- إنضم
- 15 يونيو 2010
- المشاركات
- 177
- مستوى التفاعل
- 0
- النقاط
- 0
:بنات اولا صباح الخير ومبارك عليكم ماتبقى من الشهر بدش بالموضوع على طول عندي رفيجتي حيل حيل انا وياها واهي عندها مشكلة وماعندها لاب عشان جذي انا بقولها بالنيابة عنها :dddds: بنات رفيجتي هذي سعودية ومتزوجة كويتي يعني متغربة المسكينة ومخلية اهلها وربعها عشان سواد عيون زوجها اوكي وهي اللحين عندها 4يهال يعني خلاص تدبست ماكو فكة بس المشكلة مو وحدة لا عدة مشاكل اول شي ان زوجها مايبي يجنسها وهذا بناء على كلام امة لان مبدا ان عيالها كلهم يتزوجون سعوديات عشان ماكو جنسية وماكو تتحكم على الريال مستقبلا وتشتكي علية مع انها بنت ناس ومحترمة وام زوجها اصلا متجنسة هي وعائلتها يعني حبت الخير لنفسها ولعيالها وماحبتة لغيرها يويلها من واحد فوقها المهم ثانيا الريال مانعها من شي اسمة وظيفة وانها اصلا ماتحلم فيها وان النقاش في هالموضوع مغلق وثالثا ترى للمعلومية رفيجتي كانت عايشة عندهم نظام الخدمات غرفة وحمام بس لما يابت بنتها الثانية مارضت وهددتة بالانفصال وراح وحط لها شقة اجار اوكي مع ان امة الى الان تتحسب عليها وانها طلعت ولدها بيت بروحة وهي عندها غيرة خامسا 0- البنت تقول ان اهي شبة مقطوعة من الناس ليش لانة حمولتها مايبونها من يشوفنها داشة الكل طلع غرفتة وجلست مع ام زوجها شوي وردت بيتها وجيرانها كلة مشغولين ولا مسافرين ماكو احد وريلها دوام في الجيش يعني دايم محجوز اوكي سادسا - رفيجتي تعبت نفسيا من ام ريلها تقول ماترتاح امة لين زوجي يحلف لها ان ماعندة ولا فلس وبعدين خلاص تخف من طلباتها مع انها تستلم معاش قوي من المرحوم ريلها وكذلك بناتها والريال صار يقصر على رفيجتي وعلى عيالها بسبة طلبات امة اللي ماتخلص :cxxxp: تقول يابنات مرة فكرنا نسافر ويوم ردينا والله قعدت سنة تكلم ولدها بنفسية شينة وتعايرة كنة مسوي جريمة وبعد جم سنة سافرو بناتها مع اخوهم الثاني الصغير تقول والله انها تودعهم لي عند الباب :cxxxp: مو حرام عليها الله واكبر ماشفت نفسها وثامنا رفيجتي هذي حبوبة وطيبة تقول انا اعرف زوجي ليش يسوي جذي مع امة لانها مخليتة يتعذب ليل ونهار ان فكر جدام الناس يطلع ويخلي امة وكل ماشافتة تقول انت اخر واحد كنت افكر انة يطلع مني وكان دايم يذكرها ان مايصير نعيش بغرفة صح ولا وللمعلومية اهي عادي عندها ولدها اهي كل همها تلهف معاشة ويصرف على البيت فقط لا غير مع انة اللحين مو مقصر معاهم بنات اشياء وايد بس بقولعا بختصار رفيجتي ريلها دايم يزعل نفس اليهال اي شي يصير زعل يومين مايكلمها وروحات لاهلها كل شهرين تروح مرة وادا راحت جننها كلا يكلمها ويشك فيها انها تروح السوق ولرفيجاتها بدون مايدري مع انها ماتجذب علية البنت نفسيا تعبانة تقول كل مااكلمة عن وضعي وعن ايام عمري اللي كان المفروض تكون احلى من جذي وعن اهلة يعصب ويقول انا مو مقصر معاج حتى شقة طلعتج والمصروف يمشي 80 دينار اهي وعيالها اوكي شرايكم شالحل اهي تقول الشكوى لغير الله مذلة بس انا صممت اني انزل مشكلتها بالمنتدى ياليت اي واحدة عاقلة وعندها خبرة بالحياة ترد وتقول البنت صح ولا غلط هل هذي تعتبر مشاكل اساسية ولا ثانوية فعلا احنا ضايعن بحكم عمرنا لان انا وياها صغار 25 سنة يعني ماعندنا قدرة على معرفة هالامور اللي بترد الله يجزاها الف خير ويسعدها :33_1185028183:
