كـــــيف نتـــجـنــب مــشاكــل الـخـدم

[عروس الكويت]

السلام عليكم




شلونكم يابنات






طبعا مافي بيت كويتي يخلو من الخدم


والجنسيات متعدده لكن تقريبا المشاكل وحده


للاسف مانقدر نستغني عنهم ابدا وهالشي مسبب لنا ضعف امام هذي الفئه من المجتمع

لاشك انه فيه منهم الزين اللي ممكن يطول في البيت الواحد اكثر من 10 سنوات

لكن للاسف نشوف نسبه كبيره منهم اصحاب مشاكل وبلاوي

نسمع ونشوف كل يوم بالجرايد انواع واشكال من هالمصايب اللي تصير في البيت الكويتي

وطبعا احنا ماننكر انهم بشر لهم حقوق مثل ماعليهم واجبات

ولكن يبقى السؤال شلون نتفادى مشاكلهم ارجو وضع حلول جذريه والتعاون من اجل ذلك​

 

[Leann]

هلا أختي
احنا هم كنا نعاني من مشكلة مع الخدم .. و يمكن الحل اللي اتخذناه ما يعجب الكل
يقولج المثل .. الباب اللي يجيك منه الريح .. سده و استخرح
احنا حالنا حال معظم الكويتيين بيت كبير و فيه سرداب و ديوانية .. الخ بس عشان اوضح لج الصورة يعني انه بيتنا يبيله وايد شغل
بس طول عمرنا كنا نطلب خدامه واحدة مع انه اصحاب البيت ٧ و لكل واحد منهم حمامه الخاص عزكم الله و غرفته الخاصة هذا غير الغرف المشتركة
و السبب لان امي الله يحفظها كانت شايلة اهي البيت .. اهي اللي تقوم فيه و الخدامه مجرد مساعدة فقط لا غير كانت الخدامة تشتغل ٥ او ٦ ساعات باليوم و احنا نقوم بالباجي
تعلمنا من الصغر انه نرتب فراشنا بنفسنا و الحمدلله انا عمري ٢٢ سنة و للحين ارتب فراشي و اغير الكفر و اغسل حمامي بنفسي
لكن مع هذا واجهنا مشاكل و المشكلة ما كنا مقصرين ناحيتهم ياكلون من اللي ناكله و يشربون من اللي نشربه و نعطيهم كل شي و كانوا على اتصال دائم باهلهم
من قبل ٥ سنين وقفنا خدم كلش و ما فرق ويانا لان كل واحد كان متعلم ينظف ورا روحه و يشيل وصاخته و الحين الحمدلله مرتاحين و الحركة بركة ماشاء الله لمن ارتب و انظف اي مكان بالبيت احس بالرضا و كاني مسوية رياضة ..
اللي تحس روحها تعبانة في خدم يشتغلون بارت تايم يعني اييون البيت فترة محدةة او ايام محددة بالاسبوع و يردون
و نصيحتي للكل لا تنطرون لمن الفاس يطيح بالراس وايد مشاكل قاعدين نشوفها من الخدم للأسف... ما فيها شي لمن الواحد يتعلم على النظافة من و اهو صغير و النظافة من الايمان و اماطة الاذى عن الطريق صدقة ..
و الحمدلله قدرنا نستغني عن الخدامه بكل سهولة .. اول شي راح يكون صعب لكن مع الايام راح تتعودين و الحين مو مثل قبل الحين فيه غسالة صحون و غسال ملابس و نشافة و كل شي مسهل ..

​

 

[كرز حالي.]

رد : كـــــيف نتـــجـنــب مــشاكــل الـخـدم

نتجنب مشاكلهم لما نحدد لهم وقت النوم والراحه ومانمد ايدنا عليهم جنا شارينهم بفلوسنا
ونقسم الشغل بينهم ونقولهم كلمة حلوه ولو شكرا

 

[ماكنتوشه بنفسجيه 12]

رد : كـــــيف نتـــجـنــب مــشاكــل الـخـدم

تكفوون ابي حلول اني اتجنب المشاكل تعبت من الخدم
وشر لابد منه

سبحان الله وبحمده

سبحان الله العظيم

 

[بحور الذكريات]

رد : كـــــيف نتـــجـنــب مــشاكــل الـخـدم

والله لو تعطينها عيونج
هم فيهم نذاله وخبث

 

[همسة دلال]

هلا أختي
احنا هم كنا نعاني من مشكلة مع الخدم .. و يمكن الحل اللي اتخذناه ما يعجب الكل
يقولج المثل .. الباب اللي يجيك منه الريح .. سده و استخرح
احنا حالنا حال معظم الكويتيين بيت كبير و فيه سرداب و ديوانية .. الخ بس عشان اوضح لج الصورة يعني انه بيتنا يبيله وايد شغل
بس طول عمرنا كنا نطلب خدامه واحدة مع انه اصحاب البيت ٧ و لكل واحد منهم حمامه الخاص عزكم الله و غرفته الخاصة هذا غير الغرف المشتركة
و السبب لان امي الله يحفظها كانت شايلة اهي البيت .. اهي اللي تقوم فيه و الخدامه مجرد مساعدة فقط لا غير كانت الخدامة تشتغل ٥ او ٦ ساعات باليوم و احنا نقوم بالباجي
تعلمنا من الصغر انه نرتب فراشنا بنفسنا و الحمدلله انا عمري ٢٢ سنة و للحين ارتب فراشي و اغير الكفر و اغسل حمامي بنفسي
لكن مع هذا واجهنا مشاكل و المشكلة ما كنا مقصرين ناحيتهم ياكلون من اللي ناكله و يشربون من اللي نشربه و نعطيهم كل شي و كانوا على اتصال دائم باهلهم
من قبل ٥ سنين وقفنا خدم كلش و ما فرق ويانا لان كل واحد كان متعلم ينظف ورا روحه و يشيل وصاخته و الحين الحمدلله مرتاحين و الحركة بركة ماشاء الله لمن ارتب و انظف اي مكان بالبيت احس بالرضا و كاني مسوية رياضة ..
اللي تحس روحها تعبانة في خدم يشتغلون بارت تايم يعني اييون البيت فترة محدةة او ايام محددة بالاسبوع و يردون
و نصيحتي للكل لا تنطرون لمن الفاس يطيح بالراس وايد مشاكل قاعدين نشوفها من الخدم للأسف... ما فيها شي لمن الواحد يتعلم على النظافة من و اهو صغير و النظافة من الايمان و اماطة الاذى عن الطريق صدقة ..
و الحمدلله قدرنا نستغني عن الخدامه بكل سهولة .. اول شي راح يكون صعب لكن مع الايام راح تتعودين و الحين مو مثل قبل الحين فيه غسالة صحون و غسال ملابس و نشافة و كل شي مسهل ..

​

أنا أوافقج 100%
شوفوا الأجانب كل شي يسوونه بروحهم ولو احتاجوا لخدم بس بارت تايم عشان مايكونوا جزء من حياتهم..لأن تخيلي وحدة شغاله معاج بنفس البييت كل يوم ليل نهار معاكم وتعرف كل شي في البيت يعني يعني أكيد بتصير مشاكل خاصة لو الخدم ما يراعوون ربهم..

أنا شغالتي بتروح عقب العيد وناوية أجرب هالمرة ما أجيب شغاله لأن أنا وريلي بس بالبيت وبحاول أجيب شغالة بارت تايم للتنظيف..
ولو عجبني الوضع خلاص ما بجيب خدم أبدااا..

 

[همسة دلال]

رد: رد : كـــــيف نتـــجـنــب مــشاكــل الـخـدم

نتجنب مشاكلهم لما نحدد لهم وقت النوم والراحه ومانمد ايدنا عليهم جنا شارينهم بفلوسنا
ونقسم الشغل بينهم ونقولهم كلمة حلوه ولو شكرا

والله حبيبتي فيه خدم تسوين كل هاي وأكثر وبعدهم ما يراعووون ربهم..
أنا كنت أظن نفسج ان الخدم مساكين ولو الناس تعاملهم عدل كان ما صارت مشاكل..بعدين لما جربت عرفت
أنا شغالتي معطينها أحسن غرفة بالبيت مع الحمام ومأثثة أحسن أثاث ومكيفة
وعندها راحة يوم الجمعه وأغلب أيام الأسبوع مرتاحة لأن أحنا اثنين بالبيت ودووم نوديها نزهات وسينما وكل شهرين أزيدلها الراتب عشان أشجعها تشتغل عدل ولا تعالي بعد شوفي شكثر هدايا نعطيهااا وطبعا مستحيل نمد يدنا عليها اللي يسوي جذي أعتبره مب ادمي... وأول ما تسووي شي زين نمدحها ونكافئها ..واتصال ع اهلها ببلاش كل هاي عشان نبي نراعي الله فيها ..والله شغالتي من كثر ما انا مدلعتها صرنا نحس احنا شغالين عندها!!! بس تعالي شوفي كيف شغلها .لا تنظيف تنظف عدل ولا طبخ تطبخ زين مع انها تعرف تطبخ وتنظف بس حسب مزاجها يوم زينة وعشرة لا..ولسانها شبرين ونص..وليل نهااار تاكل حتى واايد صارت متنانه مب مخلية شي بالبيت ما كلته:botetoo:..الشي الوحيد الي حلو فيها انها مب مايعة وصايعه وهالشي الي مخليني أصبر عليها..

 

[عروس الكويت]

رد : كـــــيف نتـــجـنــب مــشاكــل الـخـدم

up up

 

[RIHANNA_EYES]

المعامله الحلوه