فزعتكم بنات أبي طريقة جيز كيك اللي بالثلاجه ضروري

["النووور"]

شلونكم بنات
عفيه صارلي مدة أدور طريقة الجيز كيك اللي بالثلاجه مالقيت شي عجبني
بليز اللي عندها طريقه امجربتها ولذيذه خل تكتبها
أبي بس طريقة الطبقه البيضا طبقة الجبن بس شي حلو ثقه مايفشل

ناطرتكم .. ثانكيووو مقدما

 

[MoonDiamond]

هذي تخصصي وسهله حيييييييييل

فالقالب متحرك
تحطين دايجستف مع زبده او تغمسين بالحليب عالسريع وتحطينه بالثلاجه دقايق


بالخلاط تحطين واحد ونص حليب خالي الدسم احسن
علبة قيمر
جبنة فيلادلفيا خاليه الدسم
6 جبن كيري
واحد جيلي الليمون
واحد كريم كاراميل
وجيس دريم ويب

انتي بس تحطينهم بالخلاط وتفجين الجياس وتحطين تدريجي جيس جيس واكيد الخلاط شغال
واخر شي نص قلاص ماي حار مذوبه فيه الجيلاتين بطريقه سريعه وتخلينه دقيقه بالخلاط

وتصبينه عالقالب

وتحطينه بالثلاجه مو اقل من 6 ساعات


سويها بالليل احسن

وقبل لا تقدمينها حطي على علبة البلاك بيري وشيلي القالب وقدمي

 

[MoonDiamond]

هذي بعض الاغراض عشان تعرفينهم بالصور


[url=http://www.nsaayat.com/up/] [/URL]

وهذا الجيلاتين

[url=http://www.nsaayat.com/up/] [/URL]

 

[gazaaaal2]

يعطيك العافية


بس ما تصير خفيفة او ثقيله


يعني تصك بالثلاجة ما تطلع رخوة

 

[Pink Lotus]

رد : فزعتكم بنات أبي طريقة جيز كيك اللي بالثلاجه ضروري



نفس طريقتي ..



..

 

[MoonDiamond]

يعطيك العافية


بس ما تصير خفيفة او ثقيله


يعني تصك بالثلاجة ما تطلع رخوة

بالخلاط بتكون سائله لا تحاتين لان الجلاتين بخليها تتماسك
وطبعا لازم تجربينها قبل ما تسوينها لاحد

وحطوها بقلاصات شكلهم ذرب ومره حطي صوص البلاكبيري والا اوريو والا صوص الفراوله والا المشمش تنتي وابداعج وبيطلعون وااو

 

["النووور"]

رد : فزعتكم بنات أبي طريقة جيز كيك اللي بالثلاجه ضروري

مشكوووووره حبيبتي ماقصرتي شكلها حلوه
أعتقد هذي الطريقه اللي أبيها
بس چنه الحليب شوي غريب أول مره أسمع اني أحط حليب بالچيز كيك
بس ان شاءالله بسويها اليوم بلبل أو باجر
وبحط النتيجه

 

[جارة القمر]

رد : فزعتكم بنات أبي طريقة جيز كيك اللي بالثلاجه ضروري

تفضلي طلبك

http://q8yat.net/showthread.php?t=199807

http://www.q8yat.net/showthread.php?t=613142

http://www.q8yat.net/showthread.php?t=500457

http://q8yat.net/showthread.php?t=458566