ملتقى خريجات الكورس الثاني جامعة الكووويت

[miss cute]

رد : رد: ملتقى خريجات الكورس الثاني جامعة الكووويت

بنات نسيت أقولكم شغله مهمه

إذا عندكم شهادات ثانيه ودوها معاكم

مثلاً ماخذه دورة سكرتاريه أو كمبيوتر أو أي شي

أنا عندي شهادة icdl قالت لي الموظفة الي بالمنطقة التعليمية هاتيها معاج المره اليايه



وكنت سامعه من المدرسات ايام الميداني انه الدورات تفيد بالترقية

إي صح .. الله يذكرج بالشهادة ..


كله بسألكم و أنسى .. لازم تكون عندنا دورة الicdl ؟

 

[..Balsam..]

بنات اشرايكم بأول معاش شنسوي

ما ادري محتاره بأكثر من فكره

افكر اسحبه كله و احطه بظرف و اعطيه امي


او اخذ لها ذهب على اساس يبقى معاها احسن من الفلوس مردها بتصرفهم علينا
بس ما اعرف للذهب انا يعني 850 تجيب شي حلو و الا لا ؟؟؟

و عندي خالتي بعد ودي اهديها من اول راتب بس ما ادري يعني اخليها للشهر الثاني ؟


اشرايكم ؟


شناوين تسوون ؟

والله أمهاتنا لو نهديهم معاشاتنا كلها مااايكفي .. يستاهلون كل خير ...

اشتريلها طقم ذهب ولا سلميها أول معااش كله .. والله يبارك لج بمعاشج ... بس لاااتعطينها البطاقة تسحب راح تنحرج .. الأحلى تعطينها كاااش

الله يخليلي أمي ويخليلكم أمهاتكم .. :yaaaaaarb:

 

[..Balsam..]

بنات .. نصيحة لوجه الله .. أكفلوا يتيم على الأقل بمعاشكم ... عشان ربي يبارك فيه

 

[..Balsam..]

بعد عمري بلسم انا الي اشكركم على تواجدكم معاي أحييتوو الملتقى و أسعدتوني بتفاعلكم معاي و انت نوارة الملتقى

تسلمين يالغلا واقعية ...

الله يسامحج هذا الي طلع معاج دعاية اتصالات >>> ترى ما زعلت بس أمثل

حبيبتي أمزح معكِ.. أنتِ نوارة الملتقى كما تقول واقعية >>> ترى الجملة باللغة العربية

بلسم بعد كله بأكلمج بالفصحى

كملي كملي بالفصحى ..

فديتج انتي وواقعية ..

--------------------------------------------------------------------------------

بنات نسيت أقولكم شغله مهمه

إذا عندكم شهادات ثانيه ودوها معاكم

مثلاً ماخذه دورة سكرتاريه أو كمبيوتر أو أي شي

أنا عندي شهادة icdl قالت لي الموظفة الي بالمنطقة التعليمية هاتيها معاج المره اليايه



وكنت سامعه من المدرسات ايام الميداني انه الدورات تفيد بالترقية

مشكورة مدرسة ع التذكير .. ياخسااره ماعندي دورة icdl .. بس سؤال ماتعادلها شهادة الحاسوب اللي بالجامعه .. لأن سمعت انها تعادلها !!!

 

[..Balsam..]

كله بسألكم و أنسى .. لازم تكون عندنا دورة الicdl ؟

لا .. تقدرين تاخذينها بعد ماتتوظفين ..

 

[قَلبڪْ صًخرْ]

الله يبارك فيكم حبيباتي .. وعقبالكم يااااارب ماايي الدوام الا وانتم مالجااات ..
من ناحية اول معاش بنات ترى يكون شهر 11
ييكون معاش 9 و 10 و11
طبعا انا حتى لو بعطيهم امي بتردهم لي .. عشان التجهيز هههههههههههه
هي بروحها الحين تحذف علي الفلوس
فمادري اكيد ماراح ترضى تاخذ
بتقول فكيني ههههههههههههه

 

[واقعية حـلـم !]

قلبك صخر يمه دعوتج لها رهبه احس قلبي قام يرقع ههههههههههههههههههههههههههه حسيت ان صارت صج

انا دايما احس الزواج شي بعييييد يعني بيصير بعديييييييييين اخاف من فكرة اني اكون بمكان مو بيتنا

تعالي..


ليش شهر 11 رواتبنا إن شاء الله يعني مو ثلاث شهور قاعدين ع الحديدة

 

[shai6ona19]

قوه بنات شلونكم

توني اشوف التجمع ...انا بعد خريجة جامعة الكويت كورس ثاني ,, كلية العلوم الاجتماعيه علم نفس

وقبل جم يوم ترشحت بالديوان بوزارة التربيه وقالوا لازم اراجعهم خلال 15 يوم
ومبرووووك لكل اللي ترشحوا

بس بنات انا عندي سؤال بليييز اللي تعرف تردلي خبر لان حدي متوهقه

بغيت اسال متى راح نباشر العمل ؟؟ لان عرسي بعد 21 يوم وبسافر شهر عسل اسبوعين تقريبا والله حدده وهقه احس مو وقته
يعني اقدر اخذ اجازه شهر او شهرين ؟؟ ولا الاجراءات تطول على ما نباشر العمل وماله داعي اخذ اجازه ؟؟

بلييييز بنات اللي تعرف تقولي

 

[مدرسة المستقبل]

قوه بنات شلونكم

توني اشوف التجمع ...انا بعد خريجة جامعة الكويت كورس ثاني ,, كلية العلوم الاجتماعيه علم نفس

وقبل جم يوم ترشحت بالديوان بوزارة التربيه وقالوا لازم اراجعهم خلال 15 يوم
ومبرووووك لكل اللي ترشحوا

بس بنات انا عندي سؤال بليييز اللي تعرف تردلي خبر لان حدي متوهقه

بغيت اسال متى راح نباشر العمل ؟؟ لان عرسي بعد 21 يوم وبسافر شهر عسل اسبوعين تقريبا والله حدده وهقه احس مو وقته
يعني اقدر اخذ اجازه شهر او شهرين ؟؟ ولا الاجراءات تطول على ما نباشر العمل وماله داعي اخذ اجازه ؟؟

بلييييز بنات اللي تعرف تقولي

هلا حبيبتي حياج الله

وعالبركة التخرج والزواج الله يهنيج إن شاء الله

بالنسبة لمباشرة العمل أنا قريت بالجريدة انها راح تكون بتاريخ 13/9 وراح تكون في دورة للمعلمين الجدد ابتداء من هالتاريخ ولمدة أسبوع

يعني الدورة محسوبة علينا ولازم نداومها​

 

[قَلبڪْ صًخرْ]

شيطونه ياعمري .. الدوامات 13
ولازم تداومين مباشرة عمل و الدورة ماتطووفج
ومافي اجازه رسميه ياعمري .. انتي تغيبين وتاخذين مرضيات ..
مو اجازه رسمية عرفتي ؟
لأنج اجازة الابلات العطلة الجبيرة و الربيع بسس

وشنو ناويه تصيرين بالتربية ؟ ابلة او اخصائية ؟


واقعيه يسسس اول معاش لثلاث شهور 9 / 10 / 11
وبهالشهور على الحديده .. والله يخلي لنا اهالينا ..

 

[..Balsam..]

بنات منو بيروح الأحد ..!! اللي هو اليوم !
لأن كاتبين بالجريدة المراجعة الثلاثاء بس لكل الوزارات .. وبالموقع مال الديوان كاتبين خلال 15 يوم .. والموظفة اللي بالمنطقة قالت أول مايعلنون اساميكم تعالي نسوي الجراءات .. خايفه أروح ع الفاضي !!

 

[..Balsam..]

بنات .. توّني راجعه للبيت .. حست حووووسه وللحين باجي بعد ..

المهم خل أقول لكم شنو سويت ..

رحت للمنطقة التعليمية ومليت أوراق شكثر ووقعت 350 مره =) ..... وعطتني ورقة الفحص بعدين رحت للشويخ الفحص الطبي ... تدرون وين تلقونه عشان ماتدورون مثلي ..( مستشفى الصباح .. تخلين المبنى الرئيسي على ايدج اليسار وتكملين سيــــــــــــــــده لين ماتلقين مكتوب لوحة الفحص الطبي << مادري ليش كنت بكتب الفحص الطبي !!)


تبدأ الأشياء اللي ماسويتها وبسويها باجر باذن الله >>

المهم تروحين وتعطيج ورقتين اشعة صدر وفحص بول عزكم الله وفحص حمل للمتزوجة ... تروحين لمستشفى منطقتج وتسوين الفحوصات وترجعيلها تكملين فحوصات عند الفحص الطبي نفسه بس قبل الساعه 11 ... وبعدها ترجعين للمنطقة مره ثانية ...

الله يعينكم بناااات

 

[..Balsam..]

تخلين المبنى الرئيسي على ايدج اليسار وتكملين سيــــــــــــــــده

أقصد المبنى الرئيسي على ايدج اليمين sorry

 

[مدرسة المستقبل]

قــــوة بنـــات


بلسم وااااااااااااي سكتي

أنا هم توني يايه البيت قطيــــــــــعه

قمت من النوم الصبح رحت المنطقه التعليميه

قسم التعيين ناقلينه بكبره مكان ثاني وافتر وأدور وكلما أسأل يدلوني غلط

لين الله وفقني ولقيته وتعالي على الموظفات الي نفسيتهم اللهم يا كافي

خلصت من قسم التعيين رحت عند المديره توقع

ولا الحبيبه ما شرفت والساعه كانت 9

شلون الحين شأسوي قالولي يمكن تيي عال11 واحتمال ما تيي

آآآآآآآآآآآآآخ والمكان حااااااااااااااار ومافيه تكييف ولا استراحه سنعه

رديت البيت ورجعت مره ثانيه عال11 ووقعتها والحمد لله


وباجر بأروح المجلس الطبي

هذي باختصار معاناتي اليوم

الله يعيني باجر


بلسم قوليلي متى رحتي المجلس الطبي ؟ وفي مواعيد ولا على طول دخلوج ؟

والإجراءات تطول ؟؟

 

[واقعية حـلـم !]

رحت اليوم المنطقة

قسم التعيينات عطيتهم اوراقي طلع ناقص الميلادية ناسيتها بوديها لهم بعدين

عطتني اوراق الفحص الطبي


بروح باجر او بعده ما ادري



بس انا مو فاهمة سالفة ان الفحص بمكانين شنو يعني بنروح الصباح بس علشان ناخذ الاوراق ؟؟ بعدين نروح العدان بعدين نرد الصباح ؟

انا عبالي كله بالصباح و نخلص


و الساعه جم نروح متى يفتح ؟

 

[Th@RbAh]

السلام عليكم


شلونكم بنات و ابلات المستقبل القريب ان شالله بخير ..


بنات انا تبع محافظة مبارك الكبير
رحت اليوم الساعه 10 و نص تقريبا المنطقة التعليمية و سويت اوراق التعيين و وقتها من المديرة و عطتني ورقة الفحص الطبي
و كانت ناقصتني ورقة اللي اهي تحويل راتب من جامعة الكويت الى وزارة التربية قالت المره الجايه جيبيها معاج
عاد لما طلعت خذيت منها ورقة الفحص الطبي قالي ابوي خلينا نمر على البنك مره وحده و نحول حسابج قلت اوكي
رحت للبنك و حولت حسابي و عطوني ورقة و حطيتها بملفي ...

عاد باجر بإذن الله بروح الساعه 9 اذا الله اشاء بسوي الفحص الطبي و بعدين مستشفى مبارك والله يسهل علينا ان شالله ..

 

[Th@RbAh]

بنات بالنسبة لأول معاش ودي اسوي استقطاع كل شهر للجنة خيرية او اكفل يتيم .
انا في مكافأة الميداني نزلت لي 750 دينار قسمتهم بالنص 300 لأبوي و 300 لأمي و خليت لي 150
عاد بالمعاش الجاي ان شاء الله بعطي خالاتي و اخواني و عيال اخواني و بشتري لأمي لو اسوارتين ذهب
و ابوي يقول شرايج نكون شركاء انا وياج نبي نشتري سويت في مكة في برج عمر اذا بنوا فيه قلت له اوكي اعتمد خخخ


:: انا أريد و أنت تريد و الله يفعل ما يريد ::

 

[..Balsam..]

قــــوة بنـــات


بلسم وااااااااااااي سكتي

أنا هم توني يايه البيت قطيــــــــــعه

قمت من النوم الصبح رحت المنطقه التعليميه

قسم التعيين ناقلينه بكبره مكان ثاني وافتر وأدور وكلما أسأل يدلوني غلط

لين الله وفقني ولقيته وتعالي على الموظفات الي نفسيتهم اللهم يا كافي

خلصت من قسم التعيين رحت عند المديره توقع

ولا الحبيبه ما شرفت والساعه كانت 9

شلون الحين شأسوي قالولي يمكن تيي عال11 واحتمال ما تيي

آآآآآآآآآآآآآخ والمكان حااااااااااااااار ومافيه تكييف ولا استراحه سنعه

رديت البيت ورجعت مره ثانيه عال11 ووقعتها والحمد لله


وباجر بأروح المجلس الطبي

هذي باختصار معاناتي اليوم

الله يعيني باجر


بلسم قوليلي متى رحتي المجلس الطبي ؟ وفي مواعيد ولا على طول دخلوج ؟

والإجراءات تطول ؟؟

اي والله هدّوا حيلنا .. الله يعين

المجلس الطبي ماسويت فيه شي بس عطيتهم الورقة اللي عطونا اياها المنطقة فعطونا اوراق الفحص وقالوا روحي لمستشفى منطقتكم .. فباجر راح اروح العدان ان شاء الله من الصبح واذا طلعت النتايج أروح لهم يكملون فحوصات .. والمجلس الطبي لازم تروحيلهم قبل الساعه 11 اذا خلصتي فحوصاتج وبتسوين باجي الفحوصات عندهم .. بس اذا بتاخذين أوراق الفحوصات عادي موجودين لين وحده ...

ومادري اذا فيه مواعيد ولا لا .. لأن توني ماخلصت فحوصات المستشفى عشان أبدا باللي عندهم ..

 

[..Balsam..]

رحت اليوم المنطقة

قسم التعيينات عطيتهم اوراقي طلع ناقص الميلادية ناسيتها بوديها لهم بعدين

عطتني اوراق الفحص الطبي


بروح باجر او بعده ما ادري



بس انا مو فاهمة سالفة ان الفحص بمكانين شنو يعني بنروح الصباح بس علشان ناخذ الاوراق ؟؟ بعدين نروح العدان بعدين نرد الصباح ؟

انا عبالي كله بالصباح و نخلص


و الساعه جم نروح متى يفتح ؟

لأ الفحص بمكانين ..

شلون .. خل أقولج !!

لما تروحيلهم أول مره يعطونج أوراق الفحص اللي هي أشعة الصدر والبول بالعدان (ياكو) .. واذا خلصتي هالفحوصات تاخذين النتايج وتروحين للصباح يسوون باجي الفحوصات اللي هي فحص الدم ..

اذا بتاخذين أوراق الفحوصات عادي دوامهم لي الوحده .. بس اذا بتسوين الفحوصات لازم تجين قبل ال11 ...

 

[..Balsam..]

السلام عليكم


شلونكم بنات و ابلات المستقبل القريب ان شالله بخير ..


بنات انا تبع محافظة مبارك الكبير
رحت اليوم الساعه 10 و نص تقريبا المنطقة التعليمية و سويت اوراق التعيين و وقتها من المديرة و عطتني ورقة الفحص الطبي
و كانت ناقصتني ورقة اللي اهي تحويل راتب من جامعة الكويت الى وزارة التربية قالت المره الجايه جيبيها معاج
عاد لما طلعت خذيت منها ورقة الفحص الطبي قالي ابوي خلينا نمر على البنك مره وحده و نحول حسابج قلت اوكي
رحت للبنك و حولت حسابي و عطوني ورقة و حطيتها بملفي ...

عاد باجر بإذن الله بروح الساعه 9 اذا الله اشاء بسوي الفحص الطبي و بعدين مستشفى مبارك والله يسهل علينا ان شالله ..

وعليكم السلام

تمام انتي شلونج ؟؟

ماشاء الله عليج .. انتي شكلج ماشيه معاي .. الله يعينا ويسهل علينا يااارب ...