بنات بنفصل الكورس الياي لحقوني

[toteyfroty]

السلام عليكم
بنات انا خريجة كورس اول والمعهد معطيني 3 انذارات رفع معدل وانا بالصيف ما وصل معدلي لي نقطتين يعني الكورس الياي انا مفصوله عفيا قولولي شنو اسوي اذا انفصلت الكورس الياي
وعلى فكره انا بالتجاري فعفيا الي تعرف اذا يعطوني الكورس الياي مواد اضافية ولا لا وشنو اسوي يزاكم الله خير

 

[(ملاك)]

رد : بنات بنفصل الكورس الياي لحقوني

صباح الخير حبيبتي انا بالتربيه الاساسيه موبالتجاري بس انا ادري انه قبل الفصل بيعطونج كورس استثناء واذا مانرفع المعدل تالي فصل وما ادري اذا عندكم بالتجاري كورس استثناء وانشاء الله اكون فدتج ....

 

[lilla]

لا حبيبتي انشالله ماتنفصلين لانه في فرصه استثنايه مستحيل يفصلونج من الانذار الثالث عل طول وفي بنات قاعدين يعطونهم فرصه استثنائيه اولى وثانيه اذا شافو معدلهم قاد يرتفع لا تحاتين حبيبتي واذا بدا الكورس الاول روحي سألي وانشالله خير

 

[toteyfroty]

بس بنات انا رحت حق الاخصائية بالصيفي اتقول ان حاطيلي بسستم اني مفصله الكورس الياي

 

[كنت هناك]

لا لا لا ماراح تنفصلين لان معدلج قاعد يرتفع ماراح تنفصلين لاتخافين راح يعطونج فرصة استثنائية واذا انتي خريجه كورس اول لازم تييبين بالمواد كلها أ او ب على الأقل عشان يرتفع ويوصل نقطتين انتي مثل حالتي

 

[كنت هناك]

والسستم يحطون لج انج مفصولة بس جذي يخرعونج لأن السستم مبرمج على ان اي طالبة معدلها تحت النقطتين يكتبون لج غير مستمر بس اول مايبدي الكورس والتسجيل راح يردونج لاتحاتين واستانسي بالعطله لاتشيلين هم

 

[أم حمد =)]

ان شاالله ماتنفصلين ..

 

[toteyfroty]

مشكورين بنات ماقصرتو

 

[عاشقهH]

الله يفرج همج وتنجحين ويشيلون الانذار هالصيفي يارب..
والله اعرف المحتاه اللي ماتعرفين شنو وضعج الله يفرجها عن قريب..

 

[toteyfroty]

امين يارب العالمين مشكوره حياتي عاشقة h

 

[يازمان العجايب]

حبيبتي اذا انتي خريجه الفصل الياي لج فرصه استثنائية
وراجعي الهيئة بالمسجل العام يشوفونج لان يسوون تحديث على البيانات

 

[toteyfroty]

حبيبتي اذا انتي خريجه الفصل الياي لج فرصه استثنائية
وراجعي الهيئة بالمسجل العام يشوفونج لان يسوون تحديث على البيانات

حبوبه يعني اروح الهيئه نفسها ولا بالمعهد نفسه

 

[واشوقاه]

رد : بنات بنفصل الكورس الياي لحقوني

روحي لهم وكلميهم لا تنطريين ..

وان شااء الله يعطونج فرصه ..

واتوقع يعطونج لانه صارت حق اكثر من وحده اعرفها بس اهما على مااظن بنفس الكورس راحوا وكلموا التسجيل بالكليه نفسها ..


ماادري عاد عن حالتج بما انج خريجه ..

 

[red berry]

رد : بنات بنفصل الكورس الياي لحقوني

مالج شغل بكلام التسجيل

انا صاار معااي جذي كملت بس الاعاانه قطعووها عني وللحين ناطره مادري شنو راح يصير
انشالله خير

 

[red berry]

رد : بنات بنفصل الكورس الياي لحقوني

وانا رحت العديليه قالولي لازم ترفعين لي نقطيتين ارتفع معدلي الحين بصيف بس ماوصل لي نقطتين

بس يوم دشيت الموقع شايلين الي كانو كاتبينه

كانو كاتبين الطالب مفصوول وغير مستمر في الدرااسه

وكل شي راح يبين الكورس اليااي

لاتحااتين مداام معدلج قااعد يرتفع


انا بكليه العلوم الصحيه