تطلقتي من ريلج وانتي بعدج تحبينه

[سبيشل ومن]

بسم الله الرحمن الرحيم
هلا بالغلا
بنات ودي اسالكم خصوصا المطلقات
شنو شعوركم بعد مانفصلتو عن ازواجكم وانا اتكلم عن طلاق بسبب ظروف قهريه (تدخل الاهل -عدم الانجاب -السفر ))
وهل تجاوزتو هذي المرحله ولا لأ
انا عن نفسي احسه بعده عايش معاي وبكل لحظه في حياتي
احسه موجود وسيرته علي لساني وبقلبي
روحي تعلقت فيه رغم اني تطلقت من مده طويله واهو تزوج
بس قلبي مايتحمل فكره اني خسرته وللابد

 

[So0oKaRa]

هذا ثاني موضوع اقراه لج بخصوص طليقج
الله يعينج يا اختي خلاص انسي شوفي حياتج بعيد عنه
لو ماكنتي موظفه حاولي تشغلين روحج وتشتغلين
او شوفي اي شي يلهيج عن التفكير فيه
ولو يالج ولد الحلال وافقي وتزوجي والله يستر عليج وترى السنين تنسي لا تخافين راح تنسينه انشالله وربي يعوضج بغيره

 

[فاقده ابوهاااا]

والله بطيتي جبدي الحين الاخ طلقج وتزوج وحده ثانيه وللحين عايشه على ذكراه حبيبتي مافي طلاق يصير اجباري واذا بسبة عدم الانجاب هذا مو عذر علشان يطلق واذا الاهل نفس الشي واذا السفر نفس الحاله مافي شي بالعالم يبعد اثنين متزوجين ويحبون بعض واذا صار الطلاق معناته بالاصل في احد منكم مستغني عن الثاني واذا اهو خلاص حبيبتي انسيه وابدي حياتج لي متى تبين تعيشين مع ذكرياتج

 

[صخر جلمود]

على فكره أنتي اللي مسكره على عمرج ولا أنتي راضيه تستوعبين انه خلاص راااح والحين مو لج

حبيبتي بعد جم يوم بتسمعين أنو صار عنده بيبي ومرتاح ومبسوط في حياته

وأنتي للحين عايشه على الاطلال

ترى اذا أنتي ماطلعتي من الدائره اللي أنتي محاصره عمرج فيها بيصير حالج من أردى ليي اردى

رجال طلقج وبدى حياته شنو ترجين من وراه للحين

اذا أنتي ماقويتي عمرج وطلعتي نفسج من اللي قاعده تسوينه عمرج ماراح تقدمين خطوه جدام

 

[رينادا]

حبيبتي أنا تطلقت مثلج ولما أفكر أقول ... مايستاهل هالحب ... لويبيني ماطلقني

الله يعوضك ... ومثل ماقالوا الاخوات... شغلي نفسج

ابدي مشروع صغير وبكره اذا نجحتي زوجج بيموت من الحره

 

[عيش و مرق]

خلاص طلعى من بالج وله ترا انتى الى تتعبين لان هو تزوج وخلاص مايدرى عنج شغلى نفسج عشان لاتفكرين

 

[زهراء الركابي]

رد : تطلقتي من ريلج وانتي بعدج تحبينه

الله يعووووووووووووووض عليكم بلاحسن ان شالله

 

[سبيشل ومن]

هلا بالغلا
انا ودي اسمع اراء الي تطلقو لان هالشي مايحسه الا الي عاناه صدقوني
النار ماتحرق الا رجل واطيها

 

[أبله كويتيه]

بعد عمري عسى الله يرزقج بولد الحلال الي ينسيج ويفرح قلبج

اللهم امين

 

[ابعد واستريح]

شوفي يا عمري انتي انا مطلقه نفسج وتطلقت بسبب اهله حسبي الله ونعم الوكيل عليهم ياما بجى جدامي بجي بسبة اهله وطلع وخلاني اتناجر معاهم بروحي يقول مليت منكم جننوه وجننوني خلوه مسبه المهم طلقني بدون مقدمااااااااااااااااااااااااااااااااااااااااااااااااااااااااااات فجاه مالت عليه وقلت عادي شنو يعني تبين الصراحه العشره ما هانت علي والله والله والله ايام الطلاق يدز مسجات يدق علي ويبجي بس وانا اختج ادوس ع قلبي هذا طلقني بدون سبب وسواها مره ثانيه اكيد بسويه واللي شفته بطلاقي منه من عذاب وحيره المره الاولى اكيد بشوفه مره ثانيه لا نقص ع عمرنا حتى لو ما احبه في شي اسمه عشره يعني الخدامه لما تجيكم وتقعد سنتين لما تروح يضيق خلقج كم يوم تعودتي عليها فما بالج انسان طلع وضحك معاج وشفتي ايام حلوه معاه وتنامون بفراش واحد وطلقج انتي تعانيييييييييييييييييييييييين من الوضع اللي انحطيتي فيه والنفسيه تلغب دور والمكان لما يتغير هم يلعب دور اسمعيني هذا شعور را ح ياخذ وقته من الحزن والتفكير والشوق راح يجيج شوق مو طبيعي له بس صدقيني راح تجي ايام تضحكين ع نفسج كل اللي مريتي فيه واللي بتمرين فيه كله عشته والله كلامج احسه واشعر فيه لاني كنت مثلج بس تدرين وين السر اني لجات لله بالقران بالصدقات الادعيه دعاء الهم والحزن ع طول قولي اللهم اني عبدك ابن عبدك ماضن في حكمك عدل في قضاوك اللهم اجعل القران ربيع قلبي ونور دربي وذهاب حزني وجلاء همي وكل ما تضايقت وذكرته اروووووووووووح غرفتي وابجي نصيحه ابجي اذا حسيتي ودج لا تسوين روحج مو هامج لا عادي انتي انسانه يوم جذي ويوم جذي ورحت المكتبه وشريت كتب روعه اشغل عمري فيها انصحج بكتب القرني رووووووووووووووووووووووووعه عنده كتاب اسعد امراه في العالم وكتاب لاتحزن وابيج تحطين في بالج شغله ان ما في احد خالي كلن في همه شقى ليله والطقه اللي ما تموت تقوي ترى الرحله طويله للتغييييييييييييييييييييييييييييييييير بس ممتعه والسعاده والراحه النفسيه مثل الزرع لما تزرعينه يبيله وقت ع ما يطلع اصبري ونصيحه اذكار الصباح والمسا لا تخلينها وسورة البقره والله اقرب لج من حبل الوريد ادعي وبشريني عنج والله يكبرحظج ويجيج هذاك الحلو اللي ينسيج طوايف الاول امممممممممممممممممين

 

[أنا Top أنا]

رد : تطلقتي من ريلج وانتي بعدج تحبينه

يبا طلقج وراااح عنج

وتزوج وحده غيرج .. وللحين تحبينه ؟؟

والله يخسي ما يستاهل حتى افكر فيه او اطريه على بالي

وانتي استغفر ربي وادعي ربج يرزقج بواحد يحبج حيل ينسيج الاول

قطيعه ~

 

[ديانا سبنسر]

الله يمسح على قلبج ويزقج اللي يستاهلج امين يارب العالمين

 

[انا مو هني]

رد : تطلقتي من ريلج وانتي بعدج تحبينه

ان شالله يعوضج بالي احسن منه

 

[مهمة]

بعد عمري انا حاسه فيج ياحياتي نفس المشاعر والشوق والحب حسيت فيه لما طلقني ريلي ولي ثلاث سنين ماني قادره انساه اجذب عليج اذا قلت نسيته لا احاول اتناساه كل شي حولي يذكرني فيه والطلاق صار بسبب تدخل اهل من الطرفين وبس شسوي لجات الى ربي بالدعاء والصلاه والصدقات عجيبه والله والبقره اقريها كل يوم والله والله تشوفين العجب ياحبيبتي مدامه تزوج انسيه خلاص وادعي ربج يرزقج بواحد ثاني بس بسالج عندج يهال منه
ادعي ربي يرجعلي طليقي علشان عياله يارب يارب يارب تفرج همي

 

[((shoOoshoOo))]

تبين تكرهينه

بس تذكري انه تزوج من عقبج والحين مجابل مرته لو مو متزوج انقووول للحين يحبج بس الريال تزوج ولاتقوولين تدخل اهل ولا عدم الانجاب اهوا ريال اذا حب ضحى بكل شي

أدري كلامي وايد صعب

بس هذا الصج ياقلبي

ربج يعوضج باللي يحبج وينسيج طليقج

 

[اشواق2008]

الله يعوض عليج بالانسان الي يسعدج وعسى الله يعينج وتنسين ان شاء الله

 

[هيبة ملك]

الله يجبر مصابج ويمسحه من قلبج للأبد ومثل مانساج وشاف غيرج

إن شاء الله تاخذين اللي يعرف قدرج

 

[مملكة الحب]

اختي انا تطلقت من ريلي وتطلقت ظلم وكنت احب التراب الي يمشي علي واتمنى انه يرجع لي اليوم قبل باجر وبجيت بجي مو طبيعي على فراقه
كنت احب كل شيء فيه وكنت ابوس ايدنيه واريوله واتخيله بكل مكان ولما اشوف سياره مثل سيارته اطالع فيها اقول يمكن اهو لكني لجأت لله سبحانه وتعالى ولهيت بالعباده وحاولت اقنع نفسي انه خلاص انتهى من حياتي لاني لو تزوجت غيره واهو في بالي رح اتعب وايد بس الحمد لله على كل حال وسمعت انه خطب وسلمت امري لله وقلت خلاص الله يكتب لي واحد احسن منه
وعلى فكره طليقي كان مطلق وعشان ينسى طليقته تزوجني بسرعه وهاذي كانت غلطه لانهم الاثنين ما نسوا بعض وكانوا يكلمون بعض من وراي بصراحه لو انا مكانها مستحيل اخرب حياة احد حتى لو كنت احب زوجي واموت فيه
تخيلوا انها دقت على خالتي لما كنت متزوجه زوجه وتقول انا احبهواهي تبجي
بصراحه الله ينتقم منها خربت حياتي ماله داعي هالحجي الي قالته واكيد اهله وصلوا له الكلام حسبي الله عليها ونعم الوكيل
اختي عيشي حياتج وخليه يعيش حياته اهو تزوج خلاص انسيه تكفين وحاولي مثلي تتخلصين من كل شيء يذكرج فيه
القلب سمي قلب لانه يتقلب
والله يرزقج بواحد احسن منه يعرف مقدارج زين ورح تنسين طليقج واهله بعد

 

[سبيشل ومن]

شوفي يا عمري انتي انا مطلقه نفسج وتطلقت بسبب اهله حسبي الله ونعم الوكيل عليهم ياما بجى جدامي بجي بسبة اهله وطلع وخلاني اتناجر معاهم بروحي يقول مليت منكم جننوه وجننوني خلوه مسبه المهم طلقني بدون مقدمااااااااااااااااااااااااااااااااااااااااااااااااااااااااااات فجاه مالت عليه وقلت عادي شنو يعني تبين الصراحه العشره ما هانت علي والله والله والله ايام الطلاق يدز مسجات يدق علي ويبجي بس وانا اختج ادوس ع قلبي هذا طلقني بدون سبب وسواها مره ثانيه اكيد بسويه واللي شفته بطلاقي منه من عذاب وحيره المره الاولى اكيد بشوفه مره ثانيه لا نقص ع عمرنا حتى لو ما احبه في شي اسمه عشره يعني الخدامه لما تجيكم وتقعد سنتين لما تروح يضيق خلقج كم يوم تعودتي عليها فما بالج انسان طلع وضحك معاج وشفتي ايام حلوه معاه وتنامون بفراش واحد وطلقج انتي تعانيييييييييييييييييييييييين من الوضع اللي انحطيتي فيه والنفسيه تلغب دور والمكان لما يتغير هم يلعب دور اسمعيني هذا شعور را ح ياخذ وقته من الحزن والتفكير والشوق راح يجيج شوق مو طبيعي له بس صدقيني راح تجي ايام تضحكين ع نفسج كل اللي مريتي فيه واللي بتمرين فيه كله عشته والله كلامج احسه واشعر فيه لاني كنت مثلج بس تدرين وين السر اني لجات لله بالقران بالصدقات الادعيه دعاء الهم والحزن ع طول قولي اللهم اني عبدك ابن عبدك ماضن في حكمك عدل في قضاوك اللهم اجعل القران ربيع قلبي ونور دربي وذهاب حزني وجلاء همي وكل ما تضايقت وذكرته اروووووووووووح غرفتي وابجي نصيحه ابجي اذا حسيتي ودج لا تسوين روحج مو هامج لا عادي انتي انسانه يوم جذي ويوم جذي ورحت المكتبه وشريت كتب روعه اشغل عمري فيها انصحج بكتب القرني رووووووووووووووووووووووووعه عنده كتاب اسعد امراه في العالم وكتاب لاتحزن وابيج تحطين في بالج شغله ان ما في احد خالي كلن في همه شقى ليله والطقه اللي ما تموت تقوي ترى الرحله طويله للتغييييييييييييييييييييييييييييييييير بس ممتعه والسعاده والراحه النفسيه مثل الزرع لما تزرعينه يبيله وقت ع ما يطلع اصبري ونصيحه اذكار الصباح والمسا لا تخلينها وسورة البقره والله اقرب لج من حبل الوريد ادعي وبشريني عنج والله يكبرحظج ويجيج هذاك الحلو اللي ينسيج طوايف الاول امممممممممممممممممين

اه ياقلبي ربي يعينج والله عورتي قلبي زياده بس اقول ربي يجبر بخاطر كل مكسور

 

[سبيشل ومن]

بعد عمري انا حاسه فيج ياحياتي نفس المشاعر والشوق والحب حسيت فيه لما طلقني ريلي ولي ثلاث سنين ماني قادره انساه اجذب عليج اذا قلت نسيته لا احاول اتناساه كل شي حولي يذكرني فيه والطلاق صار بسبب تدخل اهل من الطرفين وبس شسوي لجات الى ربي بالدعاء والصلاه والصدقات عجيبه والله والبقره اقريها كل يوم والله والله تشوفين العجب ياحبيبتي مدامه تزوج انسيه خلاص وادعي ربج يرزقج بواحد ثاني بس بسالج عندج يهال منه
ادعي ربي يرجعلي طليقي علشان عياله يارب يارب يارب تفرج همي

يعني في احد مثلي يعاني
اشوة خفت اكون بروحي في هذي الدنيا
حبيبتي ربي يرده لج ويهديه غصبا عنه واقول لكل من لامني العشق يذبح وانا ماعشقت واحد من الشارع هالريال كان زوجي وحسيت معاه بالحب والعاطفه صعب انساه وربي يجبر بكل خاطر مكسور