حيااااااكم بنات صور استقبالي بولدي حبيبي

[موله الكويت]

حبيبتي موله انا حاليا أراجع عند د. أمل عبدالعزيز بس قررت اولد بالهادي عند د. انيتا الهندية لأن خواتي يحبونها وايد ويمدحونها بكل شي بس مابغيتها لأن غرف الهادي تييب المرض !! بس الظاهر من صورج يددوا وصارت الغرف كشخة فقررت أولد عندهم
توني دقيت عالهادي قالو د. نادية مسافرة واحتمال ماترد!!!!
شرايج أرد على د.أمل ولا أروح حق د.انيتا؟؟
وتسلمين حبيبتي تعبتج بالأسئلة:eh_s(8):

هلا حبيبتي لاعادي بالعكس ..
شوفي اول شي غرف الهادي موكلهم جددوهم يعني في غرف للحين اتييب المرض وتلوع الجبد قديمه حيل وانا الغرفه الي حجزتها ليلتها ب 160 ومن الغرف الي جددوهم وبنفس الوقت في بنات حجزوا غرف ليلتها ب 160 بس ماتجددت عرفتي فدير بالج حرام تدفعين فلوس وانتي قاعده بالغرف القديمه وماشاء الله الغرف اليديده اتينن وانا احترت بصراحه شنو اختار فيهم ويومها الحمدلله كانوا فاضين هذا بالنسبه حق الغرف
اما عن الدكتوره صدمتيني ان الدكتوره ماهي راده ضاااااااااااق خلقي قاعده ادق عالهادي وللحين محد رد علي والله هالدكتوره فضيعه والله ادعيلها ليل ونهار وانتي اذا مرتاحه على انيتا وسامعه عنها شي زين خلج عندها انا بصراحه بحزه الولاده وداخل غرف الولاده اسمع البنات كلهم دكتورتهم انيتا يعني زحمممممه موطبيعيه عليها وحطي فبالج ماراح تجابلج عدل عكس ماتكون دكتورتج مومضغوطه وايد وراح يصير كل شي عالسسترات حتى يوم يفحصونج وبيقعدون اهم يجابلونج لين توصل الدكتوره انا عن نفسي سسترتين كانوا طول الوقت فوق راسي وكل مايفتح معاي الرحم سانتي او اثنين تصعد الدكتوره وتجيك علي وانا ولدت الساعه 12:25 الصبح واهي خلص دوامها الساعه 9 بالليل وبس فتح ماي الرحم 8 سانتي دقوا عليها ربع ساعه اهي فوق راسي لان بيتها بالجابريه والحمدلله ماطولت علي واهي الي جابلتني .. انتي استخيري وشوفي الي يناسبج وبصراحه انا ماعرف د. امل علشان جذي ماقدر احكم عليها
الله يسهل عليج يارب :yaaaaaarb:

 

[غضى]

حبيبتي مارديتي علي جم كلفتج الولاده مع سعر الغرفه

 

[موله الكويت]

حبيبتي مارديتي علي جم كلفتج الولاده مع سعر الغرفه

هلا والله حبيبتي
الولاده الطبيعيه 425 دينار مع الغرفه 480 دينار لان الليله ب 160 وانا قعدت 3 ايام بس لان ريلي بالدفاع فالهادي يسون خصم حق الموظفين بوزاره الدفاع 15% واخصمولنا من سعر الغرفه 90 دينار يعني طلعت علينا ب 390
وطبعا مع كل شي شامل الادويه والمختبر وابره الظهر طلعت علي 1200
وبس :wqedqw:

 

[(kaka)]

ماشاءلله تباركـ الله استقبال حلو الحمدلله ع سلامتك ومبروكـ ماجاكـ الله يخليه لك ويحفظهـ

 

[احلى ـآ وحده]

الف الحمدلله على سلامتج . .يتربى بعزكم ..