تــــجـــمــع عـــرآآآآيــس شـــــهــر 1

[تبطي عظم!]

بجربها


بطلبها اليوم ان شاء الله


بنوتات شلوونكم اليووم ....؟!

 

[mayesalreem]

اشلونكم بنوتات:wqedqw:

تبطي عظم انتي نفس حالتي ما أدري متردده أسوي الليزر و لا لأ .. مع أنه وايد من أهلنا مسوينا بس أخاف :yaaaaaarb:

عاد أنا من يمر أسبوع إلا شعر طالع يعني حده فشله :080402ask_prv:

بخصوص كريم الحماية من الشمس , شنو تستخدمين؟؟ أنا كنت أستخدم آفيين بس ما عجبني .. الويه يدبق و يصير يلمع.

 

[mayesalreem]

أنا جدولي بالعناية لليلحين ما أعتبر نفسي بديت ألحين بس بدايات أو محاولات:s142:

يعني الصبح أغسل ويهي بغسول و عقب أحط المرطب ماركة كلينك ... ليلحين ما لقيت كريم حماية من الشمس اللي يناسبني..

و ما عندي إلا زيت اللوز أدهن جسمي بعدين أدخل اسبح... و بعدين أدهن جسمي بلوشن الفازلين البني

و شعري مأساة :eh_s(16): وايد وايد ناشف ما أدري شسالفته:eh_s(11):

قبل كان أتعم بس من بدا الصيف و أهوا تقصف و تساقط .. مرات أدهن بأملا بس ريحته حده خايسه أبخر البيت كله معاي:s141:

وبس أحس يبيلي خلطات تفتيح حق الأماكن الغمجه بالجسم

 

[تبطي عظم!]

هلا ومرحبا شفيكم بناات تغطون وتطلعون فجأه

التجمع نايم بليييييييييييييز شدو الهمه نبي العنايه العنايه العناايه

اممممممممممممم

الليزر حبوبه للحين متردده اسوي ك جسمي من امس افكر دي وما ادري

بس شكلي بتوكل على الله وبسويهااليوم بروح خلاص مافي خط رجعه

اممممممم كريم الحمايه انا كاتبه جدول عناية بس مو مشكله بعيده لج

هو كريم بفيتامين سي من بودي شوب بس بغيره وبدور اقوى منه لان مايناسب بشرتنا احنى بنات للكويت

لان شمسنا ماشاء الله حنانيه ههه

بروح صيدلية بوتس وبشوف شنو تعطيني

الشعر وااي على كثر اهتمامي لاني صج هو اكثر شيء مبلشه فيه وبانتظام اغصب نفسي غصب

بس للحين باهت وماكو لمعه كلش اهيء اهيء اهيء

الجسم للحين ماعندي تجارب مضمونه بس اجرب اقوولج..!!

بنات بقولكم سر هههههههه

باقي من مهري 2.700 بس

تتوقعون يكفي لاني خلصت شغل اول ليله كله بس باقي الكعب عزكم الله

حطيت بظرف عربون المصوره 100
وحطيت المكياج مع جلسة النضاره 300
الد ي جي ما حسبت حسابه بشوف عليهم ولا علي لان الحفله بيتهم ومحفوفه

اممممم بعد بس شريت شغلات خفيفه

تتوقعون الي بقى من مهري يكفي..!!

لان حدي خايفه ينقص علي المهر واتوهق عاد ماحب وهقت العروس تخرب نفسيتها..

 

[≈ ω ђ ṃ]

رد : تــــجـــمــع عـــرآآآآيــس شـــــهــر 1

^^

الله كرييييييم

والعنآيه من دخل الضيف بديت بس جآ رمضآن طخيت شوي


=(

 

[≈ ω ђ ṃ]

رد : تــــجـــمــع عـــرآآآآيــس شـــــهــر 1

ميس الريم

مآدري كريمآت الحمآيه مآتمر علي ~> ههههههههههه

شسوي آنآ وحده نسآيه وكسوله



=(


الي تلقى كريم حمآيه حلو تقول لنآ



وبالنسبه للشعر

شوفي شنو مشكلة شعرج بالاول وآستخدمي الزيت الي ينآسبه

ووسوي آنتي مآسكآت للشعر

( بيض مآيونيز عسل جرجير ملح ثوم )

بالخلاط وعقب حطيهم على شعرج سآعتين

مرتين بالاسبوع وشوفي النتآيج

آنآ سويتهم بدآ]ة الصيف تحسن شعري

بس هديتهم الحين من دخل رمضآن تكيسلت

عقب العيد ببدآ من جديد


=)

 

[≈ ω ђ ṃ]

رد : رد: تــــجـــمــع عـــرآآآآيــس شـــــهــر 1

هلا ومرحبا شفيكم بناات تغطون وتطلعون فجأه

التجمع نايم بليييييييييييييز شدو الهمه نبي العنايه العنايه العناايه

اممممممممممممم

الليزر حبوبه للحين متردده اسوي ك جسمي من امس افكر دي وما ادري

بس شكلي بتوكل على الله وبسويهااليوم بروح خلاص مافي خط رجعه

اممممممم كريم الحمايه انا كاتبه جدول عناية بس مو مشكله بعيده لج

هو كريم بفيتامين سي من بودي شوب بس بغيره وبدور اقوى منه لان مايناسب بشرتنا احنى بنات للكويت

لان شمسنا ماشاء الله حنانيه ههه

بروح صيدلية بوتس وبشوف شنو تعطيني

الشعر وااي على كثر اهتمامي لاني صج هو اكثر شيء مبلشه فيه وبانتظام اغصب نفسي غصب

بس للحين باهت وماكو لمعه كلش اهيء اهيء اهيء

الجسم للحين ماعندي تجارب مضمونه بس اجرب اقوولج..!!

بنات بقولكم سر هههههههه

باقي من مهري 2.700 بس

تتوقعون يكفي لاني خلصت شغل اول ليله كله بس باقي الكعب عزكم الله

حطيت بظرف عربون المصوره 100
وحطيت المكياج مع جلسة النضاره 300
الد ي جي ما حسبت حسابه بشوف عليهم ولا علي لان الحفله بيتهم ومحفوفه

اممممم بعد بس شريت شغلات خفيفه

تتوقعون الي بقى من مهري يكفي..!!

لان حدي خايفه ينقص علي المهر واتوهق عاد ماحب وهقت العروس تخرب نفسيتها..

:s141:

آنتي شريتي ذهب ؟


اذا شريتي يكفيج مآعليج


يعني لاتكثرين ملابس طلعه وهيك

لان احنـآ شتآنآ بس شهر

عقب هلا فبرآير بتروحين السوق وبتتقضين من جديد



:eh_s(15):


يعني كثري لبس شقه

جنزآت نفآنيف هالشغلات بتقى عندج على طول

غيره لا تكثرين


حتى آختي عقب عرسهـآ سآفرت وشرت شكثر

~> والقمصآن حرآم تشترين وآجد وآنتي مآتعرفين مود زوجج

:s142:

 

[تبطي عظم!]

ماشريت ذهب شريت شبكه بس

الذهب ماحبه بشتري طقمين فضه مطلي بالذهب

انا موظفه وبشتري سوالف لبس البيت والعطورات والبخور من معاشي

حتى جلسات الليزر بسويها من معاشي

بس بعرف هل يكفون حق دراريع استقبال ودراريع بيت

جناط اكسسوارات جواتي عزكم الله ساعات وهيك شي عرفتي

كل شيء خفيف وتناتيف ع المعاش وكل شيء غالي بالمهر بسويه

 

[≈ ω ђ ṃ]

رد : رد: تــــجـــمــع عـــرآآآآيــس شـــــهــر 1

ماشريت ذهب شريت شبكه بس

الذهب ماحبه بشتري طقمين فضه مطلي بالذهب

انا موظفه وبشتري سوالف لبس البيت والعطورات والبخور من معاشي

حتى جلسات الليزر بسويها من معاشي

بس بعرف هل يكفون حق دراريع استقبال ودراريع بيت

جناط اكسسوارات جواتي عزكم الله ساعات وهيك شي عرفتي

كل شيء خفيف وتناتيف ع المعاش وكل شيء غالي بالمهر بسويه

اي حبيبتي يكفي ~

=)

وآنتي آخذي كل شي تلبسينه

مو كل شي يعجبج


لان اختي كآن اي شي يعجبهـآ تآخذه عـ بون موظفه ومعآشهـآ يسد


وحيآتي عقب العرس بجم شهر شكثر اشيآء مآجآستهـآ

وجآبتهم لي:eh_s(9):


يعني آقتصدي مو بخل لا حبيبتي حرآم تشترين شي ومآتلبسينه


:eh_s(15):

 

[تبطي عظم!]

ان شاء الله

تعالي بقولج انا شريت للحين 7 قمصان

5 طوال و2 قصار

يكفي ولا بعد انا كنت حاطه فبالي 15 قميص

10 طوال و5 قصار..!!

لبس البيت بنات شتاء يعني مايصير شورتات بيذبحني البرد حدي ماحب التفصخ بالشتاء بسرعه امرض

انا شاريه شورت واحد جنز بس ماله داعي اكمل واشتري..!!

جينزات مفكره آخذ 4 ازرق واسود ورمادي وبيج وكلهم ابيهم سكيني..!!

ليقنات وجيجي وهالسوالف مفكره تشكيلات واوان مخلتفه بس مو واجد

بجايم حرير وساتان مفكره اخذ بس ثنتين لان برد..!!

اووف الي عرسها بالشتاء تتوهق بلبس البيت لا تقولين دفايه انا ضعيفه وابرد بسرعه

عند اهلي ما اتحمل وهم يشغلون دفايات وانا مليون شيء لابسه جامه فوقها دراعه وجاكييت اووووووووووووم الهلاقه هههههههههههههه

 

[≈ ω ђ ṃ]

رد : تــــجـــمــع عـــرآآآآيــس شـــــهــر 1

^^

بالعكس شحلات بجآيم الشتآ

روحي بيكوكس بآوتآد بالسردآب بروعه بجآيم ربيعه

يعني جم طويل بس مو متين ~

برمودآت وتي شيرتآت تهبل ورخيصه


القمصآن آخذي حق شهر ~

يعني شكلي قصير طويل شفآف مبطن هيك ~

آنآ من خوآتي صرت خبره ههههههههه


والبجآيم الحرير تنفعج حتى عقب ~

يعني كآ تغيير

وآنآ مفكره آشتري صندوق القمصآن

آحط كل قميص مع آكسسورآته والفهم بدآنتيل وهيك عشآن لا آحوس =)

آنتي شكلي 15 قميص كآفين ~


والبجآيم بس كثري


لبس البيت يقعد عندج آمآ القمصآن لازم تغييييييير


ولاتنسين جم بجآمه متينه وقت الدوره مع دلاغآت ~> تكون طقم وكشخه مع بآند حق آذونج


وبص

 

[أم*سلمان]

بـدلة عرووس قمه بالفخاامه بـ 4000 د.ك ((دشي وخليج عرووس المووسم ))


اخووااتي العرااايس مسااكم الله بالخييير ..

عندي بدلة عروووس مسويتها بـ 4000 د.ك بدله قمه قمه بالفخااامه مسوويتها عند مصمم معروووف و الشغل ما في منه ..

وقصة النفوووف حيييل حلووه و تطلع الجسم .. والاحلا فيهاا . الكرستاال والشغل اللي فيها هو كرستاال ولا شوارفسكي و لا لوولوو والله يا بناات انا ما امدح البدله لانها مالتي او شي ... لكن بشهـــادة الكل للامانه و البدله لحد اللحين الناس تسوولف فيهااا ... والاغرب طرحتها احلا من البدله ... شغلهاا حيل راقي و حلوو و مو على دفااشه على اناقه .. وبتخليج عروووس المووسم و حديث المووسم بنفس الوووقت ...


وللاستفسااار ::

67069609

ملاحظه :: ما أحلل اى وحده تبي تشوفها و ما عندها نية اجار ولا شي ..

واعذروووني عن الصووور انا ما انزلها بالنت ما ابي احرق البدله على اللي بتاخذها و لا امووت البدله لان الشغل ما في نفسه ..

 

[≈ ω ђ ṃ]

رد : تــــجـــمــع عـــرآآآآيــس شـــــهــر 1

يعافيج ربي ~


وين البنآت ؟؟

 

[يا درب ما اصعبك]

رد : تــــجـــمــع عـــرآآآآيــس شـــــهــر 1

.
.

صبـآح آلخيـر عـرآيس شهر 1

آنـا حددو عرسي بشهر 1 والله يعيين احس ضيعت المهر وانا ماسويت شي

.
.

 

[تبطي عظم!]

الحلوة مشكوووره

شكلي بروح أوتاد اليوم واشوف البجايم

تعالي رحتي الجميع يقولون البجايم الساتان والحرير عندهم حلوه وارخص من الطاهر وأنور صج!!!

اي ماقلتلج امس سويت ليزر ايدي واباطي ونص رجولي

يعور جنه احد يطقج بسير ههههههه خوش تشبيه

والاسبوع الجاي بروح اسوي وجهي والبكيني وفخوذي

استانست قالتلي البكيني أنا اسويه بروحي اذا بغيت اشوا الحمد لله

بطني وظهري ماراح اسويهم بشيلهم بشرايح فيت

 

[تبطي عظم!]

رد: رد : تــــجـــمــع عـــرآآآآيــس شـــــهــر 1

.
.

صبـآح آلخيـر عـرآيس شهر 1

آنـا حددو عرسي بشهر 1 والله يعيين احس ضيعت المهر وانا ماسويت شي

.
.

ياهلا ومرحبا تو مانور التجمع

ارحبي ارحبي

اهم شي شريتي شغلج المهم

عادي أنا ماشريت شي والي باقي 2.700

تكت ايزي هههه وان شاء الله سهالات

بنات صج

أنا واجد قالولي سوي تقشير الماسي ينور الوجه

وانا خايفه انا عندي اثار خفيفه ماتبين كلش لونهم وردي بخدي شكلهم جني مستحيه ههههههه

وقالولي يشيلهم شرايكم اسويها ولا اسوي ماسكات بالبيت عسل وحليب وسنفره وهيك سوالف

!!!!!!!

 

[lakatat nour]

لقطات نور تصبح عليكم65120041

 

[تبطي عظم!]

هلا صباح النور

بنوتات وينكم
لوووووووول بنات أنا مو صج هههههه

حاسبه الباقي من المهر غلط هههههه

باقي من مهري ٣٤٥٠ مو ٢٧٠٠

ما ادري من وين جبت ٢٧٠٠ الحمد لله والشكر الظاهر مكثره ع الفطور

<<<< طول عمرج دور ثاني بالرياضيات شنو الجديد لوووووول

 

[MOOON&M]

هلا صباح النور

بنوتات وينكم
لوووووووول بنات أنا مو صج هههههه

حاسبه الباقي من المهر غلط هههههه

باقي من مهري ٣٤٥٠ مو ٢٧٠٠

ما ادري من وين جبت ٢٧٠٠ الحمد لله والشكر الظاهر مكثره ع الفطور

<<<< طول عمرج دور ثاني بالرياضيات شنو الجديد لوووووول

ههههههههههههههههههههه الله يقطع ابليسج

ترى الليزر حبيبتي يكلف

سويلج جدول وحطي فيه فلوس المهر الباقيه ومعاشاتج وشنو بتسوين كل شهر

علشان لا تتوهقين


وموفقين ان شالله

ادعولنا بنات الشهر الياي العرس

 

[≈ ω ђ ṃ]

رد : تــــجـــمــع عـــرآآآآيــس شـــــهــر 1

.
.

صبـآح آلخيـر عـرآيس شهر 1

آنـا حددو عرسي بشهر 1 والله يعيين احس ضيعت المهر وانا ماسويت شي

.
.

^^

هلا وغلا نورتي التجمع ~


حبيبتي ~


قسمي المهر عالاسآسيآت بـ ظرف لكل شغله ~


والي يبقى خليه للفتآفيت ~


:eh_s(7):