مشاااكل القسم

[randomy]

السلام عليكم حبوبات

انشاء الله بخير

والله ياخواتي مادري شقولكم

اكتب وانا متكدره بس مالي غيركم افضفض لكم

السنه اللي طافت كان قسمي كله مشااااكل وصراخ ولوويه
وانتهى العام الدراسي وكلن شايل بقلبه ، سوالف وايد ماتتوقعونها ، لا ومدرسات كبار عدوا 18 سنه تدريس

احس الدنيا خلاص محد يحب الثاني
مافي وحده قلبها نظيف الا نادرا وتلقينها ساااكته

والله ماني قادره افكر شلون ابدا هالسنه وخاصة ان رئيسه القسم اهي شرارة الهواااش كله

مايمدي انقل !! والمدرسه يم البيت حرام اروح بعيد وناظرتنا زينه حبوبة جنها امي

والمشكله انا توني حاامل وصج منغثه من هالموضوع

قبل كنت استانس اذا قرب الدوام اروح السوق اشتري بدل واكسسوارات واحب البس

الحين ماااالي خلق حتى اختي تقولي روحي اخذي قمصان حوامل كل يوم اقول انشالله وماروح

والله ودي استقيل كرف وفوق هذا مشاكل وغثى

ادعولي بس الله يصبرني شكلي مالي غير ربي والدعاء

مشكورين انكم تحملتوني اتحلطم

 

[مدرسة مكروفة]

السلام عليكم
شوفي حبيبتي نصيحة إذا بينج وبين قسمج مشاكل مراح ترتاحين جربي دزين مسج لهم عشان بداية السنة تبينين فيها إنكم خوات ومهما يصير بينكم اظلون خوات وإذا بدت السنة إنشاءالله خليج بحالج و لاتعطين أي وحدة كلام عن رئيسة القسم أو أي وحدة ثانية بالقسم.
الله يفرج كربتج ويجعلكم قسم يضرب فيه المثل يارب

 

[ام طلال]

رد : مشاااكل القسم

حبيبة قلبي يقولج المثل امشي عدل يحتار عدوك فيك طبقيه وبترتاحين

 

[randomy]

السلام عليكم
شوفي حبيبتي نصيحة إذا بينج وبين قسمج مشاكل مراح ترتاحين جربي دزين مسج لهم عشان بداية السنة تبينين فيها إنكم خوات ومهما يصير بينكم اظلون خوات وإذا بدت السنة إنشاءالله خليج بحالج و لاتعطين أي وحدة كلام عن رئيسة القسم أو أي وحدة ثانية بالقسم.
الله يفرج كربتج ويجعلكم قسم يضرب فيه المثل يارب

مشكوورة حبيبتي على كلامج الحلو

فعلا انا دزيت مسجات قبل رمضان بيوم (بمناسبة رمضان )، بس لو شنو ماقولهم عن المشاكل اللي بينهم !!اصلا اهما مسوين روحهم مافيهم شي عادي عندهم !!

الوحده لما تكون بحالها صج ترتاح بس لما تشوفين جدامج الهواش هم تتضايقين

 

[randomy]

رد: رد : مشاااكل القسم

حبيبة قلبي يقولج المثل امشي عدل يحتار عدوك فيك طبقيه وبترتاحين

مشكوورة حبيبتي ام طلال والله يسر الامور

 

[mi corazon]

امشي سيدا يحتار عدوك فيك

مثل امي المفضل

خلج بالقسم جنج راكبه تاكسي .. تروحين حصتج واتيين


لهي نفسج بالتحضير والوسائل وحطيلج اهاند فري واستمتعي .. الحياة لونها بمبي

موفقهين

 

[randomy]

امشي سيدا يحتار عدوك فيك

مثل امي المفضل

خلج بالقسم جنج راكبه تاكسي .. تروحين حصتج واتيين


لهي نفسج بالتحضير والوسائل وحطيلج اهاند فري واستمتعي .. الحياة لونها بمبي

موفقهين

بمبي بمبي بمبي

حلوة سالفه التاكسي

الله كريم ياقلبي

 

[مزيـانه]

الله يعينج و الله

 

[suger_spice99]

شوفي حبيبتي الحال من بعضه انا الموجهة دخلت حصتي وطلبت مني اسوي درس ريادي وكان الدرس بتسويه معلمة سورية وانا اساسا كنت رافضة اسوي درس بس لمن طلبت مني الموجهة ما قدرت اقول لا ومن سويت الدرس وانا اول سنة محد وقف معاي غير مدرستين في القسم بس طبعا كل شي كنت انا امسويته بس كانت وقفتهم معاي كتشجيع ويوم الدرس وطبعا من الغرفة الثانية بعد المدرسات الكويتيات اللي كلش ما في احتكاك معاهم غير السلام عليكم بس اللي معاي بالغرفة مع الاسف مع انهم كانو زينين معاي قبل الدرس صج تكتشفين الشخص مو بالعشرة بالشدة مع الاسف
المهم خلج بعيده عن المشاكل ولا تسمعين حق احد واول ماتصير مشكله طلعي من الغرفة او لهي نفسج بالوسائ او اي شي انا كنت في وزارة وكنت مرتاحة مع ربعي ولا في مشاكل بس مع الاسف اكتشفت انه مجتمع الحريم اييب المشاكل

 

[Ameeraaaaaa]

حبيبتي الله يعينج
مجربتها ,, تكرهين نفسج
بس صج انا كنت اسوي نفس اللي قالت هاند فري
كنت اشغله بوقت فراغي عشان لا اسمعهم ولا يسمعوني
وكلامي بالقسم كله : اي - لا
بس
ولا اتريق وياهم ولا شي ما احتك واخلص كل شغلي بالمدرسة
ترا هم ميزه ان قسمج كله مشاكل ,,, خعخعخعخع
تلقين وقت تخلصين شغلج كله
الللللله يعينيج

 

[^ حـلـــــوى و رهـــــش ^]

معلش حياتي
حاسـه فيج ..

عادي .. بسطيهـا .. ومالج شغل بـ أحد ..
صدقيني .. أحسن لج وأبرك لج ..

خليج بـ نفسج وبـ حصصج ..

بعدين ما تدريـن ..
تفائلـــــــــي ..:tek:

يمكـن راح تكون سنـه حلوووة عليج .. ومن أحلى السنيـن اللي تعيشينهـا ..
صدقيني لا تكدريـن نفسج من الحيـن .. مافي شي يستاهل ..
وخلي كل شي بوقتـه .. يفرجها ربج حزتهــــــــــا ..
الحيـن استانسي .. وريحي بالج بهالايام الحلوووووووووة قبل لا يجينها الدوام وكرافه ..
وباجر يحلهـا ربج سبحانـه ..


:eh_s(8):

 

[هيبة ملك]

بسيطة ياقلبي انت سوبتب اللي عليج

ألحين خليج فحالج ومن حصتج لمكتبج

ولايهموونج

 

[randomy]

مزيانه - سكر سبايس- هيبة ملك - حلوى ورهش- اميرة

مشكووورين حبيباتي والله يسهل علينا