إكسسوارات لمياء طارق وشوجي

[cuddly]

السلام عليكم بنات..

بس حبيت اسألكم وين أقدر القى اكسسوارات لمياء طارق من زوارة خميس وايد عاجبيني مثل الخاتم الي على اسمها الي يكون على صبعين وبعد جم شي عاجبيني واكسسوارات شوجي بعد بليز الي يعرف يرد لأن اختي بتيي كويت في العيد بليزز

وبعد سؤال ماله دخل بالموضوع بس مرة واحدة بسألكم وين عندكم محلات تسوي توزيعات حلوة حق الحج لان الحين عندنا فالبحرين تكون الصوغة بسيطة مثلا قران وتمر في علبة حلوة شي جيه أو أحد منكم عنده أفكاار حلوة يا ريت ما تبخلون علي لاني ان شاء الله بروح الحج بليز ابي افكار جديدة للتوزيعات إذا ما عليكم امر مشكورين

 

[ابله رورو]

هلا حبيبتي حياج الله بالكويت اكسسوارات شوجي ولمياء طارق تلقينهم بمحل فوشيا بمجمع الافنيوز المحل مكانه مقابل كارفور بالضبط
وهم تلقين نفس طريقة هالاكسسوارات بسرداب الشايع بسوق الكويت هالسرداب في محلات اكسسوارات ومكياج وجناط وانشاءالله تلقين طلبج حبيبتي

اما توزيعات الحج صراحه ماعندي فكره

 

[$نسيم الصباح$]

إي حتي أنا عاجبيني إكسسورات لمياء طارق

 

[cuddly]

مشكووورة حبيبتي انا رحت فوشيا الشهر الي طاف ما اذكر اني شفت نفس اكسسواراتها ما ادري بعد يمكن ما انتبهت بس خاتم الاسم شفته بس كان دفش مو نفس الي عليها

 

[أميره بطلتي]

السلام عليكم بنات..

بس حبيت اسألكم وين أقدر القى اكسسوارات لمياء طارق من زوارة خميس وايد عاجبيني مثل الخاتم الي على اسمها الي يكون على صبعين وبعد جم شي عاجبيني واكسسوارات شوجي بعد بليز الي يعرف يرد لأن اختي بتيي كويت في العيد بليزز

وبعد سؤال ماله دخل بالموضوع بس مرة واحدة بسألكم وين عندكم محلات تسوي توزيعات حلوة حق الحج لان الحين عندنا فالبحرين تكون الصوغة بسيطة مثلا قران وتمر في علبة حلوة شي جيه أو أحد منكم عنده أفكاار حلوة يا ريت ما تبخلون علي لاني ان شاء الله بروح الحج بليز ابي افكار جديدة للتوزيعات إذا ما عليكم امر مشكورين

بالنسبه لسؤالج عن خاتمهااا

انا وخواتي خذينا اكسسوارات من لبنان نفسها بالضبط

وعلى فكره اللي كانو يبيعو بلبنان ببحمدون قالو انهم بينزلون بمعارض بالكويت الهلتون والمنقف

بس بصراحه رحت الهلتون مرتين ماشفت الا خمايم مو نفس اكسسواراته اللي هناك



انزين شوفي يمكن بالمارينا او المهلب تحصلينهم عند محلات الاكسسوارات الغاليه موو اللي اي كلام

 

[cuddly]

اهاا مشكوورة حبيبتي بشوف ان شاء الله

 

[Confused Girl]

شوجي اكسسوارتها ماركات ..شوفي هذا الموقع روحي صوب jewelry

http://www.pinkmoonboutique.com

واذا حبيتي اللي عندهم روحي المحل اهو صاير عالبحر قبال قصر السيف .. صاير بسطرة فيها برجر هب وواسابي


وفيه بـ 360 محل شوبوكس فيه جواتي تكرمين غاليه وعندهم من هالاكسسوارات الحلوه
وفي محل فوق بعد صغير نسيت اسمه والله عندهم هالسوالف ..

تلاقينهم بأماكن وايده .. في بعد محل صغير بالمارينا يم فولار عنده شغلات حلوه وكشك بالمارينا يم فيرجن دايما عندهم اكسسوارات وشغلات حلوه .. ومحل تحت بالافنيوز يبيع شغلات مغربيه ( لبس واستكانات وقلاصات ) عنده بعد اكسسوارات حلوه وتونس واسعارها زينه



و خاتم بوصبعين والاسم تلاقينهم بالمعارض .. المعارض احسن شي فيها الاكسسوارات ..


أما التوزيعات والله مادري ما عندي فكره

وحياج الله انشالله تلاقين اللي تبينه

 

[Confused Girl]

وروحي بعد محلات الساعات on time وجذي .. روحي صوب الاكسسوارات ..
حلوه اكسسوارات moschino و DKNY

وفي محل بالافنيوز يم بينك بيري عنده اكسسورارات ماركه حلوين

 

[فطامــي]

خاتم بو اصبعين في كشك بالمهلب يسوي ع الاسم
واكيد راح تحصلين في المعارض

اما توزيعات الحج واللله ماعندي فكره بس في بياع الورد محل في حولي في علب اشكااال والوان وشرايط حق كل المناسبات بس يعني لازم تكون عندج فكره وانتي ترتيبن وتشترين الاشياء


وحياج الله

 

[Bahrainya Pure]

رد : إكسسوارات لمياء طارق وشوجي

بنات يا ليت تحطون لنا صور للخاتم ..

 

[cuddly]

مشكوررين ما قصرتو وايد ساعدتوني بس المعارض تكون فاتحة أيام العيد بعد؟؟

 

[ام ورود مول]

الخاتم بو صبعين طلبته من تاجرة عندنا اسمها dema76
وهذا ملفها الشخصي

http://www.q8yat.net/member.php?u=127568

 

[cuddly]

مشكورة حبيبتي بس أنا أقصد خاتم الاسم ينلبس على صبعين

 

[ام ورود مول]

اي حبيبتي خاتم الاسم اللي ينلبس بصبعين
وشريت منها سلسه على اسمي واسم زوجي وعيالي...اشحلاتها
الله يعطيها العافيه

 

[cuddly]

اهاا سامحيني ما انتبهت بس وين صورته ما شفتها ؟!!

 

[~الامبراطـورة~]

لو سمحتي صاحبة الموضوع محل فوشيا انتي شفتي اساور اسماء دفشة
انا ابي نفس هالحركة

بس تكون بالذهبي ومحفور اسمي ولا لا

هههههههههههههههههههه ادري الصورة تضحك

 

[cuddly]

ههه أنا شفت خاتم بو صبعين نفس خاتم لمياء بس ذهبي بس على أكبر شوي

 

[راعية الخير]

الخاتم موجود فى محل اسمه نوران بالسالميه او محلات الاكسسوارات فى الحمرا مول بالفروانيه

 

[cuddly]

^
قصدج السالمية سيتي سنتر المعلم ؟

 

[بطه حمراء]

رد : إكسسوارات لمياء طارق وشوجي

صاير الحين موضه خاتم لمياء طارق رووووعه