بقولكم شنو احلى شي شفته بالمعارض وانتو بعد شاركوني بالي شفتووه

[منانا]

عاد حدي متشوقه اروح معرض القادسية العام كان يهبل رحناله انا واهلي ورفيجاتي 3 ايام ورا بعض لوووول

كان فيه واحد عنده خووش عطور تهبل على 2.5 نسيت اسمه


ان شاء الله احصل فرصه هالسنه واروح


باجر انا مشاركة بمعرض برمادا الرقعي وراح اقوولكم شنو فيه اشياء حلوة بعد غير منتجاتي طبعا

الله يوفق الجميع يارب

 

[dectora 7elwa]

نا شفت دراريع للبنات للقرقيعان وااايد حلوين عند بيت 57بالروضه عند منال الدويسان
وحتا ملابس الكبار عجبه بس اسعارها شوي اعلى من اللي كان فبالي فما خذيت بس للامانه حلوين

 

[منانا]

حياج الله دكتوره




انا بااااااااااااااك


اليوم الله يسلمكم رحت معرض هلتون المنقف ههه هم بالصدفة كان على طريجي ونااسه


رفيجتي صارلها فترة تدور لبس قرقيعان حق ولدها بس ما تبيه غالي ومثل ما اكيد شفتو اسعارهم على 15 و20

المهم جان القى وحده اهي ومعاها اهلها صبي وامها يمكن مشالله شغل القرقيعان روعه عندهم والحلو ان لبس الصبيان على 5 عندها ووايد حلو حتى كل شوي اسألأها مو مصدقه ان بخمسه لان معاه جنطة وكبوس وموديل دشداشه على بشت ممكن يلبس الياهل تحته مكسر حلو وخذيته حق رفيجتي دزيتلها صورته





وبعد الي عجبوني اكسسوارات لبنان كنت شايفتهم بارض المعارض مشرف من فترة وما شريت بس اليوم لقيتهم وخذيت منهم حق ماما تستااهل وايد كشخه مشالله اكسسواراتهم

اما باقي الاشيااء خصوصا الهدووم واااااااااااااااااااااااايد خبه وغاليه انا ما حب جذي بس الي تبي هدوم فيها زحمة موديلات لقيت جم وحده عندهم جذي سوالف الله يوفقهم

 

[منانا]

مشالله المشاهدات 1032

والردود تنعد على اصابع الايد الوحده !!



يالله ما عليه اهم شي تستفيدووون

 

[ام الاموره]

بنات انا توني راده من السفر واحب المعارض حيل ماراح احصل معرض امبطل الحين ابي دراريع وبدل ماعندي شي

 

[SILVER ROSE]

شنو المعارض المفتوحة هالايام؟

 

[jana-nana]

كلش ما رحت معارض

 

[شيهانة الكويت]

رد : بقولكم شنو احلى شي شفته بالمعارض وانتو بعد شاركوني بالي شفتووه

السلام عليكم من وين شرت بدلة القرقيعان الصبيان ؟؟؟
مشكورة على الموضوع الرائع مبارك عليكم الشهر

 

[M!Ss Smart]

البنااات الي يدوروون الفنااتك بالملاافع


امس لقيتلكم خووش ملفع

3 درجات الوان تهبل بس مو مدرج الالوان مخيطه ببعض مادري فهمتو الي اقصده ولا لأ وخامته خفيفه وحلوة


المهم ومعاه وردة من نفس الخام وتقريبا ونفس الالوان الي تحطينها على الملفع صوب الرقبه او هم تقدرين تركبينها على بدلتج وتصير طقم

وايد عجبني بس توهقت بالالوان مادري شنو اخذ بس خذيت رقمهم

وسعره معقول ب 15

المعرض الي رحتله لقيته بالصدفه بجمعية الزهرا بجنوب السره

شوقتينييييييييييييييي على الملفع شكله عجيب ممكن تقولين اي حزه يبطل المعرض ولي متى في الصبح ولا بس بليل ومشكوووووره حبيبتي

 

[منانا]

بنات انا توني راده من السفر واحب المعارض حيل ماراح احصل معرض امبطل الحين ابي دراريع وبدل ماعندي شي

عندج وايد معارض مفتوحه

انا حاليا بعرض رممادة الرقعي بقاعة المباركية واظن في عرضين بعد بقاعة التحرير وقاعه ثانيه جنه

وهلتون المنقف على طول في معارض وفي اشياء حلوة

ومعرض مارينا قاعة سلوى الصباح نص رمضان راح اشارك فيه باذن الله بعد

معرض قرطية صالة سالم العلي

واعتقد بصالة القادسية كل مره يصير فيه

وصالة الزبن بالروضة كل مره يصير فيهم

غير معارض بيت 32 ومادري جم الي بالعديلية صايرين شكثرهم

وبيت ديفا ولاسدرة الي يم الاميري علطول عندهم معارض

وبعد واايد ما يحضروني الحين

مشالله وايد من جذي سويت هالموضووع علشان نحصر الاشياء المميزة بالمعارض

 

[منانا]

شنو المعارض المفتوحة هالايام؟

^^^^

شوفي الرد الي فوووق

 

[منانا]

رد: رد : بقولكم شنو احلى شي شفته بالمعارض وانتو بعد شاركوني بالي شفتووه

السلام عليكم من وين شرت بدلة القرقيعان الصبيان ؟؟؟
مشكورة على الموضوع الرائع مبارك عليكم الشهر

علينا وعليج يتبارك


شريت حق ولد رفيجتي لبس قرقيعان من معرض الهلتون ب5 موديل دشداشه على بشت يلبس تحته مكسر ومعاه جنطة وطاقية

اسم المره كفاح السعدوون شغلها كل سنة مشالله ممتاز واسعارها معقوله

اذا تبين رقمها باجر اييبلج ايااه

 

[منانا]

شوقتينييييييييييييييي على الملفع شكله عجيب ممكن تقولين اي حزه يبطل المعرض ولي متى في الصبح ولا بس بليل ومشكوووووره حبيبتي

مادري عن المعرض حبيبتي لان هالحجي من قبل رمضان

عالعموم انا ماحب اطوف الاشياء الزينه خذيت الرقم من الفلبينيه

دقي عليهم وقوليلي وين موجودين بلييز لان بخاطري اخذ واحد بعد ما شريت حق العيد :/

99668344
مشغل السرة

عجبني شغلهم ان الملفع بعلبه مرتب جنه ماركة

 

[مادرى شسمى]

موضوع حلو كنت ناويه ادش وافتح موضوع عن جولتكم اليوم وكل وحده تقول وين راحت وشنو شافت وسبحان الله لقيت الموضوع جاهز وموجود يعطيج العافيه اختى على طرحه


انا بالنسبه لى رحت امس بيت ديفا وبيت شرق كان فيه شغلات حلوه واليوم مريت الهلتون زحمه حيل ومافيه جديد تقريبا مكرر بس فيه بدل للبنوتات حلوه

 

[BURBERRy]

منانا


معرض مرينا مبطل لي الحين ولا مسكر ؟؟​

 

[منانا]

موضوع حلو كنت ناويه ادش وافتح موضوع عن جولتكم اليوم وكل وحده تقول وين راحت وشنو شافت وسبحان الله لقيت الموضوع جاهز وموجود يعطيج العافيه اختى على طرحه


انا بالنسبه لى رحت امس بيت ديفا وبيت شرق كان فيه شغلات حلوه واليوم مريت الهلتون زحمه حيل ومافيه جديد تقريبا مكرر بس فيه بدل للبنوتات حلوه

ماعليه سبقتج حياج الله الموضضووع موضووعج والعين اوسعلج من المكان حبيبتي

شنو الشغلات الحلوة الي عجبتك نبي تفااااااااااااصيل


في وحده بمعرض الرقعي ذكرتيني فيها تبيع هدوم بناتيه حلوة امر عليها بس ما سألت عن اسعارها بس لمحت عندها شغلات حلوة

 

[منانا]

منانا


معرض مرينا مبطل لي الحين ولا مسكر ؟؟​

ماعندي فكره والله حبيبتي انا حاجزة تاريخ 25- 26- 27 / اغسطس نص رمضان تقريبا ومادري اذا فاتح الحين ولا لأ

:s141:

 

[BURBERRy]

انزين جزاااج الجنه

ابي معرض هلتون فاتح ؟؟؟​

 

[منانا]

الله يرزقنا الجنه اجمعين يارب




اتوقع فاتح معرض هلتون حبيبتي لان تدرين موسم والمعارض مستمرة خصوصا بالاماكن المعروفه بالمعارض

 

[BURBERRy]

ماتقصرين حبيبتي

تسلمييييين

​