من هالمعلومات الحلوة وعسى الله يقومج بالسلامة ويطلع إستقبالج أحلى أستقبال بالمستشفى

 

[شيخه***البنات]

رد: تجمع المراجعات عند دكتورة ( ليلى اشكاني ) و الي جربوها حياكم

السلاك عليكم ورحمه الله وبركاته ..

شلووونكم شخباركم ان شاء الله بخير ؟!؟!

بنات بغيت اسألكم .. انا حللت وطلعت حامل الحين صارلي شهرين ..

متى اقدر اراجع عند الدكتوره .. ولازم كل شكثر ؟!؟!؟ << أول حمل لي ..

 

[_Pure_]

رد: تجمع الحلوات اللي يراجعون عند الدكتوره سلوى الرفاعي ؟؟؟

رحت موعدي قبل امس

وصلت اول ما اتفتح العيادع الساعه ٧ و نص
الا ماشالله ٥ جدامي قلت متى وصلو ا انا عبالي بكون اول وحدة

عاد قلت حق انوار حجزيلي مكان انا بروح عندي مشاوير
و طلعت و مابقا مشوار ما سويته لووول
بس وصلت العياده بال١٠ الا توه واصل دوري

و الدكتوره ماشاءالله نفسها حلوه و تسولف و تضحك يحليلها

و عطتني التقرير
مكتوب فيه كلام غير مفهوم لووول بالانجليزي
اللي فهمته انها حاطه عمري و فصيلة دمي و ارقام تلفوناتها


و سويت سونار و قالتلي ان الراس صار تحت و ثابت الحمدلله احلى خبر

 

[MiSs_PiNkOz]

رد: تجمع المراجعات عند دكتورة ( ليلى اشكاني ) و الي جربوها حياكم

بنات صارلي شهر ماراجعت عندها لأني كنت مسافرة المهم قلت اذا بروحلها بسوي السونار الثلاثي بس بغيت اعرف متى اقدر اسوية

وهي الجهاز موجود عندها ولا لازم تحطلي موعد عشان اسوية؟

 

[MiSs_PiNkOz]

رد: تجمع اللي ناوين يولدون برويال حياة يا الله تعالوا

هلا حبوبة

انا انشالله بعد ناوية اولد برويال حياة واسوي استقبال واييب دكتورة من برة تولدني

بس بغيت اعرف شنو احسن غرف للأستقبال وعلي جم اسعارهم؟

 

[شيخه***البنات]

رد: تجمع المراجعات عند دكتورة ( ليلى اشكاني ) و الي جربوها حياكم

اب
اب
اب
اب
اب
اب
اب
اب ....

 

[زينة الزين]

رد: تجمع اللي ناوين يولدون برويال حياة يا الله تعالوا

هلا وغلا مس بينكوز

الحلو في رويال حياة أن كل الغرف تصلح حق الإستقبال ما عدا ليلي صغيرة وايد و أنتي وميزانيتج كل ما صعدتي كل ما حصلتي شي أكشخ وأحسن

التوب طبعا أوركيد أغلى شي واللي نفس حجمها بالضبط بس الأثاث أقل مستوى منها بشوي اللوتس ومن بعدهم ياسمين أصغر بالحجم واللي أصغر وأقل مستوى الكاميليا مو رخام مثلهم وأثاثها أقل مستوى بس هم تصلح حق إستقبال حق اللي ميزانيتهم مو وايد يعني تكلفج الولادة الطبيعية فيها تقريبا 1000 دينار
أصغر شي ليلي واللي بتسوي أستقبال عود ممكن تاخذ الليلي وتحجز وحدة من الصالات ملوت الإستقبال اللي بالدور الأول

أحسن شي تزورين المستشفى وتاخذين فرة على الغرف وفكرة عن الأسعار
الله يسهل أمرج إن شاء الله

 

[_Pure_]

رد: تجمع اللي ناوين يولدون برويال حياة يا الله تعالوا

هلا حبوبة

انا انشالله بعد ناوية اولد برويال حياة واسوي استقبال واييب دكتورة من برة تولدني

بس بغيت اعرف شنو احسن غرف للأستقبال وعلي جم اسعارهم؟

هذي الاسعار لي 31 8 2010
بعدين يمكن تتغير و ممكن يمددونها

الاسعار بدون اتعاب الدكتور الطبيعيه اقامه يومين و القيصريه 3 ايام

غرفة الليلي (عليها خصم)
طبيعيه 350 دينار ليله واحدة(بس ليلي تقدرين تقعدين فيها يوم واحد)
طبيعي 450 ليلتين
مساعده 525 يعني مع شفط
قيصريه 725 3 ايام
ليله اضافيه 115


جناح كاميليا (عليها خصم)
طبيعيه 700
مساعدة 775
قيصريه 1365
ليله اضافيه 320

جناح الياسمين
طبيعيه 1700
مساعدة 1775
قيصريه 2600
ليله اضافيه 580

جناح اللوتس
طبيعيه 2650
مساعدة 2725
قيصريه 4000
ليله اضافيه 930

جناح الاوركيد بدون حديقة
طبيعيه 3200
مساعده 3275
قيصريه 4700
ليله اضافيه 1130

جناح الاوركيد مع حديقة
طبيعيه 3500
مساعدة 3575
قيصريه 5100
ليله اضافيه 1230






بالنسبة للقاعات مسوين عروض


قاعه الجوري 500 دينار ليوم كامل مع:
3 مضيفات
مشروبات شاي عادي و اخضر و قهوه عربيه و ماء و موالح خفيفه و بسكوت تكفي 100 شخص



قاعه الجاردينيا 700 ليوم كامل مع:
4 مضيفات
مشروبات شاي عادي و اخضر و قهوه عربيه و ماء و عصاير طازجة و موالح خفيفه و بسكوت تكفي 100 شخص




بالنسبه للخصومات غرف الليلي و الكاميليا عليهم خصم و مايتغير سعرها
اما الباقي ماعليهم خصم و ممكن تستغلين خصم الوزارات عليهم يتراوح بين 10٪ الى 15٪

الخصم ممكن تستغلينه حق المراجعات و اشياء ثانيه بالمستشفى



ادعولي ربي يسهل ولادتي
والله يسهل عالجميع

 

[كسرة عود]

رد : تجمع اللي ناوين يولدون برويال حياة يا الله تعالوا

والله أحسه حيييييييييييل لوية ومافي نظاااااام بالمواعيد وزححححححمة ؟؟؟؟؟

الله يستر صرااااااحة

 

[eng.3anoona]

رد: تجمع اللي ناوين يولدون برويال حياة يا الله تعالوا

بنات منو تراجع برويال وعندها تأمين صحي
او بتولد هناك وعندها تأمين ؟

 

[مسك وطيب]

رد : تجمع الحلوات اللي يراجعون عند الدكتوره سلوى الرفاعي ؟؟؟

السلام عليكم ,,,

اللي تفيدنا الدكتوره عندها إجازة بالعشر الأواخر او لا ودي اروح لها قبل العيد ؟؟

جزاها الله خير

 

[الساحـره]

رد: تجمع الحلوات اللي يراجعون عند الدكتوره سلوى الرفاعي ؟؟؟

السلام عليكم ورحمه الله وبركاته

صباح الخير بنات

حبيت اشارك معاكم بالتجمع

انا هذا البجر

اول مراجعه لي رحت دار الشفا والله لا يوريكم الزحمه حاشني عوار بالظهر من النطره

ثاني مراجعه خليتهم يولون ورحت حق الدكتوره سلوى والحمدلله ماتحسفت

الحمدلله يوم رحت جدامي 2 بس

ومثل ماقلتوا خوش دكتوره والله واخلاق وتريح قلبج بكلامها وسوتلي سونار ومع اني ماعرف بالسونارات لانه اول مره , بس كان البيبي الحمدلله واضح وشرحتلي كل شي بالتفصيل

^_^ وبس
مراجعتي الثانيه ان شاء الله عقب العيد

 

[_Pure_]

رد: تجمع الحلوات اللي يراجعون عند الدكتوره سلوى الرفاعي ؟؟؟

الدكتوره ماعنها اجازه بالعشر الاواخر

و تبدا مراجعات تاريخ ٣١-٨
لانها الحين مسافره العمره

 

[_Pure_]

رد: رد : تجمع اللي ناوين يولدون برويال حياة يا الله تعالوا

والله أحسه حيييييييييييل لوية ومافي نظاااااام بالمواعيد وزححححححمة ؟؟؟؟؟

الله يستر صرااااااحة

انا ما اراجع فيه لان احس زحمة على دكاترتهم
اراجع عند دكتوره سلوى الرفاعي و ان شاءاالله بخليها تولدني هناك مثل ولادتي بالبجر

 

[زينة الزين]

رد: رد : تجمع اللي ناوين يولدون برويال حياة يا الله تعالوا

والله أحسه حيييييييييييل لوية ومافي نظاااااام بالمواعيد وزححححححمة ؟؟؟؟؟

الله يستر صرااااااحة

ليش حبيبتي أنتي عند منو تراجعين؟؟؟

آنا من أول حمالي أراجع عند ماجدة كميخ وولا مرة صادفتني فوضى أو زحمة أو لخبطة بالمواعيد
وعلى فكرة أي طبيب ولادة سواء بمستشفى أو عيادة عادي يصادف مرة أو أكثر من مرة تتلخبط المواعيد أو يطلع حق ولادة مستعجلة
يعني إذا أنتي ولادة حزة العيادة ترضين طبيبتج تكشت فيج ما تولدج على شان مواعيد العيادة؟؟؟

طبعا لأ

لازم وقت المراجعات يكون عندنا طولة بال وآنا عندي طريقة بعلمج عليها صراحة واااااااايد مفيدة: ضبطي مع السكرتيرة مالة طبيبتج دقي عليها قبل لا تطلعين من البيت على شان تتأكدين أن راح تدخلين على الموعد

عسى الله يهون علينا كلنا

 

[♥ąϻᴑŁ♥]

رد: تجمع اللي ناوين يولدون برويال حياة يا الله تعالوا

سلام عليكم حبيباتي ..

مشكورة بيور على المعلومات .. وان شاء الله يمددوون الخصم هههه ,,

كسرة عود .. حبيبتي انتي عند منو تراجعين .؟ انا اراجع عند دكتورة نداء والحمدلله ماعمري صادفني زحمة ولخبطة مواعيد . !!

 

[..ليالي..]

رد: تجمع الحلوات اللي يراجعون عند الدكتوره سلوى الرفاعي ؟؟؟

الحمدلله بيور

زين طلعتي ورديتي على موعدج

هلا فله


اي اكيد سويت سونار لازم اتطمن على البيبي

والولاده لحد اللحين صراحه محتاره

ما ادري اروح الهادي او دار الشفاء

على العموم تو الناس

باقي وقت ولادتي توها بعد عيد الاضحى اذا الله كتب

مراجعتي عندها بعد شهر ان شاء الله

 

[_Pure_]

رد: تجمع اللي ناوين يولدون برويال حياة يا الله تعالوا

اهي المواعيد ما تتلخبط بس ساعات تصدف حاله ولاده فا تتكنسل او تتاخر المواعيد بس مو فوضى
*و الدكتوره كلما صار عليها ضغط كلها كثرت هالصدف طبيعي يعني

 

[زينة الزين]

رد: تجمع اللي ناوين يولدون برويال حياة يا الله تعالوا

بنات أمس رحت أستقبال برويال حياة بغرفة اللوتس وايد كان حلو ومرتب

طبعا الغرفة لا يعلى عليها صراحة وآنا شايفة أن مستوى المستشفى عموما راقي

وأمس ما صادفتنا زحمة على الأصنصيرات يعني فيه أيام زحمة وأيام عادي

آنا ودي آخذ الكاميليا لأني مو ناوية على إستقبال بس عائلي بس إذا ما حصلتها مضطرة آخذ الياسمين مع أنه فرق كبير بالسعر بس شسوي