رفض ترشيح ديوان الخدمة ( مساعدة عاجلة لاختكم )

[وردة اليرموك]

هلا
انا طلع ترشيحي بالتربية وتخصصي تربية بس انا ما ودي بالوزارة والوزارة ما امدحوها لي , فشلون اسوي الرفض ؟
واخاف اذا رفضت اقعد معلقه بدون شغل فترة طويلة خصوصا ان تخصص التربية مو مطلوب في الوزارات الثانية !

حدي متوهقة يا بنات و ماادري شسوي بلييييز ساعدوني قولوا لي رايكم بس لازم بسرعة لانه المفروض اراجع الوزارة هاليومين .

شكراً حبوبات

 

[cute-pink]

عادي حبيبتي تروحين الديوان وترفضين يخلونج توقعين على ورقه وتنطرين اسمج ينزل بوزارة ثانيه واذا لاسمح الله مانزل روحيلهم وقوليلهم ابي التربيه ويحطونج فيها مرة ثانيه اختي سوت جذي والله يوفقج

 

[ام شيخون]

حبيبتي
انتي اول شي شنو تخصصج يعني شنو تصيرين مدرسه شنو ؟؟؟

 

[وردة اليرموك]

عادي حبيبتي تروحين الديوان وترفضين يخلونج توقعين على ورقه وتنطرين اسمج ينزل بوزارة ثانيه واذا لاسمح الله مانزل روحيلهم وقوليلهم ابي التربيه ويحطونج فيها مرة ثانيه اختي سوت جذي والله يوفقج

اي بروح اسالهم يمكن اسوي طريقة اختج بس انا اخاف اقعد انطر وايد بصاراحة ما ودي اقعد فاضية وانا احتاج معاش
شكرا لج

 

[وردة اليرموك]

حبيبتي
انتي اول شي شنو تخصصج يعني شنو تصيرين مدرسه شنو ؟؟؟

انا اجتماعيات بس مو شرط مدرسة , وي انا ما ابي اصير مدرسة يهال ولويه بس حتى لو حطوني ادارية انا ما ابي التربية
بس مثل ما قلتلج انالتربية مو مرغوب في الوزارات الثانية وهذي مشكلتي

 

[ام شيخون]

انا اقول احسن شي تكملين اوراق قبولج بالتربيه منها تاخذين معاشج وتشوفين الوضع بنفسج يمكن يعجبج وبعدين تنقلين حق وزارة ثانيه مثل الشؤون يحطونج بدار القران او اقسامهم الثانيه لانه ياخذون تخصصج او اي وزارة ثانيه وبسرعه يصر كل هذا
اما انج ترفضين راح تقعدين جم سنه تنطرين الوظيفه وتملين

 

[Golden]

شوفيلج كتاب ترشيح بوزاره ثانيه واذا عطوج روحي عطيه للديوان بس شرررط رقمج يكون 1

او فري على المؤسسات الحكوميه المستقله لان تقديمهم ماله شغل بالديوان

انا نصيحتي دامج اجتماعيات روحي التربيه بالعكس حلوه لج

خصوصا انه معاشج بيكون وايد اقوى من الوزارات الباجي وفوق هذا العطله 3 اشهر

 

[وردة اليرموك]

انا اقول احسن شي تكملين اوراق قبولج بالتربيه منها تاخذين معاشج وتشوفين الوضع بنفسج يمكن يعجبج وبعدين تنقلين حق وزارة ثانيه مثل الشؤون يحطونج بدار القران او اقسامهم الثانيه لانه ياخذون تخصصج او اي وزارة ثانيه وبسرعه يصر كل هذا
اما انج ترفضين راح تقعدين جم سنه تنطرين الوظيفه وتملين

الظاهر هذا اللي بيصير , ما عندي خيار ثاني الا اذا وحده منكم اقترحت لي حل
شكرا وايد

 

[وردة اليرموك]

شوفيلج كتاب ترشيح بوزاره ثانيه واذا عطوج روحي عطيه للديوان بس شرررط رقمج يكون 1

او فري على المؤسسات الحكوميه المستقله لان تقديمهم ماله شغل بالديوان

انا نصيحتي دامج اجتماعيات روحي التربيه بالعكس حلوه لج

خصوصا انه معاشج بيكون وايد اقوى من الوزارات الباجي وفوق هذا العطله 3 اشهر

لا وي مدرسة لو شنو انا ماصدقت على الله اني افتك من الدراسه اروح ارجع مدرسة !
طلع اسمي بالتربية بس مو شرط يكون تدريس يمكن ادارية

 

[Golden]

اذا توظفتي اداريه معاشج راح يكون 600 او 700 بس اذا مدرسه تعيين يديد بس معاشج بيكون 850 واكيد عقب راح يزيد

يعني فرق معاش وعطله اطول

بس على راحتج عمري والله يوفقج ويحققلج اللي تبينه

 

[لجل عيۆنڪ]

رد : رد: رفض ترشيح ديوان الخدمة ( مساعدة عاجلة لاختكم )

حبوووبه

لا ترفضيين ,, بنت خالتي مثلج من سجلت اقبولها التربية ..
وراحت ورفضت ..

ومن شهر 12 لي الحييين حتى ترشيح ماحاشهاا ,,

حمدي ربج طلع ترشيحج ,.,. غيييرج ليما الحين ينطر ..

حتى ترشيح ماطلع لهم ,.,.

نصيحه لاترفضين