~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[ديمة بنت غنيمة]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

انا اليوم تفطرت

شوارمة مسوينها بالبيت وقلاص واحد عصير كوكتيل و3 تمرات ولبن وربيانة وحده جامبو

وسحوري انشاء الله نسكافيه

فطورج هذا جم كيلو نزلج !!!


لو اسويه تتوقعين انزل لو 5 كيلو قبل العيد ؟

 

[◇◇◆»RyoOoma]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

انشاء الله ينزل وزنج بصحة وعافيه ،، تبين الصج توني اليوم ابدي ،، يعني اليوم بديت يوم الاربا انشاء الله بوقف اذا ياب نتيجه وابدي برجيم السؤائل

 

[◇◇◆»RyoOoma]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

الاربعا*

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم

فطوري اليوم
حبة رطب وحده .. سمبوسه وحده ..شوربه عدس .. 7 قفاش تشريبه .. قفشتين يريش .. و قطعتين كبر قطع الطاووق دياي صيني قلت باجربه .

السناك
حلو من هوت بوت (عسى ما اغوص فيه ) لاني ناويه عقب شوي اكله .. و شوية مكسرات خاطري فيها من جم يوم .

السحور
موزتين و حليب وجاي .


وزني اليوم 76.2 .. باروح احطه بالمسابقه ..و الله كريم .

 

[◇◇◆»RyoOoma]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

زينة ترى انا سمعت ان اموز يمتن !!

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

بطبط .. حاشتج حاله " صابك غرورو الغرور لما يصيب مشكله "
هذا عيب الناس اللي من زمان مو شايفينج و يقولون ضعفانه ..التاثير الطبيعي تاكلين بدون حساب .
خلي جرس الانذار يدق .. 79 يعني على طريف هه هه توصلين ال 80 و انتي ما ماتبين هالرقم مره ثانيه .
مسكي عمرج و ان شاء الله تضعفين على صحه و عافيه


ميمي .. التشريبه مسموحه بس بحساب .. يعني جم قفشه .. اذا ماكو اي شي معاها .. لج 10-11 قفاش.
حاولي تشوفين ريجيم عبدالله المطوع برمضان و ان شاء الله يفيدج

ريوما .. انا اراجع عند دكتور و اهو قال لي خيار الموز و الحليب على السحور .
يعني من ضمن برنامجي للريجيم .

 

[◇◇◆»RyoOoma]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

صج وانا حارمه نفسي من الموز من زمان قالولي يمتن مشكورة حبيبتي على المعلومه

 

[بطة رشيقة]

اليوم الحمدلله كل شى تمام تفطرت 3 تمرات وجم قطعه لحم مشوى مع خضار وسوتيه مشروووم وشويه شوربه فطر وسلطه خضار .. ودايت سفن الحمدلله الحمدلله اليوم تمام وان شالله دوم اكون جذى .. والسناك ما ادرى شنو بس ببالى اخذ جم حبه مكسرااات مع جاى اخضر .. والسحوووور ناويه لبن و5 تمرات الله يتمم على ان شالله يارب يارب ثبتنا ان شالله ..

زيوووون اى والله صاجه الرقم مو شويه ويضيق الخلق انا ما تدرين شكثر ضايق خلقى واحس ما ادرى شفينى صايره ماكو كنترول كلش بس ان شالله ان شاللهر بى يتمم على انا راضيه انى اخربط مره بالاسبوع بس مو كل يوم .. لى الحين ما قالوا عن يمعه قرقيعان ولا شى وان شالله اكون قويه وما يهتز فينى شى لا حق رهش ولا حلوى وحلو قهوه ولا اى شى وربى كريم قادر على ان يحقق حلمى وحلمكم ان شالله ...

بروح الجمعيه باخذ جم شغله واذا رديت اطل عليكم

 

[بطاطا]

رد: رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم

شلونكم و شخباركم ؟

بطاطا .. متى موعدج ؟ انا موعدي السبت الياي و ما يندرى اروح و الا لا .. لاني احس ماكو انجاز يذكر .. اذا التزمت من اليوم و رايح ان شاء الله اروح .. و اذا ما التزمت عدل يمكن ااجل
و كلام عنيد صح .. مثلا ما تبين مقالي و لا لحوم .. اكلي 6 قفاش تشريبه .. و 5 قفاش هريس .. مثلا .

و عليكم السلام انا عن نفسي الحمدلله بخير و احسن حال

موعدي عقب باجر :eh_s(3): يارب يارب اكون نازلة

انا اذا لا لحوم و لا مقالي اكل 9 قفاش << بس قفشتين عنيد تفرق الصراحة و تشبع :eh_s(3):

ان شاء الله خييييييييييير

قوووه بنات .. شلووونكم

امس كشخت ىبالدراعه الحلوووه وطلعت حلوه على وشزينى وناويه انى اكون خوش بنت دشيت على المساااير والكل مدحنى وقال انى ضعفاااااااااانه جان ما اصدق عمرى وابلع ابلع ابلع لى الفير !!!!!!! ووقفت على الميزان والا انا زايده كنت الاسبوع اللى فات 78 والحين 79 يعنى ويعدين ويعدين يا بطه ......؟؟؟؟؟؟؟؟ والله ضااايق خلفى وايد ما ادرى شنو قاعد يصير لى متى لى متى .... طاف الحين 10 ايام وبقى 20 اذا ما مسكت روحى ما راح احقق اى شى بس ان شالله يارب ربى يوفقنى واقدر التزم ولا يخسر تعبنى ان شالله اليوم اكون احسن ,,,,


زيوووونه

منمن

جسوووت

عنيد

اثماااان

بطاطا

زجووول

كلكم شلووونكم ...

:balo:​

هههههههههههه

بدعتي بس انتي نفسي بس ما اخوووورها 100% تلقيني اكل على راحتي اكثر من قبل اذا سمعت هالحجي هههههههههه

يلا ما عليه ابدي من يديد و وخري عن الثمانينات ترااااا احباط ديري بالج :eh_s(13):​

 

[بطاطا]

فطوري اليوم / 3 تمرات + لبن قليل الدسم + 6 قفاش بلاليط مع نص بيضة + سمبوسة 1

بس اخوي شككني يقول البلاليط كله شكر قللي القفاش !!!

عاد الحين قاعدة اوسوس هههههههههه طمنوني

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

بطبط .. بالعافيه و ان شاء الله تستمرين على جذي .

بتاتا ..بالعافيه .. و هالله هالله بالبشاره بالموعد .. ان شاء الله نازله و ان شاء الله يعطيج برنامج غير .
لا توسوسين .. البيض عباره عن بروتين .. و 6 قفاش .. انتي بالسليم.

انا مفكره لو في بوقات يوميه ..او اشياء اكسترا على الخفيف .. بس على الاقل احافظ على الفطور او السحور اضعف الايمان .
دام اني قادره عليهم .. واذا صارت غبقات اخليها فري و باجي اليوم ريجيم .

و الله يعين

 

[بطة رشيقة]

موفقين انشالله كلكم ...

 

[شوكولاته&فانيلا]

اشلونكم بنات شخباركم

مبروك للي نزلوا وان شاء الله الباقي ينزلون في الايام القادمه بحيل الله موفقين جميعاا..

انا ضايق خلقي

الشهر الماضي وزنت بصيدلية غير والظاهر كانت منزلتني اكثر مما انا عليه كانت مخليتني 68.450

اليوم وزنت بصيدليتي اللي كله اوزن فيها من بديت الريجيم من سنة وشوي ولقيت وزني 69.700@@

مايندرى عاد هاللخبطه من اكلي ((مع اني ملتزمة برمضان ومااخربط ذيج الخربطه والا من الموازين تووووووووبة اغير ميزاني كل مره احس تخربط ومادري اشكثر

وهل نزلت والا لا ولا زدت والا شالسالفه

المهم بحط هالشئ ورا ظهري وببدأ من يديد اليوم وبشد على نفسي والله كريم

فطرت ثلاث حبات رطب وكوب لبن قليل الدسم..

وبعد الصلاة شربت نصف كوب عدس ويا كوب خضار ونص صدر دجاج ..

وجالسه اشرب زنجبيل ويا اعشاب..

ولما جعت الان شربت كوب لبن قليل الدسم +خيارتين..

والسحور بحول الله روب قليل الدسم+تمر ..

 

[◇◇◆»RyoOoma]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

انا بصراحة ما اثق الا بالميان الالكتروني انتي

شرايج بالزنجبيل طعمه مو حلو كلش صح ودي اجربه بس خايفه

 

[◇◇◆»RyoOoma]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

بالميزان

 

[شوكولاته&فانيلا]

هلا ريومه

ايه اللي بالصيدلية ميزان الكتروني من جذيه اروح لها ..لأن اللي عندي بالبيت ميزان عادي ومااثق فيه وكنت ابشتري بس

مادري اي نوع اشتري..

والزنجبيل انا اموت فيه احسه مايفرق اذا بسكر او لا لذلك اتقبله اكثر من اي اعشاب ثانيه عكس مثلا الشاي الاخضر احسه طعمه

مر حييييل واشربه بالغصب.. بس الزنجبيل الفرش يازينه زيناه

 

[◇◇◆»RyoOoma]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

صج اذا جذي جاري اجربه

 

[شوكولاته&فانيلا]

جربيه وايد زين جيبي زنجبيل فرش وابرشيه وممكن تضيفين له اي شئ ثاني او بروحه هم حلو

وترى شوي يحرق بالحلق ههههههه بس وايد زين وقت البلاعيم يطهر الحلق وتحسين براحه عقبه

مع الريجيم اشربه بروحه او اخلط وياه اشياء ثانيه، بس اذا بلاعيمي احطه مع حليب وقفشه عسل يم يم يم يصير واو الطعم طعم حليب بعسل

وتحسين بقرصة الزنجبيل في البلاعيم وترتاحين جربيه وادعيلي

انا تسحرت الان وبقوم انام

تصبحون على الف خير

 

[Loving Stella]

صباح الخير

شلووونكم بنات ؟
انا تفطرت بره مع اهلي و ماله داعي اقول شكليت

الحين قاعده اشرب شاي اخضر مع زعتر و الله كريم

و رحت تشريت شوي ووسعت صدري

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

مسا الخير

شلونكم ؟

الحمدلله يومي مر مثل ما خططت له .. الاكسترا اليوم شوية المكسرات .
عموما مثل ما قلت بحاول اوازن بين الوجبات و برنامج الريجيم كثر ما اقدر .. و بالنسبه لي التزام بو 70-80% وايد زين في ظل هالمغريات المحيطه فيني من كل صوب .


شوشو .. لا تزعلين .. العبد مره قال الموازين تفرق بينها و بين بعض من كيلو و نص لي كيلوين .. و انا شخصيا عندي ميزانين الكترونيين فرقهم عن بعض بو نص كيلو او 0.6 كيلو .. فما زعلت بس اعتبرت الميزان اللي يزيدني اهو مقياس الدقه على الاول اللي اقيس فيه من عمر .


ستيلا .. بالعافيه ما كليتي و ما شريتي

على المشروبات .. انا هابه بالجاي الاخضر بالنعناع .. و احط معاه زنجبيل فرش جم شريحه .
و ساعات خلطة اعشاب .. جاي اخضر و بابونج و اكليل الجبل و مرميه .
سمعت انهم يفيدون بالريجيم .


عنيد .. يا هل بديتي اليوم بالريجيم ؟؟ و هل تصالحتي مع نفسج و عقدتي اتفاقيه صلح و سلام ؟

جسوت و من من .. اين انتن ؟


من موجووووووود ؟