استفسار عن ماليزيا بشهر 9 شلون الجو ومنو حاجز بهالشهر:)

[كوب كابتشينو]

السلام عليكم
بنات انا عضوة يديده:q8: معاكم بالمنتدى اقرا من زمان بالمنتدى شغلات بس توني اشارك فيه :eh_s(6): حبيت استفسر منكم عن ماليزيا بشهر 9 او 10 شلون الجو هناك وشنو احسن خطة حق السكن في ماليزيا
انا قاعدة افكر بروحي ما قلت حق احد خخخخخخخخ<<<<<ياخوفي اندقر:tomato2: ومااروح خخخخخخخخخ:eh_s(4):
ودي اروح انا وريلي وانا محتارة بين ماليزيا وبين اوروبا بشهر 9او 10 عقب العيد باذن الله
:eh_s(6):
لان وايد قالولي لا مو حلوة اوروبا بشهر 9 و10 يقولون برررررررد وماتقدرين تطلعين ولا تستانسين
فا قلت افكر بماليزيا واشوفها واسال خواتي بالمنتدى يجاوبوني ادري فديتهم ما يقصرون

الاسئلة

جم تكلفني السفره حق تقريبا15-20 يوم حق شخصين مع السكن والتذاكر؟؟
جم احتاج مصروف حقي بروحي؟ وترى انا طالبه مااشتغل:eh_s(4): وحق الهدايا جم احتاج:eh_s(1):
وشنو تنصحوني بالمناطق انا رايحه ماليزيا قبل 3سنين 2007 رحت كوالمبور وجنتق وبيننق ولنقاوي والكاميرونوكلللهم حلوين
انتو قولولي شريكم وشنو تنصحوني _03BA:
خاااصه اللي رايحه مع زوجها
وقواكم الله​

 

[gogona]

ماعندي فكره اتمنى البنات يفيدوووونح

 

[كوب كابتشينو]

رررررررررفع

 

[الشوق والدمعه]

الحين مسوين عروض حلوه التذكره 130 تقريبا غير السكن,,,,والسفره على حسب مشتراج....لا تشترين صوايغ دام انج طالبه روحى استنانسى انتى وريلج....وتكفيج تقريبا 1500 دينار عشان تكونين راهيه.

 

[احلى ـآ وحده]

رفع

رفع

 

[ريان4]

حبيبتي 2000 دينار
مع مشترياتج والسكن باحلى الفنادق
ماليزيا جوها ما يتغير لانها على خط لأستواء

 

[*حور العين*]

بصراحه مااعرف جوهاا بشهر 9 و10 بس اللي اعرفه انه جوهااا استوائي وطوول السنه يكون نفس الشي هالرطوبه ومرات مطر انا قبل اسبوع راده من ماليزيا رحت كوالالمبور جوهاا كان زوين رطوووبه

وبالنسبه للسكن بصراحه مااذكر اسمه بس كان المكان نظييييييييف وشغل عدل...اسال ريلي وانشالله اقوولج

وبالنسبه للميزانيه لا تحاااااااااااااااااااااتين صراحه كل شي عندهم رخييييييييييييييييييييييييييييييييييييييييييص حتى الاكل والتشري على كيف كيفج عجيييييييييييييييييييب كثر ماتشترين ماتخلصين جناط وتكرمين شحاطات سوالف حلوه وغريبه عاد مااوصيج طلعي حرتج


واذا تبين رايي تبين صج تستانسين روحي استراليا(قولد كوست)صجججججججججججججججج صجججججججججج ونااااااااااااااااااااااااااااااااااااااااااااااااااااااااسه ماتملين شي عجييييييييييييييييب بس المشكله شويه غاليه بي صراااااحه تسوى واذا رحتيلها قلبج بيتعلق فيهااا وودج كل مره تروحيلهااا

 

[فاقده ابوهاااا]

بشهر 9 و 10 حق اوربا ما تنفع روحي ماليزيا وياليت تحجزين بتاريخ 2 /9 علشان اشوفج بالطياره انا رايحه بهاليوم شكوووو وترى بعد هالتاريخ راح يصير سعر التذكره نااااار ومالج رده وكله على ويتنغ اذا تبين تسافرين شهر 9 روحي من الحين حجزي علشان تحصلين مكان لج وسعر التذكره يكون اقل قبل العيد وبالنسبة لماليزيا وايد حلوه انا رايحتلها كذا مره وما اشبع منهااا

 

[zain.q8]

قوه حبيبتي انا بروحلها انشالله وماليزيا جوها استوائي يعني طول السنه جوها واااااحد

 

[بنت امير القلو9]

الجو ما يتغير على مدار السنه نفسه >>>انا رحت شهر 3 وسالته عن اجو بباجي ايام السنه قالي هذا جونا بكل وقت ما يتغبر

اما التكلفه بما ان بشهر 9 او 10 فبتطون التذكره والفندق رخيص ان مو موسم
اتوقع 1500 تكفي وتوفي ماليزيا مو غاليه

وتروحين وترجعين بالسلامه حبيبتي

 

[الجـ88ـوري]

رد : استفسار عن ماليزيا بشهر 9 شلون الجو ومنو حاجز بهالشهر

قـــــــــــــــوووه بنـــات .... شلــونكم ؟؟؟
اولا: هذي اول مشاركه لي بالمنتدى واتــمنــى اني اصير صديقه لكم بهالمنتدى
ثانيا:انا حاجزه لماليزيا تاريخ 20/9 انــشالله على القطريه بــ144 لمدة 9 ايام انا وزوجي بسسسس
وبصراحه مادري شلون اقسم الجدول بين الجزر وكوالا (نفسي اروح لنكاوي وبينانج بس اخاف يضيع الوقت بالرحلات الداخليه وماشوف الجزيره عدل
وحاطين ميزانيه 1000 مع الفنادق من غير التذاكر .... تـــعـــتقدون تــكــفــيي !!!
بناااات امانه ابيكم تفيدوني لاني بصراحه محتاره حدي وين اروح وشنو الفنادق الحلوه 5 نجوم وووووووشلووون اقسم جدولي بين مجمعات وحدايق
امانه بنات لاتبخــلون علي
(بغيت اسألكم قالولي اول ما توصلين المطار اخذي طياران داخلي وروحي بينانج عشان ما يضيع اول يوم علي ىشرررايــكم ؟؟؟؟؟؟؟؟؟؟؟ )

 

[عنيده يا زمن]

السلام عليكم انا ناويه ان شا الله وحاطه ميزانيه 2000 وودي اروح ثاني العيد بس اللي عندي الله يهديه ادعوله تكفون كل ما اقوله يقولي بتروحين لا تخافين بس انطري مدري لي متى انطر بس ابي اسأل احجز الفنادق مع التذاكر احسن ولا لما اروح اهناك احسن

 

[فاقده ابوهاااا]

رد: رد : استفسار عن ماليزيا بشهر 9 شلون الجو ومنو حاجز بهالشهر

قـــــــــــــــوووه بنـــات .... شلــونكم ؟؟؟
اولا: هذي اول مشاركه لي بالمنتدى واتــمنــى اني اصير صديقه لكم بهالمنتدى
ثانيا:انا حاجزه لماليزيا تاريخ 20/9 انــشالله على القطريه بــ144 لمدة 9 ايام انا وزوجي بسسسس
وبصراحه مادري شلون اقسم الجدول بين الجزر وكوالا (نفسي اروح لنكاوي وبينانج بس اخاف يضيع الوقت بالرحلات الداخليه وماشوف الجزيره عدل
وحاطين ميزانيه 1000 مع الفنادق من غير التذاكر .... تـــعـــتقدون تــكــفــيي !!!
بناااات امانه ابيكم تفيدوني لاني بصراحه محتاره حدي وين اروح وشنو الفنادق الحلوه 5 نجوم وووووووشلووون اقسم جدولي بين مجمعات وحدايق
امانه بنات لاتبخــلون علي
(بغيت اسألكم قالولي اول ما توصلين المطار اخذي طياران داخلي وروحي بينانج عشان ما يضيع اول يوم علي ىشرررايــكم ؟؟؟؟؟؟؟؟؟؟؟ )

هلا بالجوري ،،،

انا حاجزة نفسج على القطريه يوم 2/9 والمصيبه ان طيارتي الفير وعلى ما اوصل ماليزيا الا صارت 9 بليل يعني راح اليوم كله واكيد انتي نفس توقيتي لاني سألت طلع مافي طياره الا الفير،، المهم دامج راح توصلين اهناك بالسلامه عالساعه 9 بليل على طول روحي بينانج لا تقعدين بكوالالمبور لان اليوم احترق عليج ولا تروحين لنكاوي ترى مافيها شي وبعدها روحي جينتنغ وقعدي يوم او يومين وبعدها ردي كوالا وقسميها كل يومين بفندق عندج سن وي لاغون وتايمز سكوير وماريوت والاحصنه الذهبيه هذيله الفنادق المميزة اهناك واذا تبين تحجزين طيران داخلي لا تحجزين من الكويت لان التذكره راح تطلع عليج اهني 75 دينار واهناك 20 دينار على طيران آسيا واي سؤال انا موجوده

 

[فاقده ابوهاااا]

السلام عليكم انا ناويه ان شا الله وحاطه ميزانيه 2000 وودي اروح ثاني العيد بس اللي عندي الله يهديه ادعوله تكفون كل ما اقوله يقولي بتروحين لا تخافين بس انطري مدري لي متى انطر بس ابي اسأل احجز الفنادق مع التذاكر احسن ولا لما اروح اهناك احسن

2000 انتي وريلج تكفي وتزيد بس اختي ما اعتقد راح تحصلين حجز للعيد لاني انا ما حصلت بالعيد وحجزت قبل العيد وقصب لقيت رده يعني انصحج روحي من الحين وبعدين اشفيكم انتوا يا الحريم ما اتعرفون تشيشوون الريال ترى للعلم كل سنه شرق اسيا تصير اخس من السنه الي قبلها مثل تايلند قبل اشحلاتها الحين كل شي صار غالي مو مثل قبل لانهم اعرفوا الخليجيين اشلون يقطون الفلوس

 

[الجـ88ـوري]

رد : استفسار عن ماليزيا بشهر 9 شلون الجو ومنو حاجز بهالشهر

اهلين k&rya

لا انا طيارتي س4 العصر وترانزيت قطر 3 ساعات بعدها اوصل ماليزيا س:9 الصبح (فرق التوقيت)
حلو وقتي يعني اليوم ما يروح علي

زين بينانج كم يوم تصلح مع العلم اني بقعد بماليزيا 9 ايام بس مابي اضيع هالايام وشنو الاماكن الحلوه اللي هناك لاني سويت بحث على الاماكن طلعولي اماكن وايد ومحتاره وين اروح وجم مكان اروح باليوم ؟ واخذ فندق ع البحر والا لا ؟

انا سمعت انه في بينانج مادري بلنكاوي في جزيره صغيره تقدرين تأجرينها ساعه انتي وزوجج وتقعدون بروحكم ماتدرين وين بالضبط وشنو اسمها؟؟ بصراحه نفسي اروح لها (امانه بنات اللي تعرف عن هالجزيره ووين صايره تقولي ؟؟

وجنتنق قالولي لاتقعدين فيها روحي الصبح وارجعي لكوالا لانها ماتسوى غير يوم شرايج ؟؟
وفندق الاحصنه الذهبيه قالولي لا تروحين له لانه بعيد وماله اي معنى ؟؟

ومــُــــــَشٍـــكٍورٍه حيـــاٍتـــي ..

 

[شيخة الحلوة]

بنات الحين من صجكم ما في حجز كلش؟
وانزين حاجزين بالنت والا بمكاتب السفريات؟؟

 

[فاقده ابوهاااا]

رد: رد : استفسار عن ماليزيا بشهر 9 شلون الجو ومنو حاجز بهالشهر

اهلين k&rya

لا انا طيارتي س4 العصر وترانزيت قطر 3 ساعات بعدها اوصل ماليزيا س:9 الصبح (فرق التوقيت)
حلو وقتي يعني اليوم ما يروح علي

زين بينانج كم يوم تصلح مع العلم اني بقعد بماليزيا 9 ايام بس مابي اضيع هالايام وشنو الاماكن الحلوه اللي هناك لاني سويت بحث على الاماكن طلعولي اماكن وايد ومحتاره وين اروح وجم مكان اروح باليوم ؟ واخذ فندق ع البحر والا لا ؟

انا سمعت انه في بينانج مادري بلنكاوي في جزيره صغيره تقدرين تأجرينها ساعه انتي وزوجج وتقعدون بروحكم ماتدرين وين بالضبط وشنو اسمها؟؟ بصراحه نفسي اروح لها (امانه بنات اللي تعرف عن هالجزيره ووين صايره تقولي ؟؟

وجنتنق قالولي لاتقعدين فيها روحي الصبح وارجعي لكوالا لانها ماتسوى غير يوم شرايج ؟؟
وفندق الاحصنه الذهبيه قالولي لا تروحين له لانه بعيد وماله اي معنى ؟؟

ومــُــــــَشٍـــكٍورٍه حيـــاٍتـــي ..

اي انتي الظاهر حاجزة من اول سبعه لان القطريه غيروا مواعيدهم من تاريخ 10/7 المهم عليج بالعافيه وبالنسبة لبينانغ لا تقعدين فيها وايد يومين كافيه لها وبالنسبه لي انا رحت البراشوت واااااايد كانت التجربه حلوه وتخرع وفيها حديقة الفراشات وحديقه القرود زينه بس نادر ما تشوفين الشواذي يطلعون وفيها القطار الي بين الجبل اليهال استانسوا عليه وترى لانكاوي مافيها شي تقريبا نفس بينانغ بس فيها حشرات اكثر :rgewrg: والجو فيها نوعا ما حلو وبارد وجنتنغ صح مثل ما قالولج يوم يكفي لها بس انا انصحج تباتين فيها ليله احلى والله انا قعدت فيها ليله علشان من الفندق ابطل الدريشه واشوف الغيم والبراد الحلووو تحسين قحط جو حلووو وقعدي بفندق جنتنغ هايلاند الي فيه الملاهي وفي ترى قصر الرعب وايد ناس يروحون بس ما يدشون هالمكان او انهم ما يشوفونه ترى حده حده عجيب وصج رعب وفندق الاحصنه الذهبيه مالج شغل الي يقولج لا تروحين بالعكس خليه على اخر يوم واهو مكان فعلا حلو وهادي واذا بتروحين للسوق تركبين قارب من الفندق لي السوق الي بالناحيه الثانيه وهذة المتعه اي وصج بالنسبه للجزيره الي تحجزينها لمده ساعه فكره حدها حدهاااااااااا مليقه وتحسين بالوحشه والملل حبيبتي الجنه من غير ناس ما تنداس تخيلي انتيبجزيره بروحج ومافيها شي لالالا فكره مليقه وترى مافيها لا اماكن ترفيهيه ولا حتى مطاعم ولا شي مجرد جزيره وبعدين شنو المتعه :016:

 

[شيخة الحلوة]

ررررررفع

k&rya
شوفي الخاص حبيبتي

 

[فاقده ابوهاااا]

ررررررفع

k&rya
شوفي الخاص حبيبتي

اختي روحي دناتا الي مقابل المثنى برج اوتاد اهناك الدور الخامس اول ما تدشين على ايدج اليسار موظف هندي يعطيج اسعار التذاكر والفنادق من الاخر يعني ما يلف ويدور وبعدين انا احب احجز منه لانه له افرع بماليزيا وشرق اسيا واهم شي معتمد عالميا

 

[شيخة الحلوة]

امممممممم
مشكورة حياتي وباذن الله اشوفه ما قصرتي