ادخل بنتي القاعدة الحلبية او لا

[النوور]

شرايكم بنتي بتروح اولى ابتدائي ادخلها القاعدة الحلبية تاسيس عربي وانجليزي او لا

 

[شـمــعة]

انا دخلت ولدي ...

والله زينه دوراتهم ..

كتاب يعطون .. وشوي شوي يدرسونهم

بس انا ما دخلته تأسيس .. دخلته لانه عنده مشكله اصلا اسمله على بنوتج بالقراءة

بس التأسيس شي طيب .. والله يوفقج ويخليها لج ​

 

[شادية]

طريقتهم
تهبل
وتخلي
الطفل
فلته
وتدخل
المعلومه
ولد
اختي
كان
مايعرف
الاملاء
الحيين
بلبل
دخليه
وانتي
مغمضه
وتشوفين
النتيجه

 

[هوى الدار]

دخليها والله روووعه انا مدخله ولدي يروح ثانيه ابتدائي ولدي الثاني يروح ثانيه روضه تاسيسهم روووووووعه وتعليمهم فردي يعنى كل طفل بروحه وحسب مستواه
بنات ابي اسأل عندهم صباحي يعني دوام الصبح ايام المدارس انا ودي ادخل عيالي الصغار بالروضه القاعده الحلبيه بدال الروضه بس مادري عندهم دوام صباحي ايام المدارس ؟؟؟؟؟؟؟

 

[rzaan77]

انا بعد ودى ادخل ولدى بس سمعت انهم مو موجدين بجم منطقه فى مناطق زينه وفي لا على حسب لااداره ومانى عارفه

 

[مــلاك]

بنات وين في عنوانهم وارقامهم واللي يعافيكم

 

[النوور]

هذا رقم القاعده الحلبيه في الرقه 6854697

او الصباحيه 7890733

وادعولي


ولكم جزيل الشكر

 

[مشغوله و محتاسه]

اغلب الاطفال اللي دخلوها استفادو منها ..

انا بدخل ولدي ان شاء الله ,, رايح اولى ..

بس بدخله عربي بس ... لان منهج الانجليزي خفيف بأولى و اخاف طريقتهم غير عن المدرسه فيضيع التعب ببلاش ... و فوق هذا كله .. عيب ادخله دورات و امه ابلة انجليزي لووول


موفقين


النووور مشكوره عالارقام

 

[سيدة القصر]

السلام عليكم حبايبي لو سمحتوا استفسار صغيرون القاعده الحلبيه اللي فاتحه عندنا بصباح الناصر ق6 اهي نفسها اللي تتحجون عنها ولا...لأ اخاف في تشابه اسماء اشلون احصل على القاعده الحلبيه الاصليه المركز الرئيسي,, رقم تلفونهم الله يعافيكم ...

 

[april_q8]

امبيه من صجكم ؟؟؟ انا بافهم ليش تدخلون عيالكم هالأماكن انا اعرف وحدة مدخله عيالها من السوالف اللي قالتلي الحمدالله و الشكر معقدين

ليش تروحون اماكن مشكوك فيها عندكم جامعة الكويت مكان اكاديمي و رسمي و يسون دورات زينة تحت اشراف دكاترة و ناس متفتحين مو عقد يزفون اليهال ليش لابسين جوتي عليه باربي

و انا اقولكم شغله لو اهما زينين جان فتحونهم بالمناطق الداخلية مو كله قاطينهم بره

 

[سيدة القصر]

امبيه من صجكم ؟؟؟ انا بافهم ليش تدخلون عيالكم هالأماكن انا اعرف وحدة مدخله عيالها من السوالف اللي قالتلي الحمدالله و الشكر معقدين

ليش تروحون اماكن مشكوك فيها عندكم جامعة الكويت مكان اكاديمي و رسمي و يسون دورات زينة تحت اشراف دكاترة و ناس متفتحين مو عقد يزفون اليهال ليش لابسين جوتي عليه باربي

و انا اقولكم شغله لو اهما زينين جان فتحونهم بالمناطق الداخلية مو كله قاطينهم بره[/Q


يعطيج العافيه حبيبتي..يعني انتي مجربتهم ياليت تعطينا فكره عنهم ,وليش معقدين واهما شكو في لبس اليهال باربي ولا غير باربي,مانقول الاالله يستر زوجي سجل ولدي ب3 مواد والماده ب28 دينار .

 

[شـمــعة]

حبيبي الظاهر الفرع اللي عندكم معقدين ..

انا ما مر علي شي من هالحجي ؟؟

بالعكس حبوبين وودوديين ...

وقاعدين بنتشرون بالكويت .. وبالعكس سمعتهم بعد وايد زينه ..​

 

[سيدة القصر]

سيدة القصر

القاعده الحلبيه الحين صار بكل مكان

بس صج مثل ما قالت الاخت في اماكن زينه واماكن لا

اكيد اللي توها فاتحه عندكم تابعتلها واتي ساليهم وتاكدي احسن

يابعد عمري مشكوره بس انا قالتلي وحده ديري بالج ترى فيه كذا مركز نفس الاسم ,,عاد انا لوسألت كلن بيقول احنا اللي مذكوريين ومشهوريين بالتأسيس العدل فياليت اللي عندها فكره تنورنا والله يجزاها كل خير.

 

[مشغوله و محتاسه]

السلام عليكم حبايبي لو سمحتوا استفسار صغيرون القاعده الحلبيه اللي فاتحه عندنا بصباح الناصر ق6 اهي نفسها اللي تتحجون عنها ولا...لأ اخاف في تشابه اسماء اشلون احصل على القاعده الحلبيه الاصليه المركز الرئيسي,, رقم تلفونهم الله يعافيكم ...

القاعده الحلبية اهي اسلوب تدريس للغه عرفتي ... يعني مالهم مكان رئيسي

دورت بالنت .. وهذا اللي طلع معاي ..

القاعدة الحلبية هي اسم كتاب لمؤلفه الأستاذ فراس محمد وليد الأويسي الحلبي واسم الكتاب الكامل " القاعدة الحلبية في القراءةالعربية القرآنية"
طبع الكتاب لأول مرة في الكويت سنة 2002 م
وهو ثلاثة أجزاء يعنى بتعليم الأطفال القراءة والكتابة
والناظر فيه للوهلة الأولى يراه ثقيلا على الأطفال لكن منعم النظر فيه سيجد ترتيبًا بديعًا في دروسه وقد تخرج على هذا الكتاب في الكويت آلاف الطلبة الذين أتقنوا القراءة والكتابة في سن مبكرة حتى غدا اسم الكتاب على كل لسان.

 

[ضحـاوي]

انا سمعت عنها في تلميذات بمدرستنا داشين وطلعوا امتيازات

بس بصراحه ما جربت ادخل عيالي الا لمركز الرياده العلمي وبس

 

[أعرف قدر نفسي]

محد يقدر يفتح مكان ويحط اسم القاعدة الحليبية اذا صار مو بموافقة الاخ مؤلف
القاعدة ومؤسسها او يرفع عليهم قضية - انا جذي سمعت بالتالي كلهم مركز واحد

 

[مشغوله و محتاسه]

محد يقدر يفتح مكان ويحط اسم القاعدة الحليبية اذا صار مو بموافقة الاخ مؤلف
القاعدة ومؤسسها او يرفع عليهم قضية - انا جذي سمعت بالتالي كلهم مركز واحد

اهااا ... شكرا عالافاده .. :eh_s(17):

 

[كويتية صغيرة]

القاعدة الحلبية
طريقة تأسيس للغة العربية
تجعل الطفل في النهاية يستطيع ان يقرأ القرآن لوحده
لأن طريقة التدريس في النهاية ان يجعلوه يقرأ من القرآن الكريم فيدرسون اللغة العربية القرآنية

انا جربتهم وايد زينين
و ما شفت صراحة من اللي تقولونه
بالعكس
المدرسات سوريات
و جربت تدريس الجنسيات الثانية
بدون ذكر اسماء
بالنسبة لي افضل و اقوى تدريس تدريس السوريات

و على فكره القاعدة الحلبية مؤسسها الشيخ فراس و هو سوري و له طريقة خاصة في التدريس
اللي لاحظته انهم يبدأون بالتدريج مع الولد من الصفر اولا الأحرف العربية كلها ثم مع التشكيل ثم يركبون الأحرف مع بعض بأشكال مختلفة و يخلون الطفل يقرأ الكلمة بكل أشكالها و بجميع احتمالاتها فتصير عنده خبره بجميع الأشكال كل هذا على 3 أجزاء و اخر شي يعلمونه كيف يقرأ القرآن الكريم اذا خلص الثلاث اجزاء

 

[bent_m6eir]

!

نصيحتي اختي النور دخليها وانتي مطمنه, وشوفي اشلون التأسيس قوي ومميز عندهم والله بنت اختي اسم الله عليها بأولى ابتدائي صار مستواها شقولج مميــــــز

 

[غلاى 2007]

موضوع قديم ارجعه لكم للفائده

منو جربت القاعده الحلبيه

تنورنا الله يوفقها