تعبت نفسياً وابي حل لمشكلتي عفيه لا تخلوني ..

[" لبيه يمه "]

.















.




















.















السلام عليكم ورحمة الله وبركاته ..

مبارك عليكم ماتبقى من الشهر والله يعيده علينا وعليكم بصحه وعافيه ..


مادري شلون ابدى مشكلتي لانها مخربطه فوق حدر مشكلتي بدت من 3 سنوات وداشه على السنه الرابعه وللحين ماني قادره اتخذ قرار فيها ..

انا عمري 23 ونخطبت حق واحد من اهل امي ابوه يصير ولد عم امي .. وامه مره طيبه وحبوبه وابوه ونعم فيه والولد يكمل دراسته برا .. وعلى فكره اهو من احد الدول الخليجيه مو كويتي ..

بتقولون وين المشكله ..!!

المشكله صارت من يوم الملجه .. كانت المجله سكاتي عشان محد يدري من عمامي ويزعلون على ابوي او يخربون السالفه ..

سوو عزيمه صغيره وعزموا اهلهم عمت خطيبي وخالاته وجدته .. والكل حضر ومايدري شسالفه او ليش العزيمه ..

ولما عرفوا فرحوا الا عمته .. سوت سالفه ومشكله وتهاوشت اهي وعمتي ام خطيبي .. لانها كانت تبيه لوحده من بناتها

لما عرفت ضاق خلقي وحزت بخاطري ان من اولها مشاكل ..

استخرت قبل الملجه وكنت مرتاحه و ملجنا وملجه تمت من غير حضور المعرس بحكم انه يدرس برا تمت عن طريق الفون يعني ورقه بس من غير تصدقيق من المحكمه لان ماصبروا لين يرد ويملجون ملجو ولما يرد بصدق الورقه من المحكمه ويصير فيه فحص الزواج وغيره من الشروط ..

حدوو العرس بعد سنه ونص على مايخلص دراسه .. الولد ماعرف عنه الا اسمه وبس ولو يمر جدامي ماعرف شكله .. !!

بتقولون غلط ومايصير و وين قاعدين ومادري شنو ..

بقول لكم عاداتنا وتقاليدنا تفرض على جذي وهو مو بديره عندي من ديره ثانيه ..

مرت سنه وصارت لهم مشاكل معا عمتهم عمتي ام خطيبي تتصل علينا بين فتره وفتره تشتكي من عمتهم وماشكلها وعمايلها فيهم .. ولو المفروض مادخلنا فيهم ومشاكلهم لان مالنا علاقه فيهم شي بينهم وبين عمتهم ..

مرت على هالسنه كلها هم وضيجه واحلام مزعجه مارتحت كلش وكله ابجي ومنعزله عن الناس ..

واتصلت عمتي بعدها عشان موعد العرس وقالوا للحين ماخلص دراسه قالت امي خيره في ماختار الله والله يكتب الي فيه خير وصالح لهم ..

وبهالسنه صار عندنا عزا عمي الله يرحمه و قبله عرس اخوي والي يتصل ويوجب امه بس خطيبي مايتصل ولا يسال ولا يوجب .. !!

استغربت يعني المفروض يتصل يعزي او يبارك بعرس اخوي حتى ولو عرس نسيبه تعذروا له اهلي قالوا عادي يمكن مستحي يمكن لاهي معا دراسته لا تظلمينه .. عديتها قلت يمكن لاهي بدراسه و مو فاضي ..

مرت سنه ثانيه وانا للحين حازه بخاطري انه مايسال ولا معبر اهلي ولا مهتم .. حتى بالمناسبات بحكم اهو بديره وحنا بديره مايشوفونه ابوي وخواني ..

وسكتوا عن موضوع العرس ماتكلمو فيه واحنا سكتنا لان عيب نتكلم وهم ماتكلموا ولا ردوا لنا خبر ..

تزوج اخوي الثانيه وسوينا عرس وهو على حاله خطيبي لا اتصل ولا بارك .. وعزمنا عمته الي متهاوشه معا امه لانها بنت عمي امي وفشله مانعزمها ولو ان مو من حبها لنا جايه بس نبي نهدي النفوس جدام الناس ومانبين لهم ان في مشاكل بينا ..

سلمت عليها ورحبت فيها مع ان نظراتها كلها حقد علي وهذا كله عشانها عمت خطيبي ومره كبيره اول ماسلمت عليها قرصتني قرررصه قويه على زندي قرصه طالعه من قلب لدرجة بقعت وصارت بنفسجيه ..

هديت العرس ورحت ابجي بغرفة التصوير ليش شايله علي هالكثر وتكرهني هذا كله نصيب ولو اهو يبي احد من بناتها يدل بيتهم ..

سكت ماعلمت امي مابي المشاكل ولا ابي اضايقها بروحها فيها القلب ..

ومرت السنه الثالثه والولد ماطرى له على الاقل يصدق ورقة الملجه بالمحكمه نفس الناس ولا يحدد .. وعمتي امه خفت اتصالاتها علينا ولا صارت تتصل حتى بالمناسبات ..

امي وصلت حدها من كلام الناس انقص وجها كل من سال ليش مخلين بنتج معلقه وماحددو للحين ولا تحركوا..

اتصلت على عمتي وقالت لها ترى الزواج مو غصايب واذا الولد مايبي البنت ترى الله بيرزقها وبيرزقه ماله داعي كل هالماطل وحنا اهل وماراح يتغير علينا شي اذا مايبي البنت يتكلم يقول ماني حاذفه بنتي عليكم ولا خليتها تسكن بديره وانا بديره الا من غلاكم .. وقعدت امه تتعذر وتحلف ان مو قصده وانه لاهي بدراسه ومن هالكلام ..

بلعناها وسكتنا .. وقلت يابنت اصبري ماورا هالصبر الا الفرج وان شاء الله الله بيعوضني فيه بعد هالمشاكل والصبر الي صبرته ..


طاحت علينا امي وتعبت هالسنه وقررو عليها عملية قلب وسافرنا ديرة اهل خطيبي لان فيها مستشفى متخصص للقلب والكل يمدحه ..

وقعدنا بالديرة شهر قبل العمليه عشان الاجراءات والفحوصات وخالات امي وبناتهم ماقصروا كانو طول الفتره معانا عكس عمتي ام خطيبي رفعت السماعه علينا مره وحده بس وبعدها ماسالت ولا اتصلت ولا حتى زارت امي بعد العمليه مع انه بيتها قريب من المستشفى ومع هذا ماكلفت نفسها تزور امي او تسال عليها ..

استغربت منها هالموقف ماسوينا لها شي يضايقها او يزعلها عشان تجازينا جذي .. والولد طبعا لا اتصل ولا سال او حتى يتحمد بسلامة امي ..


والحين بدش بسنه الرابعه واهم لاحس ولا خبر ولا حتى صدق زواجنا بالمحكمه وانا مادري شسوي مابي اضيع عمري كافي ضاعت 4 سنوات ..

بنات اعتبروني اختكم الاصغيره قولوا لي شسوي انا جد محتاره هذا زواج مو لعبه ومابي اضيع باقي عمري مع واحد مو حاط لي ولا لهلي اي اعتبار ..

افكر اطلب الطلاق لان الي هذا اوله ينعاف تاليه .. ومرات اتردد مادري شسوي احترت مابي اتطلق والناس تخليني علج بحلوجهم ولا ابي اسكت وتم معلقه جذي ..

والله احترت دلوني شسوي ..؟!

بنتظار رايكم ..


​

 

[~.ąvȍƈaȚ.~]

بصراحه السالفة من أولها غريبه !!

شلووون تاخذين واحد احس ماله وجوود كلش ؟!

حتى الشرع ما يرظى فيها ماني مستوعبه شلون ملجتوا يمكن الولد مو صاحي فيه شي مني مناك طريقة زواجكم بكبرها غلط بـ غلط

و والله مادري !! انا لو منج من ثاني سنة فاله منه !! كافي ان مو مصدق بالمحكمة

حتى لو انفصلتوا ما احس ان طلاق طلاق :\ !!!!!

سالفتج غريبه

الله ايسرها عليج انشالله و يفك عوقج و يوفقج

 

[توت و ككاو]

وااااااااااي انا مالي بهالسوالف تعور قلبي !

انا لو مكانج والله اشكره من اول سنه طالبه الانفصال مو عيب ولا حرام !!! والناس تدور اي شي حبيبتي !!!

ان شاءالله ما انطر واحد جذي على قولتج ينعاف تاليها !

وحبيبتي لا تمشين مع تفكير مجتمعنا القديم والله انت بتاكلينها -- نسبة الطلاق وصلت 80% واعمار صغيرة حيل ! لا تضيعين حياتج تنطرين واحد ماتدرين شقصته على بو خايفة ان احد يعطيج نك نيم !

ماتدرين وين نصيبج قلبووو والله -- سبحانه يوزع الارزاق

الله يوفقج يارب ولا تضيعين وقتج اكثر ياااا ايييي او لاااااااا 4 سنين واااااااااااااايد ! حييييييييييل وايد

 

[gogona]

ماااااادري بس خلي ابوووووووج يكلمهم عشان يحسمولج المساله والله يكتب الي في الخير

 

[om...al3ess]

امبية اشدعوة 4 سنيين ملجة شنو هالدراسة الي ما تخلص قوووليلا خلاص الشهادات الي بدنيااا خذيتها بس تززوج ::::الله يعنيج
انتي لو متزوجين من اول سنة جان الحين عندج ولد بيدخل الجامعة ..........................ولدج بيتخرج ووريلج ليلحين يدرس

 

[زهراء الركابي]

رد : تعبت نفسياً وابي حل لمشكلتي عفيه لا تخلوني ..

<<<<<<<< دايماا لا طول وقت الخطوبه تصير مشاااااااااكل المفروض اهلج من درو وراه مشوووووووار دراسه جان قالو له خلص دراستك وتعال يمكن بهالوقت جاج نصيب هني بالكويت احسن وجان تزوجتي بعد

لا انتي للسما ولا انتي للارض <<<<<<<<<<<

اذا مو مرتاحه من اولهاااااا فلي قبل لا تتزوجين وتكبر المشاكل والقرار لج حبوبه

 

[Un-6be3iya]

اكيد تنفصلين عنه انتي من صجج تبين تقضين باجي حياتج مع هالانسان ؟!؟!

الله يعينج !

 

[ريماس 89]

رد : تعبت نفسياً وابي حل لمشكلتي عفيه لا تخلوني ..

نصيحه مني لج ياقلبي كلمي ابوج او اخوانج يكلمون ابوه واخوانه يشوفون حل مايصير جذي واصلا عيب عليهم يقعدونج جذي ولا وموحاطين اعتبار وخصوصا اهو ربي يسهل عليج ويوفقج

 

[شاكيرا.]

رد : تعبت نفسياً وابي حل لمشكلتي عفيه لا تخلوني ..

الله يعينج

 

[funkia cool]

رد : تعبت نفسياً وابي حل لمشكلتي عفيه لا تخلوني ..

حبيبتي اول شي استخيري ربج بصلاتج وكلمي ابوج اذا كنتي مرتاحه قولي لابوج ليش طولو ولا صدقوا عالزواج واذا مو مرتاحه قولي هم لابوج انا مو مرتاحه بالوضع لازم ينحسم وشوفي راي وشور ابوج اكيد يعرف وادعي ربج حبوبه ويارب اتسهل امورج ولا تطوفينها وتخلينها للسنه الخامسه حراام هذا كله من عمرج

 

[Eva-SS]

انتي تقولين مو مصدقين الزواج يعني لو تنفصلين عنه ما تعتبرين مطلقه


بس غريب موقف اهله .. ليش جذي يتهربون وكل هالمواجيب اللي جتكم عزا وعروس ومرض امج وهم ما وجبوكم مثل الناس هذا ومابينكم وبينهم شي

 

[لبى حنانكـ]

هذا شكله ماعنده شخصيه !
وبعدين شهالدراسه اللي ما تخلص ,, الله يكون بعونج حبيبتي ومافي الا تخلين أبوج يكلمه يبي يحدد كل شي ولا يطلق !
وبعدين صدقيني حياتي هذي حوبة عمته ونفسها فيه لبناتها .!!
لا يماطل بعدين آخر شي يهدج ويمكن خيره لج هالتأخيره ..
الله يوفقج ويوفق بنات المسلمين .

 

[لؤؤؤؤدي]

بصراحه لو انا منج بكنسل هالعرس من اسااسه
ما صارت طول هالاسنين ماتفيج لج ايي ويخلص اوراقكم في المحكمه
اذا من الحين مب مهتم وش تنطرين بااجر وتلااقينه مغصوب

يبه من نفسج اطلبي الطلاق وكنسلي العرس قبل لايطلبونه اهمه وباجر يقولون احنى مانبي البينه
والناس بيزيد كلامهااا عليج وبيقولوون ليش مايبونها الحين اكيد في شي

الاحسن انتي تطلبين الطلاق وتكنسلين الموضوع ولوووهم متمسكين فيج صدقيني بيسون لج عرس في شهرين بس مب 4 سنين !!

ومثل ما قلتي أذا هاذي اولها ينعاف تاليهااا

واسمحيلي على كلامي وتعبيره انا كلمتج كـــ أخت مثل ماقلتي ^_^

 

[om-yousef]

برايي كلمي ابوج يحط حد للموضوع لان السالفه مصخت اربع سنينلو انه يدق ويوجب عادي نطريه خمس سنين
بس فوق شينه قوات عينه خليه يستريح

 

[مزآآجيه]

احنا عندنا المرة ما تشوف ريلها الا لليله العرس و هذا احنا ما شالله ريايلنا يحبونا و ماشين
لكن مشكلتج ما ادري كيف يعني لازم تبكروون العرس ...
كلمووو هل المعرس وقولولهم لازم نتفق ع العرس لان بينتنـا في ناس يبونها ..
قريبتنـا جذي 3 سنوات مخطوبه من دون ملجه خطبها ولد عمها و كلمو هل المعرس و قالو لهم تبونها ولا
بس الصراحه المعرس مواصفاته تستاهل احد ينطر عشانه

 

[قلـــ طفلة ـــب]

الله وياج

 

[قدها و قدود]

بصراحه لو انا منج بكنسل هالعرس من اسااسه
ما صارت طول هالاسنين ماتفيج لج ايي ويخلص اوراقكم في المحكمه
اذا من الحين مب مهتم وش تنطرين بااجر وتلااقينه مغصوب

يبه من نفسج اطلبي الطلاق وكنسلي العرس قبل لايطلبونه اهمه وباجر يقولون احنى مانبي البينه
والناس بيزيد كلامهااا عليج وبيقولوون ليش مايبونها الحين اكيد في شي الاحسن انتي تطلبين الطلاق وتكنسلين الموضوع ولوووهم متمسكين فيج صدقيني بيسون لج عرس في شهرين بس مب 4 سنين !!
ومثل ما قلتي أذا هاذي اولها ينعاف تاليهااا

واسمحيلي على كلامي وتعبيره انا كلمتج كـــ أخت مثل ماقلتي ^_^

صح كلامها

و الله يكتب لج اللي فيه الخير

 

[الـــغـــلآ]

رد : تعبت نفسياً وابي حل لمشكلتي عفيه لا تخلوني ..

لو انا مكانج استخير واطلب الطلاق مو سالفه هذه واضحه حركاتهم وصج ترا انتي مو املجه عشان يصير اسمج مطلقه راح يكون مجرد انفصال..
صلي واقري القران وادعي ربج ​

 

[أم علي الرفاعي]

والله ما يجوز


خلي الرياييل يتدخلون